龍皇酒家 (Gourmet Place (Site 8)) (Closed)

兩晚前食A餐，都算可以，古法炆海班是用冬菇枝竹炆成條約10吋長的小斑，加拿大龍蝦伊麵的伊麵份量不少，上湯醬汁幾好，龍蝦只像波士頓小龍蝦，再揀了二碟餸，即雜菜煲及欖菜蚊豆腐，味道尚可。但今晚再點A餐，居然由整條海斑仔便左斑頭腩煲（見相）。侍應一放低個煲，我們問是什麼，佢話係斑頭腩煲，我們話無點這個菜，只是點左A餐，因剛剛廚房已將欖菜豆腐弄錯為欖角四季豆，故我們以為今次又弄錯。侍應再拿著餐牌走來，說這個便是A餐的炆海斑，我們話兩晚前來食，係成條小海斑，佢哋話，只係另一個餐是原條魚咁蒸，A餐是炆斑頭腩煲。。。（我哋再看Ｂ餐餐牌，其中所包含的一碟斑頭腩係會寫明係斑頭腩！）700元套餐，只得2碟例牌菜，小龍蝦伊麵，一煲湯，再加一個咁樣的斑腩煲，真係唔值！如果今晚無晒小海斑，事先詢問我們要改另一樣作補償，我哋自行決定，這樣我哋會接受，而不是玩弄文字！

第一次呢度食野，感覺都幾唔錯，坐得幾闊落同埋啲嘢都幾好食😝佢鍾意食佢個蘿蔔絲酥餅，依家好多酒樓都唔整呢啲手工點心，可能嫌麻煩啦！但係唔知點解就係好鍾意食呢啲手工野🤣估唔到依間酒樓都有，可能我會為咗呢個蘿蔔絲酥餅之後再嚟過😹今日平日嚟都比較少人，同朋友食得都幾開心😃下次再試吓依到嘅晚餐先！不過我覺得雖然用餐係幾好，但係呢度啲冷氣好鬼大，坐得耐都覺得凍，下次如果我再嚟都要提自己帶件褸🤢🤢🥲

🥢黃埔呢間中高檔酒家 成日都大排長龍🐉尤其係假日嘅時候🥢呢下半年明顯感覺食肆嘅氣氛都好咗 人流多左 周不時都會有唔同嘅優惠同活動除咗點心抵食之外 呢度都有參加海鮮x日本清酒嘅活動 啱晒我好酒之人 無酒不歡🥂cheers🥂~~~~~~有三款海鮮配搭：帆立貝/蠔/斑🦪我揀咗砵酒焗石蠔 $68/隻 最少一人要叫一隻🦪石蠔炸至金黃色 醬汁有砵酒、洋蔥味道 脆口夠熱♨️💡唔知可唔可以係屋企用氣炸鍋自己做呢 搵日試吓先🧐加配咗一支純米吟釀 2丁友就可以吹成晚水🥳味道傳統 價錢中等 唔錯之選

🥮@龍皇酒家上個星期同親戚慶中秋嚟過呢度食飯，平時好少過嚟紅磡呢頭，估唔到都有唔錯嘅餐廳。雖然有限聚令要分開枱坐，但都沒有減少節日所帶嚟嘅氣氛🥳食物💎💎💎💎性價比💎💎💎💎我哋呢台幾個女仔坐，叫唔到太多嘢食⭐️龍醬炒日本帆立貝$168/份價錢中規中矩，但幾惹味！食落有鑊氣，西蘭花🥦煮得入味，雖然唔知龍醬係咩代表咩，但識落有少少辣辣地嘅感覺，鹹鮮未幾出。帆立貝都係用日本嘅🇯🇵唔會炒到過老。大時大節都開咗支酒飲。睇wine list見到呢支川波吟釀，係幾襯頭先嗰道龍醬炒日本帆立貝，入口唔錯，尾段飲落清爽，可以中和返龍醬嘅味道💎今年嘅中秋終於似樣啲，起碼冇上年咁死氣沈沈😚😚

去到黃埔，發覺原來好耐冇喺呢區食嘢，同事話想飲茶，係OpenRice 見龍皇評語唔錯，兼我哋係黃埔美食坊附近，便上嚟試試。它裝修簡單雅緻，枱與枱之間夠濶，坐得安心舒服，我們叫了兩個點心及一個飯。午飯時間，小點$12，中點 $22，大點$26，及特點$29，價錢合理。臘味香煎蘿蔔糕 （$22）上枱時賣相唔錯，聞到陣陣蘿蔔香。食落外皮煎得香脆，有頗多臘肉及臘腸粒，咬落有蘿蔔絲，絕對唔係死死實實的糕身，好味！👍🏻👍🏻👍🏻花菇棉花雞（$29）味道也ok，可惜忘記影相。它用腐竹包著大大嚿的雞肉丶火腿及魚肚，鷄肉滑溜，魚肚也大嚿夠淋，唔錯。😋鳳爪排骨煲仔飯（$48）雖然是一人份量，但對2個女仔嚟講，已是頗大份。鳳爪及排骨份量ok，由於用煲仔煑，充滿肉香。鳳爪夠淋入味，排骨亦都多肉兼嫩滑，好味！👍🏻👍🏻👍🏻總結而言，龍皇是抵食之選。

上網睇到依加有個大型清酒推廣活動「SEAFOOD LOVES SAKE」，有超過50間擁有米芝蓮嘅餐廳，推出以清酒配海鮮為主題的限定餐單。我就揀咗間係我附近嘅試下喇。主角就梗係支sake喇！我哋嗌咗枝池亀純米吟釀，平時好少飲清酒，驚佢太苦。但依枝真係好高質，清甜得嚟帶甘香，好易入口，配上海鮮真係一流。兩個人飲，超暢快！之後就嗌咗碟龍醬炒日本帆立貝，佢哋個日本帆立貝都幾大粒,，仲好彈牙。用嘅龍醬好特別，有啲微辣，帶岀帆立貝嘅鮮甜。再嗌咗隻砵酒焗石蠔試下，個石蠔好新鮮，配上汁漿同椒葱粒，口感豐富。

依加見做緊個seafood loves sake promotion，香港有幾間餐廳都有參加，我同朋友都好想試下，所以揀咗屋企附近嘅餐廳。雖然係中菜廳，但有得嗌就無所謂喇。龍醬炒日本帆立貝（$168）- 日本帆立貝好彈牙，龍醬帶點微辣，十分惹味。配埋西蘭花，幾come食。砵酒焗石蠔（$68/隻）- 估唔到呢個炸焗石蠔咁大隻，同埋唔係成舊都係粉漿，食落啖啖肉。味道仲好鮮甜添。池亀純米吟釀（$288）- 呢個sake好易入口，酸度適中。可以同店員講想凍飲，佢哋就會俾個冰桶裝住。

/ /SEAFOOD LOVERS SAKE 🥃見到呢間酒樓新出左呢個套餐日本清酒🍶X海鮮料理🦞兩樣都係我嘅最愛啊🤩🤩🤩即刻去率先試吓！龍醬炒日本帆立貝 $168即叫即整，熱辣辣👍🏻帆立貝超入味，好似急凍個啲咁彈牙食落辣辣地，個醬好特別砵酒焗石蠔 $68呢個係炸焗石蠔嚟，出面好少見到上面仲加咗椒蔥粒🥰食落超香口川波 吟釀 $268呢支清酒好清新嘅花香果味飲落甜甜地，入口好滑仲可以提升帆立貝嘅鮮味☺️大家記得都要提前一日預訂啦！

最近迷上左日本酒 見到附近酒樓出左個sake set 又幾得意啵Set 包左清酒一支同一款食物清酒方面我地就揀左 川波 吟釀，一款比較有果香嘅酒，飲落都幾甜，帶少少果酸，尾段清爽。 我個人都幾中意。而食物方面，我地就叫換左同埋龍醬炒日本帆立貝，砵酒焗石蠔。清酒嘅果香同花香，帶出日本帆立嘅鮮味，亦左中和到菜式嘅微辣。而石蠔就炸得好脆，清酒亦都發揮到解膩嘅作用。石蠔本身都好鮮甜，外脆內嫰！呢個set記得提前一日訂呀。

有冇人同我一樣覺得今年呢個暑假過得好快？不知不覺街上面好多學生哥，明明黃埔附近得嗰幾間學校點解都咁多人嚟呢度食嘢😅😅😅難得放假諗住少啲人，點知原來同我假日嚟都冇咩分別，可能近排做咗好多優惠掛🧐🧐講返正題，個雞都唔錯嘅，不過我比較鍾意佢個醬汁，喊都同甜度都啱啱好，重要啲紅蔥頭勁香口，不得不讚嘆一下🥰🥰🥰不過估唔到而家啲後生仔都鍾意黎飲茶，開始覺得自己好老了😅😅😅Btw, 隻雞太大食唔晒拎咗返屋企夜晚加送😅

放假同屋企人去附近既酒樓飲茶，好悠閒咁過左個朝早同中午個炸腸粉好特別，第一次係茶樓食到呢種，好好味😊之後係我最鍾意既椒鹽豆腐，次次飲茶必嗌，好食另外價錢我都覺得算合理，係性價比之選

✨沙巴海蝦餃蝦餃唔錯 皮厚薄適中 蝦鮮味爽口 ✨懷舊臘腸卷包好軟熟 臘腸偏瘦 口感較乾 味道正常✨豉汁蒸排骨排骨入味 肉質唔會過腍 味道正常 但唔算好多肉食✨蒜蓉鮮蝦春卷上枱時微暖 炸皮脆 但略油膩 餡料偏少✨潤燒妙齡鴿妙齡鴿唔算細隻 上枱只係微暖 皮唔脆 肉嫩唔會乾 味道正常✨沙薑鳳爪鳯爪入味 唔點醬已經好夠味 口感唔會過腍 份量偏少食物唔錯 但食物溫度略嫌不足 唔夠熱環境可以 枱與枱之間都算闊落服務普通 叫好耐先有人理你價錢合理 下午茶會幾抵食

放咗學同同學嚟食飯，諗住求其嗌啲飯嗌個點心咁，點知個飯黎到原來係咁大份，啲點心都要打包拎走😂😂😂唔知係咪我哋細食啦，個飯真係好鬼大，我諗如果你想食到好飽嘅話叫呢個飯就冇錯㗎啦😂😂依家仲有下午茶優惠，呢個飯真係好鬼抵食🤤

舊同事聚餐， 大家搵個老地方見面， 選了以前大家最愛飯堂龍皇， 三個人又唔叫得太多...有位笑面迎人的樓面姐姐就推介“孖寶”,  兩斤龍蝦伊麵底， 加半隻雞， 足料， 味道保持水準， 點讚👍👍

通常食下午茶，價錢合理。佢d點心做得好食，尤其係有脆麻花揀，做得鬆化，又脆。其它食物尤其有上湯鮮竹卷，係用上湯做，好過用蠔油。其實樣樣都好合格，所以食下午茶算抵。