友食神的個人專頁

好耐無行過慈雲山中心，依加商場裝修緊，行咗一圈發覺都幾多新餐廳。下午茶時間見肚餓，揀咗一輪都係決定食呢間101。我地叫咗兩樣嘢：豬扒雪菜米：豬扒醃得幾入味，肉質唔會好硬實，亦唔會癡牙，加上醬汁甜甜地，幾好味。雪菜米就普通啦。藍莓多士：多士搽上酸酸甜甜的藍莓醬加上少少煉奶，幾好味。餐廳地方都幾闊落，幾好坐，環境明亮，上餐速度OK，價錢相宜，下午茶時間都幾抵食。…查看更多

睇完戲好肚餓，唔想等位食嘢。唸起近排出咗菠蘿蝦堡好想試下，本身以為會係大大個，點知只係類似魚柳包嘅大小，外表有d頹。不過味道都ok好食。菠蘿酸甜配搭炸蝦塊幾夾，菠蘿可以中和到炸蝦既油膩同熱氣。但我覺得沙律醬太多，沙律醬浸濕曬個包。建議叫少醬。呢間分店幾好坐，環境舒適。…查看更多