一口烘焙 (太子)

由太子行過去, 本來係去別一間面包店, 但係我星期日下午去, 好多人, 試左一小舊都唔係好特別, 所以就行遠D, 試呢間啦

呢間唔係平日A-1果類店, 似DELIFRANCE 多D, 不過好細架咋, 有幾個企位

有好多PANINI, 牛角包, 意粉等等, 比起同類店我反而覺得佢又平又多款, ($18/19 - $28/29) 味我就唔知, 今次冇試, 講返我試過架啦!

一口SIZE小批, 5個$15
三文魚: 好大舊魚!/ 芝士 及 牛: 好味但唔太特別/ 豬肉: 呢個勁, 簡直係MINI板SAUAGE ROLL, 俾pacific coffee / starbucks 賣緊既都好味, 調味特別, 但又唔太重, 仍可以食到幾新鮮既肉味, 冇肥膏/怪肉粒, 正呀! 粒肉仲要好大粒, 唔係一抺肉碎咁, 仲有一個味但係我唔記得左好似係菇, 都幾好味既。

大批(約$9-15)
雞批: 本身唔係好仲意食雞批, 但係呢個都唔係好漏
泰批: 個批面好靚, 精緻, 有D紅色粉, 食落竟然都有平日食泰菜既味道, 好得意啊! 都幾大個當晚餐都飽

OVERALL: 大細批都好, 係我食過咁多件裏面最唔油, 但又唔乾仲有少少脆既一間, 超水準, 如果熱既可能重好味,
我地加左$10左右變個下午茶, 有杯mint coco frappe, 都好味但太多冰, 啜兩下就冇味啦。

雞批個兜, 食完個底見到 '蛋達王'個logo! 我幾年前食過但印象唔深, 我估未必係同一集團, 可能係用同一間'兜'公司吧!

Olive Cafe (荃灣)

第一次食OLIVE, 之前以為佢係DOUBLE STAR呀, SUKIE 個類所以冇乜興趣試, 經過呢間係門口見到幾靚, 就入左去食勒

1/ ASSORTED 包 X 2 : OK, 油醋由待應加, 都好, 新鮮D又唔洗自己添
2/ 頭盤 X 1 : PEPPER半生吞拿魚+沙律菜: 都唔錯
3/ TRUFFLE + MUSHROOM PIZZA X 1: 好囉! 我地不時出街食飯, 叫親黑松露食品都冇黑松露既味道, 呢個就好濃啦! 仲係我地最鐘意既薄底, D 菇亦好新鮮, 好味道!
4/ 黑松露釀春雞 X 1 : 入面有芝士, 有D 黑松露, 雞肉有少少乾, 整體黎講都有黑松露味, 而D材料互相都幾夾, 但內內外外都略為乾口左D
5/ iced coffee X 1: 佢用LAZZ???? 個隻咖啡, 好好味呀
6/ Cocktail 買一送一我地要左杯PINA COLADA同埋FROZEN STRAWBERRY 唔知乜, 個PINA COLADA超好味但係個士多啤梨就係藥水味

想食甜品但係太飽, 下次啦!
同埋間餐廳服務好好呀, 俾到人少少FINE DINNING既感覺添尤其是個經理同埋一個女待應。
Ｄ位座滿既話都迫架，枱真係偏細，不過我哋去嗰日就7成滿所以唔係問題

甜品叔叔 (太和)

2個人好飽先店內唔多人, 就走入去2個人分一個甜品, 快快食快快走唔左人做生意~
好彩店方都冇唔鐘意我地只點一個, 嘻嘻

要左個凍既榴槤椰汁黑糯米oh! 我仲以為係有兩小舊榴槤肉咁, 估唔係榴槤蓉, 份量好大方添, d榴槤蓉既味同質感好似聰嫂既榴槤水晶珠, 混住ｄ打得好碎綿綿既冰粉，太好啦, 我成日想食但係將軍澳太遠啦!
咁既配搭我都係第一次食, 椰汁亦都濃淡適中, 食到最後乾左ｄ，少dd黑糯米多dd椰汁就好勒。

晴苑泰國菜 (大角咀)

3個人, 食左:
1/ 海南雞併豬脾飯: 2種肉都好唔錯, 尤其是豬脾, 我地個份有好多皮, 冇肥膏, 唔會係一舊廚餘咁, 厚薄有致, 唔會咸得過火, D肉都唔會柴皮咁
2/ 生蝦刺生: 係餐牌揾唔到就問下, 有喎, $88, 8只, 細細地, 我本日唔係特別仲意呢味, 但係家人都一致叫好, 的確佢又唔會好似之前食過嗰D咁'潺潺'地。如果蒜片切得薄D就好勒
3/ 脆皮燒肉: 呢個好特別, 好似炸/焗過咁,鐘意食脆口野要試下, 夾起黎睇仲可以分明咁見到5層肉! 美中不足係佢冇左燒肉既獨有味道, 唔知係咪因為炸過呢? 同埋佢碟野好細心呢放左好多菜絲墊底, 食玩炸野我地其實好想食D生菜中和下, 但係我地唔知係重覆用既裝飾定係食得既, 最後都係唔敢食, 好浪費, 如果佢上碟個陣同我地講食得/ 俾小碟泰式酸汁俾我地撈下就好啦。
4/ 辡膏炒牛河: 我地叫走辡, 果然唔辡! 非常咁好味, 主要係個醬味道一流。

店內老中青個個都好有禮貌, 唔係機械人嗰種, 漏左單好少事啫個染髮哥哥仔主動走過黎同我地解釋say sorry
不過佢有d套餐包餐飲, 有d就話包餐飲但係任何飲品都要加$, 亂左dd

black n white (大角咀)

我地9點半開始等, 前面有5個人, 10:30pm入到去坐
食左:
1/ Sinking Island: 好漏好漏, '確' 住個喉嚨, 由於太甜太漏, 杯嘢同朱古力醬差唔多, 唔會食到朱古力既質素
2/ 熱情果焦糖布甸: 因為芝麻焦糖布甸嗰個冇晒, 唯有要呢個, 好彩幾好味, 放上面個雪糕+餅乾粉同個布甸好夾
3/ 芒果朱古力三重: 有2小舊朱古力蛋糕, 個皮脆既幾好味, 但內裡既蛋糕就好流, 普通貨色, 中間有D個芒果雪葩, 都係普通雪葩咁既味啦, 呢個一般啫
4/ 朱古力DOME: 佢好似有伯爵茶味既, 不過太弱所以我只可以話佢係一個朱古力dome, 裡面係mousse, 加一球雪葩...由質地至味道, 都只不過係略為好過美x呀, 東海x呀個d少少咋喎.....又或都咁講, 比3星級自助餐好少少咁...

3 個人盛惠$240!
唔會再去勒, 因為
1/ 一來平均$70+ 一份甜品, 我要求係要好好味既, 而唔係只係靚 (佢每個都做得好靚係真既)
2/ 又係等位既問題, d客係裡面個杯同碟都吉左成大半個鐘, 個個係度自已玩電話, 但係門口勁多人排隊, 好討厭
3/ 間舖有近28個位, 我地嗰晚門口有成廿人, 但係店內由初初滿晒到唔足10個人, 一店都係位但就係都唔放人入, 感到好似俾佢當做人肉宣傳板咁扮熱店, 結果我成坐左係一張吉左係我地面前20分鐘有多既枱!
4/ 10:30pm 佢已經百冇, 主版10種碟上既甜品有6種冇, frozen yorgut 全冇, 好多CAKE都冇-.-''', 好彩唔係一心想定要食乜,如果唔係好掃興。