foodattracker的個人專頁

周末老公忽然想飲茶食點心帶我去左屋企附近新開呢間中式餐館可能新開關係，人唔多，唔洗等位。我地order左幾樣大路點心試一試鳳爪排骨飯 / 大點欣賞飯同排骨分開，飯唔會太濕。蟹籽燒賣皇 2隻 / $16上枱好夠熱，不過不失。梓軒蝦餃皇 2隻 / $16上枱都好夠熱，不過不失，唯一係覺得蝦餃皮有點厚。鮮竹牛肉球 / 小點牛肉球無咩特別，大大粒，不過不失。黑椒金錢肚 / 大點我好喜歡食金錢肚，特別係好淋既牛肚，佢地既牛肚就係好淋果種，黑椒味適當，好入味，好好食懷舊馬拉糕 / 小點呢款一層層馬拉糕就算去到中式酒樓都未必有得食，食到中間竟然食到少少椰絲，令到馬拉糕更覺得有咬口。蠔皇鮮竹卷 / 中點呢個鮮竹卷皮太硬，而且餡料唔多，略嫌偷工減料。呢間新中式餐館我欣賞的地方係佢地沖茶會用泡茶袋，唔怕飲茶飲埋茶葉！最後兩個人埋單$152，價錢還可以。分享大家餐牌…查看更多

四月適逢兩位好朋友生日🎂其中一位姊妹係openrice 搵到呢間新開無耐既餐廳，見好似坐位幾舒適所以就決定揀佢依間餐廳位置個人覺得有啲難搵...不過入到餐廳店內其實坐位都好舒適唔會太迫我地今晚一行六人，最後被安排到一樓閣位，有張長枱，六個人坐都有鬆動我地今晚order龍蝦宴Kama龍蝦匯 / $458龍蝦包係主打，趁熱食會幾好食，龍蝦鉗好有肉，記住可以問店員拎個蟹鉗，咁就容易開喇類似一個熱鍋飯，上枱嘅時候湯汁仲好滾，有半隻龍蝦，龍蝦汁融入係飯中，好好味。芝士肉醬薯條 / $75個芝士肉醬味道幾唔錯吉列牛扒配忌廉咖喱撈烏冬 / $148呢個菜式值得推介，咖喱撈烏冬配上忌廉汁配搭好新穎，兩者味道非常夾，烏冬好用咬口，絕對唔係港式烏冬。吉列牛扒都好入味龍蝦芝士Mac N Cheese / $208呢個係另一個強烈推介，我地幾個六仔覺得最好食，芝士配上長通粉，條條長通粉都入哂味Unicorn dream / $58呢杯飲品好夢幻，淨係打卡已經贏晒六個人食到飽飽平均每人都唔洗$250呢個價錢食到龍蝦，抵到爛…查看更多

睇到標題可能你會好奇點解六折食到韓燒？因為我係用EATIGO預約呢晚係中環過海黎到尖東附近，即刻用apps搵下附近有咩餐廳有折扣優惠。見到19:30時段《韓珍》有40%off提前30分鐘禁制訂好位！一場黎到當然想試下佢地既韓燒，不過原來有些優惠set係eatigo無得享用優惠，所以落單前記得同店員出示你地係用apps預約架！一坐低比既前前菜有四款，份量唔細落完單店員拎左呢個蛋薄餅放低，當我想話我地無叫果陣，店員話係free🆓我地兩個人order左一份四色五花肉加豬肉 / $580，有八碟。八碟都係唔同味道，八種味道都唔錯呢度既店員一有時間都會行埋黎幫你燒幫你剪食韓燒唔少得啤一啤，Cass / $30最後再order多個牛肉石碢伴飯 / $59，另外有瓶辣醬可以自己加，鐘意食辣既朋友就可以自己加多啲我地兩個人揀左係角落位置，都夠靜。最後埋單六折後$508，都算抵食（比較正價的話）**比個tips大家，可以download 埋Storellet 做埋會員拎埋迎新優惠有張free paper mask送。…查看更多

假期想飲茶但又唔想同人迫？近幾年有種新式茶樓興起，有傳統點心食又有茶飲，但唔同既係點心款款新穎又有趣造型。適逢清明放假估到傳統酒樓一家多人到爆，所以同屋企人決定係屋企附近呢間茶寮解決。其實我地唔係第一次食！不過成12點幾先坐低，錯過特價時段。我地order左：海蝦籠仔飯 / $48食得出係炒飯底，但味道偏淡，蝦食得出唔係新鮮蝦，鐘意食清淡既朋友可能岩。但個人覺得若蒜茸再放多啲就更好。鮮蝦菜苗餃 / $26菜苗係白菜仔黎，同樣蝦都係食得出唔係鮮蝦，上枱夠熱，味道還可以。黃金蝦餃皇兩隻 / $17上枱時熱辣辣，新鮮出爐。皮唔夠薄，味道都好淡。蟹籽燒賣兩隻 / $15同樣都係上枱夠熱，味道還可以。香滑牛肉腸粉 / $26我記得首先上菜係呢碟牛腸，放低時無煙...不出所料唔夠熱，皮太厚。本來仲好怕跟住上菜既點心可能都凍冰冰。不過好彩...龍蝦鮮湯竹卷 / $26依個點心比我老公彈到曉飛，好喊好似倒瀉鹽...老公話食到啲肉唔新鮮，或者呢個原因要落多啲味精，個湯都係喊到舌頭變麻好喇...最後埋單$80一位左右。價錢係有少少貴，唔似其他食評寫得咁平，或者其他人係特價時段食掛下面餐牌慢慢睇...…查看更多

生日前一天打電話訂枱，接線服務員話比左個網址我話可以上網訂，於是試一試，原來網站上可以先列上生日msg!可能係生日關係，留左張落地玻璃枱比我地，一邊食一邊望住山頂纜車景色。我地一如既往order上年一模一樣菜式。Run Across Amer Sample - 男朋友好鐘意個source，覺得好香牛油香味同好滑，所以特別要求more🙊 加$45 有碟沙律，碟沙律好大碟好抵食，麵包糠粒粒好似剛剛炸起咁，脆卜卜。呢個拼盤有四款，三款蝦一款雞，仲有三個醬汁。飲品好特別，有閃燈閃下閃下，影相特別靚，飲完可以叫侍應洗乾淨隻杯比我地帶走架。（我已經儲齊一對😝）最後唔少得讚下個甜品，好好味，濃濃味道的蘋果披加上滑溜的雲呢拿雪糕，碟上仲寫上我之前order的生日字句。侍應一齊拍手👏🏻👏🏻唱住歌🎉 提提大家，當需要落order果陣，就將藍色的Run Forrest Run轉到紅色的Stop Forrest Stop，無需要舉手叫架！…查看更多

連翠如BB都推介，咁受歡迎緊係好吸引係九龍灣地鐵站B出口行去TCL Mall得寶商場，行左10分鐘左右...其實都係第一次去，先發現九龍灣原來有此一商場。 行到去Burger B見人龍唔太長，原來位置是一個food court，food court坐位好少，不過坐滿哂人（隔離舖係賣串燒，抽煙系統好差， 以至於一邊等時周圍煙霧離漫），排到前面見到個牌寫住「現在需等45分鐘」，前面排隊等拎都仲有十幾個..... 等到差不多8點， 店員大叫:「唔好意思, 今晚所有漢堡包都賣晒啦！」嘩...眼見後面仲有人排緊隊想食既就要早啲排隊喇。 點左個忌廉芝士焗薯角、牛肉芝士堡同牛肉芝旦堡。薯角出爐熱辣辣好脆，忌廉芝士汁好多，加上炸煙肉搭配更覺合味道；牛堡中間塊漢堡扒確係好Juicy，又好厚，肉汁鎖住令到一邊食肉汁一邊滴，只係覺得唔夠熱....套餐可以加$15有薯角或魚柳配，仲有一杯飲品。 …查看更多