龍邦燒味小廚茶餐廳

營業中

休息中

食左咁多年，今日無喺個邊返工都專登返去買，真係好失望。落單兩盒乳豬三寶飯，要肥叉燒肉外賣。乳豬：兩盒都正常好食既叉燒：一盒正常唔肥既叉燒少少燶邊；另一盒頭頭尾尾又柴又硬，好似人地賣唔出攞嚟做叉燒湯意個啲叉燒，8年入邊喺龍邦食過最衰最垃圾既叉燒，直頭食唔曬要掉個隻。對一間出名叉燒既鋪頭真係做壞自己個名。 同時間買兩盒，質素可以差咁遠真係好出奇，想做壞自己個朵既最直接方法。燒肉：中伏，燒肉比沙莉篤，又柴又un，有豬臭味，又係要掉。我買得乳豬三寶都對個飯有少少期望，可能反差太大，專登都要寫編食評講返個現實出嚟，做起左個名質素真係差左好多。真係去呢間食，呢個質素周街都好過佢。

堂食叫咗乳豬三寶飯，原來係有飲品送，但落單侍應講都唔講。我見人地有野飲，睇餐牌先知原來係包飲品，再問侍應先幫我落飲品。三寶飯我揀咗乳豬、油雞，叉燒。食咗一啖我先發現原來個飯無油雞。再問侍應佢話俾咗乳豬，燒肉同叉燒我，因燒肉切到乳豬size, 同乳豬擺埋一切，又得嗰兩件，我真係發現唔到。但侍應走開咗，唔要跟進。然後，換了另一個侍應，佢又唔想處理。仲要乳豬只有皮和肥膏，肥膏至少有1cm 厚，似扣肉嗰種肥膏既厚度！點食？！侍應話豬有肥有瘦，呢隻係肥豬。我係點乳豬唔係肥豬呀！根本就似係廚餘！自問食過唔少乳豬，都從來無餐廳會俾啲肥到咁既乳豬我食囉！離晒大譜。最後，我嬲到想即刻走，侍應先肯死死氣俾番油雞我同唔計乳豬錢。我真唔明點解咁既服務質素仲可以客似雲來。我已好多年無再寫open rice 食評，呢間劣店令我不得不重出江湖。我拎願食白面包都唔會再幫襯呢間劣店。咁既服務質素，根本唔值得人去幫襯。

中上環早餐系列上環龍邦餐廳下一間燒味舖，燒味鋪做早餐，叉燒自己燒，同其他舖頭派貨叉燒冇得比！朝頭早八點經過上環對面燒味寶掛喺度嘅叉燒吸引住，即刻走過馬路睇睇，竟然有早餐食，雖然款式唔係多，但係見到其中一款係叉燒通粉，再望望佢哋吊起嘅叉燒，即刻忍唔住要入去坐低試試佢。一入去之前靚姐有禮貌地問我幾多位，即時帶位，坐低叫嘢食，可以將通粉改做公仔麵，叫埋杯凍奶茶少冰，等開餐。荷包蛋餐包凍奶茶一叫即到，正正常常，不過不失。很快，主角出場，蜜汁叉燒，鬆軟肉嫩，肥瘦均勻，蜜汁味出眾，沉浸於口中，久久不散，一試難忘，自家燒製同派貨始終有着天淵之別！😬食飽埋單，只收現金，咁啱身上帶唔夠錢，靚姐不但冇嫌麻煩，仲話如果帶唔夠錢，下次先俾都得，好耐冇聽過咁有人情味的話🥰拜拜

This restaurant is famous of the cha siu. But order something else🤣, we want to go for the pan fried stuff. Such as : Beef Chowfun, and pork pan fried noodles Tasty place, worth to try(Don’t expect service and the seats are tight, not too comfortable)間舖頭呢？無論晏晝或者夜晚下午茶，經常都拍晒長龍最出名嘅應該就係嗰啲燒味，因為個個人都係嗌不過呢我哋就叫咗叉燒，同埋試吓其他嘢，濕炒牛河同埋肉絲煎麵，叉燒確實係好好食，但少少甜味。至於兩碟炒嘢呢就好夠鑊氣份量都幾足！不過呢間嘢冇乜服務，你唔好有期望！

Have tried having their Cha Siu which was so good so I revisited, with a hope that the roasted pork will be equally good. However, it was such a disappointing experience😡The roasted pork was chopped in very thin slices and most of the pork skin was gone, this feels like some kind of food residue to me and I am pretty sure they would not dare to serve this quality of food to customers that eat in🤨

龍邦最著名的是其叉燒, 有說是香港燒味店中數一數二的, 對我而言水準就是可以, 半肥瘦叉燒有香脆的燶邊, 肉質偏爽彈, 不會柴口但也不太Juicy.這𥚃的乳豬反而有驚喜, 這裏的乳豬是店家自己醃好和燒烤, 不是由其他店加工的, 特別是新鮮出爐吃得出其熱和酥香, 外面的芝麻皮香脆但不會散開, 內裏的脂肪和豬肉結合一起, 甘香而不會死鹹蛋, 如此質素的乳豬不用點醬也相當出色, 只是起皮的乳豬當然較為精緻, 但作為功能性的燒味飯, 連脂肪合肉的版本才夠滿足呢!

成日見龍邦燒味勁多人排隊，諗住新年期間未有咁多人開工就去食下啦😬點知人多到爆炸，無論係外賣定堂食都係要等等等…好彩我獨自覓食，比較容易攝到位入座。待應忙到無停手，然後阿叔A終於得閒幫我枱人落單，可能我個飯字講得太細聲，阿叔A就唔耐煩問我要乜，所以再講多咗2次要飯。可能就撻著咗阿叔個澳牛mode ☺️🤌係咁ee um um 含住啖口水咁話「我哋有米粉、河粉、麵……」再嚟阿叔A好晦氣講咗句我完全聽唔到佢up乜嘅句子😳😳😳😳我下咗佢3-4次終於聽到，佢話「要等唔好催單，催單就走去取消」之類。係咪我有耳病🤦🏻‍♀️🤦🏻‍♀️🤦🏻‍♀️其實叉燒未出爐要等啫，你講咪得囉！唔等嘅客你就咪同佢落叉燒單🤦🏻‍♀️再嚟阿叔B送2杯凍檸茶上枱，話呢杯小甜，我都9秒9答係我嘅，佢又係勁晦氣回一句「咁你囉啦」。我坐係最外邊，你放咗係我面前，仲攞乜，你唔叫坐入邊個男人攞佢杯凍檸茶🤣🤣🤣我真係要爆了！叉燒係好食，好似係梅頭位。豉油雞正常發揮。燒味飯雙併加埋凍檸茶total $63。碟頭飯都算大份，上環區嚟講抵食兼好食。如果你唔介意澳牛服務，又或者enjoy 澳牛風格嘅可以一試。又或者你哋係一班大男人嚟食，啲阿叔都無咁串😬

早兩日喺上環睇完醫生大概11：30， 突然想食叉燒記得朋友介紹龍邦，於是行過去睇下多唔多人，其實都已經坐在七成食客！我叫左肥叉乳豬飯。嘩！叉燒真係好得，林、滑夠味又唔會太甜、肥瘦均渾、份量唔少。乳豬 OK, 但唔及叉燒出色！接近12：00已經坐左九成食客，所以我食完都即走！不過斬料師傅得一個，又有超多外賣，所以會等耐小小，大家要留意下！

唔跟單次序，又顧住做外賣，後面來的都食緊，跟本唔適合飯市去食，2:00鐘坐底下單，等40分鐘都食唔到，吹都冇用，飯市真系唔好幫襯，D態度系叫你唔等得就唔好去食，感覺超差，食碟飯姐，唔想睇人面色

呢間燒味長期lunch time都係好多人，我最鍾意同同事去食佢哋嘅乳豬三寶飯，可以70蚊又食到乳豬又食到其他三樣嘢，其中包括叉燒，燒骨等都係我嘅至愛，誠意推薦俾大家！

上環名物，龍邦燒味呢間出名就唔洗諗，問親所有中上環番工既朋友都識佢，唔識既就好打極有限啦。 每到食飯時間外賣落單都起碼半個鍾先有，再耐d 都試過等咁耐點解都係咁多人買？ 因為真係好好食叉燒斬得大大件但咬落有肉又唔肥 咁當然我係叫半肥瘦啦，加埋蔥仲正撈下撈下就食哂成盒飯大大盒叉燒飯都係$43 包埋紙包飲品簡直就係this this rice 之外既糧尾恩物啦我純粹分享我食左d 咩正野，呢間燒味真係長久的on my list

呢間都係🙋🏻‍♂️🙋🏻‍♀️好鐘意嘅餐廳 每次經過去食都見到好多人排緊隊啊🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️除咗小茶之外 龍邦🐲嘅燒味都好吸引㗎😋🇭🇰🇭🇰🍽️🍽️叉燒斬料🔪🐖 ($60)點解要食外賣 唔堂食呢？🥡🛍️因為堂食冇得斬料🔪 只可以叫叉燒飯🍚 但叉燒飯嘅叉燒就比較薄 同少啲汁為咗想食好厚肉 又多汁嘅叉燒🐖 就叫外賣啦🥡每舊叉燒口感啱啱好 唔會太淋 唔會太韌再加上個叉燒汁好好食啊😋🙋🏻‍♀️超級鐘意食叉燒燶邊 🙋🏻‍♂️每次都讓哂俾🙋🏻‍♀️食🤣有冇人都鐘意食叉燒燶邊㗎？蝦醬通菜炒鮮魷🦑 ($75)一打開個飯盒就聞到好香嘅蝦醬味啊👃👃通菜索哂蝦醬嘅味 好入味啊😋😋加上通菜好個好特別嘅地方 就係佢通心啊 所以啲蝦醬汁可以hold係入面🎁 包住成條通菜鮮魷分量都多啊🦑🦑 而且唔韌啊🙋🏻‍♂️好鐘意個蝦醬汁 用嚟撈飯一流啊🍚

中午排隊去食肥叉燒飯，需要飯係凍嘅，但叉燒算唔錯，所以外賣比屋企人食，打開睇吓，嚇一跳！話明要肥叉燒，但俾啲頭頭尾尾又碎又廋嘅肉，同佢理論，佢仲話係最好部分，離譜

我重來未試過買一個叉燒飯要等45分鐘，我當時係外賣冇人佢只係顧住做堂食嘅客人，我張單排到最尾，每15分鐘已經吹一次，但佢當我死嘅一樣，搞咗成45分鐘先出到個叉燒飯外賣，我一定會幫襯佢！成日喺度做世！做到好多人排隊咁！

呢間嘢，離晒譜。買一個叉燒飯排頭位都要等大半個鐘。如果你唔接受外賣早講，由無人等到一條龍，等咗半個鐘都冇，追完又追。追到你發火滾。原來佢只係serve入座客。話知你出邊條龍有幾長。佢係咪想代表佢好食，日日排長龍呢做個勢，話過以後唔幫襯。服務態度非常之差。