光記食店

營業中

休息中

啫啫通菜牛肉煲，夠鑊氣，食到底都仲熱。味道適中，不過咸。通菜口感爽脆。椒鹽雞翼皮脆肉嫰。腐乳排骨有咸香，但我吃不出腐乳味，朋友倒吃出腐乳味。魚皮爽口。例湯足料無味精，家常味。

光記食店位置於第二街街尾小店林立嘅水街，從1990年由於原址重建，被迫搬遷，輾轉之下來到西環續業，由小小食店從粥粉麵檔改專攻鑊氣小炒的餐館。現址已經有十多二十年歷史，店舖門面招牌餐廳名同店內裝修都一樣有返十幾廿年前嘅懷舊風格。入到去餐廳望落去都係好似街坊熟客等等，大家飲酒食飯有講有笑好開心。🥰🥰🥰餐廳菜單除咗炒粉麵飯之外，撚手小菜牛雞豬貝類魷魚海鮮等等樣樣都有，冬天仲有合時羊腩煲添😍😍晚飯嚟到呢度嗌咗兩個小菜飲下啤酒🍻生炒排骨，冇錯係生炒排骨，鍾意啜吓骨飲下酒嘅我點先唔會叫返碟先，唔知點解出邊好多都淨係做菠蘿咕嚕肉，係咪因為怕客人麻煩所以咁？味道甜酸啱啱好夠開胃，排骨唔會炸到太乾唔會好厚粉😋😋😋😋😋椒絲腐乳通菜牛，牛肉唔會過醃頭仲有肉感蝦醬咸香味剛剛好😋😋😋😋😋整體食物有鑊氣味道啱啱好唔會太味精，價錢平種類多店員態度又親切啱晒我心水🥰🥰🥰🥰🥰，不過如果要食裝修嘅話就唔係太適合😌

The fried dishes here had enough 鑊氣 heat in the wok. The fried watercress with beef was nicely flavored, not too salty. The amount of beef was also generous.The sweet and sour pork was crispy and not dry inside. The taste of the sauce was just right. Also tried their steamed pork ribs which had a taste of home. Tender meat, real pork ribs with bones, and big portion.Overall there was very little MSG in the dishes. Fair prices. Staff were very friendly. Seemed to be a home run restaurant too.

在西營盤附近的街坊，大多都有聽過光記這名字。屹立不倒多年，店舖更擴充至三個舖位，容納更多食客。由於九肚魚賣光，便點了豉椒炒蜆，有水準，有鑊氣。我們想吃勝瓜，也想吃田雞，便膽粗粗一試問老闆娘能否煮一碟勝瓜炒田雞。老闆娘沒有多想，就很爽快的說OK。我們在等待的過程中，很懷疑這兩個配搭會否不match，誰知製成品非常有鑊氣，廚師更配上以一些配菜例如蘿蔔片，爽口鮮嫩的黑木耳等，非常好味，下次再來肯定會再點！

上星期晏食晚飯好多地方都收咗了，咁唯有去食大排檔啦，不過港島西又真係唔係好多大排檔，咁就去咗兜下，經過西營盤水街有一檔大排檔好多人食喎，仲可以泊架車係門口唔使驚抄牌，正！一坐低就見到好多人食啫啫雞煲同椒鹽雞翼，我諗都唔諗就跟人叫，因為我本身好鍾意食雞（唔係打機嗰隻喎)。坦白講啫啫雞煲好多的大排檔都有得食，不過通常都好濕，原因係爆得唔夠香又唔夠火候，雖然等左都一段時間不過見到佢哋個廚房啲炒鑊聲好猛喎，就估應該有返咁上下火候。個啫啫雞煲真係冇令我失望，炒得好乾身好入味蒜頭同薑蔥都爆得好香，啲雞切得細細粒好入味，仲要會有豬潤，最重要係唔係求其加啲汁落個煲到👍🏼我會比四粒半星⭐️之後嚟咗個椒鹽雞翼一上枱已經好香，原本諗住係普通嘅炸雞翼，點知竟然咁鬼入味飯都可以食多幾碗。我會比五星啊滿分！最後叫咗個蒜蓉白菜，唔使咁熱氣嘛～✌🏼

雖然我唔係成日食大排檔既人，但係呢間大排檔我真心推薦！呢間店我朋友由細食到大，佢最鍾意食佢地既椒鹽雞翼，話每次都可以自己食到十幾隻。講到咁好食，我呢個咁鍾意食雞翼既人又點會錯過呢😆今次同我朋友一齊黎，雞翼當然係必點！但係有時會好快賣晒架，所以唔想撲空的話最好就預先打電話黎留定。啫啫雞煲都好好食！好有鑊氣得黎但係d雞都keep都幾嫩滑，好惹味架！仲試左佢地既土魷蒸肉餅，好有屋企飯餸既感覺。本身仲想點聖子，不過因為我地得兩個人，所以叫唔到好多道餸，所以如果多幾個朋友一齊嚟食就非常好啦。據我朋友所講，不論係平日定係星期六日，佢哋都超多客人！雖然可能有時要坐得迫啲，但係咁先有食大排檔feel 架嘛！👍🏻👍🏻

好耐無寫食評，今日就寫篇真心推介嘅餐廳！呢度嘅小炒真係好高質架. 雖然地方窄啲，服務又唔係常常咁友善， 不過食物同價錢搭救一切。簡單一碟雞翼，皮脆肉嫩，咬落去仲有肉汁流出黎！煲仔菜一定係熱辣辣吱吱聲咁，絕無欺場。冬天黎食最開心。呢間係一間有心有力用心做菜嘅餐廳. 價錢又唔貴，幾十蚊一個餸，仲要咁高質，真係好少見。晚飯宵夜之選😎

去到西環水街，附近有很多不同種類的食店，遠看望見光記食店，感覺很街坊，便試下這𥚃的中式小菜。啫啫雞拼骨煲$85 - 煲仔內應該有雞，豬潤和排骨。但排骨是用一片豬扒切塊，並不是排骨，而且肉質好像用梳打粉醃過，雞件和豬潤都幾好味，但煲底勁多油。薑蔥魚雲煲$88-味道都幾好，但無乜肉食，而且煲仔很多油，覺得比較肥膩！薑蔥很多。例湯$15-例湯味道有老火湯味道。白飯$8還有一樣特別之處，阿姐叫我們自己落單，張單是我們自己寫的！

人情味濃，有回家吃飯的感覺，小店是家庭式經營，小炒王，用料足，好味！😋薑葱炒蟹，一絶！油泡田雞👍🏻👍🏻👍🏻，小店還會搜羅不同的海魚做蒸煎炆焗，我就選了豉汁蒸鷹倉😋😋😋

返回兒時經常出沒的老區西環覓食，這次要光顧的是光記食店。工作了一整天很累，很想來點脆香滋味的滿足一下口胃。我要了油浸筍殼魚，真係好好味！這魚配上小菜一碟，可口可樂一罐，每吃一啖，工作的心煩意燥伴隨著食物的咀嚼而慢慢減少。最後，食物吃光了，我也帶著平和的心情歸家去了。

石糖咀這家大排檔，細細個食到大，估唔到到今時今日，都仲可以用街坊價黎食小菜。當晚點了不少小菜，這兒有很多我也十分推介，不過海鮮因為是時價，所以也會比較貴，我也比較少叫。不過小菜方面，光記可以算是十分出色，而且份量適中，一家人，炒幾個小菜，就一餐了。沙爹金菇肥牛煲，一上枱感覺不欺場。份量十足，而且肥牛也十分多。加上香口惹味的沙爹汁，令人想加多碗飯啊！豆豉鯪魚炒油麥菜，這個炒得很乾身，而且爆香了的豆豉鯪魚是整個菜的靈魂，一定要趁熱食！最後這個是美國桶蠔煲，薑荵充滿著整個煲，放心，沒有蠔的腥味。而且蠔的份量有5,6隻, 什有鮮味, 而且也有無名指的大小，這個價錢是3個小菜中較貴的，不過我覺得也十分值！

光記，是我在薄扶林寄宿年代的飯堂，那時幾乎每日都來吃晩飯或者宵夜。它的小炒做得很出色，例如椒鹽雞翼、椒鹽豆腐、炒蜆等，都是我和宿友的集體回憶。上一次來已是數年前，可幸它仍在。這晚叫了幾個菜，有些是我的必點菜色，有些則是第一次來的友人所選的。蠔仔粥：仍像從前一樣連小煲上，很有風味。蠔仔又多又大粒，粥裡還有肉碎和冬菜提味，味道好之餘，最重要是依然是我喜歡和吃慣的味道。椒鹽豆腐：我的必點菜色，在我心目中是這裡的名菜。豆腐炸得外脆不油膩而內嫰且滑，還有一小碗淡蔥鹽水給點來吃。從前的炸豆腐是方形粗粒，現在雖然變成三角塊，但無損其美味，第一次來的友人也豎起姆指稱讚。白菜炒雞柳：我常點的菜色，可惜今晚並沒有我吃慣的白菜仔，雞柳炒得很嫰滑，只是味道鹹了一點，而且少些油會更好。魚頭煲：我不吃魚頭的，這個餸是友人的選擇，我覺得很香，不過友人説魚頭的鮮味不夠。油泡田雞煲：很久沒有在光記吃田雞了，這道煲仔菜上桌時香噴噴的，令人滿有期待，而事實上，每件田雞都掛著汁，味道很好，烹調的火喉亦剛好，令田雞腿的肉質保持嫰滑但又彈牙，吃得出是新鮮貨，連金針、雲耳、洋蔥和草菇等配料也十分惹味，這個煲仔菜算是驚喜。雲耳絲瓜炒

遊車河到西環，過左9點肚餓，就用Open Rice 的附近餐廳功能搵食，結果比光記「選」了我們。三間鋪都坐滿，幸好還有一張枱available, 所以 wait time = 0. Ordered 了三餸，最抵鍚係叫小油炒真係有做到。叫餐時服務一流，我們三樣餸分開三個時間來叫，waitress很有記性地followed up, 唔駛我地過隔離舖落單。不過餸到後，我們也被忽視了...Anyway, overall rating = good job. 食物很有街方風味，唔貴 --- 3 dishes, 2 bowls of rice, soft drinks, 埋單多謝$159. 生炒骨:  被推介的菜式有誠意，酸甜汁剛剛好，肉大塊又林又唔肥，份量亦算大碟，欣賞肉塊唔油同埋無比麵粉搶鏡。蠔餅:  剛剛食完陵發，所以呢度嘅蠔餅只算OK. 蛋多過蠔，蠔仔好細粒，不過都有D口感。用煎的方式而不是油炸，都算健康。四大塊我們二人都食唔晒！蒜蓉炒油麥菜: 原本想用沙嗲汁炒，但waitress 話沙嗲炒芥蘭「襯 」D喎。但不想吃芥蘭，所以改用蒜蓉炒，真後悔... 因為驚喜欠奉！下次會再去試沙嗲炒河！ 

今個星期真的有點很唔開心, 想起在菲律賓的事件 ~ 那失去了大部份親人的小女孩, 在未俾通知真相下還希望找尋兩親. 也有一位死了三個最親的人還尚有個生死未仆的兒子的太太, 同埋枉死在亂槍掃射下的受害者. 本來想寫些食評來忘記這些不幸的事, 但倒頭來心平未平服, 無能為力. 所以也不想寫太多, 大家看看 Photo Caption 算了. 唔好話寫, 就連食飯都無心機. 這間暫時在乎 3 to 4 分之間, 很難決策. 先俾住個 3, 下次再試後先調整.

上文提及(細佬)小寶寶要留院，位於第三街(方舟動物診所)，媽媽上午已在此伴箸他，我於四時許到達。爸媽一起為這少爺仔守候了一輪。六時左右來此吃煱蠔仔粥，一份白灼豬膶牛肉，一隻糖心皮旦，一支細啤酒。所有食物都有水準，只是心裏忐忑，說不出話來；同夜：於我們眼前，歷幾番搶救，最後(細佬)小寶寶真的離爸媽而去，上天堂了.........孩子，若果緣份真的能起作用，爸媽必定於來生再跟你們這班麻煩狗一起生活下去！