朋友見到有米芝蓮推介成日都想試，我就覺得有蔡X推薦反而要特別留神。因為好多時呢啲嘜推介嘜推介都係屬蟮稿居多。叫了一個百多元嘅招牌清湯腩二人套餐，另加一個西洋菜，整體味道都唔錯，價錢還可以。但最乞人憎嘅就係班女侍應嘅態度，當時電視正在播放[愛回家]，睇到一半嘅時候忽然電視轉了台到亞視嘅國際台，初初以為來了個高文化嘅老外要求睇英文台，環顧周圍食客個個都自顧自睇手機或者食緊嘢，唔似係有食客要求轉台。後來發覺原來國際台當時係播賽馬，女侍應落咗馬攬，所以急於轉台，廚房大佬都響廚房伸個頭出嚟睇，仲問邊個咁醒目，個女侍應仲好自鳴得意咁話醒添!我叫個杯熱冰糖薑汁薏米水終於到嘞!一飲落去應該叫薏米滾水，有啲啲薑汁味但係就完全冇甜味!我同個阿姐講，佢居然睇都唔睇，試都唔試就話每個人接受嘅甜味都唔同，你覺得唔夠甜嘅話可以放沙糖!嘩!呢啲咩態度!?埋單嘅時候我問個收銀:[究竟你哋部電視係俾啲客睇定係俾員工睇架?居然人哋睇得好好哋佢會轉台去睇賽馬嘅!真係唔使做?]個收銀答我話:[你可以同佢講嘛!]。同我講唔好意思嘅時候仲望都冇望我一眼。總言之樓面班伙計都係咁差!所以我好質疑佢個米芝蓮係點攞番嚟嘅，皆因米芝蓮係比較著重服務多過味道!呢啲咁嘅食肆咪使旨意我再幫襯，再好食都係假，有錢驚我冇地方食? 
…查看更多
…查看更多
