經常嗌肚餓的個人專頁

一家四口出來食個quick lunch, 一入到去伙記哥哥似乎輸左好多股票咁既樣, 叫左兩個快餐一個常餐同一個炒河粉, 伙記哥哥似乎好趕, 不停咁講吖講吖咁, 好, 我又照講.今日E餐架喱牛腩飯, 架喱汁水到呢..又勁多毛, 係呀係毛, 我見d毛係直既, ok算, 邊執邊食.杯熱OT個杯爛到.....你地自己睇喇.食得7788, 仲未嚟既個河粉....原來落漏單...講吖講吖, 結果張單落成咁.頭頭開舖果陣都仲ok的, 而家真係冇眼睇.…查看更多

工作關係, 今次第二次去呢度lunch. 其實官塘嚟講算坐得好舒服, 餐前湯好味, 麵包軟熟但如果可以丁熱效果更佳.今日叫左個牛肉大碗飯, 個汁略嫌鹹左少少, 但朋友個意大利海鮮飯就好好味.啱啱坐正冷氣下低, 好凍..不過都明白既, 冇計.飲品--杯cuppacino都幾好飲, 有拉花, 不過如果熱番小小會好味好多.$196埋單, 原來$200以下只可收cash. 比較唔方便.提一提waiter收碗果陣可唔可以問下先收? 突然經過一手立走隻碗其實幾嚇人的!…查看更多

落足成日雨, 收工經過見呢間野ok企理就入去試下啦..坐低叫左個焗飯再上網睇下comment, 大鑊! 有兩個負評! 不過都冇計, 叫左唯有食埋, 即管睇下點.我坐圓枱搭枱, 一路見樓面同d客有講有笑, 都幾warm, 應該係熟客啦, 我地呢d生客咪四週圍望下, 牆身有幅手繪又幾得意(後尾先知係店主成個家族! 連家中寵物都畫埋! 又幾搞笑).突然間收銀姨姨走嚟叫我比把遮個幫我keep住, 等我食得舒服d..嘩茶記有呢d細心...到上焗飯, 之前有comment話佢酸, 咁我又特登食左先, 冇吖, 好正常呀! 要提一提, 個焗飯真係好出色, 好好味!凍OT, 唔混瀆茶色好靚!比錢時問姨姨拎番把遮, 同佢講你舖頭比人負評喎, 佢話呢區競爭越來越大, 都冇計.哦! 明晒!有下次呀呢間!…查看更多