龍皇酒家 (Gourmet Place (Site 8)) (Closed)

上網睇到依加有個大型清酒推廣活動「SEAFOOD LOVES SAKE」，有超過50間擁有米芝蓮嘅餐廳，推出以清酒配海鮮為主題的限定餐單。我就揀咗間係我附近嘅試下喇。主角就梗係支sake喇！我哋嗌咗枝池亀純米吟釀，平時好少飲清酒，驚佢太苦。但依枝真係好高質，清甜得嚟帶甘香，好易入口，配上海鮮真係一流。兩個人飲，超暢快！之後就嗌咗碟龍醬炒日本帆立貝，佢哋個日本帆立貝都幾大粒,，仲好彈牙。用嘅龍醬好特別，有啲微辣，帶岀帆立貝嘅鮮甜。再嗌咗隻砵酒焗石蠔試下，個石蠔好新鮮，配上汁漿同椒葱粒，口感豐富。