Anastasiac的個人專頁

近期刺身丼盛行，但要搵一間性價比高質既就唔易！友人介紹我地銅鑼灣-玄鮨，果然無令人失望，晏就食完夜晚想食多次！一出lift已經係用餐地方，環境雅致高尚，待應熱情招待！lunch menu有十幾款，由於主要英文日文，待應都好細心解說同推薦菜式。食主角前有冷醃魚作前菜，酸酸甜甜好開胃，之後仲有蜆肉日式蒸蛋配菜 蜆肉多蛋味濃！之後就到主角，分別叫左三色丼，海鮮丼三色丼分別係呑拿魚蓉 海膽 三文魚子，分量好足！海膽有成半板而且好鮮甜！另外仲有加配udon or soba，叫左個冷食soba，清涼口感去膩！想食唔同既新鮮食材，可以叫依個店員都推薦既特上海鮮丼！牡丹蝦 海膽 三文魚子 池魚 拖羅 帶子絕對豐盛 肉實鮮甜彈牙！肉鬆伴珍珠米都係驚喜，第一次食丼有依個配搭，再多少少飯就超滿足！最後仲有餐飲或甜品選擇，豐富既一餐要用甜品作結！甜品會定期轉，今次甜品係雪糕夾餅，食埋就真係岩岩好！總括高質推介，一開始望個價嚇親，但有齊前菜 配菜 甜品，比起其淨食刺身丼性價比高好多，所以絕對物超所值！下次黎要試埋和牛！…查看更多

今日放工，行過利東街，上到黎呢間叫曉宇嘅麻辣火鍋。一入去，已經覺得佢嘅裝修好有誠意，優雅而古典，木製裝潢有中古文化味道，環境又寬敞，店員仲十分有禮貌，一坐低即刻為我地送上酸梅汁同埋糖水。我們選了鴛鴦鍋，大骨滋潤鍋配上麻辣（普通辣），店員話如果唔係好食得辣，普通辣已經好夠！火鍋好快就到，超香，仲有好濃嘅豬骨湯味，超入味，絕對唔係味精湯，另一面，有好多辣辣嘅麻辣鍋，好惹味，好過癮！另外，佢地都提供左地道嘅麻油配蒜加豉油，麻辣鍋必須有！我地叫左好多唔同嘅配料。首先當然有滑牛肉同牛粒，滑牛肉超好味，超嫩滑，而牛粒都好有牛味。各種菜類好新鮮，但同時好索汁，所以吸哂d麻辣汁會超辣，大家小心！！另外，手打墨魚滑都好新鮮，好彈牙！最後，佢嘅手工麵值得一試，自家制，爽口彈牙!…查看更多

早兩日，係九龍公園游完水，勁肚餓，就去左呢間瀛鮮放題食。一入到去，環境都好大，重點係有好多野食，有日式，泰式，韓燒食物，熟食又多，又可以自己燒，仲有魚生、壽司，包岩你心水！首先，魚生都幾新鮮，連最難保鮮嘅希靈魚都好新鮮！絕對抵食。創作壽司都好好味，花之戀值得試試。熟食黎講，呢個椒鹽豆腐，樣貌吸引，外脆內軟，超正！跟住有個蛋白蝦肉炒飯，粒粒分明，相當有火候，絕對唔係hea貨！韓燒，我最推介呢個燒牛肋肉，厚薄岩岩好，有牛味，超juicy!最後，當然要講下呢到嘅醬汁，超多選擇，淨係泰式醬料都4、5種！呢一晚，我同朋友都滿載而歸，食得超飽！…查看更多

近來天氣都唔多好，又濕又焗，所以想搵啲清爽又惹味嘅嘢食下，越南野就係唔錯嘅選擇。已經唔係第一次食，但仍然覺得唔悶呢！我哋叫咗一個椰青，一碗手撕雞扎肉湯粉，一碗生牛肉湯粉，一碟椒絲炒通菜，同埋一碟辣椒膏炒大蜆。椰青 $42一打開個蓋啲椰青水多到想瀉出嚟咁，飲落鮮甜無比，而且夠新鮮，用匙羹就好容易刮椰肉岀嚟。手撕雞扎肉湯粉 $68手撕雞同扎肉嘅份量唔會好多，但係夠食哂成碗湯粉。湯底清淡，但係唔會冇味道，感覺唔會好重味精。生牛肉湯粉 $68湯嘅溫度足以令生牛肉變熟，而且牛肉切得薄薄地，浸湯就啱晒啦。蒜蓉炒通菜 $62食餐泰國越南野都好鍾意食通菜，覺得佢係容易掛到汁同味。蒜蓉炒過之後，變得比較淋，鍾意食蒜嘅我哋會成粒食。啖啖通菜都有好重嘅蒜蓉味，正！辣椒膏炒大蜆 $153全餐飯覺得最好食嘅就係辣椒膏炒大蜆啦！辣椒膏非常惹味，用嘅材料有青椒、洋蔥、百里香、辣椒，蔥等等，大蜆新鮮無沙，仲要真係大大隻，大大推介！…查看更多

Curry Beef Rice Bowl爆汁肥牛丼$48 (加咖哩汁$4)以為只係普通嘅飯盒，原來有驚喜！肥牛份量好多，男仔都絕對夠食。個人認為必須加咖喱汁，因為佢仲會有薯仔蘿蔔等等嘅配料，而且咖喱汁唔會死鹹或死甜，正！with Miso Soup附味噌湯材料有豆腐海帶等等，味噌香濃又唔會過鹹。Sencha Tea煎茶建議等起碼10分鐘後開始飲，味道幾香濃，有別於一般提供綠茶嘅日本鋪頭，煎茶好特別。Scallop with Black Truffle黑松露帶子腐皮壽司 $22嚟呢間鋪頭主要係想試吓佢啲特色壽司，黑松露帶子配搭幾特別，帶子超大隻，亦鮮甜，超抵食。Unagi with Sliced Tamagoyaki鰻魚玉子燒絲腐皮壽司 $20鰻魚香滑，加上玉子燒絲口感特別，鰻魚嘅汁好惹味！Mentaiko Salmon明太子三文魚腐皮壽司 $20明太子一向有獨特嘅味道，配上經常食到嘅三文魚，別有一番風味！Minced Tuna with Spring Onion蔥吞拿拖羅蓉腐皮壽司 $22吞拿拖羅食得出好新鮮，而且份量好多，好抵食。Saikyo Salmon Onigiri西京燒三文魚飯團 $17由於我哋都比較肚餓，所以再叫咗兩個飯團。三文魚有醃過，所以即使冇醬汁都唔會覺得冇味道。Minced Tuna with Spring Onion吞拿魚拖羅蓉飯團 $20呢個飯團算係小小失準，因為比較乾，但係味道依然好味，如果有返少少特別醬汁咁就Perfect了！…查看更多

尖沙咀有好多酒吧同餐廳，酒吧嘅座位一般唔會好舒適，而且由於我哋都唔食煙，所以選擇咗一間雲集酒吧嘅街道中嘅餐廳，環境舒適好多，適合傾計。Risotto with Pan-seared Scallop in Black Truffle Gravy香煎刺身帶子配黑松露燒汁意大利飯 $168由於我哋只係叫咗一個set所以加多一個主菜，刺身帶子嘅好處就係唔使煎到全熟都可以食，口感更加特別。帶子大大隻，口感十足。另一賣點就係意大利飯嘅醬汁，除咗有黑松露嘅味道，仲有加入燒汁，所以味道更加濃郁，層次更加豐富，推介！Set Dinner $348 (including all below):Soup of the day 餐湯 - 雜菜湯雜菜湯飲得出幾足料，食到唔同嘅配菜，味道濃郁。Parma Ham Melon Salad with Italian Dressing巴馬火腿伴密瓜沙律配意式油醋汁巴馬火腿同蜜瓜係用竹籤穿埋一齊，食嘅時候就可以直接擺晒落口。巴馬火腿味道香濃，加上蜜瓜中和一下，雖然蜜瓜無好甜，但味道幾balanced。沙律菜新鮮，食落唔老，加上油醋汁，唔會好乾。Baked Boston Lobster and Grilled Beef Tenderloin with Gravy波士頓龍蝦拼牛柳主菜上枱，望落非常豐富，波士頓龍蝦有半隻，牛柳都幾大件，旁邊仲有一啲都唔hea嘅蔬菜。波士頓龍蝦上面沈左芝士嚟焗，食落彈牙新鮮！而牛柳就係剛好嘅五成熟，調味已夠，如果唔夠餐廳仲有附上醬汁架！Cheesecake芝士餅最後嘅甜品係芝士餅，望落普普通通咁，但係食落幾重芝士味，而且唔會太實。我哋做每人叫咗一杯嘢飲，一杯係Apple味嘅Mocktail，略嫌有點甜，適合比較鍾意飲甜味重嘅朋友，但係蘋果味好出。另一杯係Tropical系列嘅Mocktail，呢杯比較清新，裏面嘅成份有橙汁，菠蘿汁等等，感覺非常解膩。整體而言餐廳嘅食物質素高，而且環境舒服，服務又貼心，主廚亦非常好禮貌，絕對會再去！…查看更多

放工後同朋友聚會都想搵個舒服嘅地方，網上搜尋下見到呢間法式餐廳，環境好似幾舒適，於是趁時間尚早就直接上門。Lobster Bisque龍蝦湯 $88每人叫咗一個龍蝦湯，湯嘅份量唔會好多，因為非常濃郁。相信餐廳用咗龍蝦殼打碎嚟做呢個湯先至可以令到味道咁濃郁，質地幼滑，味道豐富，高水準之作。Baked Snails with Garlic & Herbs in French Style法式焗蝸牛 $98平時喺香港好少食到法式焗蝸牛，但見到呢間餐廳有提供，於是就叫嚟試吓。蝸牛本身熟嘅程度剛好，配上香濃嘅香草醬，非常配合。個人特別鍾意佢殼下面嘅牛油味薯蓉，味道極致。Slow Cooked Wagyu Beef Cheek in Red Wine 慢火煮紅酒和牛面肉 $248主菜我哋選咗紅酒煮嘅和牛，菜上嘅時候，急不及待先試一塊和牛，輕鬆地用叉已經可以夾得開肉，可見和牛煮得非常淋。而醬汁方面偏酸，怕酸嘅朋友可能會唔太喜歡，但我哋就覺得味道好特別，有各種層次！Spaghetti with Wild Mushrooms and Black Truffle Paste黑松露醬野菌意粉 $138全餐飯個人最鍾意嘅菜式，黑松露醬加上野菌，係好普遍嘅組合，但係餐廳處理得非常好。首先黑松露醬濃郁，意粉偏硬，係我最鍾意食嘅質感，咬落非常彈牙，加上香濃嘅橄欖油，絕對係高質之作。Chocolate Fondant & Vanilla Ice-cream朱古力心太軟配雲呢拿雪糕 $78心太軟切開咗之後有朱古力漿流出，朱古力醬嘅份量剛好，加上雲呢拿雪糕，一凍一熱，溫度嘅相差觸及味蕾，正！…查看更多

位於旺角嘅Stanford酒店，香港人就應該好少會有機會住啦，但係裏面有一間餐廳就必須去試吓！點解？因為CP值非常高呀！屋企嘅退休人士成日去搵好嘢食，搵到呢間酒店嘅自助晚餐，於是我同另一半今日就去左試吓。八月嘅主題係繽紛海鮮自助晚餐，場內有好多唔同種類嘅海鮮選擇。包括來自美國同埋法國嘅生蠔，松葉蟹，藍青口，大蝦，大蜆，同多種類嘅日本刺身。其他嘅熟食，中式，西式，日式等等都包羅萬有。另外酒店亦會每人送一客蟹肉銀絲蒸帆立貝，雖然size唔係好大，但係味道夠晒！甜品方面更係另一驚喜，種類非常多，除咗有唔同嘅蛋糕同餅之外，仲有即場整可以自選材料嘅pancake，朱古力噴泉，生果等等。主要介紹我食過最好嘅幾款菜啦。第一位必定係松葉蟹！雖然佢唔算超大隻，但係每晚一出嚟都比大家秒速清晒就知道有幾高質。蟹鮮味十足，而且食得出海水嘅鹹味，而且肉質鮮嫩，啖啖都係海水嘅味道，再加上蟹本來嘅甜味，人間享受。第二位係美國生蠔，雖然佢嘅size比法國生蠔細，但係味道有過之而無不及，同蟹一樣，係淡淡海水味，而且食落口鮮甜滑嫩無比。第三位係即切嘅燒牛肉，可以見豆板上有好大舊牛，廚師會幫你切需要嘅大細，然後可以加上燒汁或者黑椒汁，個人覺得呢舊牛係食牛嘅味道多過食油脂分布，所以鍾意食重牛味嘅朋友可以試下！埋單每人都係$300多，淨係食生蠔同松葉蟹都返本啦！真係唔錯嘅選擇大家一定要去試吓！…查看更多

With a sunny day, we decided to get something spicy and nice. As proposed by my friends, we decided to get skewers in Central near Lan Kwan Fong.There provided a wide range of selection. We ordered pork, beef, chicken, squids, fish cake and white eels as meat. Besides, we wanted some freshness and that’s why we also ordered some veggie including asparagus, corn and pineapples. Out of my expectations, we were served along with 6 different sauces including some curry and chilli sauce. They were all in Thai style. It was so amazing to have different yummy sauces to go with skewers. For the skewers, they were all seasoned well. I particularly love the squids as they were chewy but not overcooked. For pineapples, they were such giant pieces and juicy and sweet as heaven! You won’t be disappointed I bet!For drinks, we tried iced milk tea and iced lime soda. They all had a nice flavour and they were not bland. Nice!…查看更多

今日係一個特別既日子，所以我地搵左間高級日本料理 - omakase食！首先黎既係前菜，第一款係炸番薯片，食得岀新鮮，唔會有過份調味，即使係室溫，都不失水準。另一前菜有日本嘅南瓜、腐皮、豆腐，各具特色，口感特別，配上特製醬汁，誠意十足！特別係豆腐，豆味重到不行！跟住，當然唔少得刺身啦！魚好新鮮，配上特製酸汁，非常惹味！鮮味海膽配拖羅，簡直就係完美！燒物有一份超大份量既西京燒銀鱈魚，好入味，口感順滑，絕對水準以上！黎到精彩既壽司拼盆，包括有牡丹蝦、石垣貝、熟成五日嘅拖羅、帆立貝、左口魚邊，牡丹蝦非常大隻，帆立貝亦係大隻到一啖食唔哂，全部都十分好味同特別，餐廳壽司嘅選擇係平時比較一難遇到嘅！之後黎左一份玉子，聽店員介紹，係用左海鮮高湯整的，所以有點甜亦有點咸。食落口感特別，軟綿香滑，味道亦幾驚喜。下一味係蜆肉麵豉湯，用料豐富，味道簡而鮮。最後嘅甜品有來自日本嘅水果，山梨縣水蜜桃，好甜，好多汁，完美！整體除左食材高級之外，餐廳嘅服務亦十分貼心，定時換毛巾，加熱茶，亦附上濕紙巾俾我地準備食壽司。另外，店員好貼心話俾我地知download餐廳嘅app有95折，所以大家去嘅話記得download啦！…查看更多

天時暑熱，緊係搵間餐廳避下暑食下野！黎到旺角銀行中心裏面嘅le viet，有越南野食，正！首先，緊係整個椰青嘆下!好鮮甜，解暑！海南雞飯，油飯油而不膩，雞嫩而不肥，正呀！跟住熱辣辣、香噴噴既咖哩軟殼蟹簡直令我精神抖擻！咖哩汁超開胃，脆卜卜軟殼蟹沾上醬汁，好幸福啊⋯⋯蒜蓉炒椰菜苗，好好味好香蒜味，椰菜又新鮮，煮得剛好，幾爽口！牛油雞翼配上超濃蒜汁，仲有一粒粒蒜蓉，如果你同我一樣都係蒜蓉愛好者，絕對不容錯過！…查看更多

尖沙咀嘅厚福街大家一定聽過，因為雲集左好多好野食啊！今晚經過見到有間新嘅立喰寿司🍣，決定一試！加州卷$48，雖然件數唔多，只有三件，但每件都好足料，材料份量足，我一啖係食唔哂的😂。咬落味道豐富，蟹子多到喺口入面不停爆開，口感無得頂！北海丼$188，非常值得叫嘅丼！食材有三文魚，牡丹蝦，帶子，蟹肉，北海道海膽同三文魚籽。好難得所有材料都無可挑剔，全部都好新鮮，牡丹蝦鮮甜無比，北海道海膽入口即溶，亦十分鮮甜，毫無苦味。最難忘嘅係三文魚籽，喺口中爆發岀鮮味，粒粒飽滿，正！蟹肉蟹膏壽司$30，紫菜好脆，加上味道濃郁嘅蟹肉蟹膏，十分配合！火炙三文魚腩$20，火炙過後，多了一分香氣，三文魚腩入口即溶，多重口感。吞拿魚$20，顏色好靚，食落亦好新鮮，推介！腐皮壽司$9，雖然算係最basic嘅壽司，但腐皮亦食得岀新鮮同調味適宜，不錯呢！值得一提係翔壽司嘅所有壽司飯都經過調味，顏色同一般壽司唔同，個人覺得岩岩好，唔需要點醬油呢！…查看更多

On the last day of the Book Fair, we finally paid it a visit. Leaving in Wan Chai, we decided to find a fine restaurant to sit as we were super exhausted after the fair. Searching online and we decided to try the restaurant named hEat. As we entered, we knew that it wasn’t a normal restaurant.There were two gigantic boxes displaying the beef being dried. That’s why we have ordered the strip loin dry aged for 30 days as one of our main courses. Each one of us ordered the 4-course set.Oyster (2 pics), sweet and it melts in my mouth!Truffle Porcini Toast, the toast was crunchy, in contrast, the truffle porcini was cool and creamy. Flavour bursted in our mouth. Great appetiser!King Crab Legs were one of the best parts in the entire meal. It was grilled under fire but it retained its freshness and the mild flavour of sea salt.Seasonal Clams were cooked in a cream sauce. It was not the normal clam that we can see in the market and the clams were cooked perfectly.Guinea Han was seared perfectly too. The chicken broth underneath was clear and had a natural sweetness.CAB Striploin dry aged for 30 days. It had a unique flavour and was cooked as medium rare. The sautéed vegetables and mushrooms in Chinese way were greatly seasoned.White Chocolate Panna Cotta. Another one of the best elements in the meal. The blueberry jam added a contrast and sour flavour to strive a great balance. Chocolate Tiramisu was kinda sweet for people without a sweet tooth. However, the cream was smooth that melted in our mouth.Another surprise was the tailor-made mocktail for us. We could delivered a certain flavour and the bartender would make it for you!…查看更多

食完飯唔夠候總係想食啲甜品，飲下野，一行三人決定去呢間環境舒服嘅二少甜品坐低傾下計。叫左一個芒果涼粉，一杯熱玫瑰蜂蜜花茶同一杯凍紅棗桂圓茶。芒果涼粉$38，可以加花奶同黑糖，餐廳另外用兜仔上，可以按個人喜好加唔同嘅份量，幾貼心。芒果有別於普通街市嘅芒果，係最特別嘅呂宋芒，而且涼粉切得切細粒，啱晒女仔食。熱玫瑰蜂蜜花茶$25，估唔到玫瑰味幾出，蜂蜜嘅份量唔會太多所以唔會勁甜，好香。凍紅棗桂圓茶$27，望落好似好淡咁，但係飲落一啲都唔普通，紅棗同桂圓嘅味道都好出，亦都唔會好甜，啱啱好，推介俾女仔飲。…查看更多

觀塘工廈成日都收收埋埋好多好野食，但唔係去開真係唔識搵，好彩鴻圖中心集合左好多餐廳，唔怕搵唔到。我地唔係太餓，所以叫左一個熱帶之堡，肉汁芝士薯條，泰檸雞槌，同一杯士多啤梨冰茶，一杯蜜桃冰茶。熱帶之堡$67，每層layer清楚，有蕃茄，菠蘿，煙肉，生菜，肉等，又厚又足料，全部夾埋一齊食味道又夾又豐富，菠蘿🍍嘅清新令你覺得係食緊‘熱帶之堡’呢！肉汁芝士薯條$32，見到枱枱都有叫，所以我地都叫左。拉絲芝士非常多，加上肉汁，更惹味！泰檸雞槌$40/3，雞槌面頭有醬汁，少少辣但清新，但雞槌嘅肉比較少。士多啤梨冰茶$28，蜜桃冰茶$28，有點甜，但飲到茶味嘅！…查看更多