yourbread的個人專頁

成日都好想搵下呢間魚米究竟係咩飲食集團，真係想衷心給他們意見，可改善其運作，唔好將佢哋煮得好味嘅魚（無論蒸魚或煎魚）因為公司管理問題而令到間舖執笠。每次黎到都會食蒸魚，如果外賣就會要煎魚，攞到返屋企凍咗都唔怕，佢$6x -$7x 一條蒸魚嘅套餐價錢真係好抵，出面普通茶餐廳蒸魚都要$80以上，當然呢度條魚條細條嘅，但一人份量真係啱啱好 無論蒸邊款魚都係蒸得好滑，不會過熟，但當日有咩魚俾你揀都係睇彩數 仲要有不同嘅蒸魚方法，例如豉汁、梅菜、同埋我最 like 嘅紅綠刴椒實在太好味刴了！不過每間分店都係人手不足，好少見到情況是有 supervisor 以上級別在舖主持大局，靠門面的兩位員工（有時總有一位就入咗廚房）去處理咁多事務，那就當然混亂到爆啦！所以每次入去食之前我會先望下舖面情況再作決定是否入去堂食希望該舖能夠管理得完善一點吧！…查看更多

星期五晚食飯真係周圍都好多人，唯有搵下d 無咁熱門嘅地方，搵下搵下俾我搵到呢間喺啟德站，仲要一出黎行1分鐘就到，又係大鄉里出城時間，原來啟德已經有咁多樓，仲要有好多間好似幾好嘅餐廳，同我有次去將軍澳那邊個 feel 差唔多，應該全部整好後，呢邊又一番新景象:)經OpenRice book 咗位，去到都是7點未夠，其實只有幾張枱有客，唔知點解俾一張好窄嘅枱我們，仲要係水吧的出入位置，叫佢俾張椅我哋擺嘢都話冇位:(所以我同朋友考慮咗一陣好唔好走去第二間食，結果佢哋見我哋想走，先至俾一張4人枱我哋坐，但樓上部冷氣機係滴緊水嘅，不過我哋只係2人坐2個位，見避到滴水但唔影響我哋就算數除咗環境有點熱之外，叫咗幾款嘢食都幾好嘅，價錢合理！因為我哋得2個人，所以不可以叫太多，唯有都係叫一d 喺 OpenRice 食評話好味嘅試吓 頭盤是這個「黑白芝麻吞拿魚」，都好香嘅，雖然吞拿魚始終會淡味d, 但有咁多件就好抵！呢個係類似Tacos，不過唔係脆嘅，唔辣，啱一d 唔食得辣嘅人跟住$335 嘅價錢有牛有蝦，隻蝦真的好大隻，牛柳夠淋嘅，真的不錯！這杯是芒果 smoothie, 不過不失啦如果環境好一點，音樂不要太嘈，都不失為一間三五知己傾下計聚下的好地方…查看更多

忙裏偷閑，可以喺中環食一個 long lunch, 不過要避開人潮，唯有嘗試離開旺區向上行，真的誤打誤撞入咗呢間食 lunch, 見佢話有 soft opening promotion-15% discount, 同埋見到有位，一於試吓原來佢係西班牙餐廳，頭盤就係有3款 Tappas, 3 款都好好味，有特式，帶子好清新，牛肉辣辣地幾得意，中間食完唔知咩黎問番店員，原來係蛋餅加薯仔，好特別:)主菜揀咗燒春雞（$168）餐牌上揀呢款好似冇咩特別，但個樣燒得幾好，皮夠乾嘅，不過就真係唔夠入味，偏淡，可以再滑D更好！店員很nice, 食完都有問下食客意見，當然我都有表達我的意見啦，佢哋仲送一客甜品添！呢個甜品好靚，都係西班牙的甜品，都幾好味！總括黎講，喺中環找到一間小店，以呢個價錢有頭盤、主菜及飲品，服務很好，當然食物可以更好，但剛剛開店，可以有待改善，可能強項在 Tappas 同手工啤酒吧！有機會再試試不過疫情下仍開店舖，相信都可以支持下…查看更多

一個人放下午，準備去中山紀念公園泳池游水，之前梗係要搵嘢食，但唔可以食太飽，當然波記同泳池都唔係話近，行一個地鐵站，食完可以先行下當熱身，順便落下格其實我係第一次食，只係上 OpenRice 睇下搵下搵到呢間，因為我好鐘意食燒味飯，舊式店舖我更加like, 但另一半就麻麻，所以一個人有時間就最啱周圍試下燒鵝出名梗係要試吓，食鵝就一定貴d, 但應該已比出面抵食，但唔想食飯，就叫咗個燒鵝瀨粉，湯夠味但唔會話好咸，瀨粉有咬口，唔會淋 pat pat, 重點就梗係鵝啦，張相都見到有好多肉，好入味嘅，但比起啱啱熱辣辣出爐嘅就當然有啲唔同啦，但性價比高嘅燒鵝髀飯$100/碟，我都好想試架，但真係有啲唔捨得 有機會先！不過只係咁啱黎呢邊，希望有機會試下斬料回家試吓其他款先…查看更多

我個人對食物嘅美味程度重要過環境，所以真的較少去酒店搵嘢食，今次有張酒店coupon 用下，就選擇左喺夏宮食 lunch, 因為我覺得lunch 比較 free d, 晚餐好似好隆重咁其實 lunch 都比較爆，我哋兩人就真係只安排到2人枱俾我哋，我見人哋兩人都可以坐4人方枱，但好彩張枱都係大嘅，環境亦闊落Welcome tea… 玫瑰花茶，但其實唔知做咩本來都諗住食二人套餐，但原來套餐嘅兩款點心唔係自己揀而且每人得兩粒，所以最後決定叫兩個餸，再加3個點心呢個叉燒包真係非常非常非常之好味 暖暖哋，皮薄，叉燒好味，好有份量當然要試下佢嘅蝦餃燒賣啦，燒賣上面有好大粒帶子，感覺上好抵 當然味度質素都很好，$100 一籠，即$25 一粒，酒店黎講接受到喎！成三百幾蚊半隻嘅炸子雞當然唔可以唔好食啦 咁又真係幾好食嘅，好香好脆口另一個餸明明係食東坡肉煲，但個樣出黎係梅菜扣肉煲有點奇怪，但梅菜好甜，不用飯一齊食都得，肉就可再淋d 仲好總括嚟講，點心價錢相對性價比都高，但不大多款選擇，餸菜價錢都係酒店價格吧，我覺得價錢貴好食係應該嘅，如果嗰啲店價錢唔貴又好食就係攞獎架啦，同埋會大排長龍了！…查看更多

間餐廳有 Daily Special, 星期四及五都係食 Steak 加一杯紅/白酒，都只係$209！但因為喺西貢，唔放假都好難 enjoy 到呢個優惠朋友試過兩次，影相返黎真係好吸引塊牛扒大到嚇死你，今次終於到我試下個震撼性最like 就仲有薯條及一個焗蒜頭，兩樣都好好味 而牛扒就比較薄，其實牛味唔係好重，應該唔係美國牛，但我冇留意係咩國家的牛，不過以呢個價錢，性價比極高，收貨:)另外朋友都叫咗雞胸，好有驚喜 完全唔「鞋」，味道好好，太完美了入到去西貢咁遠，請假突登去食都係抵嘅…查看更多

自問都試好多車仔麵，食之前就梗係睇下食評，見到呢間小店有咁多:)食評，但有好多食評都冇相（尤其是較早前）更加引起我的興趣去試吓...到舖頭見到好多話加油、支持下佢哋嘅標語，我就係黎試下，可惜黎嗰碗麵係咁嘅樣首先，嗰 Pat 咖哩唔咖哩、沙爹唔沙爹嘅醬汁，睇到相都會覺得出事...豬紅散而冇味，魷魚尚算唔係淋 pat pat 嗰d, 豬腸好肥，勁驚好污糟...見到d湯嗎？係同滾水冇咩分別🤦‍♀️ 相信要人支持，都要自己先做好自己！或者我終於明白點解之前咁多好的食評都係冇相了.... …查看更多

我好鐘意周圍食車仔麵 但又好怕名過於實，好多:)但都係一般般，同埋我覺得如果係要$10 以上一個餸嗰啲車仔麵，係應該要整得好食喎，而家追求嘅係性價比先講環境，之前睇其他 comments 見到d相，都覺得幾得意，現場感受到嗰種懷舊感，非常特別價錢都好合理，好多嘢揀，但今次只叫車仔麵，冇叫小食結果叫咗4餸：陳皮魚旦 : 質地好好，夠煙韌豬腸：好入味，唔會好淋，但又咬得開水魷：我的至愛，唔會好淋 pat pat 豬紅：ok, 質地唔會散晒配辣汁，夠野味 有啲淨係得個辣同咸，佢唔會總結：一碗性價比高的車仔麵，我會繼續試吓不同嘅餸…查看更多

住在沙田咁耐，真係未黎過呢間酒店食過😅 限聚令二人下，枱坐得闊落，環境舒適，期待食物唔會差吧，果然冇失望先講相信佢因為疫情關係，推出咗非常優惠嘅套餐：兩人可以揀唔同嘅菜式，唔洗掙尤其是個湯，一個要咗胡椒豬肚湯，不過不失；另一個要斑片湯，魚湯味夠濃頭盤都有好多選擇，樣樣都想試結果揀咗海蜇燻蹄及炸雞軟骨，炸得好香好脆我諗最重要嗰個主角要出場啦.... 就係蒜蓉蒸龍蝦，每人有半邊，雖然只係波士頓龍蝦，但都食到嗰種新鮮嘅味道，夠彈牙其餘餸仲有牛柳同班片，都好好食！只係最後沒有甜品或糖水，有點失落，但其實已經飽到上個咀度五星酒店嘅中菜廳，以咁嘅價錢同有咁好嘅水準，真係超值相信都係疫情期間先有，我一定會同屋企人去多次…查看更多

平日飮早茶，冇諗過會咁多人，差d以為唔洗錢，2人枱要等13個號碼！諗住翠園價錢中上，以為會少d人，係我見識少吧！我先講食物，翠園蘿蔔糕是出名的，幸好仍保不失，唔會好實，有蘿蔔香味另一個是鳳爪排骨煲仔飯，記得要成$40，比想像中大，排骨都算多，ok好味！跟著的魚肚蝦膠，比較油最差就是這個燒賣,見到張相你都覺得佢又細又硬又乾吧:(我知飲食業永遠都唔夠人手，我已經不評論沒有人招呼，要自己加水的問題，而係俾我領會到一間應該是高級酒樓是怎麼樣：1）當你個個都係熟客，或者喺佢酒樓做，好清楚d 枱號，俾咗張飛你，你就自己搵啦！唔會有人帶位或答你張枱喺邊！2）未執枱就已經叫你入去，望住佢執枱，感受下佢幾咁忙碌！3）叫咗埋單，可能要精確嘅計算，請等20分鐘才可以完成俾錢，或者佢唔介意唔收錢！唔吹張單都唔返黎！高級食肆應該無論食物質素、服務、環境都環好，如果只係某d分店做到的話，那麼唔該平民區分店收平民價錢吧！…查看更多

相信食肆隨咗食物質素，服務態度都好重要！原來都有不少去過的朋友也有表達服務態度的不滿！我一行7人訂了中午12點，但一去到，門口已經有不少人等緊，但未見有人處理門口嘅客人，那麼你是叫我等？還是不會理這些客人？有幸捉到經理問問，他只懂說「等等」又走了去！我等是不緊要，但你連應我這個 booking, 個客人到咗都未知，究竟門口這班客人等咩呢？！無錯，食物嘅樣貌是很吸睛的！例如：1）奶皇包：奶皇算是流心，但皮較厚2）叉燒包：一般，少餡，皮厚3）臘腸卷：臘腸都算大條，味道ok4) 燒賣：都彈牙，大粒嘅5）春卷：好油，睇個樣都覺，冇特別6）XO 醬炒蘿蔔糕：這個算是好味，夠入味，脆口7）唔記得咩咩泡飯：細到呢～～～總之咁嘅價錢，俾咁嘅環境，咁嘅服務質素，咁嘅食物... 同標題一樣，如果你只係食「樣」，咁你去試啦！…查看更多

終於有機會約到朋友去試這間可以媲美陸羽嘅中菜，星期三才訂位，幸好有最後一張枱（佢話）真的！每一樣餸每個朋友都會說「好味喎！」第一味的蝦多士，真係冇油嘅感覺，非常脆口！係我食過蝦多士以來最好食的！跟住一個簡單嘅陳皮蒸肉餅，可選牛肉或豬肉，我們選了豬肉！上枱嘅時候好似咁細碟咁，但其實非常足料、彈牙、味道好有層次感，唔識形容雲腿鴿片及紫薑生炒骨更是出名紫薑脆、冇渣！可惜我只食到得兩粒！雲腿是功夫餸，真的甘香！炒飯也好有水準！全場爆滿，唔訂位一定冇得食！還有好多出名餸菜，一定會好快再去試！…查看更多

西貢市，假日一定好難搵食，朋友介紹呢間終於都有機會試... 希望1:xx 到，唔會太多人，但其實星期六嘅西貢，越晏越多人！Lunch 款式多，價錢實位到你唔信！一個鐵板牛舌定食$72，牛舌好味，唔會淋 pat pat, 咸味剛剛好！一個燒青魚定食，只係$6X (唔記得咗）青魚雖然細咗少少，但呢個價錢真係唔算細件！黎到見到又有壽司，又有沙律，個套餐仲有飲品+雪糕，真係大滿足！鋪頭大好生意了，根本唔夠人手，雖然老闆已經好快手腳，但要有點耐性去接你我 order! …查看更多

今次是第二次一大班人去呢間食蒸氣石鍋，上次一家人一行8大3小，今次同朋友一行11大人，因為要多人先可以食多D款及食長腳蟹.... 套餐只有4人或10人，我地叫咗個4人，再叫散叫一些如牛及豬，菜、丸等，加1隻長腳蟹，已經非常夠食！重點係樣樣海鮮都好新鮮，朋友們讚不絕口！有些朋友第一次食蒸氣石鍋，覺得好新鮮:)重點推介：阿拉斯加長腳蟹，之前食過做 promotion $188/斤，每隻大約4-6斤，今次$288/斤，可能貴咗，酒樓主要入d細蟹，居然最重都只有3斤，仲好，唔洗咁大隻！好鮮味、多肉，清甜！正！其他海鮮：蝦及鮑魚上枱後仲識郁！正！蜆雖不是貴價貨品，但冇沙，隻隻都開口，有少少咸咸地，好味！沙巴龍躉1整條，肉夠厚，ok最後嘅粥底，每人幾飽都要食，咸排骨味加上鮮味，正！但當然咸排骨味會重過鮮味！相信我呢班朋友好快就想 encore! PS: 去到酒樓居然找不到我們嘅 booking, 但今時今日一大班人食飯點會唔訂座呢？！但 reception 姐姐也立即幫我們安排座位，但坐低時卻發現係晚飯叫餸嘅枱！我們說我們是食火鍋，他們立即轉枱嘅 setting, 但坐低後又發現真係打邊爐那些枱並不是食蒸氣火鍋，又要再轉，最終安排到一張食蒸氣石鍋嘅枱給我們，位置更不錯！我也有給他看手機打電話嘅紀錄，星期三才致電來訂位，不是白撞呢！ 全程幾位部長及員工非常合作，態度好，手腳快，今時今日嘅服務態度（尤其是酒樓）真的值得一讚！…查看更多

成日覺得美心集團嘅嘢食唔會太差，但就冇乜驚喜！今日試這間，已見到 OpenRice 嘅 comment 已經係:(多過:)，但我唔信邪，一於試下，因為黃大仙都冇乜好酒樓！這個炸素菜春卷，超油，仲要有油益味，完全唔應該上枱！蒸鯪魚球就勉強可以，但都係冇乜味，得過實字！雞扎又係油淋淋，魚肚又吸晒d 油！仲要係大點呢！仲有叫咗個咸魚肉餅煲仔飯，咸魚差D細到睇唔到，肉餅淋及散，當然個飯都係油:(總括來說，各項食品偏油，以咁嘅價錢，呢D食物質素完全唔可以俾客人食，大集團真的要處理下！結果，我同行的老人家食完要搵廁所呢！相信食物真的太油吧！…查看更多