Tammy Im的個人專頁

今次去品香樓叫左每次都必食嘅蒜蓉開邊蝦蝦蒸糯米飯、南乳雞翼同薑蔥蠔煲😋😋😋，真係好有風味，而且份量都算足夠🙌🏻🙌🏻！蒜蓉開邊蝦蒸糯米飯嘅糯米飯好油潤，亦好有蒜蓉咪，啲蝦嘅份量都好足夠👍🏻👍🏻！兩個人食仲可以打包。另外，南乳雞翼係炸到脆卜卜雞翼都係滑身嘅，唔好炸到乾晒所以都好啱feel 㗎！最後講過薑蔥蠔煲，隻隻蠔都煮到啱啱好，唔會太乾身變咗蠔豉！咬落去仲有啲汁咇出嚟tim,我最怕啲豪煲會落生粉，咁呢間又冇喎食落去都特別Fresh㗎!唯一美中不足，就係啲嘢飲冇以前咁好飲囉，我叫咗杯阿華田紅豆冰，就比較淡同埋多水啦，以前我記得佢沖嘅朱古力係冇得輸㗎，好溶同埋好重朱古力味，希望佢哋會改進下啦，其他嘢都抵推啊…查看更多

因為屋企停電下，有機會早早出去食個早餐！名寶石餐廳對我來說是滿有童年回憶的餐廳，細個時候，家人在星期日總會帶我到這裡吃牛扒早餐。首先值得一讚餐廳的侍應真係好有禮貌，服務水平高。而我今日都專登叫這這個早餐，不過較為失望，因為一食塊牛扒就有重重既油味，十分油膩！而塊牛扒亦好似俾重重鬆肉粉醃至失到牛味，因此我食了半塊，就唔想食！平時好好味既粟米粒亦不再鮮甜，可能啲粟米唔靚啦！唯一比較安慰嘅係多士好脆口，搽啲士多啤梨果jam就perfect 😆😆…查看更多

今日去開尖沙咀，行街行到攰攰到就搵間甜餐廳食下pancake, hea 下啦！無諗過叫左個焦糖香蕉pancake 係未煎好，個pancake 咬落去仲有好多生既pancake 粉，跟住同個staff講佢話個質感係咁，又話咩係鹹鹹地同煙煙韌韌，其實我哋都未表達，佢已經有套model answer, （好似都唔係第一次比客投訴）， 本身個女staff唔多想俾我哋換，後來個男嘅話同我地換。之後換左就好少少，起碼冇啲生嘅pancake粉，但同樣唔好食😣😣😣，所以無下次啦！by the way 都影到張唔錯既相…查看更多

今年情人節，同老公去下屋企附近嘅小cafe,其實一直都想試吓😍😍😍，入去到環境好舒服，有不少特別既小手作和卡可選購,成間餐廳用左木具設計。好有文青feel!🧡🧡🧡好啦講返野食，我哋就叫左京蔥紅酒鴨胸燴野菜bagel🥯🥯, 可以講講嗰個bagel係好好味，食得出小小甘筍嘅味道，bagel嘅質地又唔太硬,鴨胸都十分香而不溜！成個配搭都唔錯，另外意式漢堡配芝士抹醬三文治同樣出色，喜歡濃濃既芝士醬，既漢堡都食得出係剁咗嘅豬肉做成，唔係一般雪藏野！🤩🤩🤩另外我叫咗杯海鹽嘅咖啡☕️特別值得一讚嘅係佢個櫻花意式脆餅🌸，入口有少少溶化而且唔溜，食完一口想再食多口！我老公就叫咗杯花生醬拿鐵，係冬季限定嘅飲品，佢超鍾意花生味，出面cafe 小有，都幾特別！最後就叫咗一件strawberry 烘焙撻,特別喜歡個餅底，香濃嘅牛油味在配襯少少酸嘅strawberry,係一個好嘅Matching,配送咖啡一流!今次就介紹到呢度啦大家可以去試吓㗎…查看更多

今年聖誕節終於可以出街食返個聖誕晚餐🥰🥰，本身我係諗住book 樓上黃色果間森美餐廳，誤打誤撞book左樓下lee一間森美餐廳，聽講間都算係分店，好似話係仔仔開既，🤩🤩anyway 餐廳質素都一樣唔錯！🥰🥰先講下環境，地方都幾舒服，屬於小型雅致既西餐廳。不同嘅小擺設到令你覺得好溫暖！👑👑👑👑講返嗰日食咗啲咩先，我同老公就叫左芝士焗生蠔🦪🦪、安格斯牛扒同埋帶子明太子意大利粉，唔係一個焦糖蛋糕🍰🍰。想介紹返個芝士焗生蠔🦪🦪，本人覺得真係好好味，我食得出到香濃嘅焗芝士味同埋生蠔嘅鮮味，而且蠔既肉質係嫩嫩的，唔會過韌我覺得廚師好識控制時間！另外要講下個意粉🍝🍝係我好欣賞嘅帶子明太子意粉🍝🍝，意粉來講我覺得麵質係好重要🧐🧐，佢做到爽同埋挺身嘅質地唔係好粉，同埋「淋啤啤」，而且呢帶子呢都冇雪藏嘅味道😋😋有帶子嘅鮮味同埋佢另外都用咗日本餐廳嘅蟹子代替左明太子醬，感覺更加新鮮🌱🌱！因為我唔係間間餐廳嘅意粉都食嘅，所以我覺得真值得一讚！最後牛扒都做得唔錯啦中規中矩我鍾意佢嘅菠蘿同埋薯蓉做配菜，用菠蘿做底都會帶出Fresh嘅感覺! 一啖牛扒一啖菠蘿就唔會咁漏囉！☺️☺️至於佢嘅Service都做得好好，因為除夕夜嘅緣故遲咗上菜，但係啲waitress好有禮貌同我地講唔好意思🧡🧡🧡，遲咗都唔係啲咩問題啊，服務態度真係好重要㗎。👨‍🍳👨‍🍳👨‍🍳👨‍🍳👩‍🍳👩‍🍳👩‍🍳👨‍🍳👨‍🍳👩‍🍳👨‍🍳👩‍🍳👩‍🍳👩‍🍳👨‍🍳希望大家俾多啲機會佢哋同埋支持下香港嘅小店啦🌹🌹🌹…查看更多

係咁溫暖嘅節日同大家介紹返lee 個rose Latte 🌹，lee野真係有齊色、香、味俱全既元素，係我飲過最好飲既🌹☕️！佢一上枱，我已經覺得好靚，絕對係ig- able 㗎！當我細細品嚐，oh my goodness,玫瑰花嘅花味芬香撲鼻，滲透我既舌頭，雖然我真係話好叻品嚐咖啡， 但最緊要我係識分好同唔好飲🤣🤣，而咖啡嘅味道確實係香濃而不苦澀配合玫瑰真係一絕，我再重申我真係冇飲過咁香咁香嘅玫瑰花味latte,絕對唔係嗰啲香精味嗰種囉。…查看更多

話說幾年前我係去過呢間酒家度食中秋團圓飯嘅，當時覺得真係麻麻哋，兼且都唔想再返轉頭。不過今年因為需要出街做節，為咗方便嫲嫲就再去試吓啦！估唔到呢間酒家比到驚喜我喎！重點講吓幾款菜式啦😊😊首先講吓龍蝦伊麵先，龍蝦來講呢系非常之實肉既，有龍蝦鮮味！唔會話食落去有水水地嘅感覺所以值得讚，而伊麵呢都吸收到龍蝦嘅味道唔會好粉所以我都俾個好評！🤩🤩乳豬來講呢個皮都脆卜卜而且肉質都夠嫩有少少豬油嘅香味唔錯㗎！炸子雞都非常脆香，能夠冇雪藏味道已經唔簡單㗎啦！糯米飯都做得幾好啊唔會話黏身𥹉喉嘅感覺炒落去都有乾爽飯香味！我對糯米飯要求都幾高㗎，佢啲臘肉都香濃，冇油益味！最後講吓個紅豆沙，都帶出左陳皮嘅香味，紅豆沙最緊要係煲到起沙咁間酒樓都做到啊😋😋好啦今次我就俾個like佢啦✌🏻✌🏻…查看更多

自從搬咗去荃灣之後，大班麵包就成為我嘅早餐必點之物haha,因為佢既包包比其他大型麵包店都要好！而且價錢實惠，吃得過🤣🤣，我對早餐嘅麵包有一定嘅要求，我覺得大班嘅麵包好符合到我嘅口福需要👍🏻👍🏻，大班定期都會做啲限定款嘅特色麵包，今次我就為大家介紹呢個雪人嘅吉士麵包，真係好有聖誕🎄🎄🎄feel 㗎賣相討好！係一個好得意嘅肥嘟嘟雪人⛄️⛄️，咬落去係一啖啖吉士醬，本公主真係好鍾意食吉士醬嘅甜品，值得一推👱🏼‍♀️👱🏼‍♀️！另外近期大班推出左一個法式牛奶布丁包，咁係我近期最愛嘅甜品，不過好快就冇得賣㗎喇，我問過啲店內啲姐姐佢哋話2:00就會賣晒㗎啦，佢話可以打電話去留既，大家都可以試吓呀！❣️❣️PS:食甜麵包或者蛋糕當然配一杯咖啡啦咁就啱啱好啦💚💛🧡…查看更多

繼續學人寫食評😎😎尋晚無意中周老公發現左lee間車仔麵，心思思入去食咗，初初都擔心唔好食，因為本身都係想食好西！哈哈，一入去到就有張卡位，開心ing！坐低望望張車仔餸子，都算幾多選擇😛😛！今次我叫左麻辣金錢肚、魚皮餃、醉辣肉碎、瑞士雞翼尖、腩汁中辣米線。我老公就叫蘿白、木耳餃同牛筋，腩汁火線！想講講既係每個餸都好好味！好特別！先講下麻辣牛肚唔係得個辣味，係食到牛肚既香味，而且羶味架😋😋，另外居然食到魚皮餃既鮮味🥰🥰！瑞士雞翼尖嘅瑞士汁都相當之濃郁，正正正啦最後講吓木耳餃，店主係寫住必食，木耳餃🥟🥟本身爽爽地皮都算薄，好有口感，最後我哋仲叫咗個小食添啊，就係椒鹽金沙骨，賣相同味道都唔錯啊，脆脆嘅金沙骨帶點肉汁嘅香味，雖然鹹咗少少但送落個面度都相當唔錯，值得一去！本公主下次會再去😚😚🥰🥰#食評 #食好西系列 #車仔麵…查看更多

臨近聖誕節🎄，我就約咗舊同事去到大館嘅Madame， 享受下個high Tea, chill下，順便影下靚靚相！ 📸📸介紹返個tea set, 本身唔係幾鍾意食甜野嘅我，都被lee set 精美的甜點吸引住！我第一口品嚐嘅甜點就係Matcha Truffle Chocolate, lee個綠茶朱古力相當特品，唔一般硬角角的朱古力，佢一入口就慢慢溶化，口感特別，味蕾上可嚐到牛奶味較重且同時有少許綠茶香，愛吃朱古力既人士,一定會喜歡上它🍫🍫❤️❤️再講講果粒用金色紙包住既蜜蜂薑糖，好似聖誕糖果咁，薑糖本身你我既摯愛，lee粒糖無令我失望，一絲絲薑絲包住位軟叛糖。食落去軟棉棉，好有趣，而且唔黏牙，正得一推！🍡🍡💋💋其次就果杯玫瑰桂花花糖蠟燭杯，味道酸酸好清新，正好中和返一連串甜品帶來的甜膩感，香香桂花味滲透我的嘴色，好有滿足感呀！🌺🌺🌸🌸至於咸點一點都不被甜點遜色，等別係Madame 本身以中式點心做主打！lee個Smoke Duck Breast Puff 好值得我讚賞. 小小既泡夫能夠帶出陣陣既鴨香味，泡夫既軟化程度都令人想一嚐再嚐！其餘既美點都令我好滿足，叉燒酥啦、吞拿魚角都令我感受到點心師傅嘅誠意！絕對係可以好好到有層次的high Tea!而且Waiter and Waitness都係好有熱誠招呼人客，而且又慢慢介紹每一道美點！我Tammy 誠意推介👸🏼👸🏼…查看更多