1227 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-06-03
1/6/2023 今晚同6月壽星慶祝生日 去咗九龍灣德福嘅 terrace.in.seaside.hk 一間比較新式嘅韓國嘢食 燒醬油黑毛豬白切肉紫蘇飯:啲飯有少少辣味,份量偏少。個白切肉幾好食,如果佢就咁買一份白切肉(包菜食),我都會幫襯 烤牛肉kimbap : 份量正常,但係烤牛肉存在感好低 蟹籽雞蛋薯仔蘋果沙律: 正常薯仔蘋果沙律味,份量偏小 清甜柑橘窩夫:d cream 唔算好甜,亦都好輕身,唔會食到滯。個窩夫都係新鮮夾出嚟,熱&脆的。上面的柑橘好清甜。 柚子檸檬梳打(無影到):朋友話冇乜梳打味,但係就滿滿嘅柚子 濟洲柑橘乳酸梳打 :外觀十分打卡able , 不過朋友話冇乜乳酸味 Aqua bomb 水漾奶昔(banana milk shake) :呢杯我嘅,正常香蕉奶昔味 整體呢間店舖嘅主食比較選擇少,應該都係主打飲品、甜品。我見好多兩個人嚟食,都係會各自嗌一份自己食。而我地就係三個人share嚟食。 環境某程度上唔錯嘅,但係佢其實喺商場入邊,冇特別間隔,(佢有間隔嗰個位,通常都係二人枱)所以如果商場人來人往都會有啲尷尬,同埋剛好我哋幫襯嗰日天氣比較熱唔熱,商場唔係好夠冷氣,所以都坐得有少少辛苦。 另外,侍應都比較後生,女侍應都正正常常,但係有一個男侍應就麻麻哋,首先佢放低飲品又唔講低係啲乜嘢,我哋都唔知個杯係啲乜嘢(食物都還好,但係有陣時飲品就咁用眼睇就唔知係咩飲品)。同埋其實佢哋都幾唔‘識做’,唔會主動提供水、亦唔會主動俾碟仔。呢啲都有少少扣分。
評分: 味道 4 環境 4 服務 3 衛生 4 抵食 3
2023-06-03
31/5/2023 見佢新開張就試吓 叫左個下午茶,我都好鍾意食茶餐廳嘅炸雞髀,所以就叫咗: 芝士黑松露炸雞髀(配菠蘿油) 芝士冇乜存在感、黑松露濃烈(一Pat Pat 咁,好有存在感😬😬) 隻雞髀都算炸得乾身,入邊啲肉都嫩 好耐冇食過菠蘿油,好食 勁飽 因為個雞髀係新鮮炸嘅,所以都要等20分鐘,要有心理準備。唔知係咪因為新開張,所以啲職員都有少少甩漏(我叫凍檸茶走飲管,但係佢幫我寫少甜)不過都好有善,收嘢收得快。
評分: 味道 4 環境 4 服務 4 衛生 4 抵食 3
2023-03-07
5/3/2023 屋企樓下Donki 開咗壽司咁耐,我都未食過 由開頭好多人等位,到而家已經可以直入 呢度冇手卷(同壽司郎一樣) 想食燉蛋,但係都冇晒 佢都好多嘢sold out 我覺得好食: 吞拿魚蓉軍艦 (所以encore咗一次)~ 勁多吞拿魚蓉,紫菜係脆嘅 天婦羅蟹柳壽司 (我都有encore多一次) ~ 個天婦羅蟹柳係熱嘅 藍鰭吞拿魚拼盤 ~ 三件都好靚喎,食落口都好油份,仲甜甜地嘅 三文魚拖羅壽司 ~ 油份足夠 唔推介: 火炙蝦 ~ 味道一般、隻蝦唔係好彈牙 八爪魚壽司~ 望落去八爪魚好似好新鮮,但係食落去完全冇咬口 帆立貝壽司 ~ 平平無奇 鹽味火炙牛 ~ 塊牛好薄、冇乜牛味 唔知係唔係因為唔多人 所以佢冇開晒所有位置 同埋員工好明顯不足 Reception 位多一個職員同事收錢、應付外賣、安排入座
評分: 味道 4 環境 4 服務 2 衛生 4 抵食 3
2023-02-25
23/2/2023 一行三人聚會 去咗大角嘴‘田浦食肉’食韓燒 (最近灣仔也開了分店) 佢嘅賣點係有oppa 幫你燒😈😈 我哋嗌左牛set (牛排骨、牛五花) 、豬五花、雞蛋羮 我哋覺得豬好食過牛 因為牛排骨近骨位,有d筋,oppa 又切得大件,所以好Un. 牛五花有d乾。 豬五花好吃,juicy 又吾油膩。 雞蛋羮好食,有芝士同埋粟米喺入邊。 最搞笑佢啲小菜:泡菜完全唔夠味,感覺上醃製唔夠廿四小時🤣🤣🤣🤣但係烤盤上嘅泡菜咸到腎虧🤣🤣🤣🤣青瓜完全冇味 (正常應該係酸酸地)、個番薯最好食,本身舊番薯已經夠甜,再加上佢甜嘅汁。跟住我哋叫佢refill , 佢見我哋好欣賞,成碗上,搞到好似番薯糖水咁🤣🤣🤣🤣🤣🤣🤣🤣 同埋好騎呢咁我哋食晒啲肉,開始食啲小菜,失驚無神又有oppa出現同我哋剪埋牛骨黐住嗰啲肉(好少份量)(但係其實已經停咗火好耐)佢開返個爐將嗰啲少少嘅肉再剪碎多啲,燒俾我哋食🤣🤣🤣🤣🤣🤣 我哋話係咪因為見到我哋係咁食小菜好慘咁樣,所以剪埋肉俾我哋食 🤣🤣🤣🤣🤣🤣🤣🤣 (其實應該係oppa 唔記得咗,我哋見後邊嗰台冇隔開咁耐去剪嗰啲碎肉🤣🤣🤣🤣) 整體嚟講,我覺得佢個定價貴左d, 同埋佢聲稱 set 係for 3-4人,我覺得如果我哋唔係加咗豬五花, 應該唔夠食。尤其係個牛排骨,其實份量好少,我覺得條骨係啲肉嘅兩倍。 環境就好韓國feel 嘅,待應8成係oppa , 都識英文嘅、另外有香港人待應嘅,所以唔洗擔心溝通唔到。 睇返openrice d comment , 話冇收加一。不過尋晚有加一;同埋佢轉左menu ,好似貴咗。同埋現在有得whatsapp book 位 ,詳細可以喺佢IG 睇返。 推介美食: 烤豬肉套餐, 雞蛋羹
評分: 味道 4 環境 4 服務 4 衛生 4 抵食 3
2023-02-25
20/2/2023 今晚晚餐 (因為一齊上韓文堂嘅朋友仔去咗旅行冇人同我食飯) 晏晝食得比較飽我諗住夜晚唔使食咁多 有d掛住肥姐嘅墨魚,所以放咗學由佐敦搭巴士去油麻地 其實都差唔多夜晚八點半鬆啲,但係都大排長龍好多人。 原來買滿指定金額($80)可以唔使排隊,喺店舖左手邊拎紙仔剔就得。因為佢係後邊啲阿姐幫手執齊俾你,唔係檔面嗰個阿姐做。 我買左5串墨魚($15/串)2串紅腸($10/串) 墨魚好好食 (阿媽都忍唔住搶咗我好多嚟食😈) 當然唔夠即場食咁冰凍啦,返到屋企都變咗少少常溫,但係都仲係咁爽口。 紅腸好普通 (下次應該唔會再嗌呢個) 佢有個好處係剔紙仔可以比你自己揀啲甜醬豉油芥辣直接擺落盒入邊定係分開用袋就係裝住返屋企先自己落。 (走盒失敗,不過真係好多人排隊,唔好搞到人,食完洗返再用嗰盒) 推介美食: 墨魚
評分: 味道 4 環境 3 服務 4 衛生 4 抵食 3
|