Bencyf的個人專頁

原來灣仔同銅鑼灣開左一間日式串揚店。lunch 同同事黎都幾抵食，lunch set有包味噌湯、前菜同飲品，平均都係八十蚊到。知道餐廳主打串揚，我地跟餐額外加左海蝦同雞翼串揚，都係加左十幾蚊到。海蝦肉質鮮嫩彈牙，而且炸皮十分薄身，雞翼亦非常惹味。我地兩個分別叫左餃子烏冬同照燒雞扒烏冬套餐。整體黎講都算幾高質，份量又夠飽。餃子炸至金黃色，香脆可口，而雞扒亦煎得非常juicy。最欣賞既係佢既烏冬，口感相當滑溜。…查看更多

一直都好想去食，咁岩今日係呢邊就同女朋友一齊黎試下!嗌左刺身拼盤 ，入面有幾樣刺身，都幾新鮮! 每款刺身最少都有兩片!最鐘意食既都係三文魚同北海道帶子~三文魚同吞拿魚都係厚切，好鮮甜另外都叫左幾款壽司~每款都幾唔錯，雖然冇話邊舊特別好味，但大部分都幾新鮮最後就叫左呢個魚子海膽丼魚子好爽口海膽都好鮮!呢蹶真係真心推介!!到依加都好回味~呢間餐廳都真係坐得幾舒服，CP值算幾唔錯如果下次想食日本野諗唔到去邊間，都可能會再番黎食~…查看更多

我最中意食韓餐所以係我同女朋友兩年紀念去左食韓式居酒屋，之前好耐食過一次，味道都十分之不錯，但係之前同班佬又係平日，無人又可以狂飲酒，今次去就係假日好多人，感覺有啲後悔我叫左生牛肉呀，燒五花腩，仲有其他唔記得左。生牛肉都幾好食呀，但係佢比我想像中甜，我以為佢無咁甜嫁，但係口感係正既。我成日係到諗如果好肚餓個陣可以食韓國五花腩包生菜一定勁開心，個日再加埋啲泡菜芽菜真係無得彈。但係女朋友就覺得空間太細唔係咁高興…查看更多

都已經差唔多成年半前啦但都好記得呢間餐廳。仲好記得個日係我同女朋友既一年紀念，我事先已經安排好坐窗邊位，去到坐低個刻真係開心既，望著成個無敵大海景同睇曬香港既夜景，感覺真係非常之好。講翻野食,自問自己係食肉獸加牛扒殺手，當然叫左塊三成熟既肉眼好似8/12安士，我女友就另外叫多塊西冷8安士咁，真係好好味好多汁同埋口感真係一流，但係塊扒實在太大，係女朋友食到一半投降之下我食曬一塊已經好勁，建議情侶二人可以叫一塊扒就夠啦另加小食。因為餐廳知道我地一年紀念仲送香賓同埋有專人幫你影相，非常貼心既服務，最後我叫左個心太軟仲拜訪餐廳幫我寫啲字咁，全個行程我俾加零一呢間餐廳…查看更多

黎到朗豪坊有時候真係唔知食乜好，因為食黎食去都係個幾味，見到呢間新開既日本菜咪入去試下。去到就點左好幾個餐既有得一set一set咁嗌，我記得自己叫左呑拿魚蓉日本丼飯同埋三文魚呀牡丹蝦壽司咁仲有個蟹漢堡咁。不得不讚一句個呑拿魚飯真係好好食，除左食到個種新鮮既感覺之外，質感仲要係痴住你個口，真係食過翻尋味。壽司都係好新鮮味道都係十分之不錯。而個漢堡可能要即上即食，因為同幾位朋友傾完計過左陣食都感覺到佢凍曬，份米餅都已經林曬唔脆，所以建議各位食個陣真係要快啲ko佢…查看更多

雲桂香自己就比較少食既，但係每次食都會覺得好好食，個日去到沙田個間分店，都好釆無人山人海咁，好快就拎到位啦我。我個日叫左一碗豬紅豬大腸腩肉酸辣小鍋米線，我靜係叫左小辣咋，另加一杯凍奶茶，杯凍奶茶都算係不錯，當然可能有啲會更濃郁但係呢杯既味道都有6 70分。碗米線份量算多，唔單單講緊係碗米線，啲料都十分之多，一碗三餸都可以滿足大部分香港人既需要嫁啦，如果真係要挑剔既可能係碗面既外觀，因為佢有時真係裝得衰既好似瀉曬咁，但係整體黎講我係食俾7.5/10…查看更多

其實係早兩個月前食但估唔到今日打食評個陣佢已經結業個日係女朋友生日就去左呢間atum食，一開始都聽過佢個名有得畫畫呀又剩既，但係自己係藝術白痴又點會呀，好釆個日佢都幫我地完成曬。環境非常之靚又安靜，坐低之後會有一位你個晚專屬既師傅招呼自己，之後佢就俾你係三種顏色分別係白，黑同灰，我地個晚就揀左白色因爲感覺好乾淨，之後師傅係上面加下顏料啫喱呀朱古力呀係上面，加之前都會俾我地試下味咁，係全部都食得，最後幅畫就好似圖中咁好靚而味道都十分不錯，雖然自己唔鐘意食西式甜品但見到咁用心咁靚，最後都俾心機食，食到最尾都食.....唔曬…查看更多

自己對芋圓認識唔係好多，黎到太子聽女朋友講芋圓圓幾好食就近近地黎食下。講真細細間鋪頭有幾多種類既糖水都覺得好犀利，佢個廚房係開方式既，你可以睇到入面點樣整呀，衛生情況都唔錯。芋圓可以配好多款既好似西米露，紫米露甚至可以配啲熱既中式糖水，我個日就揀左西米露紫米露兩款，整體黎講就好味道，又甜又煙un其實係咪每間都差不多份量就比較細碗，我個人堂食既但堂食都會用外賣膠碗個啲，我唔係講環唔環保，係個人感覺上用翻平時屋企用個啲碗好似會冰凍啲自己覺得姐糖水真係唔錯，係間鋪好細好逼同個姐姐無乜禮貌…查看更多

添好運個名就成日都聽但係真係第一次食，一聽到係中環地鐵站到食都有啲唔係咁相信既一去到人流多到不得了，入面間鋪頭其實唔係真係咁細既但條龍長到有成二十個人大部分都唔係本地香港人入到去就叫左個叉燒蘇燒賣馬拉糕鮮竹卷etc，講真個叉燒酥係真係出色，外面層皮脆加上入面熱辣辣既叉燒係真係好食，其他食物不過不失無乜特別味道ok既但價錢偏貴，兩個人都食左二百幾三百蚊左右，茶就無酒樓咁好飲啦，自己都係去完一次食完都應該唔會特別想再食…查看更多

仲記得好耐以前仲好好味但今次食番好似入錯餐廳咁，裝修的確靚左好多而已價錢好吸引，抵死兼大份既，但食物味道的確嘛嘛地，我叫左青咖哩蟹，馬拉盞通菜同豬頸肉撈檬，個通菜味道出色既，好有獲氣同味道，正評,個青咖哩蟹就唔係好食到蟹味，同埋岩岩炸出黎都無個種熱辣辣既感覺，味道偏淡左小小所以都叫做勉強合格，最大鍋係個個撈檬，唔係打手但真係唔好食，酸但係個種味道唔係平時個種味道，個撈檬味道本身都有啲怪，所以呢樣最唔好食sad…查看更多

我自己非常中意食日本野，應該係我個list頭三，千両呢個價錢食到咁既質素既壽司真係算係咁，我叫左三文鬼帆立貝等等真係feel到同廉價壽司差七個一皮，佢個質感又唔係好厚，如果我有錢啲肯會叫埋刺身呀飲下清酒食到收鋪，環境非常大有各式各樣既座位，bar位，卡位，類似包廂都有，佢仲有個甜品係brownie係超級好食，個餅底既朱古力熱辣辣又有濃郁既朱古力味同埋仲要軟林林，加上上面個個好奶味既雲哩嗱雪糕真係依定諗翻起都流口水…查看更多

有日又唔係真係好餓又唔知食乜所以就食左星林居米線，自己就第一次食既但都驚自己食唔曬，我叫左豬紅雞翼豬大腸小鍋米線試下，個賣相個人黎講就有啲差,都唔緊要飲左啖湯試下先，點知覺得無乜味既，可能自己平時重口味無乜feel咪再食下豬紅，唔係喎連豬紅都無乜味，其他餸唔洗講啦都係一樣，個刻我真係黑人問號點解碗野可以淡成咁，無左濃味既豬紅完全係唔好食，再睇埋碗米線，相比起同行x仔同雲x香，除左味道比唔上之外，份量係小得可憐…查看更多

本身自己唔係咁中意抹茶味既雪糕既但係一兩年之前食Via To_y_ 之後覺得甜甜地都幾好食都開始嘗試緊去接受下，點知食完呢個cha cha抹茶味雪糕啲恐怖回憶翻曬黎，我個人黎講最唔中意個種勁重既苦澀味，可能有啲人就係中意苦𥚃回甘個種感覺但我自己就比較抗拒，加上個雪糕口感呢就真係好水，我中意食雪糕個種厚實既口感唔好咬落去就散曬咁，所以食左幾啖就無食，個cone都唔中意呢種味，十足十富x雪糕一樣，同埋如果有啲位坐下就好啦…查看更多

我個人黎講就對甜水麻麻地偶爾只會去飲下天仁茗茶,但係呢杯黑糖珍珠真係好嗱好飲,啲珍珠大粒得黎又有咬口,唔似得啲貨得個大字咬落去好似食緊粉咁,個個黑糖真係不得了,雖然對我黎講可能甜左小小但係熱辣辣既糖加埋啲凍冰冰既奶茶一齊真係好特別,比起一般珍珠奶茶多種口感,我自己都會翻去再飲多杯,弊就弊在好嗱多人排隊,大熱天時係到排成二三十分鐘係到干煎真係唔到你唔頭暈，如果有多啲counter可能會解決人流問題,最後就係如果個肚有啲飽就唔好去飲啦,無我咁大食既人肯定飽到賴屎…查看更多

同朋友食左三個冰一個楊枝甘露,個楊枝甘露同街邊個啲糖水鋪差唔多既不過就無碌柚,完全無左個種酸酸甜甜既味道，早知係咁不如叫芒果西米露，仲有好細碗俾朋友寮左幾啖就無曬我地叫左荔枝冰 芒果冰同宇治抹茶冰,味道就普普通通啦，最特別係冰入面就有雪糕，如果唔係其實食曬啲醬之後就變到真係好似齋食冰咁，呢樣設計都幾特別既，所以唔變食到入去變左啖某某最後環境都算唔錯既不過係深水埗行過去食就真係慘過deedee,如果交通方便啲就好…查看更多