1227 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-06-16
見到佢IG 有伯爵茶蜜瓜包,好想試,所以就去咗新蒲崗分店購買: 伯爵茶蜜瓜包: 一打開個膠袋已經好勁伯爵茶香味 入邊伯爵茶奶酥好好食 菠蘿包皮甜甜地、好酥脆 👍🏻👍🏻👍🏻👍🏻👍🏻👍🏻👍🏻 明太子長法包: 我食前用煎pan放上灑咗少少水的抹手紙,用小火,冚蓋焗下佢⋯⋯⋯⋯ 外脆內軟⋯⋯正 D明太子多到呢⋯⋯⋯⋯ 😋😋😋😋😋😋 綠茶麻薯吐司 作為一個唔食綠茶嘅人嚟講 我都食到 咁綠茶控就應該唔滿意🙈🙈
評分: 味道 5 環境 4 服務 5 衛生 4 抵食 4
2022-05-11
8/5/2022 今晚母親節晚餐係去‘FEAST’ (太古城中心附近): 服務超好,每張枱都擺咗一扎細嘅花,差唔多食完途中佢會有職員俾個膠袋你裝走d花。 其實佢出邊拎嘅自助餐大約有海鮮啦刺身啦sushi 甜品同埋沙律類。另外就用code order 熟食,有牛扒帶子三文魚咖喱雞等等 ;仲有飯類(都係任食嘅,不過就每份都係少少咁俾你試) 海鮮類:有生蠔啦長腳蟹啦螺啦同埋熟蝦。生蠔瘦到不得了😂😂(不過我都食咗兩次😂😂), 長腳蟹好幼,不過我都食咗好多;螺就一般,因為有啲撩唔到出嚟。刺身款式唔算特別多,但係有好粗嘅生蝦。 佢嗰啲即叫即整嘅熟食 (有煎帶子、肉眼扒、煎三文魚、咖喱雞、魚柳、烤蝦等等)(亦有一人份量嘅鰻魚飯、海南雞飯、泡烤蔬菜等等);最好食係龍蝦汁帶子,大大粒(出邊好多餐廳都係切一半當兩粒,但係呢度係成粒俾你嘅)另外肉眼牛扒(佢每次兩條一碟,但可以任叫嘅)我頭兩次都係叫4成熟,好食⋯⋯⋯⋯臨尾一次我嗌三成熟,粉紅色d肉,超好食,超’林‘,有牛味但係又冇血㗎喎 ,因為好多時叫三成熟都會有血。另外罐裝汽水啊嗰啲都係任飲。 我哋三個都食咗好多嘢😂😂😂😂 我諗如果想食海鮮嗰種就會覺得呢間酒店嘅buffet 麻麻哋、佢應該都係主打即叫即整熟食。 母親節正日,乜折都冇 $788 (另加一)每位 分5:30-7:45pm / 8:00-10pm 兩個時段 推介美食: 牛肉眼
評分: 味道 4 環境 5 服務 5 衛生 4 抵食 2
2022-04-25
21/4/2022 香港終於有返夜市堂食啦 梗係要即刻出去食好嘢賀一賀佢啦 呢間見到之前好多IG 介紹,bookmark 咗😈😈😈 我一心要試‘乜蟹都有丼’: 比我想像中嘅細碗,不過食到尾又真係夠飽嘅。個蟹蓋就係‘道具’嚟嘅,下邊就鋪滿咗好多蟹柳、兩隻蟹鉗、少量蟹肉、都幾多蟹籽、仲有蟹膏。可以選擇醬汁,我揀咗海膽醬,用嚟撈飯都幾好食。 朋友食‘虎士山丼’:面頭有帶子、少量蟹肉、飛魚籽,下面就係吞拿魚蓉(不過俾啲海膽醬遮住咗) 另外叫咗‘金龍卷’:打卡食物,一上枱職員就會點火,仲會維持一段時間,方便影相😂😂味道都幾好,入邊感覺上有鰻魚嘅,同埋本身佢已經有豉油。 ‘海膽忌廉餅‘:入邊勁多cream,呢個還好啦。 飲品我要咗茉莉綠茶:飲品一般,冇乜茉莉應有嘅香味。 朋友要桂花烏龍 推介美食: 乜蟹都有丼, 金龍卷
評分: 味道 4 環境 4 服務 4 衛生 4 抵食 4
2021-09-09
17/8/2021 8月生日gathering …. 我提議去mini Friday … 5個人叫咗8樣嘢食: 西冷扒(七成熟):呢個牛扒幾好食,七成熟真係煮到七成熟,啲肉幾‘林’身。 鹹蛋黃雞翼:有親咸蛋黃嘅嘢都一定好味😈😈 胡椒蜜糖雞翼:胡椒同蜜糖都有份量,好吃 明太子帶子手卷粉:朋友大讚,好勁明太子,好creamy 卡邦尼扁意粉:勁creamy , 好食,不過好‘溜’ 鹹蛋黃薯角:又係有鹹蛋黃嘅嘢實好食😈😈 (不過要趁熱食,凍咗會好鬼油) 黑松露蘑菇pizza:薄pizza , 有拉絲⋯⋯好味 白酒煮蜆:d蜆好大隻,份量都好多 用埋openrice 訂坐,有88折。 推介美食: 黃到金雞翼, 燒澳洲牛肉眼扒配黑松露燒汁, 火焰脆燒德國咸豬手
評分: 味道 5 環境 5 服務 4 衛生 4 抵食 4
2021-09-09
28/8/2021 星期六6:00pm去到已經要喺後樓梯等 ,好彩佢係派籌嘅,當時號碼大約係要等16張枱。其實攞完籌如果你放心嘅話可以周圍行嘅,但係其實行去APM又唔算特別近,一來一回又好似好嘥時間咁,所以兩個人喺後樓梯企吓傾吓偈 (同時有好多人等嘅),時間都容易過啲(係熱啲咁囉),不經不覺一個鐘頭,即係7:00我哋就可以入座。 叫咗: 炸魷魚鬚: 唔好睇佢細細兜,其實份量都幾多,香口野,正。 炸薯條:又係份量勁多 鹹蛋黃雞翼:感覺上啲雞翼有浸雪味,同埋食到中間有美極味😂😂,不過佢都幾多鹹蛋黃。 明太子忌廉大蝦燉飯:明太子份量好多,但係唔夠creamy , 同埋有啲咸。 肉醬(牛肉)意粉:超多肉醬,同埋芝士,好味。 最後來一個原味嘅溶岩梳乎厘班戟 :好味,食咗完全冇負擔感,因為好有空氣感。佢疏乎厘嘅質地係我鍾意食嗰種、唔會過濕、 有蛋香、因為啲熔岩而亦都有奶味。 另外每人都叫咗兩杯飲品,因為大家都覺得一杯唔夠喉😈😈😈😈😈 呢間食店真係可以encore , 我都好想試吓佢嘅意大利芝士熔岩。如果唔使等太耐我覺得係可以再去㗎😈😈😈 推介美食: 鹹蛋黃薯條, 原味梳乎厘Pancake
評分: 味道 5 環境 5 服務 5 衛生 4 抵食 4
|