孔夫子 (觀塘)

路過觀塘見到有棟新野開咗係駿業街，一向鍾意試新野嘅我，就入咗去睇下呢間孔夫子係乜嚟
原本我以為係學中文嘅地方啊~ 誰知原來係食野~ 


我點咗一客前菜 - 麻辣萵筍 $ 42 ，賣相都真係精緻，因為切片之餘仲扭成麻花一樣，增加口感，雖然講係麻辣，但其實都唔係真係好辣，算係幾開胃的前菜。

我真係要真心推介呢度嘅北京烤鴨，侍應係真係好用心咁片出嚟，仲教埋你點樣食
配料有大葱、青瓜條、糖同埋特製嘅甜麵醬
啲餅皮一啲都唔厚，而且店員好貼心，未片好之前都唔會拎開個蓋等冷氣抽走裡面嘅水份，所以入口仲係軟軟的~ 

講返店員嘅建議食法，鴨皮脆卜卜最好係點糖，入口即溶呀~ 多肉嘅部份，連埋青瓜一齊食就無咁漏，而大葱就配一啲油脂比較多嘅地方，僻咗啲羶味。的確，跟店員指引嘅食法，係真係好食好多~~~ 皮脆唔在講,  啲肉亦都唔老，仲有少少肉汁，火喉控制得好好。

我爸爸極力推介呢度嘅麻椒魚鰾 $ 128 ，其實我初初佢點嗰時我真心覺得好核突咁，後來聽爸爸話其實煮得好呢道餸好難，因為好多食肆都會先蒸後炸，會韌到咬唔開，但係呢度煮得好好，完全唔係蒸咗再轉嘅口感，入口好煙韌，無腥味，唔係推介嘅菜式都煮得好好。
跟住就係呢個嚟到一定要食嘅「銅鍋石爆桂魚」，店員話桂花魚係最好，啲肉係最滑溜，於是我地就點咗~

嚟到見到呢個陣勢真係幾期待，所以我錄咗個video俾大家睇~ 佢將啲葱頭爆香，然後再將啲魚肉放係個銅鍋入面，以攝氏100度高溫石春嘅熱力煮熟，大約兩分鐘倒，就即刻上湯俾我地


以豬肉熬製而成嘅奶湯，真係鮮甜可口，加上芫茜嘅香味，飲完之後真係覺得成個人好暖~ 

我最後點咗杯融合中西嘅雞尾酒 --- 孔鯉 $98 ，佢係用自家製嘅茉莉花伏特加、茉莉花糖水、蘋果汁同埋檸檬汁製成，入口唔算係好濃烈嘅伏特加味道，但係芳香清甜，用埋呢個咁特別嘅杯，好似突然間返咗去客棧咁。
總而言之，我一定會再嚟，因為除咗野食好食之外，其實服務都係好好~ 

醉翁亭火鍋館 (銅鑼灣)

家父家母今日結婚周年紀念，我都唔知點解成日都係我同佢地講，叫佢地慶祝，而家父亦因為比較鍾意啲俾一個數任食嘅餐廳，於是我就同佢地嚟銅鑼灣呢間嘅醉翁亭，以為應該同觀塘差無幾，點知原來係有少少分別。
之前係觀塘店，我地落order紙就送過嚟，呢度唔知係唔係地方大，就竟然有咁大個雪櫃放哂啲野係度俾你任拎任揀任夾。
不過佢都有啲野係可以叫嘅，觀塘店就無雪花肥牛任點，但呢間就有，總算無揀錯，因為家父係相當愛牛的。今次有爸爸媽媽陪，我就食重慶雞鍋，試下呢度啲雞煲如何，香味不錯，而且真係有大半隻雞係度
雞肉非常入味又嫩滑，不過重慶都唔算係好辣，而且花椒八角味唔算太濃，容易入口。
跟住要介紹一下呢個幾抵嘅環球海鮮盤，一嚟到見到竟然有蟶子插哂係度，真係好震撼，加上有脆鯇片又有海蝦
建議蟶子淥三十秒就要食，入口肉質鮮甜彈牙，而且無沙，真係唔可以錯過，我真係好想encore
另外呢個海蝦都好食，佢嘅殼係有啲硬，但係蝦肉好彈牙，而且蝦頭仲有鮮橙色嘅蝦膏，好香口。
呢客蠔皇扣鮑魚姍姍來遲，花菇同係觀塘店嘅一樣大粒又肉厚，而且又香花菇味，鮑魚就有點over-cooked，大家都可以睇到變到好深色luuu~ 入口唔夠嫩口。
最後係佢地嘅極級牛頸脊，話說明明有好多，但我只係食得一兩片，其餘都俾我家父KO哂，大慨真係好好食，佢係唔夠喉仲要叫多碟，真係好變態。 話說肉質都保持到油脂分佈平均，入口肉味同牛味都有，同肥牛完全係兩回事。
後話係，呢度真係好體貼，我覺得連平時成日撞到枱腳位置嘅地方，都包咗海棉，呢啲細微細眼嘅位真係睇得出一間食肆係咪有心做。

Knutsford Steak Chop & Oyster Bar (尖沙咀)

自上次到過這裡的日式燒烤後，打算在63個月紀念之際再吃，


誰知路過見到兩個叔叔又彈又唱相當有情調，所以就揀咗呢間。

一入到去侍應除咗遞餐牌，其次就係拎咗呢個是日精選蠔嘅牌出嚟，不過我今日無乜意欲食蠔，但後來見每枱都總會叫一兩隻嚟食下，又有啲後悔無叫。

特意和大家SHARE一下menu ，價錢其實都合理。

總覺得嚟到美國餐廳唔飲返杯cocktail 好似少咗啲野咁，呢杯Sweet Heart裡面有Bailey's Cream 同埋 Strawberry mix ，酒味不濃，可以話似一杯smooties 比較多。不過我就好鍾意勒~ 甜味濃嘛~ 

我叫咗個佢地嗰signature st. louis thick chop baby back ribs (half-slab) 嚟試，只是非$198 而已，我一個女仔真係完全成唔哂，而且其實都幾肥美，好似食極都唔完咁，唯一挑剔係，個bbq sauce 好似太甜同太多，食咗2條倒，已經覺得有啲漏。

而我fiance 比較鍾意食牛，所以order咗呢客12oz USDA Locker-aged New York cut Sirloin Steak，等都等咗我地廿幾分鐘，所以我信真係唔係整定等我地。

我想話我地要7成熟，個熟透程度真係處理得幾好，加上本身塊扒嘅質地都唔錯，無雪蕆味，而且肉味濃，真係唔錯。而且成個黑椒汁味道唔over，唔會太辣，啱啱好。

呢個價錢對於週年紀念嚟講唔算太貴，而且環境唔錯，好似去咗外國一轉嘅感覺。

浦井韓食居酒屋 (尖沙咀)

同事話 isquare開咗間新嘅韓式居酒屋，諗住順手farewell 個同事，因為個同事是個住過韓國的韓迷。


我入到舖頭，見到有班鬼佬坐係度飲住酒咁，當堂成件事高級咗好多，再一次証明食客其實對餐廳嘅環境氣氛好緊要。 而且呢度嘅裝修都好簡潔，令人坐得舒服，韓燒又唔會成陣味。

前菜有3款，分別係芽菜、碎泡菜同埋蘿蔔，本人比較鍾意大返少少嘅泡菜，因為把泡菜切得太碎，令人感覺有點小器呢。
呢個和牛盛盒，真係不得了，以為佢好似唔係好多，最後我地四個女仔，燒到中段，已經唔想再燒了，不過每份牛嘅肉味相當濃，而且蔬菜份量都好多下，所以真係唔使額外叫。

值得一提嘅係，呢度啲蛋係無限加，大家要嚟幫襯就快，我見過太多話無限加，但開業中段就會收費，或者係加得好慢，但呢度啲侍應生係不停咁問你re唔refill ，完全係好似啲蛋漿唔係佢舖頭。 題外話係：嗰兩舊白色野係白蘿蔔嚟架，可以當擦膠咁擦個爐，唔好用嚟食呀。

呢個牛肩肉味真係好濃，而且油脂分佈得很平均，入口即溶。
另外，我地仲叫咗個人參雞，因為我想中和一下啲熱氣野。人參味不太濃，但係雞真係好大隻，而且入口相當嫩滑，唔似係平時煲到好老，而且好足料。
湯係由紅棗、松子、杞子等製成，份量十足，我地四個每人食咗兩碗，重點係呢度啲服務員仲分埋俾我地，竟然好到呢個點.....  非常貼心嘅服務。

不過本人對呢個桃味米酒就麻麻了，因為飲入口好似藥水..... 雖然再細味入去，就滲出米酒嘅甜味，但係如果有得揀，我下次還是選原味好了。總括嚟講，我覺得每人二百幾蚊算係咁，而且呢度環境好好，無人催你走，枱與枱之間又坐得開，好舒服，服務又好好，係近年/香港買少見少，大家快啲嚟試! (雖然有點hard sell) 因為本人都好驚推介完，啲侍應走咗~~~ 

The Staff (大角咀)

年三十我地一班太子之友嘅同事們，一行12人想找個地方吃團年飯又不是飲茶多困難! 

但走著走著，看到有一間人丁不算太多的餐廳

看了附近其實有一個大地盤，看來到它入伙前，我們還可以在這裡吃下去~ 雖然我說人流較少，但其實大部份的枱仍然坐滿人，只是剛好能坐到我們12人~ 價錢在旺角來說，算是中價，不過環境搭救，餐廳環境優雅，而且播放的歌曲亦相當抒情，讓人容易過一個悠閒的下午。咖啡和Starbucks價錢不相伯仲，不過問題係你好難係Starbucks搵到位，但呢度容易好多。今日廚師餐湯係磨菇湯，附送蒜茸包一條，令我想起SIMPLYLIFE 。磨菇湯香滑夠Creamy，蒜茸包份量剛好，唔會食完之後覺得太飽食唔到正餐。不知是不是最近工作做到沒什麼胃口，我的胃口竟然只能吃一個all day breakfast .... 先說說比較特別的窩夫，因為平時的all day breakfast實在甚少有窩夫吃，而且窩夫形狀亦不是平常看到一格一格的，這裡窩夫的形狀有點似雞蛋仔~  不過，蛋味唔出，牛油香亦欠奉，只灑上少許糖霜，如果能提供士多啤梨或朱古力漿更好。煙肉肥瘦適中，入口香脆，灑上少許香草除了能增加美觀外，入口有少許清新的香草味道，亦相當不錯。略嫌兩條白色的香腸有點悶，雖然多汁肉厚，但如果兩條不同的香腸，味道更為有層次而豐富。茄汁焗豆其實無乜特別，我有少少覺得茄汁豆嘅茄汁唔夠香~ 另外，松露蛋係幾香，不過唔夠滑，賣相不夠精緻，有一些店舖，可以擺出玫瑰形狀。不過地方小店，我都無謂挑剔太多這一杯海鹽焦糖拿鐵咖啡份量大杯唔在講，杯面上的海鹽想不到與焦糖很相配，完全沒有違和感，就算唔落糖亦完全無問題，不過可能太多味道，奶味就唔係太夠，咖啡亦夠香滑老實說，這裡的性價比算高呢~ 沒想到這家小店的質素不低，加上地點無乜人夠靜，係呢度消磨一個下午，絕對不成問題。