Ma高的个人专页

值得encore 和推薦朋友一試由年頭開始疫情爆發，這幾個月我都沒約朋友晚餐，現在情況總算舒緩了，加上又剛出了bonus，當然要搵朋友拆番餐好野今次約了一個老友放工到尖沙咀聚舊，聽其他朋友推薦這間日式串燒好好食，一於試試。當晚跟著google map搵路，發現其實有點難搵路，天文臺道比較偏，幸好餐廳好nice肯幫我地留枱，我地先食到餐超好味嘅串燒。到了餐廳，坐位都算闊落，裝修都好有日式風格。食串燒又點少得飲sake，待應都好nice 講解各款sake有咩特色，服務好周到，最後我地揀了支"君之井"，因為呢款清香而有回韻越飲越甘甜，正好適合慢慢品嘗燒肉。餐廳真係貼心，有唔同sake杯俾我地揀，杯和酒都是藝術品，值得一試。打開menu 看到各款串燒已經流晒口水，一開始驚一次過點完所有食物會一次過上菜，所以採取邊叫邊食的方式，先試試有手指公推薦的串燒。點完第一輪，大概等了10分鐘就有得食，第一碟至為重要，因為口腔未有其他肉味，味覺最敏銳，先上的是荔枝豬肉卷，一食之下，不得了~豬肉微微燒焦有脆口但又充滿肉汁，但荔枝嘅清香恰好中和豬肉油膩，一試難忘。正正係呢串串燒，我同朋友即刻加單點了其他肉類，太出色了。餐廳送了每人一隻生蠔，因為星期一二入座都有呢個優惠。蠔好大隻，蠔肉夠肥厚多汁，而且鮮甜，用料出色自然好味。燒羊架好大塊，上菜時表面仲見到滋滋喳喳嘅泡泡，証明一煮完就上菜，唔係燒定先。羊肉好多汁，我同朋友一人一件拎住食，過癮。串燒點少得我最愛牛舌，好大塊又爽脆，而且好多汁。如圖所見，火喉岩岩好，少焦香又唔會太熟，保留牛味。順帶一提，每一款串燒都已經調好味，唔使點鹽都夠味。雞腎都係食串燒必嗌嘅，好食。露筍豬肉卷同荔枝差唔多，只係入面包嘅唔同，別有風味，2款都值得食，但我更中意荔枝。豬肋肉有別於豬肉卷，肉更厚身，可以食出啖啖豬肉香味同肉汁，原汁原味，食得出師傅功架。基本上豬牛雞我地都有叫，每款都出色，食到最原有風味。右邊雞皮紫蘇蝦，值得一提，好好食。雞皮卷響外面燒到脆卜卜，又有雞油香味，蝦肉爽口好新鮮，但最特別係中間夾住塊紫蘇葉，恰好中和雞油而又具有獨特紫蘇葉清香，正正解釋1+1=3，必食。左邊汁燒牛肋，好大塊牛，有牛肉味，不錯。自家製免治雞肉軟骨，將雞肉攪碎搓成雞棒，但中間有雞軟骨，唔剩係雞肉，配上生雞蛋溝照燒汁醬，味道特別，都好食。礙於篇幅，其實我地仲有叫蔬菜，每一款都保留蔬菜水份，好好食。整體黎講體驗好好，食得出師傅用心烹燒，每一串燒都會隔幾分鐘上菜，我可以同朋友一邊傾計一邊慢慢食，並非指出菜慢而是每串都火喉岩岩好微焦，其實好考師傅集中力。最後我同朋友平均食13串，真係好飽，因為真係太好食，好多都想試，不知不覺就點左咁多，連甜品都食唔落。咁有水準嘅餐廳，下次帶邊個食好呢？…查看更多

發現了太和邨附近呢間法國菜水準幾高，幾有驚喜。門面半透形式，响外面唔太睇到內面，增加食客的私隱度。入面坐位唔算多，比較搶眼係Bar枱，金碧輝煌，好華麗。環境較昏暗，氣氛好浪漫，好合適談心。叫左呢個set，有前菜，湯，主菜同甜品，份量都算多又幾扺食。先叫左杯Cocktail，Puppy Love，主要用左橙酒，梳打調製，超甜，好似飲汽水咁，酒味唔重，岩晒平時唔係好飲酒的小弟，而個賣相仲好靚添。呢杯係波特酒釀葡萄，法式鵝肝凍。青提子有濃濃的酒味，而鵝肝打成醬甘，感覺好似食緊滑溜的雪糕咁，幾特別。番茄雜菜湯味道唔太濃，清淡為主，多士夠晒脆夠香口，最岩配湯一齊食。法式看料烤龍蝦尾海洋薏米飯，薏米飯平時好少食到，煙煙韌韌，又大大粒，口感幾得意，而龍蝦同帶子都好新鮮，亦烤過，所以幾香口好惹味。最後點了份朱古力蛋糕，香濃朱古力，外皮有少少脆，比較甜。一切開，朱古力滲透出嚟，配合雲呢拿雪糕，一冷一熱好有口感。整體食物水準高，而服務員亦好細心，主動問要否要碟，幫我地開門，服務幾好。…查看更多

Lunch朋友想食放題，就諗起大喜屋，因為平靚正，價錢十分吸引，座位也闊落~依度的食物選擇都幾多，有自助區任拎，前菜，炸物，沙律通通都有。重點係黎得快，無漏單，仲有兩款清酒，可以任飲，正! 對於我這些少飲凍野的人來說，見到這個暖飲櫃，即是變成窩心櫃~落完單就出去攞d小食，估唔到有驚喜野，就係以下的 咖喱豬皮魚蛋，超香濃的咖喱味又夠辣，d豬皮吸滿汁，食完仲想再食。萬眾期待的刺身終於黎啦，夠鮮甜肥美，仲有粒乾冰製造煙霧效果。其中三文魚都算好厚切，無雪味，亦夠肥美。花膠和燒菠蘿都值得食，感覺到花膠有滿滿骨膠原。燒菠蘿甜甜地，又可減肥膩度。最後食左杯乳酪作美味終結，真心正，下次可再來。…查看更多

仲記得每次去日本都會搵一日去焱丸水產，因為響日本出名同多分店，夠晒方便，食材又新鮮，可以睇到魚缸入面d生猛海鮮。但疫情一直持續，原本以為今年可以去旅行點知都仲未開關，好掛住日本啊～唯有響香港食住先今日約左朋友去尖沙咀行，餐廳好近k11出口，尚算方便。未入到餐廳已經響門口聞到陣陣燒海鮮味，真令人期待~開始點餐，真係好難揀，因為每一樣都想食，除左燒海鮮必點之外，我仲想試試魚生，點了刺身5盛相信大家出街食都好怕海膽唔新鮮好臭，但如圖所見，海膽好新聞，好鮮甜，值得一試。吞拿魚都好肥美，水準不錯。另外還點了焱丸號壽司，大家睇圖一定好奇怪壽司什麼無飯? 因為魚生太多，飯都被遮住lol海膽，蟹肉帶子。。。都係我好中意嘅，我諗之所以叫焱丸號係因為乘船出海搵靚海鮮當然少不了今次主角燒海鮮，味噌甲羅，黑松露甲羅燒所有海鮮都有員工幫忙響你旁邊表演燒，所以唔需要擔心，慢慢等食。撈完之後，蟹肉連蟹膏一啖一啖咁食，好好味啊！我地仲叫左鮑魚同埋帶子鮑魚好新鮮，燒果陣仲會郁，唯有好好品嚐以示尊重。鮑魚好鮮甜，連殼燒d汁都留響入面，帶子同樣，食果陣可以拎起殼飲埋汁，好好味啊飲杯! 食燒海鮮當然要飲下酒下火。好記得之前響日本見好多西裝友一班人食焱丸，一邊飲酒傾計一邊食到好夜，好享受放工嘅聚會，真係期待如果無疫情可以搵下同事黎一齊食…查看更多

康城依個地方相信好多人沒去過，除非住果邊或者去朋友屋企，雖然一早開左地鐵站，但因為康城咁多年來商場都沒開什麼店，一直死氣沉沉。但隨著時間越來越多人住康城，康城商場開左好多新食肆，終於似番個商場鼎王麻辣鍋其實響台灣都好出名，得知佢康城出分店我就好想試下，順便參觀下康城。我和朋友用google map搵餐廳地址，但因為商場太新無乜指示，最後花左好多時間先搵到。終於到餐廳了有2款湯底揀，麻辣煱同酸菜白肉煱，小朋友才選擇，我全都要，鴛鴦煱plz，而且我只會推薦鴛鴦煱麻辣煱可以任加鴨血，食台式煱最大賣點，我地揀了中辣但都唔算特別麻同辣，比起其他四川火煱。酸菜白肉煱可任加酸菜，我地揀了小酸，酸菜唔會太酸當菜食都ok正啊～大大塊鴨血滑一滑每枱都有一壺白桃紅茶任飲，清新白桃又香又甜，十分開胃火煱當然不少得牛，我地揀了上選牛小排，質素唔錯，色澤好靚，有牛味，一卷一卷咁放入湯煱攤開其實算大塊我favourite響鈴，可以吸埋d湯，每次火煱我都必點剩食肉太單調，我地就點了一盤海鮮拼盤，有帶子，蝦，蠔，北寄貝，用料新鮮，我幾乎想當刺身生食，即刻被朋友阻止，哈哈食d菜平衡返，所以點了蔬菜拼盤，乜都有想試下d手打丸，點了花支丸，的確有水準，食得出有墨魚肉，而且唔會太膠，反而感到墨魚質感，值得一試總結，唔使搭飛機去台灣都有鼎王麻辣煱食，住康城嘅朋友真係有食神…查看更多

最近疫情緩和，見這間餐廳做緊半價，幾抵食。餐廳內有很多可愛的蟹公仔，叫人也放鬆心情用膳。首先黎的就是話梅涼瓜好濃郁的話梅味，涼瓜清涼爽口，甜中帶點苦，再有回甘味，配上話梅，變成甜酸味作為前菜一流，令人十分開胃。之後就係今晚的主角～黃金流沙蟹，見到就嘩一聲，賣相一流，砌返成隻巨蟹出黎，霸氣十足。先試試佢d流沙先，香脆帶略略的鹹蛋味。蟹殼十分堅固加上鹹蛋脆脆，小弟開蟹時，脆脆四飛 ，幸好只是蟹鉗位堅固。蟹肉鮮甜彈牙，十分鮮味，香脆可口。香煎元貝帶子，賣相又相當吸引，一相一對，情侶和閨蜜啱晒上碟已聞到洋蔥香味。每人有三隻大帶子，帶子入口鮮甜細滑，一不小心帶子已流入喉嚨內 。拍蝦啫啫芥蘭煲，我十分欣賞這餐廳的細心位，這道菜餐廳特地分碟拿來，再在客人面前才把芥蘭倒入熱熱的即時香味拍拍聲四處躍起。芥蘭爽口配上肉粒和微微的鹹魚粒，可減吃蟹之膩度。最後一道菜就是，古法羊腩煲，煲到很冧很入味，裏面有馬蹄，枝竹，冬菇，筍，重點係十分重羊味，正，侍應會定時黎幫你，翻煲底以免癡底。整體來說，CP值高的餐館，推薦～期待下一次再來吃其他的蟹款式。…查看更多

因為觀塘工廈有好多隱世餐廳，所以我最鍾意就係試下唔同餐廳，今次俾我發掘左呢間有意外驚喜的貓cafe同大家分享下。我想同大家講貓cafe 唔止玩貓，亦可以嘆食物。今日我同朋友出左觀塘買野，夜晚想搵一間餐廳食飯休息，打開open rice 搵下有冇西餐，結果搵到呢間貓cafe，因為朋友突然話想玩貓。上到餐廳，十分乾淨，而且無寵物氣味，環境舒適，貓有十隻左右，但不會好嘈，好溫馴，偶爾聽到人扮喵叫，想逗貓玩(講笑，間中都有貓喵喵叫) 我們行左成日街，好口渴，先點了2杯飲品，分別係百果香雲朵冰沙和400次咖啡。400次咖啡是近年潮流，那是把咖啡打400次到十分凝固的形態，再放上鮮奶上，我都想試下，咖啡香濃又有gmmick，值得一試。喵喵都好好奇我杯400次咖啡，係咪好想飲呢?前菜點了牛油果煙三文魚沙律，沙律配上少少酸甜的柑橘醬和醋，令人開胃，牛油果又剛剛好消去三文魚的油膩感，健康又好味。如果點了main course的肉類，不妨多點一個沙律中和下。這個金沙雞翼，大大隻雞翼，灑上咸蛋香味的金粉，卜卜脆，好好味 ，建議大家一試。主菜來了，這個是新西蘭露絲瑪莉羊前膝。好大隻羊腿，好大份，但羊肉煮得夠熟和冧，一切就可以分開，表面有燒烤香味，配上薄荷醬食更好味。這個是菲力牛柳，好厚身，不錯。值得一提是伴菜都十分出色，如圖所見有燒翠玉瓜，燒茄子燒紅蘿蔔，都好香。那個炸薯波好好味，外皮脆口內裏是薯蓉，外脆內軟，非一般薯蓉，好有誠意!我們沒有食甜品，因為點了太多食飽飽，一邊享受和貓互動一邊食飯令人不自覺慢慢享受，休息一陣又有胃口，做左為食貓。我十分推薦這間貓cafe給大家，食物質素真心不錯，環境又舒服，大家不妨花一個晚上享受下。…查看更多

相信大家都知道油麻地是個熱鬧的地方，人來人往，如果最多人的時候行，每走一步都有其他人擋住，不能急步行。但讓告訴你鬧市中其實有一個寫意休息的加油站，這地方就是小弟要推薦的這間餐廳: 慢理牆城小弟和朋友約了去油麻地買一些東西，於是先在附近找一間餐廳食午餐。用openrice找到這間看上去環境不錯的餐廳，便抱着一試的心態上去。菜式名好特別，有些搞笑，意粉和意大利飯5顏6色，令人好奇究竟上菜時賣相是什麼樣。再看看飲品名，究竟睇左d咩? lol襯主菜未到，先點了杯特色飲品:棗，姨媽使乜驚是紅棗酸奶，酸酸甜甜，因為西餐很多芝士，所以叫一杯開胃飲品慢慢嘆~小食先上，我們點了墨西哥辣椒松露芝士薯條。一開始以為細細碟，可以在等主菜前一邊傾計一邊食少少，但原來好大碟，份量好像一碟意粉，驚喜! 薯條焗得好香芝士味，再配上少少辣椒去除油膩，我們很快就ko了這盤薯條。上主菜了! 我們選了黑松露野菌扁意粉，每一口都吃到濃郁的松露香味，加上野菌的點綴，好有外國風味。另外我們點了日式芥末魷魚意大利飯。魷魚好好味，大大條，充滿肉汁。芥末有少少辣和嗆鼻，可以減少油膩感，因為之前食了2道充滿芝味的菜，現在吃一些清新一點的味道，又再次令我胃口大增，繼續開動btw賣相真的如餐單所講是粉綠色，有淺綠色的芥末和粉紅色魷魚。我推薦大家可以點這個因為魷魚真的很出色，加上日式的意大利飯真的未食過，有些特別，大家可以嘗試一下食飽飽，真的不捨得離開，因為餐廳氣氛不錯，令我忘記了自己其實身處熱鬧的油麻地中，離開餐廳就要重回人間了。如果大家想找一個好地方品嘗一下美食，逃離一下鬧市，這餐廳是個不錯的加油站。…查看更多

星期五happy friday自然想放鬆一下，好想同朋友飲下酒傾下計。今次因為就朋友中環收工，就選了這間西餐酒吧聚一聚。餐廳很有鬼佬風格，十分開揚，方便食客站着一邊飲酒一邊傾計。餐廳侍應都是外國人，高枱和高的圓櫈令人感受到外國style。Drink menu有不同款式的啤酒，我選了7.Lord Hobo xxxx 因為我喜歡一些酒精濃度高的啤酒，一來有些酒精傾計更暢快，二來啤酒甘味更香。我的朋友跟我相反，選了酒精少的啤酒，他說喜歡果香味多一點的。平時如果星期二三去有買一送一，價錢都幾平。晚餐也有不同選擇，我們選了combo A，sides選了potato salad 同Mac'N cheese芝士通粉感覺飽肚一點。另外點了big boy burgerCombo A 我們選了beef 和pork。豬是一絲絲的，而且好香肉汁，推薦大家吃。牛腩也很香口，最後配上開胃的炸酸瓜可以中和一下肉的膩，令整體更平衡。Big boy burger 一切下去肉汁已經漏出黎，牛肉漢堡配上芝士煙肉等等，是充滿美式風格的漢堡包。果然外國style就是要食漢堡，味道不錯，牛肉漢堡的香味令人忍不住一啖又一啖地食。最後，我覺得大家在中環飲酒晚餐其實都是想和朋友好好享受下班後的時間，這間餐廳能營造出輕鬆的氣氛，可以飲幾口啤酒把酒談心，這絻對是個不錯的地方。…查看更多

新蒲崗Mikiki出面原來有得食德國菜，整體都唔錯，上菜速度都好快。小弟推介德國豬手，個皮超脆口，肉質亦嫩滑，同德國啤好匹配。旁邊有兩款醬，應該是芥末和甜酸醬。招牌菜的德國香腸拼盆有3款唔同的香腸，全部都好彈牙，而芝士腸一咬開D芝士仲立即滲透添。另外，墨西哥香蔥芝士薄餅，芝士夾在薄餅，雖然已是硬芝士，但味道仍不錯，最重要不會好膩。食豬手當然要啤一啤，Erdinger Weissbier是德國啤易入口，而飲後散發出淡淡的麥味呢。…查看更多

最近去到圓方逛逛，看看有什麼禮物可以買，因為下個月就是情人節，可惜我和朋友一直找不到一份很想買的禮物。逛了一輪有點累，當然想在附近找一家餐廳食晚飯。我朋友很想食意大利菜，而且不想上天台那些露天地方食，加上路過見到門口有各種雪糕，所以就選了這間。我們兩個想點小食，但礙於選擇困難症，就點了小食拼盤，因為每款都想食，而且最後相當驚喜。拼盤有5款小食，分別是炸魷魚，炸粟米波，炸雞翼，腸仔，和泰式蝦。其中我最欣賞避風塘炸魷魚和炸粟米波。那個粟米波配上類似水牛雞翼的辣醬，特別開胃。結果旋風掃落葉，我們二人很快就全盤吃光。幸好只有兩個人，可以吃多一點，如果再多人一定不夠喉。拼盤份量其實不小，主食我們只點了一個南瓜豬腩肉意大利飯。南瓜打成蓉和意大利飯一起煮，每一口都有南瓜香味，加上爽脆南瓜粒和各種果仁，口感豐富，又脆又軟。各種果仁令人越食越開胃，中和了豬腩肉的油膩感，只剩下豬腩肉的香味。我十分推薦大家點這個。可能隔離枱見我們吃得太滋味，結果跟我們點了一模一樣的菜lol最後當然不少得甜品。我們選了雪糕梳乎里，由於即叫即焗，我們等了廿分鐘左右，閒聊一下時間很快過。上菜了。厚厚的梳乎里軟綿綿，用餐叉壓下去彈下彈下，令人流晒口水。梳乎里很重蛋味，幸好有士多啤梨雪糕打救，但我覺得未必個個接受到如此濃的蛋味。總結一下，很推薦拼盤和南瓜意大利飯。整體環境和食物都不錯，有機會下次再試其他菜。…查看更多

响青衣地鐵站經過聖安娜，見到有幾款聖誕蛋糕幾得意，於是小弟就買左二個氹小朋友開心! 小蛋糕大約手掌掌心大，細細地，方便買多幾款，三件就$68。聖誕帽小蛋糕，造型好cute，草莓味來，入面亦有野莓，酸酸甜甜，蛋糕都算軟，但cream就比較多，食完有d膩。企鵝撻係芒果味來，下面底層係餅塊，食落好軟身，唔洗點咬，味道較淡，兩件比的話，聖誕帽會好食D，而有驚喜係企鵝公仔用白朱古力做，唔會太甜，反而係全個蛋糕最好食。總括，聖誕蛋糕都係氹下小朋友開心，賣相好，但味道就一般啦。…查看更多

揀任飲任食的火鍋好處就是不用考慮價錢，盡情食。位處於旺角的這間雞煲店，不但地理上十分方便相約朋友聚會，而且食物質素不錯，加上坐得舒適，不妨和朋友輕輕鬆鬆去大飲大食。先可以自選調味料，再先選雞煲或者鴨煲。我們揀了雞煲，因為想食辣。我們揀了中辣，煲的時候已經嗅到辣的香味，令人流晒口水。雞煲的辣汁十分傑，沾在雞上，每一口都吃到濃濃的麻辣香味。加上雞肉用料不錯，啖啖肉，十分滋味吃完雞煲後，可以轉打邊爐，我們選了鴛鴦湯底，分別是藥膳煱和蕃茄薯仔濃湯。蕃茄湯底酸酸甜甜，十分開胃。藥膳湯底有中藥味，食了加速血液循環 (全身發熱)。火鍋料分成自助區任食和菜單任點。下面那些都可以在自助區任拎。基本火鍋食材應有盡有，各式丸類，生根芝士腸等等，都是我最愛。當然不少得炸魚和響鈴，每次我打邊爐都一定要食。吃完雞煲還想繼續食肉的食肉獸朋友，可以在菜單點各款肉類。我們點了肥牛和鴨腿肉等。用料都不錯。肥牛片真心正，可以叫多幾碟Encore還有脆肉鯇魚片，九肚魚和豬大腸，從圖中可以看到鯇魚十分新鮮，喜歡吃魚的朋友絕對要點。菜亦係可以响自助區任拎，好新鮮好爽口!考慮到價錢這麼超值，食物質素又不差，我建議大家不妨一試這間雞煲。…查看更多

天氣最近都凍左好多，最岩打邊爐同食雞煲。小弟以前都嚟過呢間富盈，雞煲可以話性價比高，味道又唔錯，不過就得知最近搬左去新地址，响女人街附近，地點即方便左好多。仲有新驚喜添，新店加入埋韓燒，可謂3合1，一次過滿足晒3個願望!整體都好乾淨，而且坐位闊落，其中自助吧有好多款食物選擇。牛肉，丸類，蔬菜，海鮮，甚至乎有少量炸物添。全部都井然有序排列，好衛生，旁邊仲有飯添。雞煲有BB辣至大辣選擇，友人唔太食辣，所以揀左BB辣。雞煲係任食，食完可不停加雞，雞係預先煮熟，倒入鍋焗過後好入味，而肉質都算嫩，唔錯。旁邊有一個韓燒爐，方便一邊等雞煲，一邊燒野食。牛肉算薄切，燒二燒就食得，下面放左層吸油紙，可以盡量阻隔油份，令到d食物無甘油。牛肉好Juicy，用料不過不失，食落都好彈牙。燒菠蘿有驚喜，非常甜，仲可以燒到表面帶點燶添。場內仲有即食小食同前菜。小弟好中意中華沙津同螺肉，夠晒開胃。炸物有麥樂雞同炸薯格。剛炸起的炸薯格形成金黃色，超脆卜卜，有驚喜。不過，麥樂雞唔知係咪放左一段時間，好腍身，味道一般。食完雞煲後，可以自行去自助區拎湯直接加湯响雞煲入面。不過就建議倒一倒雞煲的汁先，因為煮左幾次煲底會有少許燶同較油。而火鍋配料都係自助區度拎，油麥菜，生根，丸類等基本齊全，整體都好新鮮。如果唔夠飽可以拎公仔麵或烏冬。值得一提係，飲品同甜品區的款式有好多，其中飲品區有一支支細的支裝飲品，方便飲完可以試飲多幾樣。…查看更多

今晚小弟同朋友嚟到觀塘買野，順帶去左附近一間泰式餐廳食晚餐。由於係閒日，人流不多，不過要讚係每張座位都幾闊落，坐得幾舒。餐牌內的食物選擇多，都幾豐富，基本都有齊。馬拉盞空心菜，泰式熱門之一的食物。就嫌馬拉盞味道唔夠出，而空心菜好像炒得有點過火，太腍了，味道不過不失。原個菠蘿海鮮炒飯，份量都幾多，將飯放入半個大菠蘿中，入面有腰果、三色豆、青口、魷魚等，飯就不夠入味，如果上面的肉鬆放多D就更好。而配撘的腰果，令層次感豐富菠蘿都算甜。不過海鮮再多小小會更好。…查看更多