SmallTummy的個人專頁

本來諗住是但找間店醫肚不過今次喺一間平平無奇名嘅餐廳中找到小驚喜佢個名好似啲大型連鎖嘅茶記不過食物就感受到有心去做價錢嚟計一開始睇唔算特別平同出面小菜價相近不過有個特別位係呢間茶記的晚市套餐會有雪糕所以有心人可以將雪糕配合飲品會有多一些變化今次試的是咸蛋土魷肉餅飯特別之處是魷魚並不是出面常食到的混入肉餅中而是切絲放上肉餅面肉餅份量好足一個大男人食都一定夠飽女士就最好同人share 食味道都很不錯有丁丁的小辣調味而豉油汁比較多近美極鮮醬油的味道所以配白飯都很開胃惟其可以更好的就是肉可能真係足料比較厚所以比較難做到超嫩的質感（本身都不錯了，不會蒸老了或死實實）所以今餐確實是水準以上有機會會再來試其他菜式👍但都想輕輕吐槽一下啲嘢飲熱朱古力太淡熱奶茶嗌咗多奶 最後變咗少奶茶走ok見到薯仔牛柳粒都多人推介牛柳肉質算係幾好薯仔可以再煎脆啲蜜汁可以再多啲食評懶寫咁多圖片附上食咗幾次唔同嘅菜式…查看更多

平時極少寫食評通常好難食先會忍唔住寫今次寫係希望支持下高質餐廳希望做得好嘅餐廳長做長有呢間嘢午市食咗幾次都好滿意今次係第一次晚市堂食平日夜晚8點幾左右去食last order係20：45呢個鐘數唔多人 可以自由揀位坐平時見星期日中午通常都要排隊舖頭入面每個座位附近都會有鐘仔可以隨時召喚店員過嚟唔使驚轉角位冇人睇到自己店員好有禮貌 語氣溫柔落完單慢慢覆單confirm包保唔會落錯單食物方面餐湯係忌廉湯 不過不失餐飲係熱奶茶 都唔錯主菜嗌咗半隻燒雞有芝士焗薯同雜菜沙律伴碟食物一嚟到 啲香味已經撲鼻而嚟雞皮燒到味焦 保留到肉汁亦有香草嘅香味 肉質嫩滑 非常滿意焗薯目測有兩款芝士芝士都做到拉絲 但略嫌唔夠味焗薯可以再焗軟啲但由於佢算係伴碟我覺得都合格呢個晚餐就算係男人食都好夠飽計埋加一 人均約$109以呢個食物水準同服務態度價錢都好合理…查看更多

上網見到食評幾好咁啱喺附近就去試下lunch time嗌咗個避風塘蟹肉扁意粉第一啖食落去已經成陣油益味已經係覺得好難食 唔想再食啲避風塘粒粒已經係林晒唔知啲嘢擺咗幾耐先可以咁唔新鮮我冇同侍應反映因為之前去過其他餐廳佢哋會話本身就係呢個味所以講嚟都嘥氣最後只係食咗幾啖唯獨是個南瓜湯同杯餐飲earl grey tea係入到口咁就盛惠$141乜依家錢咁好搵㗎咩啲餐廳做到咁真係幫唔落想留港消費又要比人搵笨呢間冇下次…查看更多

營業時間係12點，當時已經開始有人喺門口等，但佢差唔多12點4先開，所以都等咗幾耐。我地點咗以下三碗麵：豚骨醬油拉麵同櫻花蝦拉麵等咗大約15分鐘，尚可接受，但牛乳拉麵就等咗差唔多半個鐘先有。面頭有好多櫻花蝦，加咗蔥同蒜，但個湯依然覺得唔夠味（我重口味）。唔難食，但冇加麵的意欲。主要問題都係覺得偏淡，個人認為櫻花蝦嗰個算最好食。叉燒我就鍾意豚腩薄切，係最普遍嗰種。豚角煮都好食，但有啲肥。豚肩個口感我唔太鍾意。總結食得飽但唔算好食（大埔一X嘅湯底正啲）…查看更多

晚市時間7點幾左右去，店內冇乜人。前菜有荳芽同青菜，幾好味～我哋兩個人嗌咗個炸雞公仔面同泡菜海鮮湯飯。蜜糖芥茉炸雞配芝士公仔面炸雞外皮唔夠脆，醬料一般，唔夠蜜糖味，幸好肉質嫩滑。公仔面個湯底完全唔得，極淡，冇芝士味，太多水。公仔面略嫌過軟。泡菜海鮮湯飯湯入面有一隻蝦、一塊青口、兩個魷魚圈，其餘就係菜同豆腐。個湯本身已經極淡，莫講話啲餸入唔入味。啲餸就一般啦，唔會話好食。最後埋單$102，雖然唔算好貴，但一啲都唔抵，自己煮仲好食！…查看更多

今晚7點左右，同朋友二人去食雞煲。天氣咁凍最啱就係食雞煲，仲要係食好辣嗰種！我哋兩個被安排咗坐喺廁所門口，心理上係有啲憂心，但已經冇其他位喇，惟有頂硬上！家姐最近食咗個小辣嘅羊腩煲，平時好食得辣嘅佢都話夠辣。於是我同朋友嗌咗個小辣麻痺雞。涼伴拍青瓜同海蜇絲唔夠入味，而且感覺味道怪怪的，不過我朋友都鍾意食。雞肉都算入味，但我哋竟然覺得唔夠辣。我個朋友自己落咗啲調味料落去，店員姨姨又幫我哋加辣。佢仲提我哋逐啲小小咁落，驚我地辣到食唔到。落咗之後，果然濃味咗，同埋越食越辣。不過呢隻辣係辣喺個嘴唇，口入面唔覺得辣，同埋會感覺個肚都熱辣辣。雞肉嘅肉質都算滑嫩，唔錯～裡面仲有幾舊薯仔，入晒味，粉粉的，超好食！我哋後尾再加嘅薯仔片太薄，冇嗰種粉粉嘅質感，冇咁好食。另外，腩肉偏肥，啲肉好難咬，我吐咗出嚟。其他我地主要食咗素類食物，例如豆卜，豆腐，炸枝竹，冬菇，冬瓜片，白蘿蔔，烏冬，紅薯粉等等，不過不失啦。可仼飲汽水、大陸碳酸飲品、鴻福堂咸柑桔、竹庶茅根等。服務態度很好，上菜快，但有漏單情況。價錢尚算實惠，每人$158。…查看更多