steve_chan123的個人專頁

朋友遠度而來，想了很久，中午飲茶最好不過。 上大帽山川龍飲茶，不但可遠離繁囂城市，呼吸新鮮空氣，又可飲茶後輕鬆步走落山順便做運動，一舉兩得。朋友表示非常滿意😜食物方面，選擇多，新鮮熱辣 要提一提係開茶搵位全自助，食物自己拎埋位😊有蒸飯、蝦餃、燒賣、鳳爪排骨、叉燒包、馬蹄糕，春卷等全部都有叫，叫到全枱都係，最後每人平均一百多就埋單。 嘆住一盅兩件，傾吓偈，望下山林景色，時間好快就3點多，時候唔早，行落去荃灣都係5點幾。 期待下次再過嚟！…查看更多

然接太太放工，中環搵中菜，決定試吓新開餐廳。餐廳位置樓上鋪，位置心臟地帶。 經理及服務員服務周到，細心接待每位食客。窩心。頭盤1/黑磚豆腐：酥脆香口，豆味濃，鋪面煙肉碎鹹香味道，細細件，好想追食第二件2/煙燻糖心蛋：雞蛋味濃，鋪面的辣油非常惹味，非常開胃。主食1/胡椒湯年糕淮山泡蜆：湯底明顯運用魚烹調而成，奶白色鮮甜無比，輕輕胡椒除去魚腥外也不會掩蓋鮮甜魚湯。蜆肉嫩口，淡淡海水味，認真真鮮🤪 中藥淮山入饌，有美顏健脾胃功能。年糕及豆卜吸曬各種食材的味道，一啖湯，一啖年糕及豆卜，食左少少有啲飽暖感覺。天氣凍凍地！ 老婆表示非常滿意👍🏼2/手作糖山冰鎮咕嚕肉：脆口！味道酸甜惹味！細細件！新鮮菠蘿！一啖一口！總之非常非常出色！真係要黎試吓！3/鮮魚湯海皇芹香脆米泡飯：餐廳內有多個大魚缸，生猛海鮮是餐廳主打。今次人少，下次先黎再試吓預定餐牌🤪 原來有帶子、墨魚、蠔仔、鮮蝦等多種海鮮，餐廳一點也不吝嗇，我地食左好耐都仲有好多海鮮係煲湯內。強調係湯冇味精！！！呢刻就算好飽，都仲想食多碗☺️甜品1/金菊桃膠燉手工菊花豆腐：食物就如一個藝術品，一朵花，真係考廚師刀工。甜品清甜適中，正2/桂花桃膠燉雪梨配手磨棗茸糕多得經理巧妙安排（我地冇預訂架）燉雪梨真嘅要試吓，非常清甜，潤肺！秋冬之交，值得一試！再試！下次，決定一大班人黎，可以叫多啲野美食！yummy 😝 價錢實惠，值得再黎…查看更多

自從太太誕下小兒及疫情陰霾下，出街食飯機會近乎零。難得機會出現(嫲嫲出手），趕緊同太太出走尋味之旅。原本定好3月東京之旅一拖再拖，家長帶小朋友出國旅行打卡日期遙遙無期，與其無了期等待不如及時行樂，早早訂左左枱，為自己打打集。 餐廳與幾年前的裝修也一樣，店長也一樣，食物質素也希望保持水準。我跟太太選了活龍蝦套餐。跳過頭盤唔多講，主菜是生猛的活龍蝦，師傅係鐵板上純熟的刀工，庖丁解牛似的，輕鬆將龍蝦全身完整分割，蝦身爽彈鮮甜，蝦頭與味增煲湯鮮美。另外安格斯簿切牛肉卷肉味濃，蒜片香，再配上店長介紹的sake 好好地配合起來，齒頰留香。食物質素和環境互相配合，美酒相伴，為勞碌的生活帶來新沖擊，讓身心靈重新出發。期待全球疫情早日減退，國泰民安！HK 加油💪🏼…查看更多

冷冷雨下了整個星期， 天氣也沒有熱氣迫人，走在尖沙咀街頭上，突然想起熱騰騰石鍋烏冬，便走到萬豚屋來。萬豚屋吸引我，全因它的獨特。 奶白色湯底豬骨餚製，香菌濃湯的香味，它獨有調配的味道，與及石頭鍋的設計，保持湯底的熱力，看到表面既氣泡，一個一個地由底冒出，令湯裡的雞蛋逐步演變成溫泉蛋。最後，主角稻庭烏冬彈牙，美味佳餚，各樣的使我愛得不能自拔。吉列豬扒也是我喜愛的美食，炸漿脆，豬扒鬆軟。總結：暖笠笠烏冬，獨特既湯底，令我百試不厭！😋…查看更多

銅鑼灣潮流特區，很多美食餐廳都定位於此。 今次係Openrice 找尋呢間burgeroom,又一推薦burger 之選！餐廳裝飾簡約，喜歡戶外的及開懷暢飲大笑的，有outdoor bench 可坐，個feel 好輕鬆，有外國小巷既感覺！我地2人怕熱，都係坐翻室內店主以buger命名餐廳，當以它為最重重重要的signature dish, 店員親切的為我們講解一番後， 立即落單， 期待。 Fish on the green, 炸Halibut 魚柳， 炸漿薄薄， 脆口，肉質細嫩，搭上酸醋及生菜，開胃精神，一點也不油膩。Mega Cheese Burger, cheddar cheese 鋪面的滿瀉， 漢堡排非一般地厚，有約2吋甘多，肉質鮮Juicy，配料等蕃茄及onion 也一層一層地有次序排列著。 麵包外脆內軟，熱辣辣同牛油香氣直撲向味蕾，各樣食材都互相輝映，很棒Honey Spicy Chicken Wing, 味道調配很吸引，先讓舌頭嚐甜的，後辣味漸進，很惹味！吃不停！最後，價值方面每人都係約130，性價比很高，值得再約朋友來!…查看更多

荃灣區人多小店多，好多卧虎藏龍既店鋪，各有特色。 下午茶後周圍逛街，見到這店很長人龍，行近先知係風靡全港既珍珠奶茶。店長推薦木瓜鮮奶地瓜小芋圓，見店員即時新鮮將木瓜切開，放落攪拌器與鮮奶混合，點選半糖，出來效果淡淡香濃原木瓜味，甜度也不恰到好處。最讚的是小芋圓，煮得足夠，軟得黎不會太淋，仲有彈牙口感。視覺上最頂係橙紅色的新鮮木瓜，下面係鮮奶，必定係打卡吸:)位！店長另一推薦碧爾白玉奶綠，清新怡人，milky 且有抹茶味， 值得一試。每杯不用$30，有穩定質素，用新鮮果肉，值得抵讚！…查看更多

週末期間，友人新界自駕遊，首先去屯門咖啡灣燒烤BBQ, 新墟街市買食物後即刻開爐，本想中午開始燒，搞到最尾黃昏先開始燒。 天公造美，天陰陰但全程無下雨：）接著，朋友話天水圍呢間糖水鋪「一糖」有車位泊，有特色飲品，另有出名即製waffles， 種類繁多。到埗後，出面都坐滿人了， 店內位子不多，裝飾日本風，簡潔木色為主。 我們點左3款， 首先係芒果乳酸冰， 乳酸味道突出，芒果醬甜度適中， 沒有蓋過乳酸味道。 沙冰令人即時消除熱氣騰騰， 乳酸帶來開胃消臍感覺。益力多沙冰， 原來整支益力多可以這樣子冰製成冰，仲有QQ 粒，彈牙有趣！ 生磨芝麻窩夫， 芝麻香味四溢，窩夫熱哄哄香噴噴，鋪係面有大大粒棉花糖，火槍燒後燶燶地， 香甜延綿，再加上雪糕，冰火二重奏，夏天消暑一流推介。…查看更多

接太太收工，星期五晚食dinner真係book 位都難d, 打左幾間都話full，好彩呢間餐廳有位姐。 位置就近HKU 地鐵站，如果唔係對我呢位九龍人真係有難度。 差不多全場滿座，估計食物質素不會太差吧！？頭盤點芝士炸薯條，新鮮即製，非常可口！份糧也不少喔見到其他人食緊美國牛仔骨既賣相相當不錯，我倆都跟隨點了。 送上我們的賣相卻完全相反，近半有多跟及脂肪，幸好調味及肉質鮮嫩搭救...食材質素落差非常大是有點可惜。Carbonara 忌廉及煙肉蒜香既配合永遠都係好吸引，令人食指大動。小店老闆親切侍應有禮，覺得一班三五好友係度嘻哈一晚都不錯，希望下次有機會再來。…查看更多

午後周圍走走，見到呢間茶店條人龍差不多廿人，甘熱既中午都甘多人等，搞到我都想試試看。Happy Friday 做什麼都開心D 友人點「水果四季春」，我點「炭培烏龍奶蓋茶」，2個都係店長推介。 前者水果茶非常賞心悅目，生果五顏六色，非常吸👀，適合欣賞茶香既人及健康人士之選，皆因它也非常清淡，不是我杯茶。烏龍奶蓋茶，飲既時候上層淡淡鹹香既奶蓋，配上下層香濃烏龍，出現一個特別既味道，頗新穎吸引！如果再試，都會係它…查看更多

Mega box 內餐廳挺多選擇，家人最後選中餐上海野，四人點了一個四人套餐。前菜是三色冷小盤，涼拌木耳、糖醋小排骨及蔥油海蜇頭。 陳醋酸甜開胃，作頭盤很吸引！湯是鮮魚羹，味道太淡，湯料仍較少，大多是豆腐，鮮魚不多，整晚最不濟的卻是它主菜3個包括清炒河蝦仁、酸甜松子魚、椒鹽小元蹄。 蝦仁清脆爽口，配上陳醋令它增添鮮味，正！ 松子魚考驗刀功，炸後魚肉花紋更明顯，可惜炸漿太厚身，令口感覺很太硬，失去魚肉既嫰滑。元蹄也肉質細嫩，有肉汁，不過火。小籠包，皮簿肉汁滿滿的，讚！最後甜品是酒釀丸子，很滿足，為星期日畫上句號。 …查看更多

近期不停四出找尋拉麵，除左招牌一蘭之外，個人覺得一平安既拉麵也不錯，有它獨特風格。食左多次都保持水準。依家出左2人套餐$288，2個主食、2款小食發飲品，人均消費$150左右。 點選了特製博多豬骨湯拉麵及滑蛋豬扒飯，前者湯底奶白色豬骨味香濃，配上自製新鮮蒜頭，其香辣味為油膩感中和了不少，對於愛重口味及蒜香朋友可說是增添層次。對湯底愛不釋手！後者珍珠米香而圓潤，炸豬排既炸粉簿簿的小食點炸八爪魚球及汁燒魷魚筒, yummy 😋 …查看更多

朋友生日，適逢有membership card 及生日優惠送一個主菜免費。2人點選最貴的頂級和牛西冷 和Parmesan cheese蝦焗長通粉。 澳洲和牛每件10oz ，sirloin 部位肉質有咬感，肉味濃，medium 煮得剛剛好，中間仍是粉紅的嫰滑。如果配菜係焗薯或者炸薯條，覺得效果更佳。 芝士迷會非常喜歡這Parmesan cheese shrimp . 蝦隻爽口彈牙，size 具份量，焗通炒仍保持濕潤。吸引！回味！…查看更多

係香港開左一段時間，唔敢食係怕左排隊排6好耐先食到，小弟耐性不多，通常都係遠觀一條長龍加大量遊客，就同老婆講下次先試下。 講左差不多一年了，難得今日經過，天氣34度下無人排隊，機會黎啦！walk in 直入，試下佢有幾大魔力自修室坐法，餐單很簡單，豚肉拉麵。米白色豬骨湯底，香氣撲鼻，香甜不算油膩，不渴口，加上特製香辣醬，食指大動。 麵質點選「硬」身，稍微煮得稔，但仍然爽口彈牙。 這裡不設外賣，否則定會打包個湯底最後，忍不住買左送禮裝（5包裝），回家可以再回味細嚐！😋…查看更多

度小月，台北出名餐廳，猛龍過江，試試看與台北店有沒有分別先擔仔麵28祖傳肉燥飯28烤紹興香腸28炸花枝丸58貢丸湯22整體上菜速度好快，味道正常，花枝丸沒有味道，其他都正常的。每碟份量不多，抱著試試既心態，不是太抵食，限時90分鐘，完！…查看更多

朋友之前食過黎間，讚口不絕，今日心血來潮，突然相約帶我去試食下，梗係即慶即book 位，5:30 仲有位。 黎度已有人排隊，甘早食飯都有人排，真係甘好食嗎？ 聽侍應指只有呢度有放題，其他分店是逐碟點叫。價目有4款，由$358-498，我們選左398，主打食美國和牛肩脊肉及英國安格斯牛肉，其餘美國上級牛肉等逐一試曬。 美國和牛有很重牛肉味，肉質有咬感。英國安格斯也屬重牛味，細嫩肉質。熊本豬腩肉都很彈牙，煮耐d都唔會UN. 美味！其他蔬菜都新鮮多元化，丸既種類很多，可惜肚皮空間有限，下次再食吧⋯⋯飲品有波子汽水，兒時飲品，很懷舊的…查看更多