cassy的個人專頁

同事推介話好抵食又好味，於是走黎試下！老老實實，個海南雞飯tea set真係份量好大，相信午餐都係一樣咁大，細食既一定食唔晒！講返個味道先，呢個味道，我係馬拉同新加坡都冇食過，算係fusion掛？個肉骨茶好肥，同埋冇咩胡椒味，又冇咩藥材味，分唔到係邊度既肉骨茶，好失望😞寧願配返海南雞飯應有既雞湯好過....個飯係落左蒜去炒，所以比普通油飯更油....好膩食唔晒。啲雞係好滑既，不錯👍🏻 總括而言，不過不失啦，叫做有佢自家特色，只係我唔太好個湯同飯姐，都算抵食既！…查看更多

見到呢間咁多好評，加上之前係附近食左間好難食既日本野，就好想試下啦！呢度個set真係好抵，有沙律、湯、魚生飯+茶碗蒸，咁多野只係$88免加一。雙色魚生飯啲魚生好新鮮，好厚切，魚生仲多過飯(其實係啲飯份量比較少，但一定夠飽!) 食完個飯加埋茶碗蒸真係冇得輸，好飽😘唯一唔ok既係刺生類既餐選擇太少，得4個set, 仲要3個set都有三文魚，始終三文魚多問題，盡量少食為妙。希望餐廳可以有多1、2個set冇三文魚就好啦~…查看更多

我係誤打誤撞入咗去食，因為想食日本野，但附近得呢間同壽司郎，壽司郎真係唔使諗永遠都咁多人。2點鐘，打開口，得一檯客，心諗賴嘢...叫完餐再睇下OpenRice, 咁多喊樣，已經太遲了....叫左個$85壽司餐，一上餐真係同個menu張相一樣咁差一睇就知唔況好食，夾落去, 件壽司mini到呢... 一食落去啲回憶返晒嚟，佢個難食程度係歐洲啲壽司店既質素(越南人開個隻）!!! 舊飯好似sticky rice咁，件刺身係個啲$30蚊1pack 20塊個種質素...個烏冬一食就知係噹噹烏冬啲fd...老老實實，係長沙灣收人85蚊俾呢個質素，真係好唔掂:(不過要幫佢平反下，態度係好有禮貌，可惜食物質素真係太差了....…查看更多

同朋友係附近睇醫生順便過對面一齊食個lunch, 見新開張過嚟試下。見到個蕃茄通粉張相好似幾吸引，於是order....點之一食就想講粗口，甜既？！仲要係食得出落左大量砂糖去煮！到底識唔識煮茄通ga? 個廚房佬肯定係老人家，個啲老牌茶記個羅宋湯先會係落糖煮，而家都2020年啦，仲落糖煮茄通扮「鮮甜」😡😡唔識煮茄通就去勝香園偷下師啦！賣成50幾個通粉，個通粉仲要用埋最cheap個種通粉，同埋個北海道牛乳炒蛋唔滑，多士都只有半片，ok啦，反正唔食。另外叫左焗意粉，個意粉發到豬頭咁，差！另外waiter態度mama, 同埋而家疫情，執檯都唔順便清毒，上完菜再求其過黎幫你執檯，真係好唔衛生，Bad! …查看更多

食過呢度既中午飯幾次，朋友聚會大家想食燒肉，立即推介呢度！成塊面咁大既牛扒係要預訂，大家都想試於是book左, 上肉時侍應會幫你燒，要跟住嗌口號，呢一點覺得有啲搞笑，但全場食客都樂於一齊叫，講返個肉比想像中油膩...食左兩舊就覺得好Heavy。一壼牛肋條係必食，肉被醬汁醃得非常入味，唔需要點任何料味料，肉非常juicy, 正👍🏻👍🏻牛舌有幾個價錢既，食過平個款一般，於是叫最貴個款，果然冇失望，喜歡牛舌的今就懂了！另外海膽飯好一般，不推介。總括而言，同我係日本銀座食既燒肉店一樣都係咁高質👍🏻👍🏻…查看更多

午市時間，一入到間鋪個有一位濃妝女士（疑似經理）好唔想做我地生意咁既樣，黑口黑面。好唔情願咁招呼我地坐低點菜。講返食物....美人鍋係味精湯，不建議叫，麻辣鍋要叫中辣先會辣，叫少辣係完全冇辣味。餃子、手切牛都幾差下，其他大部份都有點是ok的，打邊爐都係最重要湯底！呢度成日都壞卡機碌唔到卡！請自備大量現金，同埋要有被黑口黑面既準備。講真食成3千幾蚊野，仲要被黑面，幾好食都唔會再黎啦！…查看更多

中午去左尖沙咀分店食lunch, order左$138既牛扒配薯條，跟沙律。其實見到牛扒來自澳洲，但呢間係法國菜輕食...都估到唔方好食，但冇計，個個moment想食扒。點之，最後真係出事...首先，明明叫左medium, 但上碟竟然變左well done! 真係超嬲，塊扒既味道就係超市$4X既級數，更嬲！我係其他餐廳食扒，衰極都唔會變well done! 個沙律又唔新鮮，所以千祈唔好揀沙律同牛扒！! 都係食返crepe或者意粉算啦！…查看更多

第一次黎南丫島，行完山經過，店員積極推介，於是試一試。呢度生意比旁邊的海鮮酒家旺場，星期六既南丫島出奇地靜。叫左個二人餐，有白灼蝦，蒸扇貝，椒鹽鮮魷，炒菜同埋炒飯。味道係ok既，煮法係最簡單，食返海鮮味道，海鮮屬新鮮！份量唔係超多，但一定夠飽，最後仲食淨野。上菜好快，係每碟上，唔怕好快凍。免茶芥加一，仲送多個餸同啤酒俾我地！話收$328就真係$328！讚！唔明點解咁多負評，我覺得好好，下次同朋友再黎過…查看更多

星期六晚上七點來等位，等到八點幾，差不多九點仍未有位！ 行開一陣回來時竟叫過了位，那時九點多，侍應要求重新拎飛等位！結果成十點三先入座！:(:(坐底食左四個字已經last order, 仲要催埋單！明明點貴牛，追加時俾平價牛！松葉蟹勁咸！90分鐘限食放題，變成65分鐘放題！唔夠時間又不在入座前通知！最大問題係只催阻收工顧客，又唔催過左90分鐘的客人埋單！如果唔係都唔使咁多人企係度呆等！一個字講晒差！…查看更多

走進大澳永安街, 可以搵到好多間都有豆腐花食! 但係見咁多網友都讚呢間good, 咁我點都要入黎一試既!叫左個太極豆腐花, 即係芝麻糊加豆腐花, 因為本人對呢2款甜品都尤甚喜愛, 更何況聽到佢話D芝麻糊係自己磨, 咁就一於兩溝la!老實講D豆花同各位食友講既一樣, 好滑但豆味欠奉...芝麻糊係唔錯既, 好香好滑! 如果單叫會好d, 因為mix豆花既關係d芝麻糊係冇落糖既...今次黎大澳食晒d出名小食, 又買左D手信, 仲俾我睇到中華白海豚! 真係開心! 食玩買一日遊, 大澳! 萬歲~!!…查看更多

一直都想試下cova的dessert buffet, 可惜一直都呢個唔得閒, 果個又怕食甜品...搞到都沒機會試, 不過今次有個birthday cake俾我, 都算係咁!個cake係我最愛吃既tiramisu, 但早一日已經吃了另一個tiramisu cake...但點都好, 成個tiramisu係面前wor, 點都要食!面頭好light, 好淡味, 唔膩! 個底就好香咖啡味, 不過唔知係咪佢落得太多酒/coffee, 個餅底太濕, 濕到有滴左出黎....但都好味既, 起碼我相信我一個人都可以K.O.半個cake先la! haha好期待試佢個dessert buffet!…查看更多

工作上有鬱結難舒, 最好吃一個豐富美味的午餐調劑一下! 特地來到此店, 早前經過多次, 感覺很清幽, 於是入來一試!一坐下來侍應小姐給我端來一杯香濃的茶, 味道很特別, 韓國茶吧!看了看菜單, 很多菜色, 都沒有照片, 向侍應垂詢, 但她們表現得好像不太會廣東話, 於是點了一個什景飯。點菜後立刻端來六個前菜, 薯仔、秀珍菇、魚片、菠菜、芽菜、泡菜, 款款都很不錯! 薯仔尢其出色, 連隔離檯的姐姐也忍不坐要再來一碟 (refill不用另加收費), 但唯獨是泡菜較為遜色, 味道太咸! 對於十分喜歡泡菜的我, 感到有點失望!吃過前菜後, 侍應小姐端上什景飯。令本人意外的是侍應小姐會幫你攪拌什景飯!這個味道偏淡, 菜為主。我比較喜愛濃味點的食物, 但都不錯! 吃畢後已經很飽了, 因為普遍的韓國餐廳的飯餐份量都不少! 對男士而言應該覺得份量剛好!沒想到, 還有東西端來! 侍應小姐奉上一杯薑茶, 雖然我有韓國血統, 但也不明白飯後的薑茶有何作用…大概是消膩吧! 薑茶浮起一片瓜子, 喝一口, 充滿詩意! 入口不辣且甜, 很窩心。喝過薑茶後, 侍應小姐奉上一片西瓜作為飯後果。西瓜是我的至愛, 有多飽也一定要吃! 吃完後, 侍應小姐過來收去一些碟子, 再為我添茶, 並沒有像其他食店一樣, 請你吃完快走。最後埋單的時候, 侍應小姐打開收款薄, 附上一顆薄荷糖。我只拿了餘款沒有拿薄荷糖, 她推一推薄荷糖示意我拿走。我知薄荷糖是幫助清除食物味道, 但真的很飽了! 結果, 那顆薄荷糖成為我午後時段, 散除工作鬱悶的良品。這間餐廳的環境寧靜, 侍應小姐態度親切, 食物款色多而豐富! 一定再來!!…查看更多

呢度真係十分隱閉, 我呢種唔識路既外來人一定搵唔到呢個地方! 如果唔係有阿SIR帶路都唔會識得黎! 果然冇介紹錯!!我點左牛腩河, 牛腩好腍、好入味! 仲有淡淡既南乳味! 但其實本人有少少討厭南乳, 但都覺得好夾! 好好食!同學仔點左燒鴨米, 碗燒鴨米黎到, 個個同學都即係"嘩"一聲! 成隻脾上ga!! 問佢好唔好食佢話超正!!! 唉! 好想食! 燒鴨米比起牛腩河更大誘惑!! :(另外點左片魚頭齊齊分享, 本人就唔太喜愛呢樣, 好油! 冇咩魚味...連同學仔們都大表失望! 即係可以叮走la....Anyway, 咁既價錢, 咁好既食物, 咁隱世既地方, 咁靚既view! 一定會再黎la!!!…查看更多

去麵店我只會有3個選擇, 雲吞麵, 牛腩河, 牛筋米....雖然呢度既牛腩河, 唔係最好, 但都唔錯!牛腩炆得好腍, d腩有好多肥膏, 女仕食唔食就要諗諗, 不過就係有個d肥膏連埋先好食! 河粉索晒d湯, 好味! 加埋個芥蘭加腩汁, 仲正!…查看更多

其實唔明白點解後面既食評講到咁差...可能而家改進左la...打邊爐送左個海鮮頭盤, 有生蝦, 賴尿蝦, 扇貝,蠔...份量少, 但ok!野食既選擇方面就唔係太多, 呢度係勁多丸可以選擇!份量ok! 有自助吧, 有糖水, 糕點, 生果...野飲任飲既, 汽水有七喜,百事, 啤酒得1隻, 係生力間廠出ga wor...飲落幾似生力...仲有d菊花茶,芒果蜜任飲既!阿姐服務ok, 漏單情況少! 假日8點半前入座, 計埋d酸菜, 茶芥, 加一, 百靚數一位左右...…查看更多