天平貓貓 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2008-12-17 (屬於相關食評)
九月廿一日晚, 又走埋嚟樓下《梅園餐室》, 四個人各自叫一個鐵板餐 ($45/一個餐), 老公都係叫雜扒餐跟炒飯, 我同284都係叫咗個「黑椒牛柳鐵板餐」, 跟薯菜, 仲有件牛油多士, 不過冇影... 今晚突然想飲忌廉湯, 呢度既忌廉湯普通啦~ 啖咗少少。 主菜, 嘩! 好似好正咁喎~~ 不過佢落單時冇問我哋幾成熟, 嚟到已經八、九成熟, 由於鐵板關係, 好快已經變成十成熟啦... 所以過熟咗少少, 但啲汁都幾好味, 份量又足, 啲薯條都炸得幾香口幾好味呀, 係啲菜求其咗啲少咗啲囉~ 加埋杯餐飲凍檸茶, 四十五蚊咁既質素真係算係咁, 幾抵食。 更詳細資料及圖片請看 : http://hk.myblog.yahoo.com/joycewai616/article?mid=10996 推介美食: 黑椒牛柳鐵板餐
評分: 味道 4 環境 2 服務 3 衛生 3 抵食 4
2008-12-17
十二月一日, 今晚終於忍唔住收工後特登走嚟呢間壽司外賣店幫襯吓! 買咗盒特式壽司 ($45), 一盒有七件大五件小壽司, 加四件散叫壽司 ($4 - $10 不等), 埋單成 $79, 都幾貴喎... 不過, 佢啲嘢真係幾新鮮既, 同埋部份壽司確係幾特別, 呢個價錢間唔住食吓都值既~ 同埋最後我都係食唔晒, 分咗兩晚先食到呢~~ 更詳細資料及圖片請看 : http://hk.myblog.yahoo.com/joycewai616/article?mid=11634
評分: 味道 4 環境 4 服務 4 衛生 5 抵食 2
2008-12-17
十一月三十日, 影完一晚通宵相, 當然要去食噃個靚早先返屋企啦! 老公帶噃我哋去太子呢間茶餐廳食早餐, 嘩! 勁耐冇食過太陽蛋啦! 佢哋煎得好靚仔, 正呀!! 仲有個沙爹牛肉通粉, 呢期勁鍾意食通粉呢~ 好味! 加埋杯熱華田走, 呢個早餐好豐富呀~~~ 老公就食咗個鮮牛肉公仔麵, 好似都幾好味咁喎~ 呢度既早餐雖然好似好普通, 但食物質素都有噃咁上下, 不過 Rachel 話啲奶茶唔多合格喎~ 更詳細資料及圖片請看 : http://hk.myblog.yahoo.com/joycewai616/article?mid=11603
評分: 味道 4 環境 3 服務 4 衛生 3 抵食 4
2008-12-17 (屬於相關食評)
十一月廿七日, 呢排唔舒服, 只想食啲有湯既嘢, 於是決定再畀多次機會呢間水餃麵店, 今次試佢既牛腩米粉, 菜同凍豆漿, 啲牛腩真係得三件, 好少, 味道都唔錯, 亦炆得算腍, 但啲米粉太粗喇...... 啲菜都 OK , 份量幾多, 豆漿亦都過得去, 總括嚟講都算係咁啦! 只係唔明點解啲米粉咁唔好味..... 去買外賣時見堂食啲人都係叫四寶紫菜麵多, 唔通呢間嘢反而係啲丸同紫菜好食啲? 更詳細資料及圖片請看 : http://hk.myblog.yahoo.com/joycewai616/article?mid=11599
評分: 味道 2 環境 3 服務 4 衛生 4 抵食 2
2008-12-17
十一月廿六日, 今晚唔知做乜, 放學後食完鍋貼大王, 仲想食糖水, 其實係我想食生果, 可能呢期少食生果, 好想乜生果都放落口呀~~ 於是同老公走咗嚟呢間之前喺旺角食過既《海記》, 我叫咗個「鮮雜果水晶粉」($20), 貪佢勁多生果, 同埋啲水晶粉都幾得意喎~ 爽口既, 本身冇味, 要靠啲芒果汁味, 都 OK 既, 不過下次我唔會叫「水晶粉」喇, 最多叫「水晶珠」, 因為啲水晶粉一條條好長, 食既時候有啲麻煩... 至於老公就叫咗個好滋潤既熱「海底椰」, 同老公交換咗每樣食一半, 都算夠椰香, 料又足, $22 算係抵食! 由於而家冇得食《松記》, 我諗以後我都會多啲幫襯呢間糖水店啦! 更詳細資料及圖片請看 : http://hk.myblog.yahoo.com/joycewai616/article?mid=11581 推介美食: 海底椰
評分: 味道 4 環境 3 服務 4 衛生 4 抵食 4
|