UCC Coffee Shop (Closed)

今晚我們去咗將軍澳新都城中心二期嘅「UCC Coffee Shop」食晚飯！我們叫咗安格斯肉眼扒「配蒜蓉多士」、照燒鷄扒拼香腸「配白飯」同海鮮湯意粉「茄汁」！自助沙律吧嘅款式選擇唔算太多，但都算新鮮！安格斯肉眼扒「配蒜蓉多士」肉眼扒嘅肉味都幾香濃！蒜蓉多士炸得好香脆熱辣！照燒鷄扒拼香腸「配白飯」鷄扒嘅肉質好嫩滑，香腸就不過不失！海鮮湯意粉「茄汁」嘅茄汁湯底好濃郁，意粉亦幾彈牙！

UCC 以咖啡為中心，「從一杯咖啡到農園生產」發展多角化經營，進而更致力於品質保證及文化相關等活動，形成綜合性發展的經營模式。 非繁忙時段，環境格外寧靜，配合歐陸式風格，彷彿置身於外國，高雅貴氣。❤❤ 餐具杯碟都經過高溫消毒，我用手觸摸仍感到微熱，提高對餐廳的衛生信心。 今次餐廳推出『 White Peach Fair 』，以白桃啫喱為主題 ， 做出 5 款甜食。 藍莓夾餅 (半份) - 特別鍾情 UCC 出品的夾餅，顏色金黃，味道香脆。數粒藍莓點綴，奇異果一片，酸酸的感覺開胃，可是份量太少了。當隨意搽上雲呢嗱雪糕或滑溜的忌廉後，更覺清涼甜美。❤ 熱奶茶 - 均散發花香，獨特清新，叫人一飲難忘。❤❤

今日我們終於可以去到UCC喺將軍澳新都城店食下午茶！因之前嚟過幾次都大排長龍！我們叫咗煙三文魚三文治、蜆肉雜菜意粉、蟹柳蜆肉意粉、鮮果夾餅、雜草莓夾餅同鮮果法式多士！蜆肉雜菜意粉同蟹柳蜆肉意粉嘅意粉吸收晒醬汁嘅味道，蜆肉好新鮮同無沙，意粉亦好彈牙！兩款唔同嘅醬汁各有各特色，兩款我都鍾意！最緊要係唔油膩！鮮果夾餅同雜草莓夾餅嘅賣相非常吸引，鮮果非常足料同新鮮，夾餅嘅餅質非常外脆內軟，熱辣辣嘅夾餅加埋凍冰冰嘅雪糕一齊食，真係別有一番風味！係本人嘅必食推介！

又到下午茶開餐的時間, 獨個兒走到寶琳, 無預計下走進這家門面比較開揚吸引的UCC Coffee Shop。踏入餐廳便見到這充滿日式的咖啡吧。來自日本的UCC Coffee Shop, 店內装潢一貫日式八,九十年代咖啡店的格調, 地方寛敞舒適的用餐環境。下午茶時段, 提供多款甜品外, 還有幾款迷你版日式意粉及飯。價錢比一般提供下午茶餐的食店貴, 而且有加一。煙肉本菇咖哩味奄列飯(白汁)好味正宗的日式奄列飯只在日本食過一次, 印象難忘。自此在日本、香港都未遇上。因此很久沒有抱住太大期望, 今次也不例外。奄列飯上放了煙肉及3種不同的菇。下面的蛋比BB的皮膚更加滑, 蛋應有的紋路消失了。用匙分開, 一如所料没有蛋流出, 驚訝的是蛋表面超滑而且厚度好似紙一樣薄。幸好裏面的不是白飯, 而是用日式咖哩煮過的飯, 飯的味道都不錯。雖然菜名稱是咖哩, 其實味道不太像咖哩, 味道似濃味的磨菇白汁多點, 可能這是日式咖哩的特色吧。下午茶餐可選擇咖啡丶茶或鮮橙汁。其實鮮橙汁定義是什麼？對我來說，鮮橙汁＝鮮榨橙汁。但是，很多餐廳酒樓只是提供「果汁先生」便自稱廠「鮮橙汁」,「鮮」應該是即做及無添加。因此每次都會

UCC，曾經是我其中一間經常會幫襯的餐廳，因為佢D咖啡向來有質素，尤其係凍咖啡，很香濃，不會覺得苦澀。意粉亦都好食，彈牙，再加埋沙律吧，套餐既性價比真係無敵。可惜的是，自從分店開多左，食物款式選擇多左後，食物既質素就大幅下降今晚點左份咖喱漢堡飯和海鮮意粉連套餐。咖喱汁比較咸，漢堡鞋口無乜肉味，飯就最正常，海鮮味道一般，意粉太淋，已經唔係以前既水準，唯一保持到既就只有咖啡同沙律，可惜

我都算大鄉理，UCC開左咁耐，就連分店都開左幾間，今日我先係第一次光顧呀~UCC最出名都應該係嗰個自助沙律BAR，曾經何時我都係PIZZA HUT試過玩一次，不過自此之後PIZZA HUT都取消左自助沙律BAR，終於今次有得再玩過啦~不過最開心嗰個唔係我，睇吓小小豬幾興奮，因為有佢至愛嘅啫喱呀~即刻飛撲去夾啫喱呀~由於個底部建立的唔好(都係怪小小豬嗰三粒啫喱)，所以我嘅沙律整成品都唔可以加太多嘢，不過都叫做將我鐘意食嘅加晒，只不過係唔夠多呀...哈哈哈~係我努力整沙律嘅時候，原來個餐湯已經送到，當我行到返枱時，竟然見到個奇景，就係一向唔鐘意飲粟米湯嘅小小豬，不停係度飲，仲讚好味添。就係咁我嘅湯就俾小小豬KO了，見小小豬飲得咁落力，相信個湯都應該唔差呀~我地嘅主菜嚟啦，依個芝士三文魚菠菜意粉就係小小豬嘅，入面都好足料，三文魚分量都算多，再加上個好味嘅白汁，所以整體上又真係唔錯~小小豬食到啲呢...啲芝士成口都係啦，不過佢話咁好得意哦，真係唔知佢啲咩理論呀...哈哈哈~ 之後仲叫多左一個海鮮焗飯，味道都算唔錯，大肥豬仲對依個焗飯讚口不絕添~最後我就飲杯凍檸檬茶~小小豬就食佢至愛嘅啫喱~其實

新年假期其實大部分公司已經啟市，所以星期二午餐時間特別清靜。一向到UCC用餐只是偏好自助沙律吧，即點主食跟套餐就可夾一次加餐飲。帶子野菌意粉不算油膩，味道偏淡。沙律吧選擇不多，志在每款都合口味。PS: 沙律吧必選之薯蓉，食肥都值。

美味的晚餐，特別的聚會，惡劣的服務。數過月後和好友便要分隔兩地，往台灣的台灣，澳洲的澳洲，所以，這餐對我們來說既難忘又珍貴。星期四，我們找個大家都就腳的餐廳吃晚飯，約七時與好友到達UCC coffee shop，幸好尚早，不用排隊便有位置坐，坐下若半小時就「排哂長龍」，得意洋洋和沾沾自喜的我倆聊了一會便點菜了。這是好友點的墨魚汁意粉，因為她不愛吃菇，她把所有菇菇都給我吃好吧，現在入正題了。她說意粉和墨魚彈牙，每條都有濃濃墨魚汁味。而我就認為菇菇除了香噴噴的菇味。還不失主角—墨魚汁味，這樣，菇菇便有雙重味道，該意粉烹調得非常出色！輪到我的芝士雞肉焗飯啦！首先，在嗅覺上，焗飯一上台，芝士味迅速地漂到我的鼻子，令我大快朵頤。另外，味道方面，原先我以為只有芝士味，但這飯還有咖哩味，是咖哩和芝士混合的醬，非常特別。在雞肉方面，雞肉肉汁豐富，並且非常入味（我猜大概是照燒汁味吧？）煙三文魚薄餅出場啦薄餅底夠薄夠香脆，但茄汁和芝士味不足，幸好煙三文魚夠多，能互補不足。最後，其實我已不是第一次光顧Ucc，但食評是第一次寫，不過每次服務態度都不見以禮待人，雖然食物美味，但如非必要都不會再光顧。

今晚見無咩人排隊就決定食因為食過幾次真係好仲意個沙律但今晚的服務令到我會考慮從此不再幫親首先入坐係答9有問他們收幾點他們說仲有一個鍾咁我們先入坐都有幾台客同我們一樣差不多時間但發現原來沙律吧已經準備收檔姐係更加唔洗有得補充啦得15分鐘選單跟住所以拿拿聲先點一款諗住取完沙律吧先再點另一款因為我們平時都只加一個set點知點完之後個男的一手搶走我手上的menu我搶番說我未點完只係怕你們收所以先點其中一個他個樣勁不滿意比番個牌我跟住飲咩都無說就頭也不回閃人結果我們就叫第2位女的拿碗比我們拿沙律跟手就問今天餐湯係咩湯女好快說番茄湯跟手因為太亂都忘記了平時我飲橙汁係走冰唉,跟住男的拿住2個湯係到裝下裝下就是蛋擺低一個係台邊正確台邊,,咩正常不問邊位用都唔應該放台邊我問不是紅湯咩他好大聲咁說今日係白湯呀><我都費時同他們—理論拿拿聲點埋菜食完就算下次咁趕收工就不要接客啦首先來個墨汁飯墨汁飯好入味每一啖都食到好濃郁的墨汁同墨汁意粉比明顯飯係粒粒都入到味不過原來飯都會幾流下但墨魚明顯地小又唔知點解加的菇入去飯就好味但配答就怪了小小鮮蝦帶子意粉無咩特别普普通通

之前三次，都係同朋友黎食下午茶。今日帶埋囝囝同老公去食下午茶，人山人海既星期六，等左一陣好快有位坐。 環境方面：開方式，日式洋風既設計，入口處擺放了UCC自家品牌的咖啡供客人選購。食物方面： 雞肉意粉，配菜有洋蔥及菇，仲有少許黑椒。整體味道OK，意粉吸收左啲肉汁，雞肉嫩口juicy夠味。 蜆肉意粉，意粉吸收晒啲汁既味道，同埋有少少辣。唔錯！ 鮮果窩夫配(乳酪醬)，賣相好豐富好吸引=]，鮮果有藍莓、紅莓、香蕉、奇異果、桃同埋草莓。外面脆內裡軟綿綿，搭配埋乳酪醬酸酸甜甜。 價錢方面：以下午茶黎講算貴，仲要加一服務費。客人要有新都城住戶證先會有discount.服務方面：唔知係樓面太忙定係唔夠人手，一坐低無water service，同埋叫左好耐先有店員黎點餐，呢方面有待改善。基本上，上餐速度快，店員都有禮貌。 其實之前都食過幾次，理應埋單之後會找錢同埋有收據， 但今次收完錢之後個店員就無回頭了，咁樣做法都有嘅  。

今天五月五日，同家人去UCC食午餐。新都城分店的水準不錯，食物份量足夠。 UCC的芝士海鮮焗飯好味。芝士味濃郁，海鮮全被芝士蓋住了。海鮮份量多，有蝦，魷魚圈，蜆。另外叫了意大利三文魚薄餅。薄餅皮脆如餅乾，三文魚併芝士恰到好處。

我們點了一份煎三文魚之類魚煎完全無煎過金黃些少顏色之餘亦無調味咸味不足，入口只有淡淡腥味，唔識煮飯的人烹調也比他好味多謝$98元， 墨汁意粉以$85價錢都值嘅但你想揾人拿叉加水望到頭呀頸呀都累也揾唔到人招乎你.更加失望一歺飯食了差不多$500元但服務比茶歺廳更差。

真係好多人食喎>_<等咗好耐先有位～反而隔離間日本野拍烏蠅…芝士焗海鮮通粉 - 本來就係點整都好食嘅野～食之前再加Ｄ芝士粉～Yummy!!!煙肉腸仔薄餅 - 係超脆皮嘅pizza～醬汁同配料都好夠～唔會乾憎憎!!香蕉朱古力夾餅 - 第一次食到咁滿意嘅格餅咋～外面脆得嚟入面仲好煙韌～熱熱地搭雪糕食一流!!!重點^^冰咖啡！ 係由店員於Bar枱用滴漏壼煮嘅～上枱時先倒落冰杯内～再自行加奶＆糖水～未加野飲咗兩啖試味^_^咖啡豆味偏清淡～好順滑～有少少回甘～都唔錯！下次想試埋炭燒咖啡！

上次食完好味心思思對它評價超高經過特登再去但因為可能今次選了自已唔喜歡的味道大打折扣所以保持中等水平希望第3次去會愛上番但沙律吧同凍coffee真係招牌可以值得去坐下

玫瑰cappucino(熱)：其實是1小杯玫瑰糖漿 + Cappucino，很香，熱的時候飲，玫瑰味濃，但稍為冷卻，玫瑰味隨之減弱。但那杯糖漿令我很想買一支。朱古力草莓格仔餅：不算太特別，但旁邊的雜莓汁十分香甜，稍嫌不夠。此甜品推介日本露之水滴草莓，但草莓不是很甜，但質感及香味真的不錯。服務員態度平平，不算太好︳也不算太差，但ORDER後，等了很久都沒人記得，要再叫一次。