ltyyy_的個人專頁

原先book咗7點半食串燒放題一上到去見到起碼廿個人塞喺門口等緊開頭以為只係未安排到入座等咗十幾分鐘都冇人入到去亦都冇職員出嚟登記望入去見到成個場根本就已經滿座成班客好似傻仔咁唔知等咩終於捉到個職員嚟問結果原來所謂呢嘅book位係假嘅間嘢個老細係唔俾截booking話就話一枱90分鐘 但無限booking嘅情況下佢哋根本就冇預計一輪食幾多枱淨係個客嚟到 「有幸」搵到職員就幫你mark低照排隊同walk in冇分別 根本就係唔會食到未食已經一肚氣 千祈唔好中伏！…查看更多

最近都幾多新式台灣火鍋放題店見呢間好似幾多好評所以揀咗佢去食屋企人嘅生日飯可惜食完係 極 度 失 望！首先食物種類得好少 所謂嘅台式小食得果款全部又乾又唔好食啲海鮮好似假嘅咁 粒帶子煮幾耐都係勁淋嘢飲方面珍珠車軚咁硬所有嘢唯一唔錯嘅係牛翼板肉 出面夾嘅牛丸同水果茶其他真係唔會想再叫…雖然話食得放題都唔會預啲食材有幾高級但令人最嬲係佢會粒聲唔出cut人單！搞到甜品嘢飲都冇得叫入座前職員的而且確有同我哋講食90分鐘 最後15分鐘就冇得再叫但我人生食過咁多次放題 從未試過咁樣完全冇人提醒下就完咗唔俾再叫嘢食！即係我嚟食飯要自己set timer計自己時？會否太荒謬？我哋叫個staff過嚟問點解唔會有人嚟提我哋佢答我因為之前俾客投訴提人last order好似趕客走咁我真係聽到黑人問號 完全唔合理重點係我哋隔離枱走之前係有人嚟問佢哋仲有冇嘢要叫我問咁點解我哋冇 佢竟然解釋話因為提佢果個staff係新同事我心諗關我咩事 你哋點樣brief你啲同事係你哋嘅事依家問題就係好唔fair囉…而且後來佢果個所謂「新同事」仲好熟練咁教我哋點搞泊車果啲真係睇唔出有幾「新」服務態度差不特止最後埋單仲收多我double嘅加一搞咗一輪先處理好總之成餐飯就係俾錢買難受以後唔會再幫襯 真係唔好信呢度啲假正評…查看更多

最近見到開咗間新嘅餃子店今日終於有機會試入座嘅時候暫時冇其他客人老闆娘都好熱情咁介紹有咩食我哋一共試咗4款餃🥟粟米芝士餃 韮菜餃 雲耳椰菜餃 梅菜豬肉餃一律$45/9隻 算幾抵食 試業期間送汽水可惜我唔飲汽水 變相就冇得揀我哋唔想太熱氣 所以都叫晒湯餃而只有一款湯唔需要加錢 就全部配椰子雞湯唔使好耐就4碗上晒菜湯好奶白色 聞落都好香椰子味 不過飲落就略嫌淡咗少少 可能我期望嘅係類似椰子水嘅味 但呢個就傾向白色果種椰汁味多啲餃子都皮薄多料 梅菜豬肉餃有驚喜 幾特別粟米芝士餃都好食 芝士味可以再濃少少韮菜餃正常發揮 雲耳椰菜就主要食到雲耳多過椰菜整體食物都係唔錯嘅老闆娘話之後有考慮出啲餃子麵餐 有更多選擇就好不過有樣嘢都幾影響成餐飯嘅觀感就係舖頭入面播嘅音樂playlist本身可能見未有客就冇播歌啦 我哋入嚟之後先開始播第一首係TVB木頭人翻唱嘅《蜚蜚》…可能每個人嘅音樂喜好唔同 都唔judge啦點知一路坐落去 幾乎播晒成個《聲生不息》playlist…真係有少少聽唔落去如果係randomly播到都冇乜問題始終間舖唔係太大又唔係太多人 相對上清淨成餐飯都聽住就有啲難頂雖然話依家係主要評一間餐廳嘅食物質素但呢啲細微位都會影響到客人喺有選擇嘅情況下仲會唔再次幫襯…查看更多

第一次嬲到要喺open rice寫食評首先煎餅係大份但好普通 求其塞晒啲料入去就係重點係個肥婆店員定唔知老細態度極差 好似搶錢咁仲標榜自己係黃店 又冇禮貌又要收Alipay 嘔心總之一句講晒 簡直係貼錢買難受就算幾好食都唔會再食 更何況唔係好食…查看更多