Ishiyaki+Cafe (Closed)

這個星期又約左朋友仔出旺角晚飯,選了朗豪坊的 Ishiyaki+Cafe,朗豪坊我最高係去到七樓,所以10樓就大鑊了,我乘了那很長的電梯,一上就上了頂樓,之後轉轉轉的遂層行下來,去到餐廳已經有點頭暈了!!可憐!但一入到餐廳,就見到好多毛公仔,有毛毛,有龍貓,仲有草泥馬....一手拎住草泥馬就行入餐廳,朋友一看就說幹嗎帶它出街呢!我說隨手在門口拎的,哈哈!好了!大家都餓了,三位小姐來了一個二人套餐 ($270)先來的是野菜沙律,黑醋醬汁酸酸地幾好味幾Fresh!之後小食選了香草單骨雞翼,當是趁一下星星熱吧!炸雞翼做得不錯,雞肉夠嫩滑多汁,炸得香香脆脆,單骨上菜,o岩晒我唔想吐骨的小姐, 不過就沒有香草的味道日式三文魚蟹子石鍋炒飯普普通通的貨色,沒有什麼特別蒲燒熳魚石頭飯有兩大片鰻魚夠入味,醬汁味道剛剛好,甜甜的幾好味,食到最底有少量飯焦,總括來說味道不錯蒜香辣味大蝦炒意粉(套餐外另點)意粉好硬,大蝦是雪藏貨沒有蝦味,小小蒜香辣味,加上紅黃二椒,色彩豐富,但唔好食! 甜品三選二,選了綠茶紅豆布甸, 布甸做得軟滑,只是綠茶味不夠濃另外的紅豆豆腐布甸,豆腐布甸味道很香濃又滑,正!

今天來吃午餐，一班同事食飯，叫左蒜香牛肉意粉，鳗魚石頭飯，黎到牛肉意粉無味，鰻魚午餐menu兩大片，上到檯變粒上，勁細粒，成$68蚊。凍檸檬茶少檸檬和冰，味道仲差過維他檸檬茶，唯獨前菜沙律ok !待應態度麻麻！

朗豪坊食店雖多，但品質大部份一般。見到呢間西日fusion有afternoon tea set，而且選擇也多，於是就去試吓。一行3人，叫咗3個set, 日式石鍋炒飯、三文魚海老卷同肉醬意粉。日式石鍋炒飯熱辣辣，份量多，三人也分到一碗滿。味道出乎意料地好，好有鑊氣，加咗d咸嘅半肥瘦豬肉粒，好香。三文魚海老卷，呢個就差，d三文魚切得好薄，而且形狀不一，也不新鮮。飯握得唔緊，一夾就散晒，而且豉油過份地咸。肉醬意粉，好食，夠熱，味道天然，有蕃茄同洋蔥碎，而且也焗得夠乾身。

工作太疲累了，系時候happy Friday食番餐勁啦! 見openrice既多好評,就差唔多早成個禮拜book定, 估唔到未見7點就10個人係出面排隊，真的要讚一讚女友既選擇.我地叫左個兩人套餐, 上得好快…先黎左個野菜沙律, 個source都幾好味,酸酸甜甜咁…主要係西生菜為主.然後就韓式燒牛肉飯跟炸雞小食差唔多同時出現. 個韓式燒牛肉飯都okay, 其實本身已經夠唒salty, 可以選擇唔駛加韓式醬汁. 炸雞小食真係好似其他人咁講好香口, 可惜只係得四件啦, 剩番底D野菜, 如果唔想唔要,可以mix 埋個野菜沙律一起食.另一個main dish系海鮮焗飯, 有三文魚,有蝦… 量就唔多,但勝在個焗飯既黏, 唔似有D連鎖式快餐店咁幹到飯焦照樣上菜。最後就係甜品, 叫左牛乳布典同綠茶布典, 食落去真心考工夫，要細細咀嚼先feel到布典既味道, 太急真係食唔出咩味到.

今晚相約了兩個美女出來飯聚，原來我們從4年前在寫blog上認識，我認識她們有4年,無論樣貌定身材冇改變，MK可以常約地方，交通方便，今晚去了位於朗豪坊Ishiyaki cafe,之前友人叫我想吃什麼，我上開飯網站參考下 ，就揀了呢間,它不用等位,友人早在到MK,她去揾位先,點了一個2人套餐(270元)，三個人平均90元,價錢都OK ,有2個小食2個飯1個意粉/2個甜品/2杯飲品,小食是炸雞,炸雞而家好熱門，我覺得好好味,炸雞不會太乾身,炸得剛剛好，我吃了2隻,,三文魚飯都OK ,沙律都幾好味,大蝦意粉都唔錯,三文魚飯就一股,鰻魚飯冇試到,我不知味道如何，2個甜品都OK,服務都OK,環境都幾好，三個女人在呢度坐了2小時，不斷吹水傾計 開心又度過一晚味道:我覺得整體幾好,最愛炸雞，十分好味環境:我覺得環境好正，座位坐得好舒服服務:我覺得OK推介:介紹給朋友試下番吃:有時間再來地址:旺角朗豪坊L10

本想找一間餐廳看球賽, 結果差不多每間餐廳是沒電視就是沒位子 , 很煩惱!!! 在旺角鬧市中的朗豪坊到底有什麼餐廳可以值得一試呢, 逛了幾層, 看到一間很有日式風格的餐廳- ISHIYAKI CAFE , 白色的設計, 給人感覺很精神及舒適, 就好像白天跟朋友坐在咖啡店裡邊吃邊聊, 加上餐廳裡面座位上擺了幾個公仔, 相信是這間餐廳賣點之一, 同樣也吸引了不少女性前來光臨!!我看到有兩個DINNER SET, 一個是$208的壽司SET(2位用), 另外一個是料理SET $228 (2位用), 因我肚子不舒服, 最後都是點了料理SET 作為今天晚餐, DINNER SET 是包括:前菜-野菜沙律, 本來想吃單骨雞翼, 但是店員說賣光了, 所以點了明太子芝士焗薯皮作為小食, 兩個主菜分別是蒲燒鰻魚石燒飯&蒜香露荀牛柳粒炒意粉, 我看到餐牌上大多數飲料有咖啡,檸茶, 沙冰, 還有醋, 我覺得頗特別的, 醋-給人感覺是酸酸的, 幫助消化, 還有花茶對身體是健康, 但是花茶本身很有味道, 醋是濃烈的, 真想看看花茶到底跟醋夾不夾????!!!! 最後點了兩杯飲品(苿莉花蘋果果醋& 玖瑰西柚果醋

友人K從加國回來, 相約出來聚舊. 由於要遷就K, 於是選擇到這間位於旺角朗豪坊的小店. 我們到達時已經是下午四時多, 也許是過了下午茶時間的高峰期, 所以不用等位! 店子內燈火明亮, 裝潢簡約. 也許是因為門口和周圍也放了一些可愛的公仔, 吸引了不少年輕食客, 令餐廳立時變得年輕!! 店子的位子夠闊, 坐得頗舒服; 不過座位間的空間卻很少, 與鄰枱只是相隔三兩寸, 很容易聽到別人交談內容, 私隱度極低.下午茶餐牌有十款可以選擇, 也可以點主餐牌的食物. 餐牌印刷精美, 著名的招牌菜一目了然. 友人對下午茶餐興趣不大, 但卻想吃朱古力凍火山, 於是我們散點了一些食物和飲品, 另加朱古力凍火山下午茶.單骨香草雞翼這是K點的食物, 純粹因為她愛吃雞翼, 而且外型獨特! 雞翼上枱時是剛炸好的, 所以是熱辣辣的! 旁邊有沙津醬和檸檬片, 用以調味. 所謂單骨, 就是用上了雞中翼, 將其中一條骨拆掉後, 炸熟, 就可以上枱, 用一個像炸籃裝住, 感覺有趣又有型, 吃起來也很方便! 雞棒外層沾了炸粉去炸,  炸醬頗薄, 味道香脆, 不過比較油膩; 內裏的雞肉嫩滑多汁, 一囗咬下時, 汁液會射出來,

等左大約50分鐘，真係等到有D火滾，好彩幾好味!叫左$208 二人餐首先有野菜沙律，食之前見過關於其他日本餐廳既食評，話"沙律好難整得唔好食"，此事當真，哈哈!香草單骨雞中翼(本人食野好似比好多人清淡DD)難以避免既油同埋少少軟骨，的確好好味!雞肉既生熟處理得岩岩好!正!蒲燒鰻魚石燒飯鰻魚汁好正呀,唔重味!鰻魚當然唔需要多提啦!好鍾意呀!如果遲D有機會再黎，必定再order! Yeah!溫泉玉子豚肉石頭窩飯將蛋汁撈"雲"，加上豚肉唔難咬，good!E個飯比蒲燒鰻魚石燒飯大好多，明白後者成本較高哈哈，食埋E個飯已經好飽飽啦!休息一陣，甜品出場!order左北海道牛乳布甸+紅豆抹茶布甸北海道牛乳布甸(忘記左要相機食先)對於可以食重奶味既人黎講，E杯布甸真係perfect!另外order芒果凍火山，原本想要巧克力味，點知星期五先有wor，好失望雖然係o甘，但我可以肯定地同大家講，芒果味味道適中，不酸不甜，都好好味!多士+麵包糠的確如想像中硬，mix埋D汁+雪糕，嘩!!! 爽呀!好似唔見太多人食凍火山+對凍火山寫食評，希望大家會願意try try，e個真係good try黎架!整體來說，等候時

公眾假期最後一日,訂左6點。去到唔使排可直入,不過訂枱時話用餐時間係90分鐘。6個人叫左2個2人餐,再加2個薯角同飲品後都夠飽.set包左沙律,小食,主菜,甜品同飲品都幾豐富。沙律d菜同醋好清新，醒胃，分量亦算多。小食試左明太子雞翼、焗青口、薯皮，味道ok，主菜叫了鰻魚飯、豬扒飯、牛柳粒意粉和大蝦炒意粉，飯是出色過意粉的。首先鰻魚飯係石頭窩上的，吃時暖暖的，鰻魚分量適中，值得一試。豬扒飯雖然分量就少左d，如果女仔食都可以，男士恐怕未必飽。兩款意粉名唔同但賣相是一樣的，麵質偏乾，分量較少。甜品是三款布甸，可以半價轉凍火山，但要同時唔要兩杯先有半價。一個布甸$3x,2個$6x,再加$3x先有一個凍火山，散叫一個先係$6x。咁叫法咪等於蝕左一個布甸?!(有無計錯?)三款布甸都算ok.最唔ok係個火山..............賣相好靚但唔太好食，中間0個三塊麵包唔軟也唔脆唔甜，如果無左個雪糕球就係乾啃了。食完飯雖然出面有人排隊，亦over左90mins,都無趕人走催埋單。下次可以試下其他食物~環境幾舒服會再來的~

前朋友介紹係朗豪坊10樓有間Café幾好食同埋價錢相宜,所以出開旺角, 就同老公亞女黎左呢到食晚飯, 平時我地好早食飯, 今日遲左, 成7點幾先黎到, 所以等左一陣就入得.係門口Show左2人套裝既Menu, 我諗我地2大一細, 都應該夠食,原本老公想食日式Dinner Set, 不過我覺得另一Set抵食D, 而且有我鐘意既鰻魚飯, 老公就決定食呢Set.等有機會先再試日式個Set.入到去覺得環境唔錯, 坐得好舒服, 侍應比左3杯水我地, 幫我落單.個前菜沙律好快到, 一睇就覺得好Fresh, 我地已經急不及待食左, 好食~~!之後2杯飲品同小食好快送上, 我地點左杯洛神花白桃果醋同朱古力Mocha沙冰.小食就點左香草單骨雞中翼, 單睇賣相已經唔錯, 口感仲一流.食完個雞中翼之後, 好快到主菜了, 我地點左蒜香牛粒石燒炒飯同蒲燒鰻魚燒飯. 我覺得個鰻魚飯賣相唔錯, 而且2片蒲燒鰻魚又幾大片, 啖啖肉, 味道唔錯, 材料十足, 絕不欺場. 而老公食既係蒜香牛粒石燒炒飯. 雖然我無試過佢個飯,不過佢話好好食, 好味. 其實食完個主菜都有飽意.但呢個套裝有埋甜品, 可以選特式布甸/單球雪糕,

復活假期開始, 同阿仔行經旺角朗豪坊, 佢話想食ICECREAM, 我即想起Ishiyaki cafe, 因為上次同老公食過TEA SET好味, 話過要帶阿仔幫襯多次佢架甜品, 一入到門口阿仔已經比毛毛吸引左, 要指定同佢一齊坐, 其實呢間餐廳幾攪野, 每張枱都有隻大公仔倍食. 阿仔見到個餐牌, 圖文並列, 就二話不說指著個朱古力凍火山, 個火山係由三層多士組成, 將中間個心D多士切成小方塊放返入去, 再加埋個雪榚球响頂, 仲有士多啤梨, 芒果肉同藍梅, 阿仔當然非常開心啦, 拆開一層一層咁食, 仲扮餵比毛毛食. 比佢笑死. 而我就ORDER左一份黑白金磚多士, 即係朱古力雪榚加西多士, 件多士好軟淋淋, 又夠熱, 幾鍾意佢細細件, 唔駛切, 一件放哂入口, 再加埋朱古力漿同雪榚一齊食, 個甜度啱啱好. 原來用朗豪坊咭仲可以有9折, 埋單都唔駛100蚊, 抵 !!

今日約左舊同學食晏, 佢介紹左上左朗豪坊ISHIYAKI CAFÉ, 入到去感覺都幾好, 裡面之裝修好田園FEEL, 有歌聽, 有書睇, 木枱木登, 又有CUSION. 真係坐到你唔想走.我地一人叫左一個石燒鰻魚飯, 因為超肚餓, 跟住再散叫左一客燒三文魚骨腩, 我同學話話好想食魚, 因為平時男朋友唔食魚, 所以無人倍, 咁我無所謂啦, 反正我都鍾意食魚, 個鰻魚飯送黎時熱辣辣, 個汁甜甜地, 真係幾好味, 唔知唔覺成碗食哂, 飽到非起. 個三文魚骨腩都OK, 不過唔夠乾身, 下次可以改進一下. 食完仲有時間傾下計先趕返工.下次都會再幫襯, 坐得舒適又唔趕客.

同Boyfriend 係旺角行街, 來到朗豪坊十樓覺得肚餓, 見到呢間Ishiyaki Cafe 未試過, 係門口睇左陣個menu, 見到有二人餐, 於是就入左去試試, 間餐廳環境唔錯, 氣氛幾好, 亦夠光猛.我地好快就點左一份價值$208既二人餐, 個餐既份量都算幾豐富,先來一個前菜沙律, 我幾鐘意佢個汁, 酸酸地,蔬菜都幾新鮮, 食落感覺好清新, 而且都好大兜.再來就是小食, 點了一個單骨雞中翼, 上菜時用個不銹綱炸籃上, 都幾夠特別. 佢唔係好厚粉, 落少少檸檬汁一齊食, 感覺唔會好油.主菜是兩大碗石鍋飯, 我點了個蒜片牛粒石燒飯, 男朋友就食蒲燒鰻魚飯,初時睇個石頭鍋唔係好大, 以為食得晒, 但原來入面都好大碗, 個碗好深,最後我都食唔晒比男朋友食埋, 但食到底有少少飯蕉, 我地都好鐘意食D飯蕉.服務員都好nice, 問佢地拿多些鰻魚汁都肯比, 仲比左好多.套餐仲有跟兩杯飲品同甜品, 食到甜品基本上已經飽晒, 但最後我都KO埋個布丁, 因為我怕肥, 朱古力雪糕球就留返比boyfriend食了.全單計埋加一, 平均差唔多百二蚊一個人, 都抵食既.食物質素亦OK, 我地應該都會再幫

原本想食tea. 點知剛好兩點半，lunch tea set 交界, 個侍應哥哥好好人，話lunch同tea set都可以order. 我媽咪見tea set個三文魚炒飯都係40 蚊，大件抵食，所以order左，老豆就要左個 lunch set牛肉石頭飯. 兩個飯架份量足夠三個人食, 而且味道唔錯, D飯軟硬適中, 製作時間都好快, 十分鐘就有得食, 餐茶可以要即磨咖啡, 唔駛加錢, 如果想飲特飲就要加 6蚊, 個TEA SET MENU 都真係幾抵, CHICKEN WINGS SETS 都係28, 真係茶餐廳價錢, 但地方一D都唔茶記, 有音樂聽, 有書睇, 坐左個幾鐘都無趕客, 下次要試下個芒果凍火山先.

之前聽同事講過langham上面呢間日式餐廳啲野食唔錯, 個日係旺角見完客就自己上去食左個Dinner, 黎到既時候仲好早所以都唔洗等位.佢有兩個Dinner set, 不過都係二人餐, 於是我就散叫order 左一個蒲燒鰻魚石燒飯, 一碟鹽燒鯖魚, 同一杯朱古力碎摩卡沙冰.好耐無食過日式鰻魚飯, 佢都幾足料, 兩大片鰻魚遮晒食個碗面咁滯.淋係飯面既鰻魚汁都好香. 面頭仲加了蔥花同蘿蔔絲, I like it.鹽燒鯖魚我本身都鐘意食既, 佢呢份唔算好大條, 但燒得幾香, 幾好味.杯朱古力mocha沙冰幾好飲, 朱古力味幾濃幾香, 唔會好甜, 非常好.同事都算無介紹錯, 野食都幾好食, 呢間野燈光同氣氛幾浪漫, 有梳化坐同周圍放左好多公仔, 同埋主要都係二人晚餐, 應該幾適合兩口子黎食.