Augur-7 Pizza house @ Japanese Cafe (Closed)

呢間我以前都間唔中會同fd嚟，不過呢幾年冇咩時間嚟，所以當朋友話想去cafe時，就決定嚟返呢間 佢呢間夜晚係一個set一個set咁叫，沙律可3選1，每次嚟我都好中意叫吞拿魚螺絲粉沙律，真係十年如一日既味道，好懷念。每人可以簡一款唔同味既包，每一個都唔錯。呢個酸忌廉芝士薯條係必叫，真係好好食， 芝士夠多，淋上去薯條都唔會變淋。個pizza 係酥皮底，我哋叫咗千島海鮮味，雖然海鮮冇咩（得蟹柳），但一樣咁好食。蜜糖焗雜腸有3款唔同既腸，朋友覺得略甜，我就覺得啱啱好。蜜糖雞翼都好難唔好食，haha，不過佢好似焗太耐，有 d 燶。 呢個芝士雞扒撈烏冬係成個set既敗筆，雞扒口感好怪，烏冬冇咩味，呢度要扣分la。

我黎過呢間cafe超過六次第一次黎可能係六七年前朋友介紹既話係有誠意既cafe試過之後發現朋友無介紹錯於是周不時都會約朋友係度聚會以前成日都會full booking食唔到今麼好好彩竟然可以walk in!呢度既裝修真係十年如一日架今次黎依然好熟悉既感覺由於得兩個人就只可以叫128個餐叫左四個小食加pizza芝士蒜蓉包就是簡單的美味吞拿沙律都好味 係酸左少少酸忌廉薯條薯條熱辣辣加埋酸忌廉同茄汁 仲有拉絲嘅芝士其實無唔好食既可能另外叫左章魚小丸子 明太子餃子雞翼同埋腸仔腸仔入面唔止一種腸 廚師腸紅腸都有甜甜哋幾好味明太子餃子雞翼就辣辣地係整得幾香口嘅不過個料就係普通通至於個章魚小丸子就係最唔推介既一樣雖然佢有必勝既沙律醬 燒汁同木魚片但係除此以外佢就係一舊粉叫左千島pizza酥皮底好脆兩個人係絕對夠食 係食唔哂最後要拎個迷你木康布甸返屋企雖然佢全部都係唔健康既加工食物但間唔中一次半次ok la

好耐無見既朋友仔生日，梗係要搵個可以坐耐d，又唔好太嘈既地方坐下傾下計架啦。為左方便住港島同新界既朋友，所以揀左旺角作為集合點，方便大家塔車呢間café都幾特別，職員話小店提供2人至1X人既套餐，岩哂d唔想煩點乜既朋友；而套餐既特別之處係按人頭收費，食物亦都係按人頭準備，所以唔怕唔夠分；小店只有一位職員，由點餐、製作、上菜、收碟一腳踢，所以大家要耐心等候；落柯打都要走出去搵職員，因為佢唔係成日係樓面；由訂枱時間起計限時3個鐘，時間相當充裕；由於要等朋友，加上大家又餓既關係，所以就叫左個小食，食住等特辣燒烤雞肉薯條(小辣) ($50)分量正常，賣相唔錯，不過味道麻麻由於薯條已經淋上燒烤醬，所以已經淋哂、唔脆….唔脆既薯條係大罪呀!!本身燒烤醬微辣帶點酸，仲有熱溶左既淡味芝士，聽落唔錯，但食落唔match。芝士睇到但食唔到味，因為燒烤太嗆味；雞肉同薯條又係唔夾，所以唔推介5人套餐 (每位$118)頭盤-焗法包每位揀一款法包，我就揀左少見既芝士咸牛肉包。咸牛肉分量都算多，加上焗到香脆既法包，好味沙律 – 吞拿魚螺絲粉沙律呢個沙律真係好好食!! 個個都話正~螺絲粉煮到有Al dente，再配上

好耐無出過旺角食晚飯，約埋朋友一齊，想揾一間靜靜地坐得舒服又唔趕住走，食物煮得有heart嘅餐廳唔多，但居然都比我誤打誤撞在開飯網找到。地點容易找，就在潮流特區對面，家樂商場隔離一棟大廈樓上。我們有大有小朋友，上到去雖然環境格局有點陳舊，但總算整潔企理。小店經營，只有一位紋身哥哥招呼我們，見我們第一次光顧，有禮又耐心講解menu。我喜歡他們的菜單設計，每款按人頭安排份量上菜，每人至少有一兩件，唔使你推我讓。我們點了凱撒沙律，夠醬汁又新鮮。薯條份量多，又夠脆，碟底伴的燒汁好特別。小丸子都有得叫，真係特別，每人有2粒，味道絕對唔差，有晒木魚碎，如果多點蛋黃醬更好。焗紅腸腸仔同蜜糖雞奕味道可口，啱晒小朋友口味。夏威夷薄餅，餅底用了酥皮，口感更脆更香口，用料都豐富，份量大，我們食到停唔到口。最後還有白汁吞拿魚意粉，最喜歡白汁夠rich又creamy, 上枱還有很多汁，唔會乾晒，味道很好，我們分了6份剛剛好，但太好味，想添都無了！😂套餐還有飲品及甜品，我們加了$10叫特飲，款式多，我點了荔枝梳打雪糕，yummy,甜品有木槺布甸同tiramisu任揀一款。我同朋友都好滿意今餐味道同水準，還說下次一

已經係第二次光顧，相隔一年再光顧！食物平靚正第一次覺得樓上cafe食物係好食店主nice ，好好服務一定一定會再嚟！記得提早打電話book 位，有機會俾人包場/full booking

朋友黎過哩間cafe幾次，佢話啲野食都唔錯，尤其係個pizza，真心可以黎試下。咁啱有個gathering  大家都唔知食咩好，我就提議不如試下哩間cafe，有得食又有得玩喎！book左當日既六點半啦，可能太早啦。黎到一個人都無，包左場添收工肚餓既我梗係快啲睇menu啦睇落啲野食都幾吸引既，等埋朋友黎到就開始上菜了！因為我地五個人，頭盤包每樣都叫左，我就食左芝士咸牛肉包menu上面寫係包，但其實係多士黎。舊多士焗到好脆，上面啲芝士仲可以拉絲添，整體味道不俗沙律揀左凱撒沙律，有番茄片、番茄仔、粟米粒、沙律菜、少少肉，當然唔少得沙律醬啦！味道正正常常啦，咪就係沙律咁囉。接住就係小食啦！因為黎過既朋友都推薦食哩到既pizza，中意食pizza既我當然會揀三個小食加一個pizza啦！（如果唔想食pizza可以揀四款小食)千島醬既pizza實冇得輸啦！上面有蟹柳、粟米粒、煙肉同好好食既千島醬！重點黎啦！pizza個皮唔係我地平時食開既面包皮，而係酥皮！雖然好罪惡，但真係好好食！千其冇以為酥皮會好油，佢整到脆之餘仲一啲都唔油添！一啖咬落去，係索索聲，但係啲酥皮又唔會跌到周圍都係味道好夾，多醬得黎唔

同2個朋友約咗好耐 終於夾到時間 於是搵咗方便大家嘅地方去之前Book咗枱 所以唔使等哩間Café地點好就腳 喺旺角潮特對面 容易搵 好啱住喺唔同區嘅朋友聚會如果想搞大班人聚會 可以包場 場內Card Game等玩具都唔少 環境同氣氛都唔錯 值得推介一坐低 好口渴 即刻叫咗三杯唔同嘅嘢飲 一齊試飲 飲品唔錯 各有特色芝士蒜蓉包芝士味啱啱好 不過對於好鍾意芝士嘅朋友嚟講 可能會覺得唔夠吞拿魚螺絲粉沙律螺絲粉整得唔會太淋 吞拿魚份量啱啱好 配上酸酸哋嘅沙律醬 同埋粒粒粟米 感覺唔會咁濟蜜糖雞翼 入口香甜 都幾滑 蜜糖焗雜燴腸 內有薄切嘅司華力腸 雞肉腸 紅腸同雞尾腸 聞落都幾香 蜜糖味都幾重酥皮Pizza Pizza底夠薄同脆 上面嘅材料亦足 好味道

地方優雅，坐得舒適，最岩成班朋友上黎坐，傾下計，食下野，最重要係老闆服務好好，笑容好好，好nice ，好家庭式feel,坐幾耐都得. 食物味道👍🏻，新鮮好味不過一定要預先book位，吾係一定要等。因為枱數吾多，但總括黎講 good!!!!

地點好，旺角潮特對面價錢公道，人頭大約$140左右份量夠唔洗講，重點係好食地方唔算大，但勝在整潔必食推介係薯條；個汁好好味pizza；酥皮底夠特別辣冷麵；正！後來俾我知道原來包場都有做架，嚟緊聖誕節一定要book!真心約埋三五知己去食吓嘢吹吓水都係一個唔錯既選擇特別一提老闆幾好人，因為我對上一次去係一家大細9個人去，好多時都搞著老闆要呢樣又改樣，要搬枱要搬椅，但佢好nice好有耐性，所以一定要推介推介再推介！

同朋友慶祝生日睇咗好多cafe然後七個人bk咗呢間cafe食不過都幾full，最好早一，兩個禮拜bk一黎到就揀野食，都幾多款式有包，沙律，小食，主菜咸牛肉同蕃茄包都好吸引，掛住食都唔記得相機食先薯條同佢個pizza都推介pizza個底十分酥脆！份量方面，我地七個人食完全夠曬，仲食唔曬個炸薯餅，唔細擔心唔夠食！最後仲有每人一個甜品，不過有啲朋友太飽都無食到食完仲可以同朋友玩下card game添絕對有下一次，真心推介姊妹黎呢到聚下腳，同舊同學黎又得

話說其實响一年前已經有朋友介紹，但係book咗兩次都冇位， 咁啱今日行完潮特就 碰碰運氣冇book枱walk in上去 ，吖竟然有位， 一入去感覺好似餐廳，地方唔算大得幾張枱，睇睇餐牌 原來呢個時段只會供應套餐 ，而且好得意 人頭收費但係喺share一個套餐一齊食 ，先嚟頭盤我揀咗蕃茄包我女朋友揀咗咸牛肉包 ，蕃茄包幾得意有少少似pizza嘅感覺脆脆的 ， 跟住係煙鴨胸沙律 ，都係一般沙律菜有少少青瓜番茄蟹籽等等 但個汁都幾好食酸酸的好開胃 ，之後揀咗小食係酸忌廉芝士薯條， 呢個就係我朋友千叮萬囑 一定要試嘅小食 ！其實我都好好奇薯條可以有幾特別呢？？ 但係一時之下😱果然冇介紹錯 ...除咗酸忌廉之外原來佢仲有個汁淋落薯條度， 酸忌廉-汁-芝士薯條原來夾埋一齊係有咁嘅效果，完全想像唔到 真係非常非常之好食 接著就係揀咗千島pizza 呢個汁同配料其實冇咩咁特別，唯獨是原來個底係酥皮 又香又脆 又有一個驚喜 最後主菜 我哋就揀咗冷麵 因為 今日實在太熱啦！呢個好似係芝麻醬嘅蟹子沙律咁， 芝麻醬夠濃都算幾好食！ 因為今次得兩個人 唔算試得多嘢 ，但已經真係好飽，個冷麵仲食唔曬攞走咗添🤣 下

啲朋友成日講 旺角登打士街 樓上 有間cafe幾好食 咁啱嗰日收工 約埋啲朋友出嚟聚一聚 去咗呢一間cafe 試下 我哋叫咗個set 個沙律 份量好足 又多芝士同粟米 好好味 個蕃茄蒜蓉包 好多蕃茄醬 好香 口 同埋個pizza好皮好薄 又唔 漏 同埋個炒雜菜 好香蒜 重點係 價錢又唔貴 每人大概 140蚊一位左右， 啲嘢又好食 唔會驚食唔飽， 又可以同啲朋友 吹下水 聚會 令我最難忘嘅係個pizza 食落去好似食薯片咁 一啲都唔漏，下次又可以約埋D三五知己一齊黎聚下

約咗一班朋友食飯唔知去邊度好、 聽人講呢間 cafe 唔錯、 所以約一班朋友去呢間試下 、估唔到個 蟹子沙律冷麵 冇得輸、 同埋個pizza 比較薄 唔會好漏 同埋雞翼 好好味 值得我下次再去

最近侄仔生日~細佬搵左旺角呢間augur 7...話可以包場~~又可以食pizza(我同侄仔至愛 )食品種類非常之多~真係啱晒大人細路哥!!最正係果個**酸忌廉芝士薯條**同埋個**酥皮pizza**!!!芝心批..厚批就食得多~~酥皮批邊真係第一次試👍👍👍不得了!!仲有佢個薯條絕對唔講得笑~真係堅好食~~熱辣辣~~脆卜卜~~每條薯條都肯定沾到啲忌廉汁😍最好嘅係~屋企人多小朋友又多~~包場又唔驚嘈住隔離枱!!又可以俾佢地打下遊戲機..走黎走去...的確唔錯~~下次一定再去

我好少推介俾朋友仔，但今次經我朋友試完同我分享，我就走左去試下，點知真係唔錯。雖然要book左2次先book到，可能人多關係，所以決心要book到為止。我同幾個朋友仔去，點左$118套餐，先黎個沙律開胃醒神下先，個汁我覺得可以再多d,不過材料新鮮。等左唔係好耐，就試埋小食，個汁燒餃子雞翼好夠味。我個人推薦就係必食既酸忌廉芝士薯條，真係勁好味，我試過其他出面果d,呢個醬汁夠豐富，愈食愈想食（可能我偏愛食薯條）。環境乾淨，服務唔錯，係嘈左d,不過幾個朋友仔食野吹水都唔錯。會再去