41
3
2
4-min walk from Exit D Wan Chai MTR Station; (近皇后大道東)
continue reading
Telephone
26062017
Opening Hours
Today
12:00 - 15:00
18:30 - 22:00
Mon - Sun
12:00 - 15:00
18:30 - 22:00
*星期日: 晚上接受訂位,請致電查詢
Above information is for reference only. Please check details with the restaurant.
About Reward Scheme
Offers
親民互動之《卓鮨》灣仔廚師發辦小店,餐廳分兩層,地方雖少,但環境舒服,omakase set黎講價錢唔算貴,師傅同客人有互動,又會一齊傾計,先付3點:枝豆、三文魚前額、牛面頰三文魚前額第一次食,口感爽脆,自家制既汁酸酸甜甜好開胃、牛面頰口感軟淋。刺身3種:忘記左是什麼刺身,擺盤精緻,刺身新鮮鮮甜,三款刺身味道由淡至濃。壽司3貫:伊佐木、中吞拿魚、海膽,頭2款壽司都油脂感十足,入口魚油香氣滿溢,咬落亦入口即溶,至於海膽壽司味道鮮甜。海膽忌廉汁煎帶子:海膽忌廉汁味道濃郁,且帶有芝士味,帶子肥美鮮甜,海膽汁配合帶子子入口,味道更顯豐富。鰻魚天婦羅:好特別,第一次食鰻魚天婦羅,入口好creamy,唔油膩。鹽燒安格斯封門柳:份量雖然不大,但牛肉味濃,生熟度煮得剛剛好,入口無筋,配菜都好新鮮。蝦湯稻庭烏冬:烏冬份量細細碗,蝦湯味鮮。甜品:自家製綠茶奶凍,非常欣賞甜品,入口會凍到牙肉酸,口感嫩滑,配上濃縮既綠茶味道唔會太甜。總結:初頭選呢個$780 set,睇落好似好少野食,但出奇地非常飽,因為可能刺身同肉類都好新鮮同脂感十足,omakase set價錢好抵食,值得一試。卓鮨灣仔廈門街1號廣泰樓地下C2A號舖#foodie #hkfoodie #hkfoodblogger #美食當前 #食咗先講 #卓鮨 #灣仔廈門街 #日本菜 #廚師發辦
continue reading
餐廳:卓鮨地點:灣仔廈門街菜式:日本菜餐牌:午餐餐牌有多款熱食同壽司刺身,包前菜,日式蒸蛋,日本素面同甜品。壽司14貫定食 $538 另加一而家呢個壽司14貫定食晚市都有得食!日式蒸蛋用塊木板墊住上枱,面頭加有好厚身既松葉蟹肉芡汁,蒸蛋好滑,加有日式魚蛋片同冬菇,味道鹹度適中,唔會太淡。師傅開始表演之前先show show盒魚生比我睇。食壽司之前先食前菜,分別有麵豉醬漬蒜頭同牛蒡,伴有酸薑片。牛蒡爽脆。麵豉醬漬蒜頭好特別,濃濃麵豉醬原來配蒜頭係好夾。春子鯛第一貫係春子鯛,壽司飯已經加左日式芥末,面頭加有靜岡黃柚子皮,紫蘇花同酸汁。魚肉新鮮,口感爽嫩,食落帶有清新柚子味同酸汁,作為第一貫壽司開胃唔錯。真鯛第二貫係真鯛,師傅已經加左豉油同日式芥末,魚肉味道鮮甜d。北海道帆立貝第三貫係北海道帆立貝。面頭加有竹炭鹽同青檸汁。帆立貝非常鮮甜爽口,而青檸汁令件壽司味道好清新。靜岡地金目鯛第四貫係靜岡地金目鯛。師傅話係金目鯛當中最高級,油份比較重,火炙左更香。食落口感鮮嫩之餘仲帶油香,好味呀!甜蝦第五貫係甜蝦。打孖上甜蝦面頭滴左自家炸蝦油,所以食到好香蝦油味,而蝦肉鮮甜黏口,好味道。鰆魚第六貫係鰆魚,即係馬交魚。火炙完魚香四溢。師傅係面頭加上白蘿蔔蓉,食落淋身香口d。三文魚籽第七貫係三文魚籽。三文魚籽超級鮮美,味道鹹香,喺把口爆出黎。而紫菜超鮮脆,面頭加上少少柚子皮可以平衡鹹度。伊佐木第八貫係伊佐木。師傅話整左短期熟成比我,短期熟成即係熟成十幾廿分鐘就整得,加左昆布味醬汁,食落鮮嫩帶少少鹹香,為呢種白身魚加添特別味道。馬糞海膽第九貫係馬糞海膽。入口即化馬糞海膽又鮮又creamy,絕對唔會腥,質素絕對高級,入口帶少少冰凍口感,而配超脆紫菜絕對係滑中帶脆,好正。梭子魚第十貫係梭子魚,火炙過所以面頭燶燶地,切割得好靚,面頭加上白芝麻粒同少少辣蘿蔔蓉,魚肉好淋而火炙味香。真池魚第11貫係真池魚,來自京都,加左蔥花同薑蓉,令到魚生更香,呢貫壽司都唔會腥。腦天第12貫係腦天,即係吞拿魚頭既肉,加上醬油之後輕輕炙燒過,食落魚油豐富,入口即溶,好滿足。螢光魷魚第13貫係螢光魷魚,係時令魚,當造期係三月到五月,今日難得食到。魷魚非常黏口,真係異常新鮮,加上少少蔥花都唔算太腥,味道濃郁,口感好正!鯖魚最後一貫係鯖魚,面頭加有一片白昆布,再加上紫蘇葉。味道係魚油加清香紫蘇葉,好正。蝦油素面壽司之後就到蝦油素面。蝦油素面細細兜,一口白色幼身素面唔會太飽,個湯好清,加有少少蝦油,夠味之餘又唔會太油膩。柚子雪芭最後一球清新柚子雪芭一清味蕾!呢餐食足個半鐘有多,上菜速度適中,食完都覺得飽。總括而言,魚生質素高,師傅細心講解,好健談。呢個價錢食到14貫omakase都好抵!入面座位有8個,想食就提早訂位好,雖然位置位於內街,平日晚市都滿座。
continue reading
呢間omakase係灣仔近利東街方向,Dinner Set有一道前菜,14件壽司,素麵,同一道甜品柚子雪葩。前菜松葉蟹芡汁蒸蛋口感滑溜。14件壽司分別有真鯛、深海池魚、地金木吊魚、帶子、甜蝦、間八、鰆魚、梭子魚、中拖羅、京都真池魚、海膽、老天、鯖魚、瑩光魷魚。真鯛壽司表面加添左日本柚子皮嘅清香。地金木吊魚輕炙過,逼出魚油脂嘅香味。帶子配搭竹炭鹽同青檸汁,好新嘅嘗試。甜蝦加左蝦殼炸過嘅油,蝦香味更濃。老天係吞拿魚頭部嘅肉,入口即溶。整體食材唔錯!
continue reading
廚師發辦小店〔卓鮨〕灣仔都有抵食的omakase set,餐廳屬小店及位置方便,地方不大,整體裝修簡約,先付3點有牛面頰肉、枝豆、三文魚前額牛面頰肉脂肪含量低,但肉質嫩滑,三文魚前額第一次聽,咬落幾爽口,刺身3種擺盤十分美觀,刺身新鮮鮮甜,口感都不一樣,壽司3貫師傅準備左有伊佐木、老天、海膽,前兩者刺身油脂重,入口味道廿香,而海膽味道鮮甜,海膽忌廉汁煎帶子醬汁口感幼滑,帶子都算大粒,海膽忌廉汁夾住帶子一齊食,味道有層次,鰻魚天婦羅入口好香鰻魚鮮香,皮薄唔油膩,鹽燒安格斯封門柳份量精細,口感軟淋,入口咬落唔韌,蝦湯稻庭烏冬烏冬口感彈牙,底湯鮮甜,甜品係綠茶奶凍口感十分軟滑,味道唔算甜,很適合女士,總捨灣仔既omakase係好抵食,而且食物質素不錯。
continue reading
灣仔廚師發板專門店🍣呢間卓鮨係位於灣仔廈門街,即利東街隔離。餐廳主打omakase,一打開門就係壽司吧枱,可以一面欣賞師傅的手藝,一邊同佢傾吓計,今次試吓呢款Elite Signature Dinner Menu先,師傅話呢個menu係同Dining City合作推出的,每位$780~▪️先付3點▪️刺身3種▪️寿司3貫▪️海膽忌廉汁燒帆立貝▪️鰻魚天婦羅▪️鹽燒安格斯封門柳▪️蝦湯稻庭烏冬🐠第一款刺身係春子鯛,係細條的日本赤臘魚,係春天的食材,質感好柔軟,上面灑上靜岡的柚子皮,令成個感覺更清新🐠第二款刺身係間八刺身,呢個位置係下腩位,質感爽口帶𡁻勁,充滿油香🐠第三款刺身係鰆魚刺身,師父將刺身輕燒左,口感較腍身,帶有少許火炙香味🍣伊助木魚壽司:質感爽口🍣吞拿魚腩壽司:入口充滿油香🍣海膽壽司:入口即溶,味道好鮮甜🐚海膽忌廉汁燒帆立貝:以北海道帆立貝配上海膽醬同三文魚籽,帆立貝口感實淨,味道豐富🍤鰻魚天婦羅:炸得好酥脆🐮鹽燒安格斯封門柳:肉味較重,質感較腍。🦐蝦湯稻庭烏冬:呢款菜式係店家自家制的,湯底清清地,蝦湯面頭淋上蝦油,食落唔會好油膩🍵抹茶布甸:呢款甜品都係店家自家製,牛奶布甸面頭淋上抹茶醬,布甸入口滑溜,抹茶醬好重抹茶味地址:卓鮨 灣仔廈門街1號廣泰樓地下C2A號舖。#goeat灣仔#灣仔美食#灣仔好去處#灣仔日本菜#卓鮨#灣仔日本餐廳#廚師發板#omakase#omakasehk#hongkongomakase
continue reading