claudiafung_86's Profile

一行8個人去左呢一間韓國野, 其實呢間個環境比較舊但我覺得好有韓國風味好有地道既感覺! 一入到去就叫野食, 8個人食8樣野, 我地叫左什錦拌麵、海鮮煎餅、海鮮火鍋、泡菜炒五花肉、泡菜炒魷魚、韓式炒粉絲、炒年糕、紫菜包飯, 人人都開懷暢食、開開心心食餐飯, 正呀!什錦拌麵: 雖然紅噹噹, 但味道清清地可能因為有青瓜所以味道好fresh, 朋友們仲想encore, 不過太多野食啦下次先!海鮮煎餅: 呢一碟野好大碟, 而且好足料海鮮又夠多, 唔同出面粉味重又冇料, 正!泡菜五花肉同泡菜炒魷魚: 菜多肉同魷魚比較少, 而且偏辣, 鍾意食辣同泡菜既朋友岩哂韓式炒粉絲、炒年糕: 份量岩岩好, 而且味道唔錯, 好有地道街邊小食檔整出黎既味道紫菜包飯: 我本人就冇食到, 但朋友們讚個不停, 我諗應該唔錯既!主要想推介個海鮮火鍋$380, 大大隻鍋入麵好多海鮮(應該有2隻蟹, n隻蝦, n隻蜆) 而且d蝦好粗架(粗過手指公), 而且個湯底好鮮甜(可能因為海鮮既鮮甜味出哂黎), 有少少辣。佢仲會有埋個麵架, 同什錦拌麵既麵係一樣既, 份量等同一個出前x丁, 人人食完d海鮮同埋麵都要飲埋d湯呀! D海鮮佢絕對唔少野, 可以睇下張相有幾大隻就知啦~ 正呀! 好大隻好鮮甜呀~ I miss it!!!因為我d朋友為我生日, 朋友們買左個cake佢地幫我雪住, 而且幫我地切埋仲唔收切餅費, 真係good service呀!呢間野真係唔係好貴, 一行8人$13xx, 真係好抵食呀!…Read More

平時返工放工都會經過呢間台灣野~ 一直都冇黎試, 直到今日星期六, 同同事去左試呢間台灣野~ 一直以黎, 食過咁多間台灣野, 都覺得係香港食台灣野都比較貴! 呢間阿佘, 真係令我喜出望外~同同事一行3人各叫左一個LUNCH SET, 28蚊係西環黎講有小食又有麵線又有野飲, 算抵架啦!值得推介既係肉燕餃, 真係好得~ 而鯊魚丸都幾好食! 珍珠奶茶同出面既差唔多, 好香香竽味又唔甜~雖然地方唔大, 但都算多位~ 出D野都算快, 唔洗等好耐就有得食!下次真係要再黎呢間野先得!…Read More

係Openrice同埋從同事口中得知沙嗲王幾好食, 就同老公去左試下啦~我地星期5 7點幾去到, 等左唔係好耐就有位坐~當我地叫左野食既時候, 眼見出面d人多到出唔到去, 心中感到十分之好彩!我地叫左個脆蝦棒, 白咖哩豬扒飯, XO醬海鮮炒飯, 1杯芒果檸檬蜜(好似係咁叫), 1杯香芋珍珠。唔知係唔係多人既關係呢, 等左好耐先有野食, 小食都等好耐先有。個白咖哩豬扒飯真係名不虛傳, 真係堅好食。而個xo醬炒飯就麻麻地, d飯太硬啦, 而且d海鮮有dd凍。果日佢地既甜品係炸蕃薯, 對我同我老公而言, 真係麻麻!好彩個飲品ok。我地2個人食左156.x, 好抵呀以cwb黎講!好開心地比錢時有糖食同埋有枝辣椒油同埋14蚊coupon送~下個星期同朋友要再黎多次先得!…Read More

Haggen Dazs始終都係係shop食先好食~今次叫左個心花怒放 Flower Blossoms , 有6個球可以自己簡唔同既flavor~今次叫左Strawberry, 冧酒, 比利時Chocolate, 仲夏野梅, Green Tea, 芒果熱情果!兩個字可以形容得哂, 正呀!下次去要試埋佢個Strawberry Summer Drink先得!…Read More

琴日係朋友介紹下去左食Hot Pot。幾得意既一人一個鍋, 不過果到一定要比d耐性打電話去book位。我琴日打左1x次先打到book位。好彩有book位姐, 如果唔係一定等位, 因為實在太多人啦。佢有8個湯底比你簡, 有蕃茄薯仔, 沙嗲, 麻辣, 3.6牛奶, 豬骨, 椰子鮮雞湯, 香茜皮蛋湯及忌廉粟米湯。本人試左蕃茄薯仔湯底, 覺得個底淡味左d, 冇咩味咁! 老公就食沙嗲, 少少辣, 幾野味!個湯黎到, 佢會連埋一隻小型海鮮船, 有幾夠海鮮仔比你過下口引啦。拎野食果到, 個款就好似超市咁, 任簡, 而且一份份包好哂, 起碼冇酒樓果d咁open先啦。款式都幾多既, 而且野飲都算多選擇。野飲有百事, 芬達橙汁, 夏枯草, 柑桔蜜, 美蓮達等等。$121一位(已加一價錢)都ok呀。不過有一樣野要注意既係佢真係會同你計時架, 你食左差唔多一個鐘佢就會叫你埋單, 之後比你繼續食。埋計時佢會比埋張雪糕order form比你叫你簡黎食, 雪糕有紅豆, 芒果, 云厘拿, 朱古力同豆腐花你簡。不過我琴日10點幾order時豆腐花就sold out。有一樣野要提提大家, 琴日我隔離台已經比左錢架啦, 但冇啦啦又話佢未比! 呢樣野就比較差小小囉, 其他服務我都覺得ok, 收野都收得幾快。…Read More

前年我老公生日我買左九龍富豪酒店既生日蛋糕同佢慶祝啦, 點不知食左一啖之後估唔到富豪d水準差成咁!上年就試左貴族, 真係好ok。今年因為去Park Lane食Buffet, so就係果到買埋蛋糕啦(橫掂有member卡, 75折優惠)買2個cake, 一個係芒果芝士, 一個係黑加倫子mousse。2個加埋$120, 抵過買美心啦, 話哂酒店wor!而且服務又好d, 個盒又令d。最緊要係佢d字真係寫得幾令, 好抵食同好值得介紹比人~…Read More

上星期6約左個朋友去Cafe One食 Lunch Buffet~因為我屋企人有人係Member Card, so 2個人去一人免費。入到去見到拎野食果個位都幾多野食, d野都幾新鮮, 而且雪糕係Haagen Dazs。位位$131有Haagen Dazs食, 真係好抵架啦。而且Lunch都有d海鮮, 都幾ok wor!海鮮有: 賴尿蝦, 龍蝦仔, 蝦同青口壽司種類比較少。甜品同熱分選擇都幾多。我岩岩見到op呢到有coupon, 值得一試架!At last, 果到d人服務真係好ok, 收野收得好快同埋refill d野食都好快~…Read More

琴日我老公個朋友幫我老公提早慶祝生日, 咁佢話之前試過OK, 咁咪去試下囉!9點去到, 人唔太多。野食選擇我本人覺得少, 而且味道比較咸。除左服務OK同啤酒任叫之外, 真係唔覺得佢有D咩好!本人覺得果個燒墨魚丸唔得, 刺身麻麻.......覺得OK既就係綠茶同芝麻雪糕, 燒物就只有燒牛頸脊!9點入場仲要比$163 (已加一)呢個價我覺得唔抵食同埋可以食D更好~下次唔會再去!…Read More