or#ta67051743的個人專頁

快樂小羊，行街成日經過見到，但食真係第一次。餐廳有兩層，座位舒服又唔算太吵，係個聚會好地方，冇時間限制，任坐唔嬲。另外，喺OpenRice提前book有折！原本想book食放題嘅打邊爐餐廳，但發現好多餐廳都冇得book 7pm個時段…撞正星期五，擔心食晚飯時間要排好耐，誤打誤撞喺OpenRice見到快樂小羊可以book到7pm，雖然知呢間唔係放題會貴啲，但始終同朋友食生日飯，都希望唔洗嘥時間等位😂同朋友難得約到出嚟食飯，話題濤濤不絕，一路食一路傾計，冇點影到相，但想講快樂小羊嘅食物新鮮（食咗牛肉羊肉）🥘唯一美中不足嘅係我同幾個朋友都覺得佢哋嘅串燒唔夠熱，雖然好食。…查看更多

🍓雀巢牛奶公司x天仁茗茶夏日炎炎！呢杯嘢飲酸酸甜甜好開胃又解暑，佢哋用嘅係雀巢牛奶公司嘅低脂純乳酪，加埋士多啤梨（果醬？）同天仁茗茶嘅綠茶，無得輸！其實之前喺Threads見到好多人推薦話好飲，而且用Payme俾錢可以減$3，終於俾我等到朗豪坊嘅天仁茗茶開張👏👏👏新店開張好多嘢飲都買一送一😍無理由唔買大杯，期待試埋另外幾隻乳酪款飲品另外，一向都最鍾意飲天仁茗茶嘅珍珠🤤依家夏天又多一個選擇，襯住依家新店優惠，約埋朋友飲多幾次🧋 …查看更多

網上見到浩銘記試業緊，主打港式沙嗲風味（雖然我冇入沙嗲關注組😅），心動不如行動，約埋朋友去食。餐廳一入門就感受到濃厚嘅港式風情，有少少十八座狗仔粉嘅既視感。咁我哋坐喺鋪嘅最入面，而鋪內通道都有少少少少少少迫，僅僅夠一個人行，咁啱又遇着今日成條街局部性停電冇冷氣（係有燈），成身熱辣辣咁樣食緊一碗熱辣辣（吹一吹都可以食到）嘅招牌鴨嗲粉🙂‍↕️食到標晒汗…希望下次唔會再撞正相同嘅情況。走嗰陣職員都同我哋講咗聲唔好意思，btw我知停電冇人控制到🫠🫠如果今日有得揀，我都會外賣。但值得一提嘅係呢間鋪頭開24小時，以後凌晨食嘢又可以多一個選擇。…查看更多

我同屋企人一直都好鍾意食Chicken Factory，每次都期待佢哋嘅雞。最近有個晚上，我哋去咗麗港城商場搵食，正好見到Chicken Factory，於是毫不猶豫就決定入去。店內有幾張枱可以堂食，可以趁熱食，真係好享受。不過，食完之後我都想寫下這篇評論，因為我遇到咗一個問題。雖然食物好好，但服務質素卻令我失望。期間我見到一位穿黑色衫的店員，對客人的態度相當差，令我覺得不太舒服。我理解工作可能會有壓力，但作為顧客服務人員，應該要有基本的禮貌和耐心。希望Chicken Factory可以加強對員工的培訓，提升服務質素，因為良好的用餐體驗不單止來自食物，更來自於熱情的服務。我會再次光顧，希望下次的服務能有所改善。…查看更多

因為朋友的生日，我們再次光顧這間餐廳，嚟呢間餐廳嘅主要目的就係為咗食10蚊的生蠔。這次我們兩個人一共吃了兩打，每一顆生蠔都非常新鮮，肉質鮮美，水分充足，吃起來口感極佳。搭配上Tabasco和檸檬汁，味道更是無法抵擋，讓我們忍不住一口接一口。此外，我們還額外點了午餐菜單上的意大利飯，這道菜的口感濕潤且Creamy，濃郁的奶香味讓人感到格外滿意。整體而言，這頓生日飯讓我的朋友非常開心，餐廳的氛圍也十分愉快，讓我們享受到了一個難忘的lunch。能夠和好友共享這樣的美食時光，實在是難得的經歷，期待下次再來！…查看更多

假日迪士尼遊，同行三大一小，夜晚到餐廳享用晚餐。點咗中式牛柳、福建炒飯同鮮果拿破崙。▪️中式牛柳（$238）的份量極少，好似得5-6塊牛肉，但味道還算不錯▪️福建炒飯（$238）的份量正常，但卻有點太鹹▪️鮮果拿破崙（$188），口感非常好，層層分明，令人回味無窮不過，讓人失望的是，餐廳職員係我哋食緊主食嘅時候就迅速上了甜品，如果下次可以職員應該問下客人甜品想先上或後上btw顧客都有責任同職員講返聲自己嘅取態…總括而言，餐廳食物價錢性價比低，乜都未食前菜加茶水已經俾咗百幾蚊（前菜花生$29，茶位3個大人$87），下次除非真係好肚餓先會喺園入面食餐廳…查看更多

同朋友聚會，嚟到有下午茶優惠就決定試一試我同朋友2個人，一人一個餐:)牛油果雜菜沙律配真鵝肝（單點鵝肝+30），輕食嚟講不過不失 $72，鵝肝就見仁見智澳洲和牛拼牛舌定食配冷蕎麥麵［配冷蕎麥麵+10］$78…查看更多