同朋友慶祝生日，見到有生日畫碟服務所以就揀左呢間餐廳，我地叫左個套餐二人份量，如果唔係特別大食既話，其實呢個餐真係抵食仲係食得飽既，出餐時間都快而且食物夠熱！環境雖然唔算大但係啲枱夠大張，成枱野食都唔會覺得逼坐得舒服而且服務態度仲好好！朋友見到生日碟都好開心話畫得好靚，好有心思！係一次好好既用餐體驗…查看更多
Amico 1890
2025-01-01
以上食評乃用戶個人意見 , 並不代表OpenRice之觀點。
讚好
用餐途徑
堂食
Times Coffee
2024-06-02
雖然果日都幾滿場，但食物上枱時夠熱而且都好味，如果鍾意食芋泥既朋友可以試吓芋泥麻糬肉鬆吐司個人認為好好味，當然仲有個靚靚焦糖布甸草莓冰，因為好大碗所以我地兩個人一齊食，份量岩岩好食哂！…查看更多
以上食評乃用戶個人意見 , 並不代表OpenRice之觀點。
讚好
用餐途徑
堂食
On The Spot Cafe Bar Restaurant
2023-12-24
因為睇到餐廳既甜品同飲品都好精緻所以就揀左呢間為朋友慶祝生日，果然係無失望，即使係是日甜品都有3，4款揀而且是日甜品都好有心機咁畫啲野上去令到無咁單調，欣賞廚師呢份心思，朋友都話靚！而兩杯cocktail 都好好飲又易入口！鍾意打咭影相既朋友仔真係要黎一試，仲有所有員工都好友善又親切，整體環境令人覺得好舒服！…查看更多
以上食評乃用戶個人意見 , 並不代表OpenRice之觀點。
1
用餐途徑
堂食
Happy Belly
2023-11-03
12點半去到已排緊隊應該係岩岩開門大概係排緊第5，6個！候餐時間唔算耐，試左一個麻辣雞刈包一個係魷魚刈包同咸蛋黃金薯條,飲品就係碟豆花草莓梳打同蘋果鮮橙綠茶！兩款刈包我都覺得好食，而兩杯飲品黎講我個人鍾意杯梳打多啲，但唔想飲太甜既人飲蘋果鮮橙綠茶會好啲！因為枱唔多，當時又多銀髮族所以留番啲枱位俾佢地，外賣去左對面金都商場隔離食雖然係户外但有啲公園長櫈响度都ok！…查看更多
以上食評乃用戶個人意見 , 並不代表OpenRice之觀點。
讚好
用餐途徑
外賣自取
Season Plus
2023-02-13
每一位員工都友善有禮貌而且耐心專業地介紹餐牌裏的食物食物質數好，新鮮夠熱又好食點了兩杯飲品兩杯都好精緻而且唔會太甜，好飲每一道食物除左味道好貌相都整得好用心鍾意打咭既朋友真係值得一試…查看更多
以上食評乃用戶個人意見 , 並不代表OpenRice之觀點。
1
用餐途徑
堂食
La Mensa Grill & Bar (Plaza 88)
2023-01-03
和朋友慶祝生日，氣氛很好！因預早和餐廳order了甜品寫名，上甜品時餐廳會播生日歌，而且餐廳的所有職員都很友善有禮，幫我地影相時都很耐心不會敷衍了事！食物質數很好，味道好份量都ok又夠熱,食完一次會想再有下次既！
…查看更多
…查看更多
以上食評乃用戶個人意見 , 並不代表OpenRice之觀點。
讚好
用餐途徑
堂食
慶祝紀念
生日
囍運冰室 (淘大商場2期)
2022-03-22
環境污糟，服務態度極差，樓面個啊姐勁大力掉啲碗碟落架餐車度，仲要執枱嫌啲客坐响度阻住，佢叫我地企响身行出黎俾佢執，我地企起身後佢又特登搵架餐車推開嚟撞落我哋度，話我地企响度阻住哂，呢間野一定唔會再去！…查看更多
以上食評乃用戶個人意見 , 並不代表OpenRice之觀點。
讚好
用餐途徑
堂食
青花 (THE FOREST)
2020-06-19
咁既價錢咁既食物質數都咁多好評實在令人費解，環境根本就無講到咁靚同舒服，又唔好坐枱與枱之間又逼又嘈！只係啲野食堆砌得可以影相呃吓人，泰國野其實好難會難食得去邊，呢間都算係萬中無一！啲野食又唔熱！重點係服務態度差會俾壓力趕人走，限時食野唔係得佢呢間但响有吉枱既情況下俾壓力趕人走都係第一次…查看更多
以上食評乃用戶個人意見 , 並不代表OpenRice之觀點。
3
mme. Joey S.
Agree, 真心唔知點解泰國嘢都可以煮到咁差
tinglim617
可能落左不小廣告費
仲有都唔明點解啲好評我完全體驗唔到，相反大家啲劣評就咁一致，服務態度差啲嘢難食又貴
服務態度差到仲衰過去大排檔
今日揀依間餐廳，因為佢無咩人，又好多位，所以入去試吓。但係一入到去，就係一個惡夢嘅開始。首先，我同朋友拿住袋嘢，無位放，想將物品掛喺張枱側邊個勾，但又放唔到，一放d嘢全部跌晒落地下。咁問經理同職員，佢哋幾次都好悔氣話冇位可以俾我哋放嘢，佢哋話公司係冇依個服務俾我哋。但係個經理同幾個職員專登之後就狂安排啲人坐喺我哋側邊，好似趕我哋走咁。最離譜係個經理同幾個職員，一路咁講我同我朋友壞話，好大聲咁比說話我哋聽。當佢哋出菜嗰陣時，我見到啲職員行行企企，只掛住傾偈，但都唔攞啲餸俾我哋。最激氣是服務台嗰個男職員，佢專登攞個BB凳搬過嚟，又好大力撞我，當無事發生！最離譜係個經理同職員叫我啲嘢掛喺個勾，但會掂到地下。我同經理同職員講，兼做埋俾佢睇，餐廳地下又有餸汁同埋打瀉左d飲品，好唔衛生，經理竟然仲話冇問題。咁我同經理講，可唔可以抹咗地下啲餸汁同飲品先？佢話佢唔做呢啲服務。最後咁我話有咩辦法、我可以放到嘢呢？經理話乜都唔得！！！一間沒有服務、兼且不顧地方衛生的餐廳，不吃也罷！
用餐途徑
堂食
