今晚同老婆食晚餐，想食日本湯麵，睇間鋪門面同menu幾好，咁入到去，發覺入面俾我感覺同茶餐廳冇分別，啲阿姐有口音同枱面唔太乾淨，我同老婆叫咗炸天婦羅湯烏冬套餐同埋韓國泡菜豚肉石鍋飯。首先，天婦羅湯烏冬個湯底完全冇味，天婦羅都炸得麻麻地，戲肉來了，個韓式泡菜豚肉石鍋飯一嚟到就聞到浸燒焦咗嘅味，然後發現個鍋底啲飯完全燒焦晒，唔係普通飯焦，真係燒燶咗，食咗一陣發覺完全冇味，即使有柚子汁做調味， 豚肉又乾又硬，我就同個侍應阿姐講個飯燒燶咗成陣燒焦味，下次叫師傅小心啲，之後個阿姐同我講使唔使畀碗白飯我再送，我就再同佢講“唔洗，成浸燒焦味仲食到咩。埋單成$231真心食茶餐廳都好過食佢，完全唔值，唔推介呢間餐廳！

今晚去小西灣撐黃店，以前住小西灣，對小西灣美食當然不陌生 ！ 店名顧名思義，signature 主打滑蛋蓋飯啦！ 要留意營業時間：18:00~23:00, 日頭是茶餐廳 （新橋美食），夜晚才是滑蛋仔。 主食有豬扒、鰻魚、牛魔王、雞扒、雞柳、鳳尾蝦 。。。 堂食座位不算多，主打外賣，使用環保盒，值得一讚 我點了一個鰻魚配牛魔王 （少飯） $78+$16, 一個鰻魚配豬扒 $78+$16, 招牌滑蛋真係好食，鰻魚合格，牛肉好食，豬扒不錯。 整體很滿意 ！ 下次再來 ！