bweepbobo的個人專頁

想講呢，肺炎搞左咁鬼耐，仲未有得去韓國朝聖，我好不爽😢咁其實一直都好喜歡海鮮，最喜歡係蒸海鮮，因為我覺得最能夠保住海鮮鮮味既煮法就係蒸😆咁今次同友人尼試下呢間九重鮮，聽講自助，又有得任食！！估唔到今次個體驗幾喜出望外，本身都係帶住試下既心態咋😙本身佢個位好唔出，行過未必會留意到，以為唔會多人，落到去已經係派最後一張枱比我地。一入去已經好喜歡喇！！！見到真露桃味氣酒，韓國人蔘酒！！好似去左韓國咁好唔好。一開始就比碗人蔘雞湯你，真係好足味！飲完皮膚都靚靚！之後就尼左帶子、龍蝦、鮑魚～～～～～ 蒸十分鐘，佢有個沙漏比你計時！！等十分鐘開蓋！！食啊～～～ 好鮮甜！唔建議大家點豉油，因為食佢最原始既味道先最正！！！！！不過可惜再叫就要加錢😞但係！！有三款海鮮可以任叫：海蝦、蜆、蠔！！！！！！！ 海蝦好正好好味啊！！送過尼既時候仲食郁！蜆真心正！好甜，我無點豉油已經覺得好有味！間野仲有其他炸物、串燒架，但因為我係海鮮控既關係，我主力都係叫海鮮！！！最尾有個椰汁甜品，好味道😗…查看更多

本身住附近成鬼日都見到呢到好多人，但遠望d野我成日覺得好普通姐，周街都日本野啦。但係！！！！！今次一試難忘啊！！食爛個喉嚨都要去！！話說果晚想同friend 去飲野，但又肚餓，又早，所以見到呢到有啤酒飲又有野食，我地咪尼試下囉！我地叫左杯奇異果hoegaarden飲！好大杯，好打意，酸酸地咁，我叫左兩杯！！之後肚餓叫左碗辣味芝士拉麵，滿足左我又想食辣又想食濃味野既願望！！wakaka 之後到食炸野吹下水咁，我想講呢到既炸物好出色！惦惦，又脆又好味！叫左炸芝士年糕、炸蕃薯、炸蠔！我偷食埋我friend果件添啊！最後想講既.... 呢到有位視角系美男serve大家架…查看更多

光榮一直都相當多人，次次想食都等唔到，結果唔知係咪呢排少左人出街食，我就膽粗粗去左排！！結果比我入到啊！！！仲嗌左個鰻魚炒蛋飯，超香濃蛋味，鰻魚又煎得夠香，正！仲叫左杯凍奶茶，肥鬼死，有點點過甜，但食得開心咪得。目測全部枱都有跟足政府規例，卡位又有個檔板檔住d飛沬，衛生又唔怕。店員態度算良好，忙得尼都保持到應有既待客態度，呢個要比讚，我唔係話我比錢就當自己係大爺，只係覺得自己想做接觸正面積極既人和事！…查看更多

一直都聽過呢間野幾出名，但係細，你知我肥肥地幾佔位置架啦～咁我行過咁多次，次次都坐爆哂咪唔入去食！但呢排疫症關係，少左好多人食，咁我就行入去食喇。車仔面好多餸揀既，但呢到最特別就係有墨魚頭同埋酸齋！但酸齋我覺得唔太抵，所以我揀墨魚，嘩！真係好好味，好入味，d湯完全入哂味，一食落去就好大陣墨魚香，所以我平時食野快我都咬多兩啖唔捨得吞！！另外要讚既係d面，唔會煮得太老唔會太生！個湯味唔唔算重，無話食完超想灌水咁。…查看更多

見到個標題都明架喇！一般啦，因為想食辣先食架咋，無話特別好味唔好味，叫左個酸辣粉套餐，野碗面、小食同有野飲，個湯係夠酸，迎合哂一眾香港人，但份量好少，我諗唔會有人覺得飽，個小食又係一般，其實落左個醬都好難會難食，但煮得出色既就好難！野飲叫左花蜜，可以啦，甜甜地有陣味咁囉，本身望個門面都唔抱有冀望，點知真係咁一般， you know - I eat it because I’m just hungry。呢個係成篇野既中心思想。…查看更多

中環呢間野幾多人去下！食辣不嬲都岩哂重口味既香港人，唔辣都多鹽多蒜啦！呢間野幾多大陸人尼排隊，所以我估佢應該幾正宗。我叫左套餐，就蒜泥青瓜同撈個多麻既乾辣面，再加杯酸梅湯。拿，味道方面我只可以講不過不失，蒜泥青瓜唔洗特別叫，一般貨色，個辣面呢，勁勁勁細碗啊咩料！！得幾啖，一定唔夠飽，同d面煮得有d太濕，我唔係叫乾拌面架咩？咩料！酸梅湯就好唔似酸梅湯，估計落勁多糖，同埋服務員態度好一般，唔想答人野咁。…查看更多

好喇～上環呢條街係中環低級打工仔既勝地，食野唔會過份貴，又可以醫飽個肚！咁呢間野係幾多後生去既，但店員串串地，我地三個人，佢比張二人台尼，我地望望d碗碗碟碟咁大，點食呢？所以再等過下一張就算，但呢野既印象唔太好啊！講返先，最簡單我揀蝦仁叉燒滑蛋飯，望住咁多proteins我就好喜歡了！食落都唔錯既，幾滑身，但老實講自己係屋企都整到啦！加d奶就得架喇！另外送杯熱飲，好又一餐唔好又一餐，大家見有位既咪入去試下，無咪下次！…查看更多

小堡好耐無見大家，鬼咩！呢排又肺炎、公司又炒人！都係得返呢排有d時間出街食下野，今次試既呢間係元朗yoho mall既天丼，次次都見到咁多人排隊，等我睇下有咩咁把炮先。今次叫左天婦羅蕎麥面餐，七十幾蚊，天婦羅炸得好正，唔會超油膩既感覺，而蕎麥面夠凍，配個汁岩岩好清一清油炸物既味道！我反而覺得個蕎麥面好好味，哈哈！我會prefer個面多過個炸物，唔知大家係咪咁諗尼？但美中不足既係太細份，咩都要駁你追加！所以大家都可以試試。…查看更多

想食西餐想食牛！但已經無再續會食某美式餐廳，所以要搵下其他靚既西餐廳！！！見呢間上網幾多人推薦，望個餐牌果陣唔覺特別難煮架d野，但都抱住試一試既心態！！OMG 點知有驚喜，首先餐廳既裝修都靚既，文青風，但位置好細，waiter waitress超有禮貌！你知我幾著緊架啦！我同友人就叫左隻燒春雞同牛排食，因為呢兩個好易整但同時好易試到個煮既手勢！隻雞有少少過左火侯唔夠滑，但剛剛我就係鍾意食鞋雞肉！牛扒係靚野，但我地叫medium，有點太熟。但整體尼講控制火候方面都幾好。另外薯條係加左黑松露，幾惹味！我地仲一人叫左杯Prosecco，不錯！但嫌佢貴，如果想平就記得自己搵下優惠！…查看更多

之前成日做野要返廣州，小堡我成日係廣州食腸粉，廣州既腸粉係超爆好食，又薄又滑！香港幾乎搵唔到，今次介紹呢間鮮味道有得叫腸粉食，但水準當然不及廣州啦，但止癮絕對係正係無問題！另外叫左碗雲吞同紅燒牛肉干伴面。都唔錯，唔會落超多味精，又有大陸美食果隻風味。如果大家有時行過佐敦又諗唔到食乜，但又想清清地既咪試下呢間，價錢唔貴，啊！仲有，佢地奉送豆漿架！有豆味，少甜，不過唔知可唔可以refill，我無試過，試完話我知啦大家！…查看更多

上星期同朋友慶祝生日，去咗太子一間坐得幾舒服嘅火鍋店，除咗空間咁大之外, 連坐嗰張櫈都好鬼舒服。我哋點嘅係海南椰子雞鍋， 首先係用新鮮雞連同椰子內椰子水 ，加上少許其他配料一齊煲煮，首先每人飲一碗鮮甜椰子雞湯，之後再加湯畀我哋去家火鍋配料，不僅飲嗰碗雞湯嘅時候感覺先甜連絡其他配料例如牛肉，手打丸，每件配料都沾滿椰汁水嘅味道，很清甜。響等 個湯底滾嘅時候我哋點咗一個刺身拼盤叫做“松”，裏面有海螺，北寄貝，帶子，鯛魚，魷魚同埋蟹子,朋友最喜歡嘅就係魷魚,因為佢十分新鮮而且口感一流,爽爽地之餘，完全冇唔新鮮嗰種黏笠嘅情況出現！ 帶子同埋北寄貝都係十分鮮甜，帶子雖然唔係有時食到好大件嗰啲質素,但係都好夠厚身,食完都有一種滿足嘅感覺.極尚本地手切牛肉, 打邊爐想係要食牛肉啦， 佢有好幾款唔同嘅牛肉，連牛肉拼盤都有，朋友話佢話食開手切嘅：我哋就點呢一款， 就咁睇落都知道係好新鮮，肥瘦分明， 淥完嘅時候佢冇縮到好細，好香油花嘅味道，而且佢一盤嘅份量，都好大我哋都食唔曬。 我推介大家點竹笙，因為竹笙可以完完全全索曬湯底，唔可以錯過湯底嘅精華！ 鬼馬油炸鬼外面係炸到好趣嘅又曬櫃裏面係手打蝦膠，，蝦膠嘅份量都唔小， 而且係食到爽口彈牙嘅蝦肉粒，如果油炸鬼都好吸收湯底， 多重滋味在舌尖滾動著！ 唐蒿， 十分好彩我哋可以食到最尾一碟嘅唐蒿，十分新鮮完全沒有菜渣， 可能有啲朋友唔鍾意食呢隻菜係因為佢嗰隻腥味但係我哋就覺得好香！ 這點除咗坐得舒服地理位置十分方便之外， 員工都十分殷勤，不停推介食物同埋友善， 向適當時間會同我哋講兩句但係又唔會畀你感覺“阻住”，見我哋雞啄唔斷亦都叫我哋慢慢坐唔使擔心佢哋要收舖，下次如果想食一間可以坐耐啲嘅餐廳一房諗下食呢一間！…查看更多

天水圍食野參差我一路都係咁講架喇，所以試新野都要d勇氣，皆因如果唔岩又浪費個胃同埋錢！呢間野新開、細細間！但估唔到有驚喜啊～佢有我最最最愛既涼面，又有我至愛既汕尾牛丸。重點係每樣野都唔超過三十蚊。涼面叫左小辣，油香好濃，絕對一試！大家可以試下雞絲果款，見隔離枱食好似幾滑。另外嗌左個牛肉餅面，面係好彈牙，牛肉餅係大陸食到既味，幾正宗！但好可惜野飲得汽水，仲要加錢。所以我覺得呢方面佢地可以出個套餐，吸引多d食客架～…查看更多

十二味同十二味功夫係咪同一間野尼？今日係銅記心絲絲想食辣，你知最近去大陸比較困難，所以食辣都要留係香港搵！咁銅記都有幾間幾惦幾出名既，但我都係揀12 味，因為想知佢係咪每間都煮到同一樣既名。你知啦，間間餐廳一擴張既時候，就係開始失色既時候。呢間十二味好似大陸咁，掃code落單，我同同事嗌左香鍋，配菜有出名既See You Tomorrow 金菇、午餐肉同雞軟骨。叫左中辣，好正..... 撈飯係一流啊大哥！果陣油香味再加辣味簡直就係搵返自己係深圳既感覺！！話時話，我都係覺得黃埔果間好味d。…查看更多

行行下街聞到面包既香味！！即刻一去食個包仔，再食個午餐！入到去就係冰室果種凍爆既溫度，同埋吵鬧既傾計聲，大愛！至於食野方面，我覺得菠蘿包係高質，脆皮！！個包都好軟滑，口感好多層次！但個叉燒包就唔好味，太甜，好似食糖咁！午餐就叫左個豬排同吉列魚柳，有碗紅湯同野飲送，但好難食，唔推介！我覺得呢間野都係岩食tea之後班伙記都一般般，扮忙唔望人，漏單，人地遲尼先上岸，結果望住人地食我都仲未有我食建議大家一試無妨！…查看更多

好多香港人同我一樣，好喜歡去台灣，因為貪佢有好味日本菜，同時又可以享受正宗台灣菜！我之前去中環見客已經見到呢間野，成日都排長龍，又多後生尼食，好想試，但一直都唔夠時間排咁耐隊！結果今日星期六尼到，終於有位坐！我同舊同事分別嗌左原條燒鰻魚飯、紅燒牛肉麵、關東煮、花枝丸。講講鰻魚飯先，鰻魚係爽脆，但個汁有少少咸，但都係高水準。而紅燒牛肉麵呢，d牛肉係幾滑，個湯最重要係無咩味精。關東煮同我係台北七仔食既味係一樣 haha，但最衰無得自己揀餸！！花枝丸係好味，幾彈！但得4粒，有d唔夠喉...野飲就叫左仙草冬瓜茶，無冰！！佢係一早溝定雪好比你飲！總體尼講個用餐體驗都唔錯，好鍾意係香港食野但會食得出旅行既味道！…查看更多