Video
Opening Hours
Today
11:30 - 22:30
Mon - Sun
11:30 - 22:30
Above information is for reference only. Please check details with the restaurant.
再次回訪，上次食大角咀分店，今次去太子分店兩間菜單有啲唔同，太子呢間多好多選擇，好多都想試🤤有假日晚市二人套餐，$198抵食最出名係墨魚餃～上次食過，今次再食▶️ 鮮肉西洋菜餃｜墨魚荸薺餃 ($60)10隻餃子，可選雙拼鮮肉西洋菜餃西洋菜多於豬肉🥬食落新鮮青翠，唔重調味，天然又健康墨魚荸薺餃烏卒卒🖤黑白配好靚墨魚皮質感味道似墨魚汁意粉手打墨魚內餡有驚喜😋比豬肉爽彈，加入少許馬蹄，食落爽口整體餃子大粒，餡料飽滿🥟餃子皮偏厚身，但質感煙靭有咬口，唔鬆散👍🏻好食又飽肚本身唔跟湯比較dry，鍾意可以問店員攞碗湯店員俾咗碗豬骨雞湯我，湯底香濃唔msg，加咗好食啲 (餃子亦冇咁快凍)*記得配自家製辣菜脯食，佢啲菜脯超爽脆！辣度啱啱好🌶️有興趣可以以$15買罐返屋企餸飯麵食*▶️ 山東雞扒拼豬扒菜飯 ($60)店員推介嘅新品賣相靚仔，一邊雞扒，一邊炸豬扒雞扒啖啖肉連脆皮，炸豬扒大大塊，旁邊有辣椒蔥油醬可點係略嫌肉質乾身少少🤏🏻菜飯即叫即炒，超多白菜仔🥬因為無落油炒所以粒粒分明冇正宗菜飯咁香，但較健康🍚▶️ 醉雞卷 ($45)有6大卷，至愛花鵰醉雞😍卷得紮實靚仔，功夫唔錯花雕酒味濃烈入味！雞卷全是肉🐔雞皮薄身呈啫喱狀帶彈性半隻溏心蛋蛋黃半熟，同樣釀有花雕酒味好唔錯嘅冷盤小食 (份量卻是主菜size)▶️ 京蔥羊肉餡餅 ($34)餡餅即叫即整，要等20分鐘左右比預期中巨型爆餡😯仲要超多肉汁超juicy!! (好似小籠包爆汁咁)外皮兩面煎得香脆，係一個皮薄餡料多嘅生煎包羊肉味道出，配上京蔥口感豐富等咁耐值得～▶️ 自家製山楂茶 ($10)味道酸酸甜甜，凍飲清涼解渴唔會太過甜，邊食辣野邊飲好爽😌本身冇冰，唔會溝淡味道▶️ 凍檸檬茶 ($14)-餃子真心好食，墨魚荸薺餃係必試✔️兩款小食都唔錯，尤其餡餅，難怪係人氣之選菜飯就正常，勝在足料大份見隔籬枱個砂鍋雲吞雞好吸引，有機會再試環境比大角咀分店好坐，裝修新穎乾淨店員服務超nice🫶🏻特登嚟同我哋介紹餐牌，又好窩心咁話驚我哋坐耐咗會凍，送上暖水咁親切嘅服務，值得表揚一下性價比高！埋單唔使$120/人，已經有兩個主菜、兩份小食、兩杯特飲😌抵食晚市受歡迎，食客多為情侶或後生仔們，亦有唔少外賣訂單行開旺角太子，要嚟試吓！
continue reading
🥟餃子 🐻❄️#新奇控 💛——————2:00pm倒到餐廳，見都有4人啱啱先等到位入去食，🐻❄️一個就即刻入到，睇嚟星期六餐廳午飯時間都幾滿～🥟墨魚荸薺餃$29 (5隻)墨魚水餃無食到墨魚粒，食落類似墨魚滑嘅口感，有馬蹄所以會有啲咬口；可能因為🐻❄️叫咗其他濃味嘅食物，顯得佢比較淡，可以點埋醋食，酸酸哋會清新啲😬P.S.如果叫相拼，呢種餃建議配鮮肉白菜餃呢類味道淡啲嘅水餃🥟🥟京蔥羊肉餃$27 (5隻)餃子多汁🤤有羊肉味，呢隻味道比較濃，點唔點醋都可以～🐻❄️欣賞呢個多啲🤤P.S.呢隻相拼可以配返濃味水餃，例如鮮肉芹菜餃/包辣餡料嘅水餃🥟🐓雞撕粉皮(細)$28大量麻醬所以好夠味，粉皮滑捋捋👍🏽，雞肉食得出係舖頭「手撕」，因為有少少雞骨。當然無雞骨就更方便入口，呢樣希望舖頭可以再改進吓～一個人食份量都幾多🙈小鳥胃10隻水餃已經夠～結論：水餃好特別亦好食😆會encore👍🏽
continue reading
/山東小城🇭🇰/#sa旺角篇 #sa太子篇 ➖➖➖<初嚐烏卒卒墨魚水餃🥟🖤> ➖➖➖相比起食飯 個人更鍾意食麵同餃子🥟🤣開初佢哋第一分店係大角咀都食過一次酸辣湯餃子 依家佢哋旺角都有分店 空間更大 人流都較多 招牌菜除咗有墨魚馬蹄餃 亦都有餡餅、小食、飯等😆價錢相宜 見幾多人推薦羊肉餡餅🫓 揾日再試！ ➖➖➖1️⃣雙拼餃子🥟(10隻) $50-58 今次揀左京蔥羊肉餃拼墨魚馬蹄餃 黑白顏色分明✨ 餃子幾飽滿 餃子皮厚薄適中羊肉餃嘅肉唔算好羶 容易接受🫶🏻 墨魚餃嘅外皮用左墨汁做 本身無咩味道😆入面會食到馬蹄粒幾爽口 墨魚亦幾彈牙 亦加左豬肉成份～ 整體覺得較為清淡 建議配酸辣湯/菜脯 ➖➖➖2️⃣紅燒牛肉擔擔麵 $54 紅燒牛肉另上 切成粒 有啲似平時嘅牛腩 至於擔擔麵個湯 可以再稠身啲 再重啲花生香就好了🫶🏻➖➖➖3️⃣麻辣魚皮 (小）$26 🌟有分大小兩個size 👍🏻就算細份都幾多試過幾間 覺得呢間最好食 魚皮口感爽脆✨唔會太厚 辣度都岩岩好 魚皮夠入味 帶麻痺嘅感覺😆➖➖➖4️⃣醉雞 (大) $62 份量頗多 已斬件肉質都幾滑🤩 亦都幾濃烈嘅酒味 溏心蛋都夠入味🫶🏻➖➖➖5️⃣自製豆漿 $10 甜度適中 唔會飲到豆渣 亦會飲到豆味☺️➖➖➖6️⃣自製山楂茶 $10 同樣自家製 酸酸甜甜 有埋配料就更好😆➖➖➖📍山東小城
continue reading
喺旺角唔係好知想食乜，已經1:30。上IG search見到有依間有黑色水餃嘅舖頭，於是乎就行去試吓。去到係唔使排隊，店員好好安排咗個卡位俾我，雖然我得一個人去。本身係想入去食佢哋招牌嘅爆汁餡餅，仲有黑色嘅墨魚餃。但係如果散嗌嘅話依兩樣嘢加埋最平需要70幾蚊。所以最後都係揀咗lunch set。放棄咗餡餅，打算下次再同朋友嚟食。lunch set就係一個擔擔麵，配墨魚汁水餃。擔擔麵份量好多，但係啲花生醬比較偏甜。食咗一陣就比較滯啦。墨魚汁水餃外皮比平時食嘅餃子偏厚少少，入面嘅餡係墨魚滑，成個配搭都幾得意。set入面仲送咗一杯豆漿，成個set就係一個飽肚之選。
continue reading
太子呢一間山東小城係一間幾唔錯嘅小店 而且佢哋啲嘢食價錢都幾公道🤣小編就覺得佢哋啲雲吞幾好食同埋佢哋嘅小食亦都係幾出色❣️.🐷四色雲吞四色雲吞就係佢哋嘅招牌之一🤣 有鮮肉韭菜雲吞、鮮肉粟米雲吞、鮮肉紫菜雲吞同鮮肉麻辣菜甫雲吞 🤣 因為小編有選擇困難症，所以索性就叫一碗四色雲吞 有晒咁多隻味就唔使諗食邊隻味每款雲吞都有唔同嘅口味同香氣🥰 餡料鮮嫩彈牙最特別嘅一定係鮮肉麻辣菜脯雲吞🌶️咬咗落去先知道咬咗咁辣嘅嘢 真係即刻覺得嚇一嚇😂.🐷酸菜滑盧魚米線呢碗酸菜滑盧魚米線係一碗酸辣開胃嘅湯麵🍜 有新鮮滑盧魚片同酸菜 湯底酸辣好開胃 不過小編都接受到呢一個辣度喎🌶️ 配埋幾有咬口嘅米線同鮮嫩嘅魚片🐠🐠 唔錯唔錯❣️.🐷鮮肉韭菜餡餅鮮肉韭菜餡餅外皮酥脆 仲要好大夠 同朋友一人半件食到勁飽😂 入面有豐富嘅鮮肉同香氣撲鼻嘅韭菜 每一啖都好香好美味 🥰.🐷山東大拉皮山東大拉皮係一道經典嘅山東冷盤😂😂😂有寬條形嘅面皮 同豐富嘅調味同配菜🥰呢道菜色香味俱佳 口感Q彈 🤣🤣 第一次食佢 小編覺得真係一試難忘😂喺炎熱嘅夏天食呢道清涼開胃嘅菜最正😘.🐷山楂茶+凍檸茶山東小城仲有山楂茶 真係消暑又解渴 山楂茶酸酸甜甜🥰.山東小城📍太子西洋菜南街198號地舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodie
continue reading