caralai92的個人專頁

呢間野個賣點得一個，就係靚仔。作為一間餐廳係冇乜誠意的。1. 豬肉經典套餐 2人份 所有肉已經預先整熟左，唔係上枱先燒熟。Oppa純粹用火槍燒返熱咁解，方便大家打卡。炙燒期間聞到燶味，燒完之後亦都冇特別好食。成盤野最好食係辛奇（泡菜）。2. 海鮮煎餅冇乜味，個底勁燶3. 蒸蛋蒸蛋幾好食，中間有芝士可以拉到絲。調味唔錯，食到麻油香味，不過口味偏淡嘅人可能會覺得重味。另外就係音樂聲太大，同朋友傾計好似嘈交咁。整體黎講體驗麻麻，第一次坐餐廳會想快d走。唔會再幫襯，真係可一不可再。…查看更多

泰式炒河（可選豬/牛/雞）👍我地揀左雞肉呢個炒河有驚喜wo🤤口感適中，炒得唔會太濕又唔會太油而且唔會一夾即爛全個set食得最快就係呢個炒河🤤-燒豬頸肉飯味道正常，份量夠大有跟泰式醬，我覺得泰式醬好難會唔好味😂-燒雞串👍估唔到雞肉又燒到幾腍喎幾滿意個分量，總共有6串-蝦餅同泰式醬一樣，好難有難食既蝦餅但炸到有d乾身，個人喜歡點跟豬頸肉飯既醬汁，會冇咁乾-野飲分別叫左芒果椰汁冰同埋青檸梳打青檸梳打正常發揮芒果椰汁冰椰味好濃👍-整體都ok可以再encore😝…查看更多

唔係好想食米飯既時候最岩食呢d邪惡又高卡路里既野過下口癮。叫左兩個餐，一個英式風情熱狗，一個芝士三重奏，每個熱狗跟一份細薯角同野飲。我食芝士三重奏熱狗，最面個浸芝士溶曬，睇落去又幾吸引，但食落去就。。。隻芝士味假得黎亦都唔太好好味，好似有陣膠味咁，似係超市個d平價一塊塊芝士🥲英式風情熱狗就我媽媽食既，賣相都好吸引，材料有好多，又雞蛋又煙肉咁，應該都好穩陣下，而且大份到我媽食左半個就飽左XD薯角新鮮炸起，外脆內軟，好食！…查看更多