CoCo壹番屋 (碧海藍天) (Closed)

lunch唔知食咩去左呢間野，打開餐牌，好普通嘅飯都50幾蚊起，叫左個蛋包豬扒飯，85蚊，緊係要試真個味啦。。。想問下酸嘅係佢家特色定壞左？有人能解答嗎？🤣BTW,仲加一，一個飯93.5，一句講曬唔值囉

好耐以前食過呢間，不過荔枝角呢間分店第一次，唔知係咪因為呢間地理位置比較入，人流比較少所以質素比較一般。叫咗兩個咖喱蛋包飯，一個係吉列豬扒，另一個係漢堡扒，價錢大概都係70幾至80幾蚊左右。我就太肚餓，另外再加左一個薯格同埋麥樂雞，同埋其中一個餐加咗茄子（$15）。•薯格就中中間間，冇乜特別。不過諗住加咗茄子，點知嚟嘅時候分開上枱果下，覺得真係少得可憐😂😂😂得幾條，可能擺埋落去冇咁礙眼明顯🤣•吉列豬扒同埋漢堡扒情況相若，冇影到原本吉列豬扒個樣，不過就炸得唔係幾靚。漢堡扒比較乾身冇乜油脂，味道好淡。對於今次呢間分店嘅食物質素就一般般🥶同埋感覺上如果咖喱入面真係有少少菜會吸引啲🤪希望其他分店好啲

吉列日式豬扒，是以一種以吉列的方式油炸的豬肉食物。今午我嘗試這間餐廳的吉列豬扒咖哩飯，很開心話俾大家知，這飯真的很美味呀!首先，吉列豬扒很脆很脆，而日式咖哩就酸度適中，再配合飯一同食，我認為是絕配的了! Ichibanya

咖哩蛋包飯係我十大排行榜入面絶對係頭三甲之位! 👍真係超鐘意食! 尢其係要加埋漢堡扒同吉列豬扒! prefect match到呢!鐘意呢間coco ichiban因為可以選辣度,  喪加配料甘! 加芝士 加炒蛋！tailor made 到岩自己口味😋特製吉列豬扒奄列咖喱飯⭐️⭐️⭐️⭐️⭐️🥚蛋唔駛講係滑蛋, 每啖飯都要沾到咖哩汁, 吉列豬扒超激烈吉列, 加芝士香滑漏, 唔夠更係要埋漢堡扒, 我全部都要曬!!小朋友先會做選擇！wahahaha老公食牛肉咖哩飯, 一定要加芝士加蛋! 簡直係畫龍點晴, 令個咖哩飯無限upgrade.By the way, 價錢都upgrade 埋, 仲有卡路里tim~ 明天再加油吧!

Coco 又係食咗 2 次先寫食評，算係我這區takeaway 三甲好味之一，第一次冇影相，今次連第一次一齊comment 其實我唔太鍾意食咖喱，但這間ok 喎，味道正宗第一次order 炸蝦curry rice , 家人order 芝士curry 吉列豬扒飯今次order 庵列curry 豬扒飯庵列夠滑，薄薄一層包住飯好味，豬扒仍舊鬆脆，配菜酸甜開胃，個curry 汁好味，份量足飽肚炸蝦🍤夠熱，香脆鬆軟配curry 汁好正，必點家人order 不過野飲勁貴 $25/can , 上次叫了2 can , 今次唔叫，一個takeaway 成三百蚊鬆d，今次唔叫drinks 都 $268 ， 其實貴，不過算好食

雖則疫症來襲前…已經由六月起無乜心機去旅行…但總叫頂唔順時可以隨時出發散吓心…😖而家直頭困獸鬥！無！得！揀！！！. 唔知有冇人同Be一樣…要不停去行Donki,Aeon,一田,Uny,十二蚊店……以解慰藉思日愁緒 (🙋揮手區)·除咗買哂啲食材零食番屋企滿足吓口褔…當然唔少得襯有機會出街時去食啲遊日時會食嘅嘢…唔係講笑…食緊之際的確旅行記憶湧哂番嚟 (😢差在未好似食黯然銷魂飯咁流眼淚咋陰公)·今日就揀咗去食CoCo壹番屋尋慰藉🍽️✨·ℂ𝕠ℂ𝕠 𝕀𝕔𝕙𝕚𝕓𝕒𝕟𝕪𝕒Okra & Tofu Omelet Curry Rice秋葵豆腐奄列咖喱飯 $64·利申碟飯張相再落咗filter毒多大家兩錢重嘅…但講真用肉眼睇實物都一樣好似味吉陽一嘅菜式咁bling bling誘人架…啲秋葵嘅特有口感配上滑嫩豆腐再加埋芙蓉樣質地嘅蛋包飯…撈埋招牌咖喱汁一齊放入口果吓😋😋真係！好！感！動！·Fried Squid Salad炸魷魚沙律 $35·啲炸魷魚圈無得輸！！脆香得嚟唔會食橡筋咁！加埋好fresh嘅生菜車厘茄小青瓜粟米粒！完美解膩食咖喱嘅口腔狀態😛😛. 就係咁…滿足味蕾又解到思緒都係一張紅衫魚有找☺️值得呀🙌

今日唔想食肉，想食d辣辣的，所以就去左Coco壹番屋食個秋葵豆腐庵列咖哩飯秋葵豆腐庵列咖哩飯外觀：咖哩汁滿滿成碟的，庵列金黃色，完全包晒d飯，加上秋葵點點綠的配搭，刺激眼球，味蕾大增味道：今次我揀左1辛的咖哩汁，味道剛剛好，唔會因爲咖哩的辣而搶過豆腐的滑口同豆味，亦保留左蛋味，最緊要係個咖哩汁份量係剛剛好送晒成個飯；另一不可不讚的是庵列，好滑，半生熟剛好，唔會老左；初初有擔心過秋葵會唔夾，原來係無架，反而係夾到不得了，秋葵黏黏的口感與庵列咖哩汁一齊食，係match度100%份量：小女子我一向被評為黑洞，初初見到呢個的份量得200g, 真係會擔心唔夠食，結果係成碟食完完全夠飽架，晏就仲唔洗穩零食填補我的空洞Coco壹番屋一值都係我食咖哩必去餐廳，讚

The good point about this restaurant is there is a $5 discount if you choose less price. Since I wanted to eat more meat instead I chose the double chicken leg option with less rice. The black curry was not as spicy or fragrant as I hoped it to be(since that was their selling point). The chicken was tender though. However, for this dish to charge $123(after the $5 discount, original price $128) is not worth the price.

我是這咖喱屋的常客，通常吃咖喱牛肉飯，價錢平，味道又好，質素很穩定，還可以加錢轉套餐，有飲品，沙律或甜品，我通常要雪糕，但只有一種味道，今天是曲奇奶油味。看見今天有新產品，是黑咖喱辛辣雞腿飯，看圖片很吸引，咖喱是有七種香料精心製作而成，包括小茴香、紅椒粉、白胡椒、番茜銀、加地文粉、花椒粉、皮薩草粉。看圖片，雞腿好像是炸的，還擔心會很油膩，吃來完全不油，而且很嫩滑，骨肉分離嗰隻，黑咖喱很香濃，辣度啱啱好，吃完很滿足，真心推介俾大家。

黎親呢間吉之島都會黎食呢個咖哩飯皆因呢間咖哩食咁多次都係咁正，而且仲可以選幾分辣，適合每個人既不同口味，鐘意食辣但又唔想辣到狂飲水既朋友小編推介3分辣就岩岩好🤤另外小編最鐘意食既時候配埋佢地自家製既果蜜醬，辣中帶甜，果個衝擊既口感真係令人一啖接一啖，停唔到口😋😋🤤 吉列豬扒炸到金黃可口，肉質剛好。奄列既生熟度都煎得剛好，唔會太生，又夠滑🤤 份量岩岩好，食完好飽好滿足🥰食完再行下吉之島好方便～

食咗好多次嘅Coco咖喱，呢一間位置喺Aeon入面，大部份幫襯嘅客人都係街坊，晚餐時間都坐滿人既，不過感覺上Coco咖喱嘅推陳出新比較慢，每次黎既新鮮感唔大，感覺間餐廳都係食緊老本。Coco本身個咖喱真係幾好食嘅，但係食得多都真係會有少少厭，最鍾意嘅仍然都係炸雞球咖喱飯，仲要係3分辣度先夠～之前，好耐之前，推出嘅蜜糖，點咖喱真係好好食嘅，加埋腌制蘿蔔，口感都好豐富～

CoCo壹番屋呢間分店嘅奄列飯終於可以選擇辣度🤩之前無得選擇，想食辣啲又想食奄列飯係無可能！而家終於有得揀🤘🏽🤘🏽吉列豬扒奄列咖哩飯🤘🏽鮮菇咖哩飯+炒蛋+菠菜炸薯條咖哩好正！！好香嘅日式咖哩！唔會覺得只有甜或者好淡😋啲炒蛋好滑好嫩！塊吉列豬扒幾好，炸得夠脆，皮唔厚。啲菇同菠菜都好好味，同咖哩配搭一流好入味🤘🏽🤘🏽作為一間連鎖餐廳，佢都keep到高水準！食物嘅味道對得起個價錢👍🏽👍🏽

平時想食日式咖哩飯都會自然想起coco但平時行開行埋係aeon 都會經過見到無咩人的所以沒有入去光顧😫今次終於的起決心入去食😤其實次次行過都見到佢個餐牌好吸引尤其是佢個蛋包飯係我唯一一個衝動嘅源頭😂所以難得光顧決定叫佢個炸雞球奄列咖喱飯🍛同吉列豬扒咖喱飯🍛呢兩個應該係日本咖喱飯嘅代表🤔吉列豬扒咖喱飯🍛十分鐘左右就到餐吉列豬扒炸得多脆口不過可惜肉質炸得太乾身🥴吃下去好乾淨淨而且好硬😬加點咖哩汁落豬扒到都係好乾好(鞋)不過可能我鍾意食鹹咖啡汁🤫所以對佢個汁都叫ok五分鐘後炸雞球奄列咖喱飯🍛都黎左炸雞球個粉皮有點太厚了😂內𥚃一點肉汁都沒有😱所以一般般不過佢個奄列飯又整得幾好蛋汁包圍落整個飯而且整奄列都整得好嫩好滑再加上咖哩汁簡直係絕配🙄不過可惜我認為略嫌偏貴以這水準不太抵

今日lunch黎到aeon行左個圈，之後就肚餓喇，於是就係aeon既 呢間店坐低食飯。lunch既時候人都唔算太多，所以唔洗等位就可以入座喇。我叫左餐之後，等個fd到。原本以為係一間日式咖哩屋，應該只有日式咖哩簡，但估唔到有special menu係印度咖哩，其實有d心動想試，但係今日本住食日式咖哩既心黎到就無簡，下次會試下！我叫左呢個 咖哩炸豬排蛋包飯。好開心，呢個係皇牌推介，入面有晒我最鐘意既元素：蛋包飯、咖哩、炸豬排。咖哩當然係日式咖哩喇，甜甜地既辣味，唔會辣到食唔到個種。而炸豬排都炸得幾香脆，但略嫌乾左d。至於蛋包飯，包既生熟程度剛剛好，所以食得好滿足。總括黎講，都算係幾唔錯既一間餐廳。

正所謂「有期望，才會失望」，帶著期望而來，期望和日本的壹番屋有點高的像真度，可是頗失望。點了兩碟㗎喱飯。秋葵豆腐奄列咖喱飯尚可。豆腐是滑豆腐，秋葵切細粒，咖哩點了不辣，正體是尚可的。吉列豬扒咖喱飯就強差人意了，豬扒細塊(和在日本吃到的，比較細件，當然連鬆脆都有分別)。重點是咖哩汁不夠吃完200克的飯。(當然夠不夠可以說因人而異)於是，我問一問可否加汁，原來要加錢，這個明白的。另外可加配飲品、甜品等，其中加配的餐湯，十分特別，是西式的洋蔥湯，但內有海帶的，十分"日式"。還有一處是很"日式"的，就是全店店員，會說出獨特的句語。當多謝客人時，會說出"加多一個master"，並不是Arigato gozimasu (日語)，。