火星料理 (觀塘)

周一試新野，來到了MARS MENU 看餐廳名字完全不知是韓食，但見有店員在街上猛派傳單，烈日當空也就試下無妨。

環境 ︰ 好熱沒有冷氣，只有冷風機，分開2間房，只有數張桌子，環境頗為狹小

午市餐牌選擇 ︰夠晒多，底面兩頁，有選擇困難症呢！服務 ︰ 很一般，店員聚在房子外邊，要叫幾次才有人前來，另外，食物到了的時間，反映食物味道太淡，似沒有落鹽，店員竟淡淡然︰「出左咁耐都無人咁講過架噃！」完全沒有意欲試下味、了解下，就行開去！ ，態度不好令我熱血男同事反擊她︰「咁耐都無問題唔代表現在無問題！你也可以試試味吧！？」 店員最終也沒有處理，不了了之，要改善！

食物 ︰蛤蜊牛肉海帶湯也是忘記下鹽，說好的蛤蜊變了青口，不吃青口的同事仔扁晒咀....海鮮純豆腐辣湯，以為好穩陣的食物，竟然可以淡而無味，賣相味道都似隔夜番叮食物！失望之極！

除了說好的蛤蜊變青口，說好的雪糕也變了雪米糍

食物選擇多還不如專心做好幾款儲返頭客吧！

巨一麵堂 (佐敦)

見網上食評大多為讚的，
心想也不會差到那裡，
因我只想吃一碗正正常常的拉麵。

問店員有什麼推介，
說是牛舌拉麵
於是叫了牛舌鹽味拉麵
湯的味道像是蔥花鹽水
牛舌也沒有特別之處，不見特別美味，
半熟蛋也是平平的，
整碗麵也就是平平無奇，

這樣的質素跟標價不乎，不會再光顧了，有點中伏的感覺。

Amore di Italian Restaurant (銅鑼灣)

難得7個姊妹齊腳，兼賀一賀其中一位姊妹再做媽咪，另一位姊妹再一下個月生得，找了一間網上食評大好的餐廳。

大家事忙，約7時30分，約近8點先齊左3個姊妹，大家都叫左3個course的晚餐，早到者想上住前菜食住先，但問題就來喇，我地見人地有一兜兜麵包，於是叫店員比我地，佢都答︰"得得得！" ，過15分鐘都未有，於是再問，店員就話︰"廚師整緊呀，等多陣啦！" ，40分鐘過去，隔離二人檯遲過我地都有麵包吃得津津有味我地都未有，結局在近50分鐘的光景，約8點半，7個姊妹都來齊啦，足足1個鐘多D我地先有麵包，仲要係出口3-4次催才有！Why?

可能大家會諗，麵包啫！使唔使狂催呀？問題係有大肚婆在，佢足足等左差不多70分鐘三催四請先有麵包！有無搞錯?common sense is not common? 遲來先有麵包，應該是送錯檯，送錯唔緊要，但係店員不了了之的態度令大肚婆嬲左！真係太過份！

先來一輪惡劣的服務，再講講食物，水方面係一定要你開distill water，不提供tap water, ok，7個人開左2大支都無問題，問店員拿熱水，佢真係比一杯100度的熱水，問你點飲好呢？
講返食物，真係唔錯的，不過上菜的速度真的太慢，又是要等的！基本上幾個主菜水準都好好，份量也足夠。
叫了羊扒，7成就是7成，羊扒林滑，非常美味，嗜羊者如我大愛。另外試了黑毛豬，啖啖肉，很JUICY，煎得恰到好處，另外試了大蝦意粉，蝦夠鮮，炭火燒過，夠晒原汁原味。食物質素很好，
是整個晚餐最好的地方。

我地叫左3個course的version, 沒有餐飲，是食物"美" 中不足的地方。
3個course $3xx
4個course $4xx
5個course $5xx

我地叫3個course的version , 計埋distill water 之類再加一，埋單一人$470… 貴左DD，加上服務茶餐廳水準..，不推薦

Shabu Sai (沙田)

懷著極大期望來試Shabu Sai, 見到門面好開心！因為間店舖好靚好日式。12點半左右只係入左3成客人，可能係weekday之故？

唔明點解個reception姐　一定要我地幾個企在front desk 落晒單先比我地入座，間店舖裡面大排位，點解唔可以安排入座才慢慢點？不解！

我地5個人都叫左配1碟肉的餐，其他配菜任食，等候湯底期間已經衝左出去自助區搵食，個自助區display得幾靚，但野食選擇不是太多，而且每個碟/碗都好細，如果同一時間有三個人出去就已經夾晒d食物咁滯，等refill又太慢，想吃多些菜的我，９０分鐘裡面只有有幾會refill左1次咁大把，吃了兩"住"菠菜。

等左10分鐘不夠，肉來啦！吓？？？？我嚇到呆左！付出近$100大洋你比d 咁嘅野我食！？
有圖有真相！好失望囉！有無搞錯，牛肉薄過紙！衰過我在凍肉舖買的！想點？shabu shabu店不是吃牛肉的嗎？竟然可以出d 咁的質素的東西！好好好失望！再加上個幾款湯底全部一樣味！要自己加大量番茄入去煮先叫做有些味道！

起初見間店舖裝修好靚，想必食品都有番咁上下，但原來個收款去晒個裝修到，好唔ok！永無下次！

墾丁茶房 (油塘)

 
已經不是第1次來此店吃飯，第1次吃"墾丁"是在mega box分店，食物很不錯的。油塘分店初開業時常來光顧，但後來轉戰老公大人最愛譚仔少左來。

今晚同朋友一齊再試，坦白講，吃完這此短期來都唔會來啦。

套餐二人餐有$168/ $198，兩個人都唔係太肚餓又好想吃台灣野，於是叫左兩份牛肉麵，再叫左一個小食三併: 涼拌青瓜、口水豆腐、麻油黑木耳 , 涼拌青瓜係用大量白醋去醃，喜歡酸味的我覺得ok，口水豆腐個汁係麻辣，我就ok，友人就覺太辣，吃了一口已吃不下去，麻油木耳ok正常，幾爽口。再來就係等左都幾耐，超過20分鐘的牛肉麵，散叫的份量都係縮晒水，好在我地唔肚餓，味道方面，同去台灣食的街檔牛肉麵無得比，濃度、牛肉鮮味，湯頭都係稀釋左40%的，不過不失啦。最令我 O 晒咀的是兩杯原本"無得輸"的台式飲料！ 我叫左凍香芋珍珠奶茶，朋友叫左熱珍珠奶茶，大口一飲凍香芋珍珠奶茶，可以話係完全無香芋味！係要在"回甘"after taste裡才尋找到少許香芋味！搞咩呀?！又淡又無味！問下友人杯珍珠奶茶，珍珠得6~8粒，佢話過可以，於是我叫個侍應姐姐埋來想換杯穩陣的熱珍珠奶茶，侍應姐姐反應令我吃驚，佢話" 唔換得架噃！你lee杯$21蚊，我要自己掏腰包拿錢補返個差價…" 我當堂O 晒咀，佢講的粒粒字我都明，但變成句子我就唔明啦， 套餐要轉都可以，何況我係 a la carte叫! 大家dead air左5秒，佢話要問經理，轉個頭佢又無話換唔換得，就將一杯熱珍珠奶茶放左在隔離檯(我地兩張2人檯拍埋一齊的)，隔離檯大叫︰"我無叫噃！" 個侍應姐姐即刻一個斜bear我，示意杯熱珍珠奶茶係我！於是我伸手去人地張檯都攞，一飲！可怒耶！竟然係我以前朝朝早都飲的三合一奶茶？！！太過份！咁點解我要去餐廳飲？！我行多兩步去su pa de pa 裡面那間貢茶買來飲無咁嬲！食物、服務都大幅度下降，短期內都想唔到再來的原因！