龍邦燒味小廚茶餐廳

營業中

休息中

堂食叫咗乳豬三寶飯，原來係有飲品送，但落單侍應講都唔講。我見人地有野飲，睇餐牌先知原來係包飲品，再問侍應先幫我落飲品。三寶飯我揀咗乳豬、油雞，叉燒。食咗一啖我先發現原來個飯無油雞。再問侍應佢話俾咗乳豬，燒肉同叉燒我，因燒肉切到乳豬size, 同乳豬擺埋一切，又得嗰兩件，我真係發現唔到。但侍應走開咗，唔要跟進。然後，換了另一個侍應，佢又唔想處理。仲要乳豬只有皮和肥膏，肥膏至少有1cm 厚，似扣肉嗰種肥膏既厚度！點食？！侍應話豬有肥有瘦，呢隻係肥豬。我係點乳豬唔係肥豬呀！根本就似係廚餘！自問食過唔少乳豬，都從來無餐廳會俾啲肥到咁既乳豬我食囉！離晒大譜。最後，我嬲到想即刻走，侍應先肯死死氣俾番油雞我同唔計乳豬錢。我真唔明點解咁既服務質素仲可以客似雲來。我已好多年無再寫open rice 食評，呢間劣店令我不得不重出江湖。我拎願食白面包都唔會再幫襯呢間劣店。咁既服務質素，根本唔值得人去幫襯。