UCC Coffee Shop (Closed)

星期日晚上來到UCC晚餐，食物味道還好，但食物與餐牌中所示的有差別👎🏻👎🏻👎🏻先來芝士海鮮焗通粉$95，完全跟餐牌中的不一樣，白色一堆野。雖然白汁頗入味，但用料控不而太豐富，只有三隻蝦和幾粒帶子。再來漢堡奄列飯$104，同樣跟餐牌不符。漢堡味道一般，飯配上茄汁的酸甜和牛肉汁的香，味道不錯。煙三文魚薄餅$94 ，算是當中最符合餐牌的菜式。這薄餅用料豐富，唯薄餅皮太薄太淋。甜品方面，鮮果窩夫半份$48味道不錯，全因窩夫外脆內軟。日式咖啡雪糕紅豆$74 ，這個跟餐牌中所示的不符，賣相不但不精美，而且說好的餅乾呢？其實它只有三粒丸子、紅豆、咖啡啫喱、寒天、雪糕和忌廉，那就售價$74 ，實在有點不值。

UCC依個品牌一向都係走高檔路線，但係居然係將軍澳都有分店，今日就等我睇下依間UCC同平時出面嘅有無唔同先～今日去到UCC大概12點左右，裏面都差唔多坐滿，好興幸黎早一步，唔洗等位～坐低睇下個Menu，飯同意粉嘅選擇都有幾多。今次我地一行4個人，就叫左兩個茄汁鮮蝦帶子意粉，一個白汁雞肉意大利飯，同埋一個茄汁海鮮意大利飯。！！想加杯野飲嘅朋友注意！！係lunch time（-14:30）嘅時候可以加37蚊就有一份Salad Bar同埋一杯野飲啦。（平時一杯單點咖啡都要成四十幾蚊㗎！）本來都無為意，好彩侍應姐姐提我地，就加左4個Salad Bar同野飲。每叫一份沙律吧就會俾一隻碟你，之後就有一次機會可以去雪櫃嗰度喪拎你想食嘅野，拎得幾多就食幾多，食得幾多就拎幾多～沙律吧嘅材料選擇都幾多，水果選擇有蜜桃同菠蘿，另外仲有生菜、吞拿魚、車厘茄、粟米、啫喱、提子乾、腰豆同埋薯蓉。（私人推介薯蓉加提子乾嘅配搭，加埋千島醬就一流啦！）其實食完個沙律已經飽飽地，但係對於大食嘅我黎講，食埋主菜都無難度！先黎睇下friend子食嘅嘢～然後，就係我嘅茄汁海鮮意大利飯。依個Risotto嘅飯好入味，軟硬度啱啱好

以前住係寶林，都經常去ucc 食晚餐，而家搬左，但我都會時不時去食下。而我又好鍾意飲咖啡喎，所以ucc 就成為左我既諗唔食咩/同家人晚餐既必去地方是日星期一，dinner set 有牛扒有意大利燴飯同埋意粉，由於好肚餓既關係，我地就叫左一個黑松露帶子意大利飯，茄汁鮮蝦意粉同埋牛扒set星期一既餐湯係蘑菇忌廉湯，我唔太鍾意所以就叫左是日既薯仔沙律，薯仔沙律整到薯蓉同埋入面仲有小小粒咁，好好味，同埋仲有小小栗米係中間，食落又香又甜，蘑菇湯我2個屋企人都話好濃好香，好好味終於到牛扒，意粉同意大利飯登場啦（由於太掛住食，忘記左影意大利飯～）牛扒叫左5成熟，但唔太5成啦，7成比較似，但肉煎得好淋身，唔會好鞋好難嚼，個汁都好香好好味，送飯一流呀～茄汁意粉味道好開胃，蝦同帶子都 ok，但個意粉本身煮得淋左小小，有d發開左既感覺，唔夠彈牙，但整體都係幾好食既最後個set跟既甜品係蜜桃伴雪糕，賣相同味道當然都好o k啦，不過就食完都唔太知上面唧花個粒淺黃既係咩黎，但都好滿足～最後最後，最滿足莫過於飲到杯好飲既咖啡，ucc既咖啡出名香濃，就咁未加任何野，我飲左啖，好香好濃既咖啡味，仲帶小小榛果同雲厘拿香味

住了將軍澳多年，不知為什麼從來沒打算幫襯此店，今日突然想試試下午茶。下午茶都頗滿但不需排隊，假日有最低消費$70，但下午茶套餐卻有價單連加一低過$70，奇怪！我們叫了法式三文魚薄餅多士和朱古力夾餅。飲品叫了凍炭燒咖啡。夾餅有點硬，相信放了在厨房一段時間，無辦法，流水作業。 多士不過不失，簡單手作。 下午茶來說份量算大。炭燒咖啡是主角，味道比咖啡連鎖店高一班。 店員特在客人面前做 showmanship ，將咖啡從專業咖啡壼倒入載滿冰，但店員可能一日做百幾次，做得非常衝忙，若然慢些會更專業。我們很寄掛那美妙的咖啡味，第二天又來了下午茶，當然今次試了別的食物。

salad bar去咗Ucc食晏晝，佢嘅午餐餐牌係廢嘅，因為自己組合都係一樣價錢。不過，食物質素唔錯，我叫咗芝士白汁焗雞飯，芝士味好重，分量都足夠！抵讚！另外加咗＄37堆沙律吧，沙律選擇不多但都夠用啦。呢個又係玩物理嘅時候，切好個平台之後慢慢堆，好玩又好食！不過人就比較多，仲有啲師奶黑面，好心心情咁差就唔好堆啦。不過refill得好快，要乜有乜！喺呢度最緊要係叫杯咖啡，雖然好似係咖啡粉，不過即刻煲，非常之香濃，係等得耐少少囉。

我係由細食UCC食到大嘅，由崇光百貨開始，去到食唔同嘅連鎖店，呢間日式嘅連鎖西餐廳係我心目中嘅地位係唔會改變。海鮮湯意粉番茄味 - 成件事最美妙嘅地方就係佢個湯，而佢個湯有齊海鮮同埋蕃茄嘅鮮甜同埋濃郁，海鮮點都唔會係啲乜嘢新鮮貨色，但係口味同埋份量絕對冇額人，仲有好抵讚嘅係佢嘅意粉真係煮得啱啱好，入口煙煙銀銀，加埋呢個番茄海鮮湯食真係越食越開胃。沙律吧任食 - 呢個亦都係我由細到大都鍾意黎嘅原因，沙律吧好多人都鍾意，以我最鍾意嘅就係佢哋嘅薯仔沙律，吞拿魚碎，同埋粟米粒，當然仲有阿仔鍾意嘅啫喱糖，坦白講，雖然只係可以攞一次，但係淨係攞薯仔沙律，都已經夠食飽你！仲有呀佢哋杯咖啡真係好好飲，如果對咖啡有特別要求仲可以揀佢哋餐牌上面嘅唔同選擇，我自己就會通常要番佢哋跟餐嘅選擇，已經好香濃！咁多年來都冇乜特別加價，分量同質素都相當穩定，所以呢度都係我嘅長期飯堂！

難得今日放工可以同同事去食飯，我哋就去咗寶林新都城嘅UCC Cafe食，我哋已經係第二次幫襯，依然都係咁鍾情呢間餐廳。每次我哋黎都會叫卡邦尼意粉，我好欣賞醬汁，唔會太流，而且香口，超級好食，平時係其他舖頭食嘅卡邦尼意粉通常都會煮得太流，食幾啖就會唔想食，相反呢碟意粉嘅醬汁就煮得啱啱好，可以成碟食晒！我哋仲叫咗漢堡扒蛋包飯，漢堡扒有香濃嘅洋蔥味，非常香口，而且醬汁係蘑菇汁，食落口有一陣陣蘑菇味，而且唔會太鹹，同漢堡扒好夾，配埋蛋包飯食，非常一流！另外我哋仲叫咗芝士焗雞肉飯，餐廳做嘅焗飯非常好食，芝士汁唔會太流，而且香口，配埋炒飯底，好味道！我哋仲加左錢叫沙律食，我哋自己攞碟出去裝沙律，可以一次過裝滿成個碟，所以我同同事都好興奮，鬥邊個裝得最多沙律。沙律嘅款式好豐富，有粟米、蕃茄、生菜、薯仔、紅腰豆等等，好多選擇俾你揀。

諗住同老公試下ucc，記得之前係奧海個邊食一直都ok。😠但好可惜將軍澳令我對ucc超失望。1)等位差：一直叫晒4-5人，最後最後先叫2人位。2)安排差：等左半個鐘。比張勁窄，仲要同隔離檯緊貼。3)服務差：野食黎到無餐具，日本餐廳服務這樣嗎？仲要埋單勁耐。4)食物差：每一隻蝦仁半切來煮？好貴嗎？我比104蚊食個飯竟然半隻蝦仁？ 漢堡扒求其煮到呢…hea煮無心做食物最慘。最後同老公不約而同講左句：以後唔黎呢間

一間日式西餐廳/咖啡店，一直都覺得佢地既意粉同咖啡好出式，而且有沙律bar，所以經常同朋友家人一齊黎食。魷魚本菇意粉(墨魚汁) $91係我由細食到大，最中意食既意粉!! 意粉質地煙韌唔會淋，配上甜甜地既墨魚汁味道獨特，會一啖接一啖！仲有啲墨魚圈，絕對係真材實料。芝士焗雞肉飯(白汁) $91飯底用咖哩炒過，每一啖都好有咖哩味。飯上面有一層白汁忌廉，雞肉，和溶了的芝士。乾身的飯粒與濕潤的忌廉和芝士一起吃，口感好配合！雞肉份量都幾多，幾嫩滑！ucc招牌咖啡 $45ucc的咖啡都好有水準，如果坐bar枱可以見到咖啡師煮咖啡既過程。店員會去到你面前才把咖啡壺的咖啡倒進杯中，感覺得專業，哈哈

趁聖誕節之前，專程走到將軍澳，除了跟住在將軍澳而認識了三年的朋友食飯之外，還要由他帶路去將軍澳新都城中心影大力水手及 Boop 聖誕裝飾！我個人不熟悉將軍澳區，所以，先約他在將軍澳寶琳地鐵站等我！由他帶路去將附近的新都城，我們影完相後，他帶我到一間啱大家口味嘅咖啡店 <UCC Coffee Shop>！店員安排我們到一張有梳化位的二人桌子，環境舒適寧靜，是一個享用美食的好地方！我們安坐後，便看看餐牌！對於我來說，只幫襯過其上環分店的早餐，對其他美食自不然充滿新鮮感！貴為一間咖啡店，供應的咖啡種類也不少！其他飲品包括：茶、朱古力、汽水、酒類...等！美食多元化，包括：沙律、小食、意粉、焗通粉、燴飯、奄列飯、咖哩飯、扒類、薄餅、法式多士、窩夫、甜品…等！坐在我面前的咖啡達人先點一杯熱咖啡！至於，我則點了熱鮮果紅茶 $51飄浮著雜果真材實料，有藍莓、蘋果、士多啤梨、菠蘿...賣相色彩繽紛！口味輕怡清新！酸甜帶茶香，不錯喝！也是暖胃健康之選！芝士海鮮焗通粉 $95等上大約10分鐘！香濃的芝士味撲鼻！令我胃口大開起來！ 滿載蝦、魷魚圈、帶子...等，海鮮尚算入味，通粉其實是我喜

2017年12月19日 (星期二) 11:56am 非繁忙時段，環境格外寧靜，配合歐陸式風格，彷彿置身於外國，高雅貴氣。❤❤ 餐具杯碟都經過高溫消毒，我用手觸摸仍感到微熱，提高對餐廳的衛生信心。 為慶祝家人的生日，特地選擇此餐廳用膳。 環境光亮整潔，餐具乾淨。 不用等位 人數：2人 HK$261.80 香煎牛肩肉眼扒 - 牛扒肉質比較靱，需要時間去咀嚼。不過，當點上醬汁後吃，感覺還是新鮮甜美的。蒜蓉多士暖烘烘，散發一陣陣的蒜香味，脆口惹味！薯塊又熱又卜卜脆，即炸即食，相比起其他食店的凍冰冰和乾硬來說，不知好幾多了。番茄酸酸甜甜，開開胃口。意粉質感彈牙，拌勻茄汁，味道甜香。最意想不到的，是用秋葵伴碟，本人第一次吃上，多爽少黏，感覺不錯。 白汁菠菜三文魚意粉 - 三文魚新鮮軟腍，味道不算鹹，清清淡淡。每塊都是小件厚切，塗抹忌廉汁後，香香滑滑。菠菜綠油油，鐵質豐富，感覺軟腍。意粉質感滑溜，份量充足。【推介之選】❤❤❤ 綠茶紅豆窩夫 (大) - 本人特別鍾情 UCC 出品的夾餅，顏色金黃，味道香脆。綠茶雪糕滑溜美味，口感清新。旁邊的紅豆蓉和蓉栗子都十分綿密，兩者均勻地搽到夾餅上，再配合雪糕與

父親大人喺大陸做完嘢返嚟！通常都會返嚟uCC飲咖啡! 今次我哋嘅時間啱啱好可以食到下午茶，跟住食埋晚餐！今日星期三有依個香草蜆肉蜆意粉！正合我心意！每次下午茶都必食嘅鬆餅加吞拿魚蛋沙律！一個係細分嘅意粉下午茶size !剛食完下午茶嘅時候就到夜晚嘅晚餐出場啦！我好鍾意食佢個沙律吧架！只可以夾一次！我哋啲成日食得好少菜嘅人喺度就啱啦！不過大家唔好眼闊肚窄啊食得晒先好夾咁多！晚餐你要食個沙律必定要order 過主菜加$！我哋實在食唔落啦所以將個焗飯主菜外賣！咖喱牛肉飯外賣！我哋order左四個餐有四杯咖啡咁似老豆咁飲都好夠啦！飲返一個禮拜嘅咖啡！

UCC Coffee Shop 典雅雲石檯及咖啡高櫃枱，營造了悠閒舒適環境，得閒歎杯咖啡也不錯，可惜旺市時間人多就沒有這種氣氛，反而熱鬧起來。咖喱豬扒飯不太有咖喱味，偏向微甜，吉列豬扒炸得外脆內軟，肉質有啃口不會過「林」，保持一貫炸物標準， 整體尚算不錯。兒童餐炸雞配蛋包飯+水果雪糕，頗豐富的兒童餐，小朋友鍾意食炸嘢，所以唔會煮得太差的話，基本上炸雞係可以滿足到小朋友的要求，蛋包飯外觀不錯，聽小朋友說味道也唔錯，只要他們說好，我也相信是好的，因為始終是他們食的，最直接嘅感受是由心而發，只要他們開心，家長亦會滿意。

星期六日朝早搵早餐食，自己屋企樓下嘅商場，食到悶但居然發現仲有呢間不過10點先有得食，變左做brunch10點去都有位，但好快坐滿人，個個叫份早餐，都要等等先有得食叫野飲會好快有，招牌咖啡都好快有，呢個最滿意（咖啡個奶好濃好滑，令到成杯咖啡好正好飲）野食新鮮煮好出來，唔似連鎖店咁整定蛋嘅份量好大份，唔會炒得好油腸仔啖啖肉，食完好頂肚個窩夫搽牛油食，熱辣辣好好味所以我特別鍾意來呢度食朝早食熱辣又豐富嘅早餐，星期六日都變得寧舍開心

朋友要離開香港 去第二度生活 我哋揀咗去UCC同佢食餐飯哩間餐廳地方都幾大 我哋十幾人去到都輕易搵到位坐每次哩UCC 最好玩嘅係砌座沙律山 我哋今次派咗2個朋友出去比賽 睇下邊個最有技巧咁砌座高山返嚟當然 我哋人多 食得曬啲嘢先會砌 唔會浪費蒜蓉包都算香炸薯角還好 有進步空間我哋叫咗幾款主食 大家分享個人認為各款主食嘅味道都尚可 但冇咩驚喜 個人認為哩度最有特色嘅 係砌沙律山 好有滿足感