prince816的個人專頁

第一次同小朋友去居酒屋慶祝生日，早前經電腦系統訂座，雖然已經確定了，職員仍然致電給我以確定時間，雖然有在電話中說慶祝生日，但餐廳聽完便算了，感覺只是希望你唔好甩底。食物整體不過不失，但係唔算熱，飯只是微暖的，加上坐的位置可能近風位，食物很快便凍了。上菜職員有禮，經常幫忙加茶。我最後在埋單的時候，雖然有同職員講我們的意見，但他表現出只是負責埋單，聽完後沒有回應，真的有點錯愕。似乎這間居酒屋並不建議用來慶祝生日，一般食飯聯誼是可以的。…查看更多

聖誕節期間，在半島酒店留宿一晚，在check-in時候已經訂了明早9:00在大堂吃早餐。我們準時到達，很快便可以安排入座。我們選了兩位西式早餐。職員服務幾好，但係見佢哋滿場飛，急步行嚟行去，我身邊周不時因為佢哋急步而帶來的一陣陣風，吹過來我身邊😅，食到中段期間，經理走入嚟餐廳範圍幫手，幾有團隊精神。衛生程度大致上滿意，但比我見到一位負責上菜的職員，他曾經在地上協助一位顧客執拾一啲物件，但之後他沒有消毒自己雙手。蘋果汁是鮮榨的，鮮甜有驚喜👍👍Granola正常，牛奶新鮮。生果碟正常發揮，新鮮鮮甜。麵包籃不是新鮮出爐，基本上唔暖，比較失望。最後帶走返屋企整熱再食。炒蛋鮮嫩， Bacon比較肥，嗰邊未夠脆。Cappuccino咖啡牛奶味道平衡，奶泡軟滑，但可惜唔係好熱。整體而言，都是一餐溫馨而開心的半島早餐。Merry Christmas & Happy New Year !🎈 …查看更多

外賣自取，早上11點之前已落order，我雖然準時11:45到達，但要等多過半個鐘的時間，加上在我溫馨提示下，才能拿取外賣。職員是有禮貌的，不斷說不好意思，但她解釋早餐也未能完成order，午餐真的未能及時完成。我見堂食的客人也等了太久，有些也要取消order。我見接單職員在電話中講外賣至少要等半個鐘以上，生意太好，但是可能廚房有人病假。雖然急速回家，但是海南雞飯的飯也只是微暖，乾炒牛河是熱的，但只得寥寥可數的牛肉。凍檸茶雖然註明要少冰，可惜也沒有少冰。如果OpenRice介面，如果也有顯示外賣等候時間是需要超過半個鐘以上，那就能讓客人有時間上的預算。…查看更多

因為兩個星期前已經book枱，所以俾咗個卡位我哋，可以對住個維港，加上今日落雨颱風關係，所以出邊戶外冇人坐，我哋可以對住遼闊海景。今日本來諗住叫al carte，但係看到買一送一嘅Tasting Menu，覺得非常吸引。頭盤係帶子，都算大隻，配埋一片片松露，賣相非常吸引，雖然松露不夠濃香，但以這個價錢來說，已非常超值。餐湯是蕃茄湯，不過不失。主菜我哋揀咗深海鱸魚同埋七成熟牛扒，其實我唔知部位，因為我冇份睇Menu。Seafood risotto 係散叫，但不算頂級自選，原本我哋想叫小龍蝦意粉但係已經賣晒。甜品係雲呢拿布甸，我覺得有少少偏甜，但係整體賣相同埋啲berries，都說好味。服務還可以，我估係有啲係part-time同事，上菜等服務未算好熟練。總括而言都算係一個好嘅餐飲體驗，大家可以值得一試。…查看更多

平凡的一個星期天，天氣太熱，所以都係去商場行吓作為長假期的結尾。好好彩可以坐到窗邊，風景怡人。點了馬來西亞風味的肉骨茶，藥材味夠濃，不過只有兩條豬肉排，可能近排豬肉貴，下次可以試吓星加坡風味嘅肉骨茶，白胡椒豬肚味，我諗應該都會好味。印尼炒飯很好味，因為太肚餓，所以唔記得影相。飯乾濕度啱啱好，配一些生青瓜同埋甜洋蔥，味道層次豐富，有2條沙嗲串，3隻蝦，足料，但係味道淡少少會再好啲。喇沙面湯底好甜，辣度適中。同樣有3隻蝦，湯都差唔多飲晒😅。…查看更多

費事年年聖誕節都同人逼去酒店食聖誕大餐，今年就特别d去食＂蒸氣＂海鮮大餐啦，最後去咗紅磡九重鮮食韓國海鮮餐。環境方面，就少咗啲聖誕氣氛，冇聖誕裝飾。點菜時，職員有細心介紹不同的塔有什麼分別，最後點左個2人首爾塔，同埋加咗個人蔘雞粥底，本來都想試吓個蒸氣和牛，不過覺得好似怪怪地，最後冇點。另外我們也想叫多半份蝦，但係冇得叫半份，八隻我們怕食唔晒，所以亦都冇叫。食物質素就很好，食材新鮮，不需要什麼調味料也能帶出食物鮮味。職員有主動幫我地拆開啲雞肉，同埋幫我地分埋一份份。…查看更多

聽係附近返工的醫院朋友介紹，特意過來試一試這間三四星級酒店的早餐。真的，佢沒有呃我，$3x元的早餐絕不欺場。對我胃口不大的人，份量剛剛好，少了beacon這種肥膩，火腿煎得香口，炒蛋雖少咗d，但長長的牛扒彌補番，而且不un。五香肉丁份量比一般茶餐庁多好多，米粉夠煙un，。餐茶最後點了咖啡，味道雖不夠香濃，但整份早餐價錢也未夠去飲一杯Starbucks coffee。服務也不錯，雖然兩份餐的炒蛋及煎蛋對調咗，但整體而言，值得提介！…查看更多