南小館 (已結業)

就算平日去食但都等左大半個鐘先有位。叫左鮮肉小籠包、牛肉麵同蝦肉煎餅。小籠包裡面嘅肉汁幾特別，但皮唔夠薄。牛肉麵，麵條幾彈牙爽口，牛肉夠鬆易咬開，湯底無驚喜，都係一般牛腩湯底，重味精。蝦肉煎底，外皮夠脆，蝦肉夠爽，但略嫌油左啲。整體ok，唔特別。

講明19:15入座，食1.5小時，正常20:45交枱，但係我地3個人20:00已經食完野（因為待應趕住收野），諗住傾一陣計，點知想舉手搵人加茶，侍應佢地全部當睇唔到，黑口黑面，最後我地20:20走（總共食左hkd400)我以後都唔會幫襯呢間野，大家都小心d

服務員質素態度差！！叫左野等好耐！！六點入座率不夠3成，下次決不會再來！！原本我係一個好平和的人，從來不會給食肆零售店差評，但係呢間鋪頭真係刷新我的下限，建議各位朋友唔好再來呢間！！旺角咁多選擇，呢間真係倒人胃口！！

今晚我們去咗旺角朗豪坊嘅「南小館」食晚飯！我們叫咗百步香蔥大餅係用一個小鐵鍋載著上碟，賣相都幾精緻，表面好金黃酥脆，餅質好香甜鬆軟，入面嘅餡料相當惹味同豐富！鮮帶子小籠包嘅味道都幾鮮味，湯汁都幾多，但皮就略嫌厚身咗啲，帶子有啲過咗火，肉質就「嚡」咗啲啲！水煮龍脷魚雖然好辣，但味道都幾惹味，龍脷魚嘅肉質好嫩滑！清燉牛𦟌麵嘅湯底味道都幾清甜，牛肉嘅肉質相當鬆軟嫩滑，肉味好濃郁，因為麵同湯係分開上，唔係一直浸住，所以麵質好煙韌彈牙，而且都幾幼身！排骨擔擔麵嘅排骨炸得都幾金黃香脆，炸粉唔會太厚身，肉質亦好鬆化，香辣嘅湯底味道好惹味醒胃！金網生煎鍋貼係將三隻鍋貼放喺網底一齊煎，賣相好特別，而且皮脆肉嫩，真係幾好味！甜品：麥提莎糯米糍咬開一半見到入面係香甜嘅麥提莎同煙韌軟滑嘅糯米糍，感覺好香甜惹味！香芒奇緣有香芒同蘆薈感覺好清新！椰汁紫米紅豆小丸子嘅小丸子相當煙韌彈牙，紫米同紅豆夾埋一齊食，感覺都幾特別，椰汁嘅味道亦唔會過甜！

係朗豪坊food Court見到呢間冇乜人，咪入去試吓囉，點知中伏了，雞絲粉皮，炒年糕好似用漿糊煮咁，黐埋一舊舊，仲鹹到不得了，小籠包啲皮厚到不得了，啲食物價錢仲好貴添，奉勸各位唔好入去食🙏🏻，否則好似我哋咁食到一肚氣😤

一向都愛南小館，原來朗豪坊4樓都有。生煎包是我最愛，這裡的都是熱熱的， 飽底脆脆， 唯一是湯汁比尖沙咀the one那間少d, 飽皮厚少少。都ok既。燉牛湯麵， 另1必食推介， 清清燉湯， 麵是幼幼軟軟的，4至5年件成吋厚牛，重點是好冧好軟，要燉好耐先有咁既效果。小籠包多湯，但比尖沙咀店的皮厚。而家夏日特飲買一送一， 玫瑰西柚梳打，意外好飲，值得一試。

今晚諗住出街食下飯，死揀難揀，揀著呢間野！叫左4樣野，前菜啦，唔記得叫咩名堂，7樣揀4樣，醉雞其中一件冇左一忽，啲雲耳又有少少酸左，其餘2樣過得去，蟹粉小龍包...咁難食都係第一次，塊皮又乾，裡面又冇湯！還有說好的蟹粉呢⋯⋯再黎怪味酸辣湯。蒜容白菜同水煮魚叫做正常少少咋，唔會再有下一次😤😤仲有衛生真係要攪攪佢！

南小館 --- 中式點心上海菜館在朗豪坊的其中一家菜館, 本來想去光顧那家意式還是法式的餐廳, 但選了這家不能訂位, 只要排隊就好的南小館.好吧, 就由前菜開始介紹吧!老上海酸辣湯~~~~ 不知是否湯煲太老了還是什麼, 其實既不酸也不辣啊. ^__^ 可能是為了迎合大眾化的口味??老重慶擔擔麵~~~~辣味不足啊. 但是~~!-- 綠色的小瓶 ==> 茉莉花茶凍-- 白色的小瓶 ==> 杏仁白玉凍-- 白色的糕點 ==> 桂花蜜粒糕-- 橙魚的糕點 ==> 細沙南瓜糰(基本上那幾個果凍茶凍就像布甸一樣, 很快就給大家完美的清理掉了!)這個南小館大部份的料理菜式, 就算比起FOOD COURT也都算是便宜, 而且地方寬敞, 坐位不會太擠擁, 3-5人來吃的話很不錯, 大家也知道份量都不太多, 如果人數多的話, 就不太適合到南小館聚餐了. 但就算一個人來, 只要吃一個豬排擔擔麵, 應該也很能令你的肚皮相當滿足的, 由其是在每一間都很昂貴食店的希慎廣場來說, 真是親切無比的食店啊!!!在樓下的誠品看完書.....不對不對, 是買完書之後, 來這邊吃一碗應該是能大

係朗豪坊行到兩點零有D肚餓，見到周圍都好多人等緊，唯獨是D間野冇人等，個門面又唔錯，就入去試下啦。一坐底個侍應就比左杯蕎麥茶我，之後食緊野其間都見到佢好勤力咁周圍fill茶。杯茶茶色翠綠，幾靚下，飲落淡香。叫左個排骨湯麵($55)同小籠包($42)好快就黎左小籠包，即刻趁熱食先，咬落感覺個皮厚左小小；湯汁唔算多，但味道幾鮮；餡料份量充足，口感味道都OK。排骨湯麵嘅排骨起左骨，之後醃過再炸，幾入味，但油左小小，炸過龍有D鞋口，但都OK嘅。個拉麵彈牙，但都係有D梘水味，湯底好清，清到冇咩味。總體黎講唔算好食，但又唔難食，冇咩特別咁，只係以後我會揀同層嘅池記唔會揀佢。

好耐無食過啦 今晚睇戲前速食估唔到間間餐廳都大排長龍之時南小館唔洗等 可以即入 不過限時1.5小時小食拼盤 口水雞 微辣 肉質嫩滑木耳帶點微辣 豆乾好入味 好食雞絲粉皮 粉皮同醬一樣略嫌太多⋯紅油抄手 唔辣 但皮非常薄同滑 味道好生煎包新鮮 底部好脆 中間勁多濃湯 正小籠包 沒有不叫的理有 皮薄涵靚排骨擔擔麵 辣辣的非常惹味開胃 麵條軟硬適中 排骨外脆肉軟 啖啖肉 略嫌雞排太肥 其餘的都好好值得一提 店員服務認真麻麻 尤其兩個男店員吹水多過食飯 上菜時仍然吹不停當中重要夾雜屎尿屁 到 底 想 點？！

假日去到朗豪坊12點幾接近1點揾地方食lunch，間間都排晒龍，見呢間即刻有位，即管一試店方採用自己tick點餐紙嘅方式，然後交比店員落單我地點左：口水川雞-好明顯係將個汁就咁林上去碟白切雞度，所以食時係個汁還個汁個味，雞還雞味，唔知想點帶子小龍包-皮厚，講完四川擔擔面-普通，無咩特別椒鹽豬手-overcook得好緊要，炸到豬手近黑色，干干地咁，睇見已經唔想食八寶醬拌麵-只有幾粒豆腐干同肉粒，或者係我自己理解錯左佢個意思瓜食物質素講完，到服務質素，大部分員工都係黑面，同佢地講野或佢地黎收碟之類都係唔會出聲應你嘅，咁整體黎講，就多數唔會再幫襯嘞。

做完運動餓到暈，但周圍都等緊位，所以見哩間唔洗等就入去。之前都食過好多次南小館其他分店，味道都唔錯。一入到去，原全無人招呼，同個waiter講2位佢冷冷望伙一眼指你去坐。都算，全程食飯，望住成班侍應三五成群圍埋傾計，細聲講大聲笑，d客無哂茶又唔針，枱枱都要催個侍應加茶。俾錢既時候又無禮貌，多謝光顧都唔識講，哩間分店既侍應真係要換過，番工唔係傾計玩架下嗎？講番食物小籠包個皮好厚，其他分店都唔係咁。入面湯唔多，味道平平正常。排骨擔擔麵，排骨粉厚，都算新鮮熱辣炸起，無乜味。擔擔麵湯底無花生香味，反面有麻辣味，唔係上海擔擔麵既味道。生煎包個底香脆，但係入面無湯汁，好乾。總括黎講，服務同食物都差！

一杯清茶開始下午時光，茶水每位 HK$6 @南小館 (旺角朗豪坊)* * * * * * * * *人生其中一樣可怕的事情是等待，尤其是在旺角鬧市人多車多的情況下不知如何是好，感覺像無處容身，今天因某些事情需等候朋友期間與另一位友人百無聊賴，靈機一觸選擇到朗豪坊的南小館補充體力兼打發時間。下午茶時段點了一些小吃，先發覺這裏的一杯清茶十分好喝，清幽淡雅，喉嚨十分舒服，整個人即時靜下來，值得。餐前小碟 HK$9/小碟 (1-4位)，香辣菜脯爽脆夠醒胃前菜、點心、湯羹、麵、飯、熱菜小炒、飲品等各大類，除普遍的小籠包、年糕、菜飯等，當中加入新元素如鮮帶子、黑松露小籠包，帶點新派，適合年青人口味手抓餅一客兩件(HK$28)，煎先得金黃微焦，外層熱辣辣又輕盈香脆，夾著麥粉的軟糯，調味也適中，只是比較油膩，成品似炸過多於煎，香口的不知不覺就完成一件，其實已相當飽肚。鮮肉小籠包，皮厚薄均稱，隱約看到內裡肉汁滿瀉鮮肉小籠包 (HK42)，端來時還冒著煙，熱騰騰的蒸籠內盛著，皮厚薄算均稱，外皮摺叠位水準平平，惟外型總算圓渾肥美，輕咬一口，內藏大量熱燙肉汁沿破口溢出，超爽，豬肉餡份量充足，醃味不俗，沒有臊味

Went there for a quick lunch. Except the host, everyone else were not very nice. If u say thank you to them, they probably won't even acknowledge you. Well, at least, that's my case. We ordered Dan Dan noodle with chicken and pork. They were both really average. The soup was really heavy on pepper corn oil. Nothing else. Noodles were soggy.We probably won't go there again.

每個小籠包的皮薄薄的，每啖咬落時湯汁非常多。肉和汁味道好鮮甜，肉餡都新鮮，口感很嫩滑。一籠有5個小籠包，啱晒二人世界，地點位于旺角交通非常方便，會繼續支持。俾5個讚讚讚讚讚……