WingYu7281的個人專頁

以前以為呢度只有甜品食，今日行過原來有主食。見啲晚餐🥣好似好抵食咁，有前菜、主食、飲品、小食同甜品都只係$89+10%，一次過可以滿足5個願望，又唔貴，所以就過唻試試有冇伏。晚餐嘅選擇都幾多，有4個飯，4個麵食，最後叫咗薑䓤䐁肉飯set ,同柚子蜆肉烏冬set 。可能因為跟餐有小食，包括壽司🍣兩件同炸雞兩件，所以主食嘅份量不大，但食哂全個套餐一定夠飽。飲品叫咗呢度嘅綠茶，不愧為主打抹茶🍵嘅店，緣茶係幾香。食物味道不過不失，但呢度勝在價格實惠、食物種類多。順來一提，如果叫飯類晚套餐，白飯可以任添，所以貪心之人唻講呢度好值得推介。…查看更多

由於一位識食朋友推介，所以今日慶祝生日就喇試下呢度。一入門待應就有禮地招乎我地。由於來嘅時候只有一枱客，待應主動讓我地揀選用餐嘅位置。近日秋意正濃，所以決定坐在室外。餐桌夠大，加餐桌間距離充足，所以坐得都好舒服。一坐底，待應就立即送上餐牌同介紹當日優惠及特色食品。叫咗幾個招牌菜：胡麻牛油果沙律🥗、鰻魚芝士玉子燒、燒茄子🍆、西班牙炒飯，全部冇讓我地失望。鰻魚、芝士同蛋嘅配撘，不論在味道還是口感上都一流。燒茄子大大份，蒜香味好濃，鍾意食蒜頭嘅人一定要試。另外，因為叫酒精飲品，貝殼類串燒有半價優惠嘅關係，仲叫咗蠔同貴妃蚌，兩者調味都做得不錯，但就唔抵食。整體食物質素唔錯，待應快手又有禮，價格雖然略為貴，但都值得一試。…查看更多

一向都鍾意食泰國菜，見附近開咗間，即刻去試下。星期六6:30唻到，唔洗等位，一入門感覺呢度裝修都幾用心，好多泰式佈置，充滿泰國悠閒風。同一般泰式食肆不同，呢度有好多新穎嘅泰式飲品，以沙冰， 傳統嘅飲品則欠奉。叫咗泰式金邊粉同焗烏頭。金邊粉好快就到。個碟同擺盤都好靚，好用心。啲金邊粉同青檸好夾，青檸幫助去除粉嘅油膩感。但個粉除咗落咗少量櫻花🌸蝦碎同上面擺盤嘅蝦外，全是齋，索價$98+10%服務費，感覺唔太抵。焗烏頭應係即叫即整，所以等咗40分鐘先送到上枱。烏頭（$138再加1）有點過咸，所以近魚皮嘅地方全部都冇食，而且條魚有啲細，撘配嘅兩個醬，一個係泰式酸辣汁，另一個唔太知係咩，食落幾清新同有助減低咸味。整體來講，呢度環境係唔錯，食物質素一般，但店員非常有禮勤快，同埋呢度地方夠大，2-10人嘅枱都有，所以唔少一家大小唻食。如果食物質素再好啲咁就好喇。…查看更多

太子雲集好幾家有名平民飲子店。平時去開美味，但美味款少，食得多都有啲悶，所以今日唻試下有12款餃子嘅手作餃子店。呢度都幾細心，有3款雜錦餃子🥟餐，配好3-5款餃子俾食客揀，等大家可以一次試幾款餃子，另外仲有一個大滿足湯餃，一碗有齊12款餃子。選擇上好有彈性。由於貪心想試多幾隻味，所以今天選了兩個雜錦餃子🥟餐，大部份餃子🥟味道都不及美味🥟好，其中京蔥羊肉餃、南瓜🎃粟米餃都幾有驚喜。啲南瓜🎃煮淋咗個好口感同味道同粟米都好夾。煎餃個皮好脆，煎得不錯👍🏻。湯餃嘅🥣底係有誠意嘅老火湯。價錢方面都美味差不多，但餃子🥟則較美味細。如果食傳統餃子食到悶，想試新口味，不妨唻呢度試試。而且呢度人龍冇美味咁長。…查看更多

專登過唻試下工廈小店。店面都算大，有成6張6人枱左右。使用開放式廚房，見到廚師同待應係啲20多歲嘅年青人，相信呢間店係班年輕人開嘅。由於晏唻，所以幾款受歡迎烏冬已經賣完，建議想食受歡迎款式嘅人士應該中午時段唻。拌蛋骨付雞烏冬：個雞真係好好食，好入味，雞皮燒到脆脆地，唔覺肥膩，都有返咁上下大隻，推介大家試。烏冬份量略嫌少咗啲，但都幾煙韌。半湯洋蔥牛肉烏冬：味道同吉野家味道差唔多，唔太特別，但牛肉份量就好多，有滿滿一碗，大食人士可以選呢個配菜。呢度嘅食物全誕都係即叫即制，所以上枱時熱辣辣，價錢合理，但由於店內待應少，就無咩服務同裝修，主要sell 食物。…查看更多

平日去半山扶手電梯都經過此地，見好多外國人同竹升仔食，所以一直對佢好好奇，今日終於得閒唻試。好彩一早做好調查，知道大份量（即1個base +4個toppings )會飽食，所以選了正常份量（1 base +3個toppings )。因為第一次食，今日又較肚餓，驚素食沙律唔飽，所以揀咗飯做底，啲飯係紅米飯，感覺健康同有口感啲。3款配菜就揀咗韓式辣豆腐、椰菜花🥦+翠肉瓜同雜菜。啲配菜全部都用不同調味料調咗味，所以唔會覺得寡，而且食咗8成後就感覺飽，好彩本身個妙盛盤設計係容易包好，可直接打包走，唔會浪費。當日所見好多外國人食唔哂都係咁樣自行打包拎走。…查看更多

一向都鍾意食上海菜，平日食開連鎖食肆，今日試試小店。一入門就有兩位非常熱情嘅待應主動上前招侍。舖面雖然細，但座位都有30個左右，而且物件擺放整齊，同乾淨。講番食物先，叫咗芹菜餃子、擔擔麵、高力豆沙。一見擔擔麵，外貌今我有啲驚訝（連鄰座都見到都向店員再三確認枱上果碗係咪擔擔麵），湯底好清，只有一大攤花生碎同肉碎，完全唔似平時食嘅擔擔麵湯底，光睇外表有啲失望。但飲落個湯底原來都好有花生味，同平時濃厚湯底嘅味道一樣。麵係幼嘅，煮得啱啱好。芹菜餃子🥟都幾多肉汁，味道不過不失，$38有10隻，都叫抵食。最後上埋甜品高力豆沙，熱辣辣，帶點煙韌幾好食。埋單，$93有兩個主食同1個甜品，都幾抵食，值得再食。順帶一提呢度嘅服務都唔錯，待應好主動加水。…查看更多

平時係皇室堡去廁所時都會經過呢間野，今日午餐終於試下。個人一食辣就會標哂汗，所以食海南雞飯比較穩陣。一黎到都打左個突，幾多野食，有碟菜係驚喜，啱哂想食得健康嘅外食族。個鳳爪沙律都幾好味，少少辣，夠醒胃。到個主角，海南雞，凍左啲。如果整返熱少少會好好多。唔算太肥，所以我都食左少少皮。碗飯就係正常的雞油飯。總括黎講，成個set都幾豐富，又有野飲又甜品。不過貴左少少，$80再加一，埋單要$88。如果平十蚊的話感覺會好好多。呢間野試過就算，難會有翻兜。…查看更多

太子好多平嘢食，今次唔食平嘢，試下呢間特式餃子。一向好少食聽用松茸作為主要食材嘅菜式，所以今次點咗例牌松茸豬肉餃，素菜餃，莞茜餃同粟米餃。第一次食松茸餃，估唔到味道都幾夾，同埋冇一般豬肉餃咁油，但跟餐嘅兩款醬料我就唔覺有咩特別。另外，個湯就淡咗啲，唔係咪因為佢標榜冇味精，所以冇咩味。素菜餃味道普通，唔建議試。粟米豬肉餃啲粟米好新鮮同係人手自己拆粟米，所以好甜。鍾意食甜味餃子，可以一試。莞茜餃同酒樓牛肉球味道一樣，只係加咗外皮，變咗隻餃子。味道方面，呢度嘅食物唔錯，但份量就較細，每隻餃子都唔大，所以一個餐一定唔飽。當下午茶食可以，但正餐就唔夠飽。…查看更多

祟尚健康的我一向愛食魚同烏冬，今次見到呢度sell 魚湯底當然要一試。睇睇餐牌，除了魚湯烏冬仲有魚湯飯可選，若選湯飯會有埋一個明火爐頭跟住碗湯飯。正值夏天都見不了人選湯飯，但由於此行為烏冬而來，所以選了鯛魚片魚湯烏冬及象拔蚌魚湯烏冬。湯底真係散發濃郁魚味，非常鮮甜，與傳統日式烏冬湯有很大分別。由於湯底用魚制成，所以不會像日式烏冬湯咁肥膩，烏冬麵係扁烏冬，煮得煙韌，份量剛好。真心喜歡個魚湯，健康又美味。而且烏冬價格在$70-80/碗，價格合理。…查看更多

颱風迫近，落大雨，午膳時間人人都走去信德食，等咗35分鐘，終於有得入座。呢度選擇都幾多，午市餐有11個選擇，再加2個特餐，價錢在$50-60左右，連飲品，係中上環來講，呢個價錢算是經濟。叫咗食物後，10分鐘已上菜，終於有得食喇，店員同廚房嘅手腳都好快。叫咗香茅豬扒飯，呢度用咗日本蛋，所以蛋味較香，平時怕膽固醇高嘅我都忍唔住全隻食哂。豬扒份量都幾多，佔全個飯一半，真係落足料，味道亦唔差，厚薄適中，但可能個大比較鍾意食軟飯，而呢度嘅飯則較硬 。檸茶呢度都有4片檸檬🍋，相比其他中上環食肆，呢間餐廳真係用料足，值得推介。…查看更多

朋友一向對和民嘅壽善燒同玉子燒情有獨鍾，為每次嘅必點菜式。今次亦不例外，再加沙律及壽司。食物好快就到，玉子燒明顯細份咗，碟壽司竟然全是爛飯做嘅，明顯落得太多水所致，完全冇日本珍珠米飽滿、軟綿嘅口感，連爭鮮外賣嘅水平都不如一向食開壽喜燒大份量係跟兩隻蛋，如加烏冬會再多一隻蛋，以上嘅份量都分別顯示喺餐牌嘅相片同標注度。但今次叫大份加烏冬，店員只上咗兩隻俾我地，我地翻睇餐牌，見相片同標注都同我地以前食嘅一樣，落單時店員又冇購份量同餐牌上唔同，就決定問店員。個店員一直只講大份量都係跟一隻蛋，我地再三表示係其他分店都係跟兩隻，而且圖片都顯示係兩隻，店員都一直解釋唔到。最後再揾另一店員問，佢先解釋大份量嘅蛋數目每個分店都唔同。但問題係點解餐牌冇寫，落單時又冇講，咁樣係咪違返商品說明條例呢？唔明點解咁大間連鎖食肆，餐牌都寫成咁，個壽喜燒明明應該係甜嘅，又變咗咸，真係完全接受唔到。 今次唔俾差評真係對唔住自己同其他潛在食客。…查看更多

月頭有 budget 所以今晚唔再食平啲，而食好啲。呢間嘢選擇都幾多，有韓式蛋餅、炒飯、芝士燒、年糕、甜品等。舖面設計清新、簡約，給人舒適耐看嘅感覺。通道夠大、餐枱之間距離足充，所以就算傾計大聲了點都唔會嘈親鄰枱。講返食物，呢度係食fusion 嘢，西式混韓式食品，與school food 風格相似，食咗3款食品，包括三文魚泡泡飯（即係梳乎厘加韓式三文魚炒飯）、忌廉雲吞年糕同豬肉芝士燒。每道食物擺盤都不錯，普遍份量偏細。泡泡飯：貪得意叫唻試，炒飯係做得幾好，幾乾身又多三文魚，韓式辣醬同個炒飯好夾，但層蛋白梳乎厘就太漏。不過冇諗過梳乎厘呢類甜品都可以整成咸食。忌廉雲呑年糕：味道幾多，忌廉配菠菜永無失手，其中食到好香蒜味，但份量真係好細，一碟得7-8塊年糕、3粒雲呑都幾條菜仔，叫價$72加一，真係有點貴。呢度係唔錯嘅傾計餐廳，設計又清新，食物擺盤不錯，好啱𠱓 like .…查看更多

作為蕃茄嘅忠實粉絲，點可以唔唻呢度試味。好彩今日早唻，等咗10分鐘就有枱。但正值午市時段，所以餐廳坐無虛席。狹窄嘅坐位，加上炎熱嘅天氣同人潮，坐得不太舒服，但無計要食平民美食就係咁。叫坐兩個例牌午餐。蕃茄湯底真的一絕。湯底茄味濃郁，還有大量蕃茄蓉配上通粉味道一流。配菜叉燒及牛肉份量都不少，大約有8-10片，以$42一份午餐來講，算是抵食。牛乳炒蛋都算滑，但奶味不夠，由於它並非主菜，所以請大家大不要抱期望。另外，跟餐嘅蒜茸牛油豬值得一稱，烘得剛好，上枱時又脆又熱，蒜茸味濃。建議大家先食呢個豬仔包，因為凍咗就唔脆。…查看更多

星期五晚去銅記食晚飯，為免要經歷無了期嘅等候，所以揾啲可以預先訂枱嘅餐廳。咁就揀咗呢度。服務：可能因為新開關係，有待應一直在門外向途人介紹餐廳特式。莆坐下，就有2個店員上前一為我們3人斟水，送上餐牌。用餐時，店員不時查看我地是否需要協助，會主動收拾及清理枱上嘅物品，又會不時加水。雖然正值晚市黃金時間，都不會催趕食客用餐，好適合想傾計嘅人來。真心覺得服務不錯。食物： 叫咗菜苗、菠蘿炒飯、豬肉湯粉絲、泰式烏頭。其中菠蘿炒飯最獲大家青睞，咖喱味夠濃，菠蘿新鮮，配料又足，價錢合理，值得一試。豬肉湯粉絲本屬味道較清淡嘅菜式，味道中規中矩。泰式烏頭雖然（$168）價格好似貴咗啲，但都幾大條，夠3-4人食，所以都抵食。環境：餐廳闊落，座位好舒適，乾淨，不時有店員主動上前清理枱面。由於冇用餐時限，店員又唔會催人走，座位又舒適，呢度幾適合朋友吹水傾計。…查看更多