金源冰室

Open Now

Now Closed

星期日難得放假可以同男朋友去坪洲放鬆下 下午特登過嚟食佢個炒通粉一去到已經見到條隊好長排咗隊半個鐘中途聽到有客人講話炒通粉已經賣晒 剩翻炒烏冬但係餐廳職員完全無通知在外排隊等緊嘅客人我之後入去問餐廳職員先知原來真係賣晒連在內用緊餐嘅客人都係啱啱先知被迫繼續食其他嘢我覺得其實賣晒唔緊要但係無謂要班客人喺出面完全唔知咩情況下繼續等利用啲人排隊去宣傳自己店鋪 就算貼張告示又好 職員講聲都好而加完全係浪費緊大家嘅時間

來到坪洲 遠離煩囂都係要搵食🤣雖然坪洲有些文青系靚靚餐廳但午餐要填飽個肚傳統冰室吸引了我跟據網絡上的美食地圖揀咗🐓雞扒炒通另外揀咗茶記經典菜🍞西多士雞扒原來係炸嘅 🍗雞皮香脆好彩叫得快 落單冇耐就話雞扒暫停炒通係有驚喜🌟好有鑊氣怪不得每枱都會有碟炒嘢炒意可能麵條會較炒通爽口不過炒通的鑊氣都滿足到我啦西多士就正正常常夠熱夠邪惡👻好彩早過人少少入去冰室坐到最後一張枱😆食食嚇見到出面開始有人排隊等位食完出去望到有成十幾人排隊😱

之前見過好多人介紹呢間冰室既炒通粉🙈 今次小編終於有機會入坪洲試下佢🥰 餐廳唔算大，所以禮拜六日去都預左要等位～ 雖然佢細細間但卡位都算坐得舒服☺️ 餐廳仲有好多手繪食物掛畫添😛🌟 公司炒通粉 ($40)本來小編係沖住佢既雞扒炒通黎既，點知賣曬😭 於是就叫另一款熱門既炒通～ 公司炒通有火腿、腸仔、芽菜、三色豆等配料一齊炒🥣 幾有鑊氣鹹度適中，不過通粉有少少偏淋，但整體比預期中好味😋 相信有d人都唔鐘意三色豆，小編就挑走曬青豆冇食到，食落味道都冇影響呀😛 🌟 柚子西多士 ($24)西多士炸得剛好🥰 夾心係柚子醬🍊 味道酸酸甜甜，柚子味道就較輕，不過連埋牛油糖漿都係無得輸既西多😍🌟 凍檸茶 ($19)平日餐廳可以叫套餐包飲品，但禮拜六日公眾假期只可以單叫🤫 茶底味道普通，建議大家可以試下其他特飲！味道：🌕🌕🌕🌕🌑環境：🌕🌕🌕🌗🌑價錢：🌕🌕🌕🌕🌑

坪洲遊熱門食肆金源出名食炒通粉等了大概半個鐘果然！入內清一色炒通如果看餐牌其實只有三個選擇但其實可以自選炒通配料雙拼亦可雞翼炒通粉雞翼非常入味肉嫩豬扒餐肉炒通粉餐肉很棒可是豬扒略乾還有覺得通粉太淋可能因為要預先製作吧

炸魚多士雖然特別 但係成塊多士好薄 得一塊方包 口感唔太突出 魚柳薄薄一片鋪係面 亦唔覺好香口 只係食緊炸魚柳配包既口感 冇咩特別🤔沙嗲牛肉炒麵都係普通貨式 沙嗲比較偏甜 冇辣味 怕辣朋友可以試 不過都算食落幾開胃 呢個質素其實好多茶記都有 不過勝在佢真係好便😛最後個環境其實都幾污糟 一入到去有陣味 啲座位又唔乾淨 同埋都有啲迫😣食得唔太自在

Just take it slowly🎈金源冰室/Tasting this Hong Kong Style Stirred Fried Macaroni in this little island, Peng Chau./之前去左坪洲打咗個白鴿轉 就試左呢間比較出名嘅冰室🤩叫咗佢哋嘅炒通粉公司三文治🥪就聽得多公司炒通粉就未聽過啦😂公司炒通粉 ($40)原來佢嘅意思就係將唔同嘅材料炒埋一碟🥣有火腿 牛肉 腸仔 雜豆 洋蔥 芽菜等等通粉食落去嘅口感過淋 同埋比較油😛望落食落都會令你聯想到乾河但係又未到炒河嘅火候🔥同未夠入味試完一次之後未必會去第二次不過值得欣賞嘅係炒通粉真係比較少見🙆‍♀️

週末嘅最佳活動就係去離島遊，今次係第一次嚟到坪洲，呢度嘅美食雖然唔及長洲或者其他離島多，甚至乎要搵嘢食都要係幾間較出名嘅店舖前大排長龍🤨但哩度的確係好悠閒寫意，環境空曠，有種遠離塵囂嘅感覺☺️坪洲嘅永興街係最多餐廳嘅地方，要品嘗地道美食，冰室當然係首選👍🏻《公司炒通粉》 $40 3.5 / 5對上一次食炒通粉就係喺澳門嘅冰室，難得呢度最出名嘅都係炒通粉！「公司」就係最雜錦嘅配搭材料有腸仔、豬肉、牛肉同火腿等，好豐富好足料😋👍🏻通粉即叫即炒，所以夠晒鑊氣！不過就有啲過淋，口感差少少😕《雞翼炒通粉》 $40 3.5 / 5就算轉左材料都係$40一碟，其實相當抵食🤩 雞翼係生炸，皮特別薄，而且肉汁鎖咗喺入邊，好鮮嫩🤤🤤🤤 不過同樣問題：通粉都係相當淋身😕價錢方面係好抵食，份量亦比得好足，只係味道唔太特別，如果以炒通粉做主打就會有少失望😗

疫情期間好多人都喺屋企㗎喇，不過得閒都要出嚟chill吓！最想就係去郊遊呼吸吓新鮮空氣～早排就去咗《坪洲》～好多城市人平時都應該好少嚟，我同先生都係第一次踏足呢個地方！相比起長洲呢個熱門離島景點，坪洲係少啲人嘅！不過相對配套都無咁多，餐廳亦都得幾間選擇～今次試吓《金源冰室》最出名嘅豬扒炒通！唔好以為離島無好嘢食啊！大大碟好夠穫氣㗎！填飽個肚就可以行去大利橋打吓卡，仲可以行上手指山睇吓對面嘅愉景灣一帶景色！

平日帶小朋友去坪州呼吸新鮮空氣，午餐時間要揾間大大間又舒適餐廳真固困難。原來坪州餐廳都是細細間又經營了一輩子，每間都充滿人情味。出名的食店都大排長龍，揀左呢間舊冰室【金源冰室】。【金源冰室】有成三十幾年歷史嘅冰室。裡面裝修都充滿老味道，牆上掛有舊照片。 這裏名物【公司炒通$38】真係第一次認識。即叫即炒，大大碟又熱辣辣，上枱夠香夠鑊氣。通粉粒粒爽彈又且色澤均勻，原來通粉不只只是湯，炒通粉真有趣。非常足料，有火腿、香腸、漢堡扒、肉片...等，真滿足。味道跟乾炒牛河相似，少少甜，少少咸。

坪洲的「金源冰室」都很受歡迎，午飯時段亦很多人，所以tea time黎食，點左網上較出名的炒通粉同吉列魚多士，但味道同口感，都同我想像有點出入，唔太合我口味。公司粉通粉 $40個醬汁的黑椒味幾重，所以好香好惹味，材料豐富，有火腿、雞肉、餐肉、腸仔……通粉口感偏軟腍，所以很糊口，有點油膩。吉列魚多士 $26賣相幾靚，炸到金黃色，一切落去就知香脆，魚柳都幾厚身，魚肉一絲絲，肉質嫩滑，不過味道有點腥。食物種類好多， menu放玻璃枱面下，一目了然，下次可以試下其他野。小店環境都簡樸帶點舊歷史，不過座位寬敞，服務感覺有人情味。

今次嚟到坪洲，現在好多舊式嘅冰室同茶記，咁我就嚟咗呢一間度試一試，睇個餐牌有好多選擇而且價錢都好合理，咁今次咁餐就會喺度食！餐廳嘅裝修好簡單，而且入邊嘅枱都唔算太多，提一提大家，如果假日最好就早少少去到，因為過咗12:30之後就會有好多人排隊。公司炒烏冬嘅份量都好大份，而且好足料，食材當中包括有都腸仔，餐肉，豬肉，牛肉，芽菜，洋葱... 如果乜嘢都想試嘅你就最啱不過啦，除咗炒烏冬之外，你都可以選擇炒通粉或者炒麵或者炒意粉！烏冬食落去嘅口感唔會太硬，亦都唔會太軟，口感啱啱好。而呢一份係雞扒炒通，加入雜菜粒，雞扒煎得好香脆，雞肉亦都算滑，只係對佢嘅通粉有少少失望，可能煮通粉果時應該放得太耐，食落去有啲太軟，而且唔係好夠味道。以我所知道，佢呢個炒通粉係非常之出名，可能我呢個係個別例子！

傳統港式茶餐廳，樸素裝修，舊式廚房和經營模式，充滿了本土的人情味，也會令人想起童年回憶。食物種類和一般茶餐廳差不多，選擇上比較多。吉列炸魚多士 吉列炸魚和多士都脆致金黃色， 熱騰騰上枱，切開一半之後，魚肉也不散開，算是比一般結實，有魚味又不會太粗糙。而多士也保持鬆脆及乾身，不會被吉列魚油影響到。另外，附上大量沙律醬，超級邪惡，但非常吸引。柚子醬西多士柚子加西多士是一個比較新式和特別的食法，柚子減去西多士的油膩感，西多士的每一個角落都填滿了清新的柚子醬，超足料!西多士都比較薄身，一啖又一啖，不知不覺就食晒成個～

本身上網見到好多人介紹呢間 所以落船就去試下可能因為落船即刻去所以仲有位專登黎試撈通 覺得都幾特別撈丁就食得多 撈通真係未試過都有幾多款選擇我揀左豬扒撈通味道上其實無乜特別....無乜味 有d油膩塊豬扒又煎得好老.....

依排秋高氣爽，今日決定嚟坪洲行下😎 嚟到先發現原來有個朋友成世都未嚟過 講緊佢快退休㗎喇喎😂公司炒通 $38>賣相普通，只覺得好油>通粉偏淡，質地幾霉，麻麻>腸仔，火腿，雜菜粒正常味>肉絲偏鹹>成個都幾油，無乜鑊氣，但幾多鑊撈==================推介指數 🌕🌕🌗🌑🌑吉列炸魚多士 $23>炸得幾靚，魚同多士都金黃色，熱辣辣>炸魚肉質幾結實，唔會散晒，23蚊唔好諗住有乜魚味>多士鬆脆，唔算好油>沙律醬夠大pat，一流==================推介指數 🌕🌕🌕🌗🌑舊龜石係幾似🐢 但個手指山就真係令人失望，行完355級後，原來無風景，又無手指，連石都唔見粒，應叫舉中指山🤭

標題係抄人，亦都係事實。咁佢又唔係賣得貴，ok la，最緊要你唔好太大期望-公司炒通心粉腸仔 火腿 青豆 仲有啲肉賣相都好正常，但一食就出事了問題出喺個通心粉，好淋啊真係😫😫如果佢可以改善下就好。——————-Dont expect too much if you are a local hongkonger. Dear tourist,You would probably want to try the “club macaroni” as it is a famous dish in PingChau. I just want to remind you that the macaroni is over-cooked and too soft. Enjoy your meal~ (or just go to another restaurant to try the dish)