jean.sy的個人專頁

呢間私房菜主打新鮮海鮮同鑊氣小炒，菜式嘅選擇都十分多。嚟到私房菜，當然要試一試平時屋企無可能整到嘅菜式✨屋企人都好滿意今餐飯，特別鍾意呢度嘅海鮮🫶🏻•椒鹽瀨尿蝦一定要揀呢一種大大隻嘅瀨尿蝦！肉質爽彈，仲充滿肉汁，瀨尿蝦亦都容易脫殼，方便食用。•白灼海赤米海赤米大隻多肉，外殼薄，肉質爽彈！白灼完全可以食得出鮮味🦐•油浸筍殼魚記得細細個已經好鍾意呢度餸，整呢度餸真係特別花心思💕 筍殼魚肉厚又嫩滑，而且外皮超脆…查看更多

之前喺同一棟大廈樓上按摩，無意中發現到呢間韓燒餐廳，最具特色嘅係爐邊嘅擺盤設計，可以擺滿唔同嘅肉類或者熟食，放滿嘅話係好震撼😂晚市價錢係$298/1，任食多款韓式肉類、小食、雪糕、韓式醃菜同飲品，依家仲有刨冰🍧好吸引！另外加$88仲可以任食刺身添！肉類嘅選擇好多，連澳洲和牛都有🥓仲有我最鍾意嘅韓式豬皮，要放喺爐邊慢火燒，每邊輕輕烤脆就食得，唔係就會燶晒，豬皮甜甜哋，好有咬口！韓式小食都幾吸引，有即炸嘅粉絲卷同韓式煎泡菜餅，仲好脆㗎🫶🏻呢間餐廳值得推介！…查看更多

幾香蛋味，打卡係個唔錯嘅選擇😂忌廉都好好食，唔會太甜，而且又好香！水果都好新鮮，士多啤梨同藍莓都幾甜！不過希望餐廳可以增加食物種類嘅選擇，咁先至吸引到顧客返轉頭！…查看更多

知道呢間店好出名，一直都未有機會試，原來佢已經有勁多分店！當日係假期，店內都坐滿人，要自己等位搵位，不過好彩好快就有位！價錢方面，當然唔平啦，幾十蚊一杯嘢飲或者雪糕，不過雪糕真係好香濃嘅抹茶味，質感軟滑，有機會嘅話絕對會再幫襯！但係，企收銀嘅店員就全程黑晒面，問佢攞餐牌，望都唔會望你一眼😂仲要勁大聲叫我排隊！雖然呢度冇收加一服務費，但係我覺得服務有待改善啦~同埋，個雪糕擠得超級唔靚，好似溶咗咁😂…查看更多

朋友生日，指定話要食無老鍋😂上OpenRice book位嘅時候先至發現原來尖沙咀都開咗分店，點解完全冇宣傳嘅？😂依家就比開業冇耐嗰陣容易book位好多，早兩日book都仲有位！我同朋友加埋三個人，就冇叫到鴛鴦湯底，叫咗個豆腐湯，飲咗超多碗🤍另外加咗三粒冰淇淋豆腐，記得要聽清楚店員教我要煮個豆腐幾耐，我哋Overcook咗啲豆腐就覺得冇咁好食！肉類方面，我哋就叫咗個牛小排，肉質好嫩滑，油脂分佈得好平均！…查看更多

好耐之前已經有朋友推薦過老掌櫃，話佢嘅片皮鴨好食。事隔幾年，終於有機會去到大角咀分店，估唔到都幾多人等位，同朋友夜晚八點去到，都等咗一陣！餐廳嘅面積幾大，不過座位密密麻麻，好迫，枱同枱之間都冇咩位置，要夾硬攝入去😂一於試吓個片皮鴨，落單到上菜，只係5分鐘😂不過咁嘅價錢就預咗唔係即叫即整嘅，$168/半隻，仲平過平時去茶樓叫小菜叫片皮鴨嘅價錢。片皮鴨嚟講，真係唔推介，寧願俾貴少少，食返啲皮脆肉嫩嘅鴨，鴨肉鞋口…見到隔籬枱都有嗌餃子，我哋都叫咗十隻酸菜餃($48/10隻)，每粒都包到幾大隻，豬肉餡都新鮮，呢個酸菜餃值得一試！…查看更多

好耐無食放題啦，朋友帶我嚟呢間喺兆萬嘅放題，裝修佈置都有濃濃嘅日式氣氛！價錢方面，晚市$299/位，算係合理價👍🏻每人都有一份自選食品，我哋揀咗日本生蠔🦪蠔肉大隻又鮮甜！落單之後，好快就上咗個刺身船，刺身都有超過十款嘅選擇，三文魚、油甘魚、甜蝦、赤蝦、北寄貝、希靈魚、帶子、螺肉、赤貝、泰式生蝦等等。另一個自選食品就係日式壽喜燒，牛肉同菜類都可以任食，壽喜燒醬汁唔會過甜，調得幾好，令食材提鮮🍲唔夠飽仲可以加烏冬，吸晒啲湯應該好正！串燒都好吸引，叫咗羊肉串、燒牛舌、牛肉串等等😛仲有燒羊鞍，選擇都幾多‼️…查看更多

四川重慶風味串串鍋，晚市價錢係$228一位任飲任食，特別留意火鍋湯底有額外收費-紅白鴛鴦湯$78 所以多幾個人嚟share食會抵啲！鴛鴦湯可以拼重慶經典麻辣燙X芫荽皮蛋湯，辣湯幾正宗夠辣夠濃，仲會愈食愈辣。食物種類好多，目測有幾十款，推薦食牛肉、雞軟骨、海帶等等，好入味，而且每串都細細件，所以一次過可以試到好多款！仲有，呢度有豬大腸串同雞串，有啲估唔到，我幾鍾意！不過，希望呢度衛生有待改善，地下有啲黐立立嘅感覺，廁所唔太乾淨😅…查看更多

呢間位於The One附近嘅樓上火鍋店，環境幾乾淨、坐得舒服👍🏻 最正係火鍋湯底濃味足料，直程可以當湯飲，大推！🫶🏻🔸火焰沙白蟹鍋 $328開始食前，會有專人將芫荽等配菜混入鍋中嘅沙白、原隻肉蟹輕炒，再喺鍋內點火澆上酒，做出充滿視覺驚喜嘅火焰效果🔥～ 加入湯煮滾後，湯底濃郁鮮甜，沙白味道尤其突出，建議可先飲幾碗海鮮湯再開始打邊爐🤤🔸招牌惹味炒茄子 $68打邊爐同時，嗌左個招牌炒茄子小食，茄子炸得酥脆，外脆內軟，調味亦啱啱好👌🏻火鍋配料：🔸花雕醉滑牛 $128滑牛要自行加入配備嘅花雕酒，醃製一陣先開始煮～煮熟後嘅滑牛口感都幾滑嫩，酒香好出，值得encore🥰🔸招牌新鮮鵝腸(瘦) $108鵝腸又係另一個大推嘅火鍋配料！鵝腸爽口厚身之餘，仲有得預先揀定肥瘦，啱晒唔想食得太肥嘅人👍🏻🔸自家製黑松露蟹肉餃 $68/ 4件食落黑松露味道香濃，配埋蟹肉亦相當夾，好味🤤🔸香煎鵝肝墨魚丸 $68/ 4粒墨魚丸咬落彈牙，亦食得出鵝肝味，唔錯～🔸鮮淮山 $48🔸油麥菜 $48🔸炸芋片 $58…查看更多

主打燒肉嘅餐廳越開越多，呢間韓燒餐廳都係開咗無耐，最具特色嘅係爐邊嘅擺盤設計，可以擺滿唔同嘅肉類或者熟食，同時亦都好方便‼️價錢方面，晚市只係$298/1，任食多款韓式肉類、小食、雪糕、韓式醃菜等等，另外加錢仲可以食到醬油蝦蟹等等🤍不過其實唔加錢，已經有好多嘢食👍🏻道先估唔到呢度有日式刺身🍣另外，韓式豬皮真係要食，因為香港真係唔多地方有！仲有肉類質素都幾好，牛舌我哋都encore咗幾次🤍值得一講嘅係，呢間餐廳係充滿韓式嘅氣氛，除咗嘢食嘅味道正宗，仲有呢度嘅韓式醃菜係好齊全，仲播住韓文歌，真係會有種返咗一轉韓國嘅感覺🇰🇷…查看更多

成日經過旺角呢間爆丼屋，難得今日無人排隊，就入去試一試！個丼比想像中大，鋪滿咗魚生，價錢由百零蚊至三百幾都有，不過今日就食豪啲！-三重大極上丼($398)-呢個丼有拖羅、蟹肉同海膽。師傅嘅刀工幾好，切得好厚又完整👍🏻刺身好新鮮，無腥味。另外，拖羅好甘香，海膽好鮮甜，入口即溶！-炙燒七級魚蝦蟹丼($298)-呢個丼有松葉蟹腳、三文魚、拖羅、帆立貝、白身魚、赤蝦同蟹籽，一次過滿足七個願望，十分豐富！…查看更多

幫襯過超多次，午市套餐好抵食，而家出面普通茶記食個飯都超過$60‼️但係呢度$58黃咖喱牛腩飯，超大碟，夠晒飽肚😋牛腩炆得幾淋，唔會過肥，咖喱超濃，送飯一流！呢個咖喱都幾受歡迎，左邊同右邊兩枱都同時叫咗😂飲品方面，叫咗泰式奶茶，原來呢度凍飲要加$6，另外加$10-20就有迷你小食，選擇都幾多，例如有生菜包同蝦餅等等！餐廳幾大，適合一班人聚餐！更值得讚嘅係，餐廳喺每枱都提供紙巾，因為依家好多餐廳都冇再提供免費嘅紙巾，其實好唔方便！…查看更多

見到有個姐姐喺兆萬派傳單，俾傳單吸引咗所以上咗去食啦！我見傳單上面話有龍蝦同蟹，但去到都無得食。而且，我覺得刺身嘅選擇好少，而且有一轉刺身係未融晒雪。當晚食客唔算多，但職員可能唔夠，所以我哋落單之後都等咗好耐，上菜比較慢，我哋追咗幾次單，但個staff態度都一般，好唔helpful🥲對返個價錢，呢度嘅性價比係極低，食物選擇唔多，特別係啲串燒同肉類，個肉質本身唔靚又可能煮耐咗所以超韌，好低質，唯一最滿意嘅係壽司，選擇都幾多，唔會包得鬆散。…查看更多

The Garden🍦乳酪雪糕偏甜，我覺得一個人真係食唔晒，如果可以出低糖版就好🥲同啲配料都唔係特別好食...$59其實就唔係咁抵食，個人覺得IKEA嘅乳酪雪糕仲正😂不過的確打卡靚嘅，但係試過一次就冇下次啦🍦…查看更多

第一次嚟Wingman🍗班朋友話要挑戰鬥食得多雞翼，而我自己本身都好鍾意食雞翼‼️咁啱又見到OpenRice有預付優惠，買咗coupon 再訂位，比Walk-in平少少✨雖然都知食得太多雞翼一定係唔健康，但係去到先知原來呢度嘅雞翼係冇激素，不含抗生素，咁食落都安心少少😂除咗雞翼，仲有其他小食都有得任食，例如薯條同芝士通心粉，都幾好食🤣而雞翼方面，我一個人都食到20隻雞翼😂我最鍾意嘅口味係泰式甜辣醬同死神醬雞翼，兩款都好開胃😍…查看更多