Karenkyt的個人專頁

主打多款山東水餃🥟, 餃子皮自家製作, 其特色係餃皮比較厚, 餃餡相對比較多, 完美呈現山東菜嘅特色！亦有鑊氣中菜小炒、麵食等供應, 價錢親民, 性價比高！環境簡樸溫馨, 店員服務親切, 想食正宗山東水餃、地道山東家常菜, 值得試吓呢間！🥟北京羊肉水餃 ➕ 三鮮水餃 水餃可以揀雙拼, 各5隻, 每隻水餃都大大粒、脹卜卜～🔸羊肉水餃 — 推介👍🏻 選用上等羊腿肉，配以京葱同芫荽🌿, 個餡好香羊肉味, 冇羶味, 仲有京蔥嘅香氣, 內餡多汁, 餃子皮煙煙韌韌, 超好食😋🔸三鮮水餃 — 餡料用上每日手打新鮮豬肉, 加入韭黃、鮮蝦, 餡料非常飽滿！另外叫咗杯自家製凍豆漿🥛, 豆味香濃, 甜度啱啱好, 搭配水餃一齊食, 好滿足 •͈౿•͈♡ 🥟生煎鍋貼 即叫即製, 熱辣辣！底部煎至金黃焦脆, 滿滿肉餡, 咬落有豐富肉汁～🥚瑤柱賽螃蟹蛋白口感鮮甜滑嫩, 加上瑤柱絲、西蘭花🥦, 帶鹹香鮮味～🍳涼瓜煎蛋 蛋角夠乾身, 蛋邊煎至香口, 加上甘味嘅涼瓜, 係簡單又好味嘅家常小菜…查看更多

今年唔會飛日本住, 嚟咗呢度食日本燒肉, 款款和牛都超高質, 鍾意食燒肉嘅朋友一定要Save低, 真心推介呢間日本燒肉專門店！位於中環地段, 日本和牛高質素, 而且服務周到, 整體性價比高👍🏻！最近推出咗限定沖繩縣Menu, 有幾款特色菜式同飲品, 個人推介沖繩柑橘Sour🍹🥩沖繩苦瓜牛肉他他 牛肉無筋, 帶有獨特甜味, 入口軟嫩又富肉味, 加入沖繩苦瓜、青椒🫑、紅椒, 苦瓜唔苦, 帶甘甜味, 呢個組合出奇地夾！🥩鹽醬厚切牛舌燒推介👍🏻 外層烤至焦脆, 內裡Q彈, 有豐富嘅肉汁, 散發濃郁肉味, 每一口都非常滿足🤤🥩鹽燒牛舌 肉質柔軟爽彈, 已預先簡單調味, 唔使再蘸任何醬汁都已經好夠味🥩特選和牛小排 和牛小排油花分布均勻, 肉質柔嫩多汁, 肉味香濃, 入口即化, 能感受到肉嘅鮮味, 食幾件都唔會覺得好油膩, 係牛肉控嘅最佳選擇！🥩和牛腿肉燒Shabu 較為罕有嘅部位, 平時好少食得到！肉質鮮嫩富肉香, 油脂鎖在肉裡面, 配日本生蛋黃, 令和牛變得更加順滑…查看更多

我推介呢間價錢親民嘅串燒店！串燒選擇有好多, 日、韓、泰、港式等都有, 最平$10蚊起, 真係好抵食！全部串燒即叫即燒, 上枱時熱辣辣, 仲可以嗌吓啲酒飲下🍻𓌈⸝⸝ 免治雞肉棒推介👍🏻 雞肉棒肉質軟嫩, 裏面加入少量雞軟骨, 沾上日本蛋黃同醬油, 味道更香！𓌈⸝⸝ 蟹粉豆苗推介👍🏻 上面鋪滿蟹粉, 豆苗翠嫩, 每一啖菜都有蟹黃嘅鮮美, 呢個組合好夾！𓌈⸝⸝ 鹽燒雞腿肉啖啖肉, 肉質好嫩𓌈⸝⸝ 黑松露燒雞肝、燒雞心上面有少少黑松露點綴同提味, 雞肝帶有少少粉嫩, 一啲都唔乾身；雞心燒得好香𓌈⸝⸝ 椒鹽雞軟骨粒粒香脆雞軟骨, 佐酒一流～𓌈⸝⸝ 鹽燒牛舌芯牛舌咬落彈牙, 肉味香濃𓌈⸝⸝ 韓風燒牛肋肉、鹽燒和牛牛小排兩款肉味香濃, 調味剛好🍙鰻魚飯糰飯糰烤至兩面焦黃, 鰻魚肥嫩, 醬油鹹香適中, 香氣四溢～𓌈⸝⸝ 翠玉瓜、鹽燒日本銀杏翠玉瓜清甜爽脆, 有孜然粉味；銀杏燒至軟糯, 食落冇苦澀味…查看更多

環境寬敞舒適, 餐牌上嘅食物款式種類多, 包括：刺身、日式串燒、烏冬、燒物等。另外, 亦供應一系列清酒🍶、日本酒, happy hour叫cocktail、mocktail仲有7折, 同朋友嚟聚餐一於小酌一杯🍸預先同餐廳講慶祝生日🎂, 佢哋就會喺甜品碟上寫上Happy Birthday, 製造難忘小驚喜🎈𓌈˒˒ 中拖羅刺身中拖羅好肥美, 食落滿口甘香𓌈˒˒ 厚切牛舌燒牛舌外層燒至微焦又香口, 內裡粉嫩, 肉味濃郁 𓌈˒˒ 自家製免治雞肉棒 推介👍🏻 雞肉混入雞軟骨同蔥粒, 雞肉軟嫩多汁, 啖啖肉, 沾上日本蛋黃, 增添濕潤感 𓌈˒˒ 中拖羅串燒、牛肉壽喜燒串燒灸燒過嘅中拖羅魚脂油潤；牛肉肉質細膩, 油花均勻, 配日本鮮蛋黃, 好滋味😋🥗FireBird三代目軟殼蟹沙律沙律菜新鮮爽脆, 裏面有炸軟殼蟹、芝士🧀、蘋果粒、青瓜粒🥒、車厘茄等🍮抹茶焦糖燉蛋甜品碟上寫上 Happy Birthday💗 表面有薄薄一層焦糖脆, 法式焦糖燉蛋同抹茶完美融合, 抹茶味甘香🍵, 濃郁茶香有驚喜！…查看更多

小店環境舒適, 裏面嘅佈置營造出濃厚嘅日式居酒屋氛圍～主打創意卷物同串燒, 更會不定期轉換菜單, 最近更推出《2小時清酒之旅》, 可以同朋友嚟盡情品嘗清酒🍶𓌈⸝⸝ 自家製A5和牛漢堡A5和牛漢堡煎至微焦, 肉質柔嫩, 肉味香濃, 本身係加埋半溶芝士🧀, 會更惹味㗎！𓌈⸝⸝ 九鬼刺身豐杯一款係雜錦魚生, 一款係海膽拖羅蓉, 兩款都好新鮮！裏面有刺身、牛油果粒🥑, 仲有麵包脆脆, 口感更豐富！🍣左口魚邊壽司必試👍🏻 左口魚邊輕輕炙燒過, 逼出魚油, 超級肥美！壽司飯有調味過, 再加啲wasabi, 好食😋𓌈⸝⸝ 桜花蝦揚豆腐表面鋪滿櫻花蝦同柴魚片, 香酥嘅揚豆腐同湯汁好夾, 做下酒菜都唔錯 (๑˃̵ᴗ˂̵)و🐟鱈魚西京燒銀鱈魚表皮燒至焦香, 魚肉好嫩滑, 帶有西京味噌嘅甘甜味𓌈⸝⸝ 鹽燒牛舌芯牛舌厚身, 口感爽彈𓌈⸝⸝ 白色神樂呢款甜品有豆腐雪糕、沖繩黑糖蕨餅及糰子🍡。豆腐雪糕帶豆香；黑糖蕨餅軟Q；糰子微煙韌…查看更多

餐廳裝潢以搶眼橙色為主調🧡, 營造出溫馨嘅氛圍, 牆上更有鬥牛嘅手繪壁畫, 非常吸睛🤩！裝修相當有異國風情～除咗裝潢外, 餐碟色彩繽紛, 每道菜式都有專用嘅容器盛載着, 而且食物款式好多, 價錢亦相當親民！🥣Gazpacho邊個話湯一定要熱飲先好味？西班牙蔬菜湯係冷湯嚟㗎！以番茄為基底🍅, 加入洋葱🧅、蒜🧄、橄欖油, 質感濃稠, 酸甜又清涼, 能提升食慾～🍴Bellota Iberico Jamon Parma ham油脂豐厚飽滿, 入口後, 肉嘅鹹香與豐潤脂香蔓延口腔, 搭配一杯酒更為滋味🍷！🍴Gambas 香蒜蝦🦐用橄欖油煎香, 裹在大蒜橄欖油中, 大蝦口感彈牙, 充滿蒜香！微辣嘅味道, 香口又惹味！🍴Ensalada con Aguacante有牛油果🥑、沙律菜、番茄🍅、青瓜🥒、洋蔥🧅, 沙律菜新鮮清爽, 牛油果熟度剛好, 係唔錯嘅開胃菜！🍴Pinchos雞肉燒至表面微焦, 調味唔錯～🍴Tortilla Española西班牙蛋餅內餡有洋葱🧅、薯仔🥔, 蛋餅好厚身, 薯仔比例超多的！裡面一粒粒薯仔做得幾軟熟, 薯仔味好香, 蛋黃醬係西班牙蛋餅嘅精粹！🍴Seafood paella西班牙海鮮飯新鮮熱辣, 份量十足！加入大蝦🦐、蜆肉、青口、帶子, 每一口都充滿着鮮味！米飯粒粒分明, 金黃色澤, 飯粒煙韌濕潤, 吸晒海鮮同香料嘅精華, 鍋邊仲有少少飯焦, 令整個海鮮飯更香口！🍰Tarta de Queso巴斯克芝士蛋糕外層焦香, 入口有香濃嘅芝士味, 口感順滑紮實, 仲有少少檸檬香氣🍋…查看更多

採「朝啡夕酒」模式, 晏晝係cafe, 可以享用一杯由專業咖啡師沖調嘅手沖咖啡☕️, 入夜後會轉換成有格調嘅酒吧！仲可以叫一啲佐酒小食, 同frd假日喺度飲酒傾偈💬店內裝潢非常有特色, 一共有兩層, 二樓嘅玻璃窗有手繪復古插畫, 將懷舊元素融入現代感當中, 成個氣氛好chill～坐喺吧枱, 會有調酒師同你介紹佢哋嘅特色Cocktails, 你仲可以同佢講你想要啲咩類型嘅雞尾酒🍸, 例如想甜啲、果香味重啲等等, 等佢推薦一款俾你！由2024年香港咖啡師大賽香港咖啡調酒大賽冠軍🏆兼co-founder Gary Au 主理, 提供多款Crossover 香港🇭🇰本土Gin酒品牌「白蘭樹下」嘅Cocktails🍸, 更有將無糖咖啡甜酒「淡墨」為基酒嘅首創特色Cocktails, 感受非一般嘅風味！🍸DAY & NIGHTPerfume Trees Gin/ Cointreau/ Apple Juice/ Earl Grey Tea以Perfume Trees Gin調製嘅Cocktail, 尾韻有伯爵茶嘅幽香～🍸CARAMEL APPLETINIPerfume Trees Gin/ Lychee Liqueur/ Apple Juice/ Lemon Juice/ Caramel Syrup呢款Cocktail會帶有一股獨特嘅焦糖香味, 仲有清甜嘅果香～🍸LUCKY BLOSSOMThence 18 / Perfume Trees Gin / Yuzu Liqueur/ Cold Brew Earl Grey Tea加入Thence蜂蜜酒, 感受到淡淡嘅檀香同埋甜酒香氣～🍸THENCE YAKULTThence 20 / Perfume Trees Gin / Jasmine Tea / Chestnut Liqueur / Soy Milk / Heavy Cream / Simple Syrup加入檸檬茉莉蜂蜜甜酒, 帶點花香, 裏面加入豆奶, 所以會有creamy嘅口感🍸EGG TART (2PCS)Perfume Trees Gin/ Butter Bourbon/ Advocaat/ Fuji Apple Cordial/ Chocolate Bitters推介👍🏻 一款飲得嘅甜品, 飲嘅時候會令人好想食葡撻！表面有一層香甜嘅焦糖泡沫, 細味焦糖燉蛋味碰上調酒嘅新奇配搭, 酒精亦相對比較strong, 好有層次！…查看更多

Homeland係慶祝、打卡嘅好地方！訂座時記得同店員講要訂製獨一無二嘅人氣畫碟甜品, 呢度仲會送即影即有一張, 留下美好回憶📸 🍝韓式玫瑰醬龍蝦QQ捲捲意粉 推介👍🏻 係最近勁紅嘅捲捲意粉🤩！玫瑰醬汁味道好香濃, 帶微微香辣味, 捲捲意粉煙韌彈牙, 而且非常掛汁！龍蝦肉份量好足, 肉質夠鮮, 好滋味😋 🦐西班牙蒜油大蝦配酸種麵包大蝦口感爽彈, 搭配香濃嘅蒜油, 非常入味！將鬆脆嘅酸種麵包🥖蘸上蒜油食用, 微辣帶蒜香, 更加惹味！🦞法式龍蝦海鮮濃湯質感濃稠, 係秋日暖胃之選👍🏻 🍗酥脆炸雞翼 有3種口味揀：鹹蛋黃、明太子、蜜糖芥末, 我揀咗明太子口味, 非常香口！🥗煙三文魚凱撒沙律上面鋪滿芝士粉, 三文魚夠大片, 沙律菜新鮮🍰宇治抹茶千層蛋糕史迪仔同小火龍都畫得好似, 超級可愛😍！滿滿儀式感, 從畫碟製作就睇得出師傅嘅用心💕千層蛋糕餅皮軟熟, 配上幼滑嘅抹茶忌廉, 入口感受到細膩抹茶香氣🍵, 夾層有紅豆粒🫘, 又唔會太甜膩, 充滿層次感～…查看更多

來自日本東京🇯🇵嘅超人氣日式蛋包飯專門店, 最近有新menu🤩全新推出4️⃣款明太子菜式, 包括：火炙原片明太子蛋包飯🍛、超濃郁火炙原片明太子意粉🍝、明太子醬汁炸蝦堡🍔、明太子釀雞翼配明太子薯仔沙律🥗另外, 日本白桃系列甜品同步登場❣️ 選用時令白桃🍑, 帶嚟白桃梳乎厘、白桃窩夫配白桃雪葩、白桃芭菲𓌈⸝⸝火炙原片明太子蛋包飯 推介👍🏻 表面鋪上4塊原片火炙明太子, 外層火炙至微焦香, 帶出明太子獨特嘅鮮味同鹹香～蛋包飯用上3隻日本雞蛋🥚, 炒成流心滑蛋, 蛋味香濃, 內裏藏有mozzarella芝士🧀, 一刀切開蛋皮, 蛋漿緩緩流出, 蛋香與芝士完美融合。旁邊嘅明太子醬汁則以北海道3.6牛乳🥛、福岡明太子慢火調製而成茄汁飯採用日本七星米🍚, 米飯粒粒分明, 蕃茄汁以自家番茄湯底加洋蔥🧅、甘筍🥕等蔬菜燉煮, 配料仲有粟米粒、青豆等, 飯粒吸滿茄汁, 配埋滑蛋、明太子, 非常滋味 •͈౿•͈ 🍝火炙原片明太子意粉以自家熬製嘅番茄及蔬菜湯作為基底, 融合忌廉、明太子等烹調成滑順濃厚嘅醬汁。意粉煮至 Al dente, 口感彈牙, 每一條意粉都掛滿濃郁明太子醬汁, 帶鹹香鮮味, 加上三文魚籽、火炙原片明太子、紫菜點綴, 味道充滿層次～🥞日式白桃梳乎厘即叫即製, 大概要等20分鐘。梳乎厘班戟非常蓬鬆, 入口軟綿綿, 蛋味香濃, 充滿空氣感！配上鮮甜細膩嘅白桃果肉🍑, 幸福感🆙🍨抹茶芭菲以抹茶軟雪糕、白玉、抹茶蕨餅等組成, 裏面夾雜着一層忌廉、紅豆🫘、朱古力脆粒、抹茶凍。抹茶軟雪糕茶味清香🍵, 帶奶香, 成個組合好夾！…查看更多

九龍城一向都多好嘢食, 今次同屋企人發掘咗一間人氣小菜館🍲！假日夜晚嚟都幾旺, 小炒菜式種類超多, 海鮮夠新鮮, 份量多又夠鑊氣, 而且價錢非常合理, 屋企人都讚抵食, 整體性價比高！🥢蒜蓉粉絲蒸大扇貝 推介👍🏻 清蒸海鮮配蒜蓉粉絲係最佳組合！扇貝厚肉又鮮甜, 蒸得啱啱好, 軟滑嘅粉絲充滿蒜香, 好滋味！🥢豉椒炒蟶子 蟶子大大隻, 口感彈牙, 重點係食落去完全冇沙, 鮮味十足！🥢三層脆皮豆腐推介👍🏻 豪門獨創菜式！自家製豆腐面層鋪上臭草碎, 蒸完再炸脆外層, 然後配上菜心、香芹、紅蘿蔔條🥕、香菇🍄‍🟫。玉子豆腐入口軟嫩, 豆腐味濃, 索晒醬汁嘅味道, 呢道菜非常出色！🥢豉油皇香煎大蝦 推介👍🏻 大蝦色澤誘人🦐, 香氣撲鼻！大蝦富豉油皇嘅鮮香, 肉質爽彈惹味, 好有鑊氣, 色香味俱全！🥢豉汁蒸大鱔 (半條)鱔肉新鮮爽口又惹味！🥢潮州蠔仔粥好大鍋, 份量超足！新鮮飽滿嘅蠔仔🦪搭配綿滑嘅粥底, 啖啖都係蠔仔嘅鮮味！🥢魚湯雜菌浸時菜唐生菜爽脆清甜🥬, 吸滿魚湯嘅鮮甜味！🥢黑松露帶子炒蛋 炒蛋份量好多, 每一口都充滿着黑松露味, 裏面仲有粒粒帶子～…查看更多

由資深日籍主廚高橋佳介先生主理👨🏻‍🍳, 全程有專人席前烹煮, 可於席前品味正宗日本關西風壽喜燒！《すき焼きセット"樹”》#Sukiyaki 套餐有齊前菜、蒸物、頂級日本A4和牛、野菜盛合、味噌湯、日本米飯、甜品, 相當豐富！🥢和牛うに寿司🍣和牛海膽壽司 — 備長炭燒和牛跟海膽嘅鮮味完美融合, 係奢華嘅享受✨🥢季節の一品日本粟米炸饅頭好香口～🥢茶碗蒸し櫻花蝦茶碗蒸好滑嫩, 搭配櫻花蝦嘅鮮香, 香氣四溢！🥢#すき焼き #Sukiyaki 選用京都姬牛🐂, 由師傅於席前烹煮, 一次可以食到3個部位嘅牛肉！每一口都成為奢華嘅味蕾盛宴！和牛以糖烤方式烹調, 可感受到焦香, 吃起來香甜味濃, 鹹甜鹹甜～ 配埋日本蘭王蛋同日本米飯🍚, 好滋味😋！米飯仲可以任添㗎！🥩京都姫牛リブロース 京都姬牛肉眼油花相當多, 紋理猶如大理石花紋, 和牛柔軟細緻, 油脂豐富, 享受入口即溶嘅感覺！蘸上日本蘭王蛋🥚再配一口米飯🍚, 柔嫩多汁嘅極致享受！ 🥩京都姫牛サーロイン 京都姬牛西冷油脂分佈均勻, 雪花亦相當細緻, 牛脂溶喺口中！配蘭王蛋汁一齊食🥚, 更加細滑軟嫩, 超好吃 •͈౿•͈ 🥩熊本「和王」肩ロース 最後一款和牛會配菜一齊食用, 口感軟嫩, 肉味香濃, 充滿肉汁同牛脂嘅香氣〜🥢日本野菜の盛り合わせ季節野菜盛合有春菊🥬、香菇、豆腐、日本麵筋、娃娃菜、蘿蔔、日本洋蔥、蒟蒻麵。蔬菜非常新鮮, 配合壽喜燒汁一齊煮, 香甜入味！🥢卵とじご飯和牛滑蛋飯 — 將蛋汁加入佈滿壽喜燒汁嘅鐵鍋, 滑蛋吸晒醬汁同肉香, 好嫩滑, 非常下飯！🥢デザート是日甜點係牛乳奶凍、蕨餅, 牛乳奶凍淋上芒果醬, 為晚餐畫上完美嘅句號。…查看更多

台灣人氣「肉多多火鍋」全球首家海外分店🌍 喺香港銅鑼灣開咗啦🥳！想試正宗台式火鍋🍲真係唔好錯過！肉多多喺台灣已擁有50家分店, 創立嘅宗旨係歡樂多多, 着重食物同服務質素, 更獲超人氣十大連鎖鍋物冠軍🥇、台灣連續4年榮獲好感度冠軍🏆香港店環境寬敞舒服, 慶生仲送「生日肉蛋糕」, 體驗賓至如歸嘅服務！好適合生日🎂、團體聚餐🎈、慶祝🍾, 非常值得一去！▷ 招牌爆炒海味石頭湯推介👍🏻 呢款湯底非常有特色！店員即場在鍋內先加入魷魚🦑、番茄🍅、洋葱🧅、豚肉爆香, 然後加入秘製石頭醬, 再倒入柴魚高湯。店員建議我哋先喝一口湯同豚肉, 湯頭味道鮮美, 能帶出食材嘅鮮甜！▷ 頂級牛肉瀑布🥩份量好誇張, 岩晒一班食肉獸！滿滿嘅雪花竟然唔太貴, 咁大盤肉都只係$328, CP值超高🤩！牛肉鋪成瀑布咁, 加入少量乾冰就會有煙霧彌漫嘅效果💨！一共有兩款牛肉, 頂級低脂牛🥩肉質柔軟, 油脂比例均勻, 肉味香濃；頂級霜降牛🥩柔嫩細膩, 搭配濃郁湯底, 盡顯牛肉嘅鮮味！▷ 生日肉蛋糕🎂生日仲送「生日肉蛋糕」! 豬肉片砌成玫瑰花🌹, 鋪得好有心思！充滿驚喜與歡樂！另外, 仲有海鮮類、丸類、新鮮蔬菜🥬、台式特色小食等供應, 個人推介皇帝菜、玉米🌽、炸花枝丸！皇帝菜新鮮翠綠, 清甜爽脆；花枝丸即叫即炸, 口感紮實Q彈～醬料區有多款醬汁供選擇, 牆上更貼有沾醬攻略教你混醬！甜品方面, 仲有雪糕杯🍦、任食芋圓、愛玉、仙草、古早冬瓜茶！🍬埋單時每消費$100就能兌換1枚代幣🪙, 可以玩夾公仔機夾零食！💓有漱口水、芳香劑、抱枕 (孕婦專用🤰🏻)、髮圈等貼心小物提供…查看更多

佢哋最近轉咗新菜單所以就嚟咗試吓～ 紅磚拱門加上植物同仙人掌擺設🌵, 帶點異國風情‎⸝⸝ 𓆸 另外呢度係pet-friendly, 可以帶埋狗狗一齊去🐶 🥗煙三文魚牛油果粒沙律 三文魚份量多, 牛油果好軟滑🥑, 係我平時食沙律好鍾意嘅組合～🦐蒜片欖油大蝦配酸種麵包大蝦滲透住蒜香, 口感彈牙, 將香脆酸種麵包🥖沾上蒜油食, 幾惹味🍳明太子蟹肉三文魚籽玉子燒玉子燒口感蓬鬆濕潤, 有着香甜嘅蛋味🥚, 加上明太子沙律醬、三文魚籽, 好滋味😋 🥩慢煮紐西蘭牛柳配牛油忌廉薯蓉牛柳肉質軟腍多汁, 旁邊配上香滑薯蓉、蒜頭🧄🍰栗子蒙布朗紅茶巴斯克蛋糕有滿滿栗香🌰, 入口有濃厚嘅芝士味, 口感軟滑香甜, 帶紅茶香氣～…查看更多

呢間冰室bookmarked咗一段時間啦, 位於朗豪坊, 地點方便, 結合經典與創新, 食物種類多元化, 港式茶餐、新鮮烘焙嘅包點🍞、兩餸飯都有～主打港式冰室美食, 例如常餐、沙嗲牛肉公仔麵、蔥油雞扒煎蛋飯, 仲有招牌爆芝西多士🥪、菠蘿滑蛋油等。🕛下午更有經濟實惠兩餸飯, 供應多款小菜, 每日廚房新鮮煮, 延續本土美食特色！最近仲聯同永樂麵粉廠, 推出一系列期間限定芫茜菜式🌿, 芫茜迷千祈唔好錯過啊！🥣常餐 — 羅宋湯牛肉通粉羅宋湯湯底超濃, 牛肉口感軟淋, 通粉份量多, 索晒啲湯汁, 酸酸甜甜好開胃～ 炒蛋好嫩滑, 配上多士, 食完好滿足😋🥧雞批 — 外皮焗至香脆鬆化, 餡料豐富, 包括有雞肉、洋蔥、火腿等, 調味幾惹味～🥧蛋撻 — 牛油皮餅底好鬆脆, 蛋漿滑嫩又唔會太甜, 蛋香濃郁另外, 星星撻、菠蘿包亦係人氣茶點, 絕對要試！…查看更多

一打開蓋已經聞到陣陣酒香, 酒香四溢！鴨舌浸泡於特製米酒中, 再加入杞子、桂圓等滋補材料, 真材實料, 喺屋企都可以輕鬆享受醉鴨舌滋味～一樽就已經有500ml, 樽內塞滿咗醉鴨舌, 真係超足料！香港製造🇭🇰, 手工製作, 🈚️添加防腐劑, 適合做餐前/佐酒小食🍷、宵夜食🌙、聚會送俾朋友！醉鴨舌浸得夠入味, 有份清香酒香味, 唔會過鹹, 甜中帶酒香, 嚼起來爽口彈牙, 每一啖都滲出酒嘅芳香與鴨舌嘅鮮甜, 食到停唔到口！…查看更多