Raymond LeeHK的個人專頁

整體體驗都幾好。首先，味道方面，佢哋的串燒真的同日本的味道冇乜分別，令人感受到正宗的日本風味，價格方面亦相對抵食，性價比高。不過，唯一要批評的係味道有啲單薄。雖然食材新鮮，但如果能夠提供更多調味料讓客人自己加，就會更加吸引。現在餐廳只提供最便宜的七味粉和胡椒，這樣的選擇實在有點不足，調味的層次感亦欠缺。如果所有串燒都能夠提供多一種選擇，例如辣味，或者其他風味調味料，相信會令顧客更加滿意。總的來講，「鳥貴族」是一個不錯的選擇，值得一試，但仍然有進步的空間。希望未來能夠改善調味的選擇，讓食客有更多的體驗。…查看更多

湊湊火鍋價錢貴以為服務食物質素都會比較好, 卻讓人大失所望。 星期六晚上只有6點至8點兩個小時的營業時間,實在太短促,難以好好享受用餐。海鮮拼盤的蝦並非新鮮活蝦,而是已經死去變質的"梅"蝦;聖子我們煮了只是一分鐘卻口感如橡膠, 無法下嚥。雖然經過投訴後,店方換了幾隻新鮮的蝦,但聖子卻依舊沒有更換,只提供一杯免費飲料作補償。牛肉雖然不柴硬,但卻缺乏應有的牛肉香味;湯底也沒有什麼特色,味道也很寡淡,卻要收取高達兩三百港幣的價格,實在不太合理。供應的響鈴也只是普通包裝貨色,缺乏特色。醬料選擇看似很多但是無論加入多少味道卻是欠奉。另外,用餐過程中經常找不到服務員,需要自己主動尋求幫助。服務員的專業度和服務態度也有待提升,多數似乎只是臨時工作,反應遲緩,態度也不太熱情周到。總的來說,湊湊火鍋的價格高昂,但實際的服務和食物質素卻未能滿足期望,讓人很失望。希望店方能夠在各方面作出改善,提升用餐體驗。…查看更多

一路以黎食嘉寶都覺得好好味，每次去食都覺得非常滿足，直到近黎兩次去嘉寶都遇到一個口無遮攔的清潔阿嬸，第一次有問題的時候係當我食緊嘢果陣，個阿嬸一聲都冇出就用手續個我的食品包裝拎起，睇下有冇食完，然後從餐盤中拎開我的飲料，準備收走餐盤，然後我見形色不對，立刻叫阿嬸我仲食緊，唔好收我嘅餐盤，然而佢沒有理會，更回答出面冇餐盤，我要收。然後就抽走了我的餐盤。先唔講我可能仲有薯條或者其他食物喺包裝入面，宜家正直肺炎危機，咁樣徒手去觸摸客人嘅食物已經非常有問題，仲要佢基本上都喺垃圾桶附近觸碰全部客人食剩嘅食物餐具。可想而知如果真係有人有肺炎，後果會有幾恐怖。第二次去又見呢個阿嬸，今次食飯唔小心整跌一張紙巾在地下，她竟然走過黎說「你地下張紙巾自己執返！」我知香港d服務不嬲係差，但係我從來都未被要求要清理餐廳地下，而且語氣很差，我唔知到嘉寶嘅管理層知唔知佢地嘅員工係咁，但係如果繼續養住d咁嘅員工就真係等於自己趕客。…查看更多

之前喺openrice search過一次見到幾多哈哈笑就冇book咁踩上黎 點知lunch時間佢話要book先得咁就冇食到今次預早兩日book左今日食lunch 唸住要book咁巴閉嘅餐廳應該好食過正常小小呱入到餐廳見到餐牌d慘都偏貴 差唔多全部都成百蚊 仲要收加一咁我同我朋友就嗌咗個南蠻炸雞用咖哩炸豬扒定食一上到 見到d飯又乾又硬 已經感覺中伏 應該唔係日本米 去食吉野家都冇咁差個咖哩豬扒嘅咖哩竟然係淋喺豬扒上面 令到d豬扒唔脆 d豬扒食落口偏硬同鞋，冇肉汁，炸粉厚 唔係日式炸粉 有d似kfc上面果仲炸粉 仲有種說不出的酒味咁嘅質素賣$88+10% 真係不如食難食嘅茶餐廳南蠻雞$108+10% 普普通通 但係d飯都係唔得 賣成120 就真係離譜之前喺openrice search過一次見到幾多哈哈笑就冇book咁踩上黎 點知lunch時間佢話要book先得咁就冇食到今次預早兩日book左今日食lunch 唸住要book咁巴閉嘅餐廳應該好食過正常小小呱入到餐廳見到餐牌d慘都偏貴 差唔多全部都成百蚊 仲要收加一咁我同我朋友就嗌咗個南蠻炸雞用咖哩炸豬扒定食一上到 見到d飯又乾又硬 已經感覺中伏…查看更多

話說有位朋友他覺得這裡的醬油蟹很好味，我們便去呢間醬缸韓國料理餐廳店度試下，去到門口覺得好似好出名咁，有不少有名人的合照，我就更加期待。由於當天唔係很肚餓，便只叫了一碗友人推薦的大醬湯和叫了一個燒五花肉黎食。首先上左碗大醬湯，我覺得所謂大醬湯其實姐係味增湯，冇乜特別但$70左右的價錢就有d不值得。之後上左份五花肉，由於係店家燒嘅，所以出黎就直接食得，食嘅韓國五花肉都知要包生菜架啦，咁就叫一份生菜，點知唔係免費不突止，仲要收$38。咁可能佢係用d好靚嘅生菜呢，懷住咁樣嘅心情我地終於等到籃生菜，生菜只有6片左右，偏少。但係最誇張的是食到第二塊發覺有d類似濕左嘅紫菜，果陣冇為意，之後果塊明顯比人折斷過黎，第四塊仲有d大豆醬喺上面，睇黎呢d菜都係人地食剩的，同服務員講佢只係快快手手同你換過碟，冇任何說明與賠罪，依家d餐廳嘅食物衛生實在令人堪憂。…查看更多

依家d茶餐廳咁狼死，食lunch跟餐已經都有嘢飲但係呢間都係會收你茶錢，要HKD$4，仲要收加一，令到本身五十幾蚊嘅餐埋單要成HKD$70。簡直係搶錢。如果間間餐廳都咁樣收茶錢咁仲得了？ 仲要茶錢只係寫左喺主餐牌，午餐餐牌冇寫，門面都冇寫，真係好差一開始話唔要茶，點知佢都係強硬地喺我地面前斟茶，同我地講冇得唔要茶，又話酒樓都係要收茶錢大佬你都識講酒樓，你呢度頂隆都只係算茶餐廳，職員九折原來又仲要只可以叫正價，午餐唔算正價所以都冇折。好呃錢真係…查看更多

事源中午經過奧海城小王牛肉麵嗌左個牛腩麵同檸檬愛玉 個牛腩麵一如既往地冇乜問題唔係寧捨好食亦都唔係難食等左一段時間之後個檸檬愛玉終於到來飲落有d似蜂蜜檸檬綠茶 唔算好飲但係個檸檬愛玉飲左大半杯都冇飲到愛玉咁我就拎起個杯喺燈光下透視下 都係唔覺得有 咁我就叫經理黎詢問下點解唔見有愛玉 佢入廚房拎隻長勺出黎放入杯中即刻撈出一舊愛玉 但係當我嘗試把液體飲到最後睇下究竟有幾多愛玉 發覺之後一至兩舊 愛玉唔係好貴姐嘛 洗唔洗咁孤寒 …查看更多

喺呢頭返工，都知道呢間麻麻地，但依然又上左黎，但係今日嘅experience應該係最差嘅。首先本身嗌麻辣豬排撈麵，冇麻辣就咁攞d辣醬黎，仲要我地兩個人先比一碟仔辣醬，想要再問waiter要多一碟又個個都唔得閒，又唔應人。都算，本身嗌嘢食想順便嗌埋嘢飲，但係被waiter三番四次推左，到最後嗌左四次左右終於黎幫我地落嘢飲，我地有兩個唔想飲跟餐唔洗加錢嘅豆漿，想要加錢飲檸茶，但waiter嫌麻煩逼佢地飲跟餐飲料，仲話幫佢地慳左$6。我個麻辣撈麵食到後面仲有疑似包裝膠紙嘅嘢，唔免單都算話送兩隻雞翼比我就算，仲要講到我好似好好彩咁。都算，之後黎左兩隻雞翼，但卻冷冰冰，問waiter佢就話放喺d麵度米暖d囉。。。香港d服務態度出名差，但都唸唔到可以差成咁，以後都唔會去架啦。…查看更多

入到去見到個咩住bb嘅日本人waiter，一開始唔知拉麵DX係咩，用日語問個waiter之後waiter細心咁解說比我聽， 之後陸續都有人入嚟， 雖然只有6-7個位，但係都唔會太逼，waiter亦都識講同聽廣東話，雖然只是會點菜。不久拉麵就黎喇， 係札幌果邊果d拉麵，唔係直既，可能有人會覺得無豚皇同一風堂果d好食，但係我就好鍾意，至於豬骨湯底鮮甜入味，好正。而且其實也不貴，最平$50有交易， 飲料雖然只有可樂芬達同青汁（蔬菜汁）但係$8都ok，總括黎講呢間野係上水石湖墟領到呢間餐廳覺得更加地道，好似入左日本d小鎮嘅巷仔嘅鋪頭咁，想食d唔同d嘅野又唔想出九龍黎呢度就係一個幾好嘅選擇喇～…查看更多