金源冰室

Open Now

Now Closed

好耐無去坪洲。見到間有歷史橫裝既餐廳。入咗去點咗個$69雜扒餐。跟餐買咗杯$15芒果雜果冰。杯芒果雜果冰，無芒果肉。但係好好飲。個雜扒餐我同老闆講明，唔要牛肉。賣相好正。有豬扒、雞翼、太陽蛋、腸仔、煙肉。用鐵板上。好重西式餐廳風味。豬扒肉質鮮嫩。太陽蛋好好食。行開去坪洲，一定會再去。

細細個喺到住就會夾埋成班同學仔一齊share個雜扒餐，仲要配枝玻璃樽大檸樂拎多隻杯share飲，20年過去，我都搬離咗坪洲，最近返嚟探下朋友，再叫返個雜扒餐，依然喺金源獨有醬汁同埋個塊歷史悠久嘅鐵板，再做落去塊鐵板真喺就嚟變古董。其實個雜扒餐就喺好普通嘅豬扒、牛扒、雞扒、腸仔同火腿再配薯條，不過以前食完仲有個小甜品就喺花奶小啫喱，但慢慢地好似就無了。金源嘅特色喺佢嘅秘製醬汁，無論你叫咩嘢食，即刻叫蕃茄牛肉飯，佢都唔喺用蕃茄汁，都會照用佢喱個秘製醬汁，大家都可以嚟試一試。

之前疫情時期入過黎想試下依間，不過人太多，排吾到，一年係終於入黎試到公司炒通粉 味道都算ok 入面料算多不過炒得有啲油 另外朋友叫左個漢堡扒公仔麵 用福字麵底 味精有啲濃 好果入坪洲都可以一試依間茶餐廳

今日天氣晴 又有少少涼風 入坪洲唔係難事唔會熱到身水身汗 所以衝動搭船啦⛴️入到去已經晏晝 拿拿聲食個晏先一落船 係碼頭繞過坪洲街市就見到入到去 雖然舖仔細細 但都坐滿人 聽到好多客一入黎坐低就話照舊 店員就話👌🏽好有默契 好有小店情懷飛碟 真係小學嘅時候 媽咪經常整嘅早餐不過略嫌包邊唔夠脆公司炒通 ～$44其實有啲油膩 不過好多配料例如 青豆味道係乾炒牛河味 好搞笑雞翼炒烏冬 ～$45烏冬味道都係乾炒牛河味 唔係唔好食但比較多油 食完好油膩

夏天我竟然黎左坪洲，睇黎我都厭倦左市區既生活，特登係中環搭船去坪洲行，我已經第3次黎坪洲啦，但係就係第一次食坪洲炒通心粉，亦都係第一次食炒通心粉。廚師好有鑊氣，炒出黎香噴噴，份量都岩岩好，夠我一個人食，又唔會好多又唔會好少，佢炒得粒粒分明，又唔會痴住，我知炒飯如果係粒粒分明先會好食，估唔到炒通心粉同炒飯一樣，都係有呢個秘訣。之後我想講既係我以為會好貴，因為坪洲我諗都係做遊客生意，點知比我想像中平，下次入黎會再食

📍坪洲必試公司炒通粉 x 柚子多士👉🏻 公司炒通粉🤎一年前入黎撞正舖頭例休今次終於試到係值得喎🤝有鑊氣之炒通粉！！用最簡單材料：牛肉/餐肉/火腿/通粉等 但入口又有啲眼前一亮🤤上枱噴哂煙 又有炒牛河香但換左通粉冇咁油 /通粉彈牙/調味適中🫶🏻三人share岩岩好 可以試多幾間！見隔離枱既豬扒通都不錯 下次試埋～👉🏻 柚子西多士新鮮配搭☀️柚子醬喺西多士入面喺Toast入面會有柚子果肉 酸酸甜甜減哂油膩感📌留意餐廳例休時間

餐廳集中在連接碼頭的幾條橫街直街，主要有兩大類：Cafe、茶餐廳。這次我們去了「金源冰室」，點了不少人推介的「公司炒通粉」、「柚子西多士」，也另外點了「豬扒炒意粉」、「熱奶茶」。• 整體而言，食物有鑊氣，但意粉和通粉質感比較粉，也頗多油。• 「公司炒通粉」有趣，味道類近乾炒牛河，可以一試。• 「柚子西多士」，是夾有柚子醬、花生醬嘅西多士，所以不用另外加糖漿，也夠甜。• 作為奶茶愛好者，「熱奶茶」必點，但只是喝兩口就放棄了。我仔細一看，原來茶餐廳不是用黑白淡奶，連三花淡奶都不是😢• 另外建議大家留意船期，盡量不要到岸就馬上輪候餐廳，等下一班船到岸前才去排隊，可以減少輪候時間💰人均收費：HKD50-100🤤美味指數：🤤🤤🤤（正正常常 標準發揮）

1月1號個日去左坪洲，我係未去過坪洲😂所以襯住新一年去下啲未去過既地方，我同朋友訓晏左，入到坪洲已經接近三點，由於係假期加上我哋晏左，所以好多餐廳都無開/收左。好彩朋友個朋友住係坪洲，本身間餐廳準備收鋪只接待街坊，我哋跟住朋友個朋友就成功入到餐廳😂.雞扒炒通 $45之前聽過新蒲崗某餐廳都有炒餐廳，估唔到坪洲都有😂定係一直都有係我唔知？😂通粉炒得有穫氣，雞扒有少少鞋，整體都Ok如果無三色豆就更加好(´▽｀).豬扒炒烏冬 $42烏冬一樣炒得有穫氣，味道就正常發揮.美式雜扒 $66正常雜扒餐😂😂😂幾豐富.柚子西多士 $27第一次見柚子西多士，餐廳用柚子醬代替花生醬，西多幾脆有少少甜但幾創新。不過我就比較鐘意原味西多士多啲，但鐘意柚子既朋友可以試下.吉列炸魚多士 $27有少少似蝦多士既做法，兩種配搭埋一齊幾特別.

第一次入坪洲，本身諗住郊游，點知最後變左美食團😆跟住啲網上嘅介紹周圍食，同買嘢食做手信，試左呢間幾出名嘅冰室。公司炒通粉炒通粉第一次食，一般茶記通常都係炒意粉。呢個公司炒通粉，一上枱就聞到一陣熟悉嘅味道—好似乾炒牛河咁嘅香味！豉油香！🤣配料有腸仔，火腿，午餐肉，雜豆同牛肉！加上港式辣椒醬，你到即刻昇華，推薦👍🏻炸魚柳多士另外，炸魚柳多士🥪又係新玩法。做法似蝦多士，不過原塊魚柳擺係多士上面，口感特別，脆上加脆，可以試試👌🏻叫埋野飲兩個人食左100蚊左右，整體黎講抵食又好坐，入開坪洲可以黎試吓。

之前趁住聖誕假去左坪洲行吓 嗰度都唔少冰室㗎 上網見推介呢間嘅炒通粉 當然要黎試下啦~- - - - - - - - - - - - - - - - - - - - - - - - - - -ʕ •ᴥ•ʔ公司炒通 $44一上檯就見到幾大碟 色水都幾靚都幾多配料 例如肉 午餐肉同腸仔 幾有鑊氣 特別在於炒通粉比較少見但食落有乾炒牛河嘅味道~ʕ •ᴥ•ʔ柚子西多士 $27係出面好少見嘅配搭!柚子醬喺西多士入面 酸酸甜甜咁都唔錯個人就比較鍾意食原味嘅西多士(⁎⁍̴̛ᴗ⁍̴̛⁎)*****金源冰室 (坪洲)📍坪洲永興街15號地下

星期六放假入坪洲行下山，放鬆下，原本想去另一間出名嘅餐廳，不過超多人排隊，所以見呢間唔使排就入去食，點知就係咁中伏。所謂公司通炒及柚子多士味道都係一般，通粉太冧，醬太多太濃味，柚子多士反而太少柚子味，整體來講唔算出色。不過唔緊要，都係一餐，問題係服務真係差到極，店員超無禮貌，黑口黑面，入坪洲都係想放假開開心心，如果唔想一肚氣，影響放假心情，就咪幫趁呢間，寧願排隊食第二間，食完超後悔😟，難得入來一次，有啲咁既體驗😒

這裡出名的是公司炒通粉，我選了公司炒烏冬，其實就是豉油炒，特點是多油多豉油，偏鹹少少，用料主要是香腸、午餐肉這些不健康的加工食物，加入少少芽菜、牛肉、三色豆，就成了，穫氣是有的，但用料和味道就沒特別，反正來多油多調味加上不健康食物，不會難食。而紅豆冰的紅豆也相信不是自己煮的，應該是即食紅豆，紅豆還紅豆，椰汁還椰汁。朋友食雞扒黑椒意粉，雞扒不滑，普普通通，意粉沒發漲，黑椒帶點辣。奶茶少奶，茶味蠻香。有波浪薯條，熱辣辣，幾有薯香。二人吃一百五十元，不過不失。

真心講，食過咁多次 我忍唔住想講下食物質量其實向來一般，去既原因只係因為多數有位……另外就係睇餐牌永遠唔知真正價錢，實際收費比餐牌貴通常一個飯收費61蚊加凍飲,份量比出面茶記40到50蚊既份量都不如，食個豬扒意粉，一塊又細薄又乾曬既豬扒，加少少意粉連凍飲,咁就收61蚊，價錢其實無問題，問題係次次食完都仲好肚餓無惡意只係講真心話，相信你地一日都做唔少生意，其實唔洗食到咁盡掛，比多少少份量都可以？

星期六下午入嚟坪州，知道尼間食通粉出名！當然叫咗個公司通粉，炒得夠香👍🏻份量算多！柚子西多就偏甜！我直頭冇落糖漿！相信原味會比較好啲淨炸猪扒！原來有兩塊都算香口雖然佢有好多特飲，好似檸多！不過我哋都冇飲嘢！因打算食完後去對面間舖飲咖啡臨走時見有人叫鐵板餐！份量超大下次試吓先

🥉公司炒通粉😂😂.每次未食都會對呢個公司炒通粉充滿期待😂但係次次食完都係只有失望🙈所以我諗呢樣野食既盡頭係咁架🤣🤣佢最好食都只會係咁😝冇得再更好食架喇😂就係普通豉油炒通粉！.而個柚子西多士就係用類似沖柚子茶既醬去代替平時既花生醬整既西多士😂老人家我認為比平時更甜，但冇好味到🙈🙈我都提醒番自己，呢度始終係居民屋企樓下茶記，唔應該要求太多☺️黎到坪洲一日遊既朋友可能調整一下期待感會好啲🤣🤣