foodluckeveryday的个人专页

位於近佐敦嘅油麻地，Cafe相對比較分散，除咗有好多人排隊嘅小清新「不籽是咖啡」，有另一間喺附近嘅裝潢都好簡約、型格，就係以黑白同水泥顏色為設計嘅cascara。位於油麻地球場後面一條小巷，平日定假日，都唔多人排隊，低調嘅格局顯得特別吸引。環境唔算好大，大概得兩個4人枱左右，其他主要都係bar 枱位，同少量戶外座位。鮮茄汁肉丸意粉 $88鮮鮮汁滿滿的，肉丸都煮得啱啱好，意粉都煮得好，唔係驚喜款式，但可謂合格以上的選擇，亦是開胃之選。溫泉蛋卡邦尼意粉 $98溫泉蛋好靚，醬汁調得好，畀得足，啖啖意粉都可以沾到，煙肉都十分香口，而且係偏方柱形～比平時扁肩嘅煙肉更有「肉感」。…查看更多

「迆」——其實係讀hea😛，以香港人最享往嘅生活態度為名，不過我都係上網睇先識讀😳呢間位於深水埗南楓樓嘅「迆」雪糕專門店，主打出品純素雪糕，好多都係熟悉嘅口味﹗🥰例如有檸茶味、話梅味，仲有我好鍾意嘅芝麻味⭐⭐﹗呢度裝修簡約清新，加埋大玻璃窗，店內都好光猛，位置都好多，作為啱啱喺深水埗呢個充滿本土小店、Coffee Shop嘅地方行完，天氣又有啲熱，食杯雪糕真係勁清涼﹗芝麻豆腐我自己鍾意味道清新柔和啲嘅口味，揀咗「芝麻豆腐」，味道係比想像中更好味😋仲好大杯，芝麻味香濃配搭豆腐超滑﹗菠蘿咸檸七而另一款就揀咗「菠蘿咸檸七」，口味酸酸甜甜☺️，就比較鍾意口味較突出，清爽、開胃嘅你，食落一開頭酸啲，去到好尾開始甜返，夏天熱辣辣食呢款好醒神🥳﹗兩款口味都出乎意料地好好味✨✨﹗又而份量都滿意，而雪糕筒都脆卜卜﹗…查看更多

呢間良心小店想試好耐，由一開始見佢開，覺得價錢比較貴可能少啲機會食，後來知道係黃店仲有yellowopenrice杜生推介，都會覺得終需一試咁。趁今年生日就帶屋企人試咗～—環境一共兩層嘅居酒屋格局，𥚃面嘅燈光調得較暗啲，想像唔到嘅係外面睇落好低調，有人靜靜咁排隊，但係一入𥚃面上樓發覺𥚃面嘅氛圍都幾好，每枱都好開心咁，整體比想像中更熱鬧，但又唔係好嘈嗰種。鮮蟹粥 $168 up （7/10)平時好少可以見鮮蟹粥，所以都好想試。賣相唔錯，份量同價錢都合理，蟹粥明顯有絲絲蟹肉，味道鮮甜，不過未好驚艷～ 7/10分啦～醬油吞拿魚生丼 $198 （8/10)呢個吞拿魚生超滑又有少少調味，撈飯都好正，而且都幾鮮～加埋蛋汁撈壽司飯，滑嘟嘟咁，整體唔錯都覺得值得叫～蓬鬆玉子 $98 （6.5/10)味道係不錯，蛋做得好滑，加埋啲醬係幾好食，但 $98 個人都覺得係偏貴的～網燒西冷牛扒丼 $109（8/10)牛味幾濃郁，價錢平之餘牛又燒得幾好，反而呢個有啲驚喜在性價比都算高（因為午餐限定半價）﹗千層豚肉卷  （6/10)呢個見到都好多人叫openrice，但個人覺得係 超級漏🙈好彩我哋 4個人share食，都會覺得一人一舊就好夠，有因為千層豚肉除咗油脂重，芝士都好多，加埋吉列皮，油之餘都好「漏」，味道唔差正常，個人就唔算好啱口味～ …查看更多

實小編係個餃子控﹗除咗旺角甜記、太子豐信、大埔遠東、觀塘滾餃同蒲公英和牛呢啲好高質。都仲會keep住去試其他餃子﹗今次介紹係 元朗 81 手工餃子，朋友買咗生餃煎嚟食﹗餃子皮夠煙韌，值得一讚餡料真係好好滿，仲好大隻餃子﹗味道雖然冇平時食開咁驚艷，但剩係差唔多拳頭哎大隻餃子同啖啖肉餡已經幾加分﹗不過元朗唔近我就冇咩機會食，如果經過呢間都會吸引我再食﹗1打 $48 - $60 （視乎口味）⭐：大隻爆餡﹗…查看更多

最近轉咗工好掛住以前上環返工附近有咁多好嘢食嘅日子  特別係勁多好正嘅Coffee Shop，今次呢個都係高質Cafe小店，個個同事都話呢到嘅咖啡高質，口啤仲好好👍畀錢時見收銀仲有手工曲奇賣﹗🍝PASTA in Homemade Tomato Sauce/w/ Prawn $108茄醬味道自然，酸酸甜甜咁好開胃，而且意粉軟硬啱啱好，醬都畀得好多，鮮蝦有特別再煎過先再煮，亦都香好多。☕Mocha -  可可味超級香濃﹗泡泡超棉密﹗好喜歡💕☕Cappuccino - 咖啡味道濃郁甘香，非常可口，受朋友讚賞﹐明顯比自己沖嘅真係爭得遠hahaha推介指數：⭐⭐⭐⭐⭐我個人就幾鍾意呢種小店，而且咖啡高質好飲，係位置唔多，如果有機會喺非繁忙時間嚟，值得嚟放鬆吓。…查看更多

—環境係普通嘅餃子小店，裝潢冇咩特別，簡單得嚟都算整潔，店員都幾親切。—$$價錢嚟講老實講相比其他旺角同觀塘食開嘅餃子店相比，就真係有啲貴嘅，58 10隻嘅話～比起甜記、蒲公英、豐信等等都貴，不過⋯⋯﹗喺大埔又真係冇咩餃子店選擇，作為街訪想食餃子我都會考慮，或者買生餃返屋企就抵啲﹗【湯底比甜記更香濃鮮甜】雖然話貴，但佢呢間嘅湯底我自己覺得係比「甜記」更香濃嘅魚味，蕃茄味都好鮮甜，整體個湯我覺得係比甜記更出色，滾得更入味嘅，以我今次食嚟講。我係清咗碗湯見到碗底的，仲想添多碗【餃子】芫茜胡椒鮮肉餃 7隻 $44 / 10售 $56芫茜好香，不過今次食略覺得胡椒味濃咗少少，遮蓋咗芫茜同少少肉味，呢個位有少少影響，不過整體味道同口感都好豐富，加埋個湯底都食。芝士粟米鮮肉餃 7隻 $48 / 10售 $58芝士好重手，食落真係會拉絲而且芝士味係好重好重嗰隻，真係餡料嘅味都會有少少搶咗鮮豬肉嘅味道，不過芝士餡真係比得好足，相比下我自己就會鍾意食芫茜鮮肉餃多啲。💬：湯底好出色，成碗清晒仲想再飲又唔會好咸好口渴，餃子就有少少比配搭餡料搶咗鮮肉味，不過整體都唔錯，而且大埔冇咩餃子店揀，我都有機會再回頭食﹗…查看更多

呢度係屋企人假日得閒會嚟嘅Cafe，屋企人就覺得好在美麗華呢度人流唔多，而呢間Turning Point就算係半開式都唔會覺得好逼，加上樓底算高，放假周圍都逼嘅程況下呢度就變成兩老飲咖啡嘅好地方。（雖然我見openrice評分嚟講麻麻，但我都抱住一試心態嚟）結果都覺得唔係好差嘅～Turning Point Powl吞會魚、雞絲、溫泉蛋、紫薯沙律、火箭菜、羽衣甘藍、青瓜絲、牛油果、脆包粒、青檸柚子汁係平時比較少食到嘅配搭，加埋幾開胃清新，唔似一般見到嘅all day breakfast，每樣嘅味道都okay! 呢個配搭都幾特別～三重蟹肉扁意粉［蟹籽、蟹肉、蟹棒］：味道同份量都滿意的，蟹棒有特別再整過，食落都夠入味，加埋蟹籽同蟹肉撈埋食好香﹗Cappaccino / Mocha以外行人嚟講咖啡拉花我會畀 100分🤣屋企人都因為鍾意呢度嘅拉花所以帶我嚟，咖啡大大杯，啡味好濃郁，唔會太苦又易入口。Apple Pie 蘋果批 $78…查看更多

環境—平時真係好少突登嚟中上環，次次都係約埋班女仔best friend嚟影吓相咁，經佢哋介紹就帶咗我嚟呢間新開嘅Coffee shop。環境以簡約清新嘅風格為主，顏色主要白、金、綠色幾種色調，有雲石枱同草草等元素，整體環境都幾靚，亦都幾適合平日嚟飲咖啡工作睇書咁，環境氛圍都比較靜啲/ 特色—Dirty $40味道就回甘味比其他濃啲，口感都好奶滑﹗Iced Mocha $45我個人鍾意飲﹗可可味恰度好處，而且同啡底好夾，可可味加咖啡香味好易入口，我個人好滿意～Iced Americano $38杯裝外型幾得意，味道比較中性，冇特別偏苦或偏酸，就冇話好大驚喜Croissant French $98我哋本身係 Tea time嚟到，所以剩係叫咗個甜品配咖啡，呢個係牛角包窩夫、可達芝士、自家製藍莓糖漬、蜜糖、無花果同士多啤梨，咁樣三塊牛角包窩夫 $98 嚟講我會話係偏貴，唔特別抵嘅，份量都唔多。不過整出嚟幾精緻、食落都鬆脆，醬汁同水果都 okay，三個人share就還好，但我覺得回頭指數唔高…查看更多

/地理位置係有少少偏遠嘅，就喺屯門建生商場，咁啱我夏天炎夏去，外面冇遮，商場又冇冷氣，熱到傻咗，所以相信嚟緊秋天去等位會冇咁辛苦 // 雖然位置偏但keep住都有兩三pair人排隊，店內位置唔算少，算係中間size嘅小店，裝潢都幾靚入面，田園風簡簡單單，同個舊商場好似特別唔夾咁～/蟹籽明太子意大利粉 $75嚟到第一下見到都嘩咗聲，上面嘅蟹籽畀得好多好正🥰而且明太子醬畀得好足都整得好均勻，而且味道夠creamy又唔會太咸，意粉軟硬度啱啱好，重點係份量勁爆多，我哋兩個女仔share都食到勁飽，一個女仔好大機會食唔晒🙈墨西哥莎莎莎醬熱狗 $40呢個真係開胃之選，味道酸甜帶辣，味道豐富又多層次，而且加埋墨西哥莎莎莎醬有洋蔥碎蕃茄碎同牛油果醬，口感都好豐富，而且配埋粗薯條都好夠飽﹗桂花蜜糖鮮奶咖啡 $44第一次聽桂花蜜糖配咖啡，叫嗰陣都有少少擔心，但嚟到試飲比想像中好飲﹗估唔到都幾夾，入口桂花味好香，而且蜜糖嘅甜味好自然又易入口，唔似平時啲砂糖嘅甜味﹗好新鮮嘅口味﹗Dirty $40Dirty嘅口味都唔錯，易入口又有咖啡嘅甘香，亦都有奶滑嘅口感，又唔會甜﹗（因為唔算試過好多Dirty嘅咖啡，不過呢杯由入口都啡香到甜味我都滿意。）（不過我個人都幾鍾意桂花同蜜糖，所以相比之下我就覺得「桂花蜜糖鮮奶咖啡」更值得一試啦﹗ …查看更多

週末同屋企人行完街，就諗住喺 LCX附近揀間餐廳，坐得舒服嘅早早哋食個晚，見呢間酸菜魚門面唔錯就嚟咗食。環境方面｜位置多，布置以中式為主，好彩嘅話有海景睇，不過我就唔係坐海景位，幾多卡位坐，Setting唔太迫，啲餐具好似幾精緻幾靚咁食物方面，同屋企人二人叫咗個辣辣招牌晚餐，我哋都係兩個人食。有兩款前菜、四款招牌菜同一款甜品，如果可以包埋飲品就感覺再抵啲前菜有口水雞同酸辣紅哲花，我就特別鍾意酸辣紅哲花，超級爽口同開胃，如果俾多碟都可以清得晒，口水雞都唔錯，雞肉嫩滑入味食完前菜，隔咗陣就嚟咗酸菜魚，都幾大盆，酸菜魚份量都唔少，而且特別多酸菜同芽菜配，仲好似有我最愛嘅萵荀，算幾豐富聽店員講呢度酸菜魚比較特別嘅係加咗迷迭香，我又真係搵到﹗之後就有3款酸菜，特別惹味嘅川辣小菜我會話係干鍋福建椰菜花，好想拎嚟送飯另外自家酸菜炒肉末薄餅都幾特別。最後係酒釀桂花湯圓，酒釀桂花嘅糖水底比較稠，唔同平時食嘅上海傳統嘅桂花釀，湯圓味道不錯…查看更多

本身有聽過呢度嘅臭臭鍋唔錯，但冇咩人排隊，咁啱夜晚諗唔到食咩就嚟試一個普通嘅台式晚飯諗住，點知發現普通嘅台式料理都都真係偏普通唔係話唔正宗，係以呢個價錢食台灣最平最平嗰種台式滷肉嘅質素，就感到唔太抵食。總括嚟講同隔離阿木相比真係 阿木好味好多，希望呢間良心小店會改善一下。先講環境啦，呢度樓底都算幾高，裝修又ok，以格仔白牆為主題，幾有台灣cafe feel，坐位唔算好闊或者特別窄。食物方面，滷肉飯嘅滷肉係好Hea嘅滷肉汁同肉碎，肉碎有少少似快餐店嘅魚香茄子肉碎質素，好「林」冇咬口，唔係特別香滷肉味，肉質都好一般。不過炸雞扒搭救，鹽酥雞扒脆卜卜，入面雞肉都幾嫩滑，調味唔會過咸，呢方面做得唔錯另外我哋叫咗香辣五寶麵，香辣湯底好唔掂，得個辣字，係就係好辣，但完全冇應有嘅咸味同湯底味，亦唔特別香，成碗麵同餅都係得個辣字，牛肉有少少韌，會痴牙，好普通都唔特別推介。…查看更多

而家夏天食魚生最緊要保持新鮮，有時唔想食咁貴，壽司郎又長期排隊，呢個時候就會嚟到我自己嘅「魚生飯堂」鐵火堂，因為相比其他佢價錢相宜之餘，魚生亦有唔錯嘅水準，食過起碼 5次都冇失望值得一戰再戰，間唔中仲有朋友仔同我講呢間好食今次我哋兩個都係揀自選，我揀咗呑拿魚腩碎、火炙左口魚邊、火炙三文魚、牡丹蝦、中拖羅 五款 都係 120蚊左右另一個就揀咗蟹籽、赤蝦、帶子、吞拿魚、油甘魚等等。小編覺得基本上唔同款式嘅刺身水準都唔錯，重點係選擇多，而且質素都唔錯，壽司飯都幾好食唔會太酸個人就最推介呑拿魚腩碎、火炙左口魚邊、火炙三文魚呢三款，幾乎每次必叫…查看更多

機緣巧合下嚟到新蒲崗Nuttea ，其實有段時間係呢區返工都成日幫襯，不過平時就飲堅果奶同水果茶多，今次隔咗一排諗住再試返佢個堅果奶蓋茶，睇吓水準有冇落差先對比旺角店，其實新蒲崗分店嘅環境都幾舒服，又有大落地玻璃又有 4-5個位可以坐，有張茶几仔，同朋友飲杯坐低講兩句都得，好少茶飲店有位坐㗎都嘢飲方面，堅果奶蓋嘅質感比平時芝士奶蓋更綿密，不過相對就冇芝士嘅咸香，如果想飲芝士嘅你應該會失望，不過如果你係期待有新驚喜，咁可能就幾啱你，因為堅果奶蓋嘅堅果味都幾濃厚，加埋四季春茶底都好香醇，其實都唔錯㗎…查看更多

#佐敦有時除咗去打卡，都會有想普通食一餐簡單茶記🍽️嘅時候，呢個時候廟街冰室就可能係你喺佐敦少數嘅良心小店之選😳------------------------午餐蕃茄肥牛湯米線 $48蕃茄湯底味道自然，唔會一味死甜，仲有大大舊蕃茄食🍅，肥牛都係偏薄身嗰種邊爐肥牛，因為比較薄身，所以易咬。------------------------雞扒米線米線餐有揀麻辣同喇沙湯底，我叫咗喇沙，咁當然都預咗同平時專食新咖坡、馬來西亞專門店嘅喇沙有落差😂明顯冇咩椰汁味啊花生味嗰啲，不過都係可接受，茶記喇沙嚟講，同正宗味道爭得遠都食到少少個「感覺」。當然希望喇沙湯底可以惹味啲、濃稠啲似返正宗喇沙湯啦🤭🤭🤣🤣另外雞扒同米線分開上呢個係唔錯嘅，雞扒係煎嘅，Keep到有幾薄嘅雞皮，食落都唔鞋，唔會煎到皮硬咗一塊咁。------------------------推薦：🌕🌕🌕🌘🌑性價比：🌕🌕🌕🌗🌑價錢大概都係40-60，唔會太貴，喺佐敦嚟講算裝修比較新嘅茶記…查看更多

「媽咪雞蛋仔」好多人都識，想食新鮮雞蛋仔最緊要有耐性等！上環呢間媽咪雞蛋仔都係第一次食，大概等 8-10分鍾就有，唔算太耐，今次純粹耐冇食見到原來轉咗新包裝幾得意咁🍌🍫香蕉朱古力雞蛋仔 $30 新鮮整出嚟，一拎上手熱辣辣，而且做到最緊要係外脆內軟，朱古力味比香蕉味濃。呢個配搭好夾，不過個人覺得香蕉味淡咗啲，如果香蕉味再突出啲，或者可以加一粒香蕉肉喺內面好似平時紫薯咁就好了💛不過我都唔知咁樣會唔會再好食啲感覺上會哈哈…查看更多