木槿韓國料理 (紅磡)

專登入紅磡食雪糕，食完順便搵間餐廳食晚飯！見到呢間就入黎試下! 諗住韓國野唔會差得去邊....
入到去成間野冇人.......
叫左石鍋泡菜炒飯，嘩，泡菜唔會衰得去邊掛？個飯點解可以完全冇味？？得微微辣味，即係白飯加d辣粉........寡過寡婦！衰過齋食白飯....


叫左個牛肋骨，還可以！叫正常，可以用黎送個冇味紅色飯！



叫個煎蔥餅，一黎到.....救命！

白麵粉加蔥落鑊煎呀？見到已經唔開胃...食落口，完•全•冇•味！我以為我食緊擦膠！
仲要食左一陣個侍應先話唔記得俾個汁我

個汁勁咸.....

乜料呀？我思疑個廚師係冇味覺嘅！如果唔係可唔可以叫佢一個星期食返自己煮嘅嘢？如果佢覺得冇問題就證明佢條脷係好有問題！

唔怪得間野冇人....都唔係人食嘅！七月流流我係咪撞野？

Honey Granny (紅磡)

我係一個奶茶同蜜糖lover!!! 當知道有奶茶雪糕同蜂巢當然好想試！加上我未試過蜂巢，覺得好得意，所以好想搵日去食！終於有機會今日去食，晚上7點幾黎，有一班人已經係門囗，不過唔駛等好耐就可以order! 

個奶茶係午後之紅茶味道....好味不過我覺得甜左d...同埋好細杯！蜂巢好得意，食到濃濃蜜糖，冇哂味之後好似嚼蠟，我連埋d雪糕吞埋！
其實係幾得意新鮮，不過試一次就夠，亦唔平，我寧願食份子雪糕！

Liberty Exchange Kitchen & Bar (中環)

跟一班姊妹們晚飯，朋友本想訂Linerty Sone Oven Pizza, 但原來只得外賣所以訂呢度，以為都係一樣！
去到渣打對面個門口，好多人飲緊酒好似開party咁，穿過佢地入去，係Bar, 原來姊妹book的係樓上餐廳！
我地叫左flat bread, 份量勁細呀！不個好好食，如果有多幾塊flat bread就好啦！

叫左牛肉他他加碎蠔 ( beef tartar, chopped oyster, truffle and mayonnaise) / 蟹肉牛油果（crab and avocado pâté, Thai chili, coriander chutney) / 蘑菇忌廉麥片 (cream polenta, caramelized mushroom, crisped Parmesan) ！3個醬都超級好味！
仲叫左薯仔，好惹味！
 

另外仲有西蘭花，偏咸！
個青口完全唔新鮮！苦的！
個Pork belly 細過一件tiramisu.......不過好脆好好味！

呢度d野食分量好小，應該係佐酒為主！反而下層bar有burger等飽肚野食！所以岩飲野傾計，食晚飯就唔岩啦，我同d姊妹食完要去吉野家隊返個飯先飽.......

肚餓了串燒烤焗專門店 (尖沙咀)

星期五晚同朋友去尖沙咀行街食飯！Happy Friday 尖沙咀好難搵位，就算有位又唔坐得耐，去亞士厘道附近見到呢間新開餐廳，冇咩人，我又鍾意食焗飯串燒，一試冇妨！
首先睇小食，見到有芥香昆布條，叫黎試下！


酸酸地又有芥香，最好係唔攻鼻！好開胃！

叫左串燒，有鰻魚，粟米，豚肉串，燒蠔，唔係等左好耐，粟米同蠔都好甜，鰻魚同豚肉燒得惹味！好味，不過分量一般！



推介蒜香茄子，原條茄子加足料，超好味！


除左串燒，見到有焗冬蔭功黑豚肉！焗冬蔭功汁好特別，唔係度度有得食，所以專登叫！

連焗餅皮正！一打開，掛住食冇影入面！冬蔭功汁微辣帶酸，十分香！十個讚！豚肉夠淋同入味，餅皮可以點d汁食！

仲有個叫破殻肚餓鳥，侍應話焗燒乳鴿，未見過所以叫黎試下

乳鴿脆皮，肉唔會太乾，好味！

成餐都好滿足，一路食一路傾！最驚喜係飲品除了汽水仲有鮮奶忌廉！有d新意！

呢間餐廳水準ok! 菜式有新意！如果d椅可以舒服d就更好！

玲瓏小鎮 (大角咀)

喜歡這種街坊食店，沒有華麗裝潢，非常平實，價錢實惠！
已經來過數次，每次也很滿意！只是有點奇怪它像是上海菜館，但又有韓式石鍋飯!? 不過我上次點了泡菜炒飯，十分好吃！

今次點了豬頸肉和回鍋肉飯，豬頸肉入味又爽脆，不死咸油膩，推介！
回鍋肉飯很有家庭式的味道，不錯！


下單和捧餐只有一個老婆婆和嬸嬸，完全聽不懂嬸嬸說的方言....