connie2607's Profile

今朝去麥當勞食熱香餅做早餐(堂食)，三塊熱香餅嘅邊都非常之硬，似係一早整定咗，然後擺咗勁耐，好難食👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻上網睇，原來啲人話熱香餅一早變晒做預製貨，唔怪之得已經變成劣食P.S.因為冇諗過難食到要寫食評，所以冇影到相～～～～～～～～～～～～～～～～～～～～～～～～～～～～～～…Read More

昨日下午茶時段同朋友去食tea tales，唔知點解明明下午茶時段全餐廳只得幾枱客，都要安排將所有客人迫埋一齊坐。明明張二人枱細到放唔晒所有點心，都要寧願將唔同點心搬埋一碟 (睇啲相就知啲野食放到好迫)，都唔肯將隔離張枱泊埋一齊放點心。人均消費唔低，但坐得唔舒服， 食得唔舒服。食物質素方面，點心雖有創意，但質素只屬一般，最好食反而係甜品。總括而言， 以人均消費接近$400 /位嚟講，下午茶tea tales性價比低，寧願加多少少錢食國金軒任食點心好過， 起碼唔使好似茶餐廳咁坐到咁迫。…Read More

咁啱見到新鮮出爐嘅蛋撻, 於是決定買4個 (買三送一)買果陣同店員講明要新鮮出爐果啲蛋撻, 點知拎到返屋企(幾個字路程) 發現竟然係凍冰冰嘅, 覺得俾人呃咗.如果店家規定客人唔可以有咁嘅要求, 應該要喺顧客俾錢之前表明, 而唔係應完顧客之後暗地裡俾啲凍嘅人哋.覺得蛋撻太甜, 再加上返到屋企後發現收多我$1, 感覺店家嘅營商手法幾唔老實, 唔會再幫襯 !…Read More

今日約咗朋友食lunch, Ciao Menu 只得兩款main course選擇，但唔啱食，所以決定散叫我哋叫咗意大利特色早午餐 (All Time Brunch), 龍蝦意大利飯 (Lobster Risotto), 甜品方面叫咗棋盤蛋糕 (Scacchiera)All Time Brunch, Lobster Risotto唔錯, 棋盤蛋糕唔太甜但蛋糕果部分有少少乾, 都算唔錯但之後我哋搵女侍應幫我哋影相，佢即刻皺晒眉頭咁行過嚟😅😅😅, 呢樣野令到整體用餐體驗扣咗唔少分數. 如果唔係整體食物質素算唔錯, 我會俾負評 本來諗住遲啲再去食afternoon tea, 而家不了 …Read More

終於等到大渣哥港島分店開張, 當日大約早上十點左右嚟到, 店內都幾多人, 但好彩唔使等位.店內環境光猛, 乾淨企理, 坐位闊落, 坐得幾舒服.柯打了早餐B, 香煎豬扒通粉配丹麥多士及炒蛋加熱檸水. ($45）香煎豬扒通粉 豬扒整塊上, 比想像中大塊, 煎得香口, 幾好食.通粉淋得嚟都ok, 有舊時茶餐廳嘅風味.湯底唔錯.丹麥多士, 炒蛋多士正常水準, 炒蛋幾香幾滑服務幾好, 侍應有禮貌整體嚟講, 早餐食物質素中上😋, 環境舒適, 對我嚟講係灣仔茶餐廳食早餐嘅首選. 👍🏻…Read More

今日嚟西營盤食早餐, 呢度嘅早餐可以自由配搭, 唔會好似平時其他Cafe嘅All day breakfast咁限制咗選擇, 而且焗住食咁多野. 呢度落單係自助形式, 首先喺counter落柯打, 之後搵位, 職員會送上食物, 飲品. 餐具, 清水, 調味料(鹽, 黑椒粉)放咗喺近門口嘅地方一睇menu就俾Eggs Your Way呢版吸引咗, 最後柯打了: Scrambled egg ($35)Pancakes (+ $20)Fries (+ $10)Mixed Green (+ $10)食物賣相吸引, 而且份量比想像中大. Scrambled egg - 蛋炒得滑Pancake - 正常水準, 上面已淋上了楓糖漿Fries - 薯條即炸, 好脆Mixed Green - 有沙律菜, 藍莓, 車厘茄, 食材新鮮, 加上沙律醋, 幾開胃總括而言食物選擇自由度高, 而且有質素. 餐廳環境舒適, 可以再幫襯…Read More

Bookmark咗呢間外賣小店一段時間, 終於有機會路過灣仔試下...雖然話可以提早20-30分鐘打電話, 或者用apps (Shopper)落單. 不過諗住今日係星期日, 應該唔會太多人, 所以都係去到才order.果然星期日冇乜人, 去到店門外只有一個人等緊野食. 本來打算食黑松露蛋治 ($24), 不過見到餐牌有新出嘅蔥花蛋治 ($22)都幾吸引, 就試下新野啦......落order後等了大約10分鐘後就拎得. 蛋治唔使額外要求, 本身已經烘底, 蛋炒得幾滑, 帶有蛋汁, 唔會太油. 蔥花份量落得足夠, 每一啖都會食到蔥嘅香味. 如果麵包用上厚切白包會更好食 . 整體嚟講, 食物質素有驚喜, 下次嚟灣仔附近可以再幫襯 . …Read More

自從武肺疫情第三波後, 好少出去外面食野. 今日咁啱要去上環做啲野, 就順便喺度食個早餐先. 我揀咗B餐, 鮮忌廉豬骨湯鮑魚火腿絲通粉配4.3牛奶炒日本滑蛋 + 多士走油 ($38)鮮忌廉豬骨湯鮑魚火腿絲通粉 😋湯底幾濃, 有忌廉湯味. 通粉係有坑紋果隻, 煮得啱啱好 👍🏻 (我好怕食到啲煮到淋晒, 冇晒質感嘅通粉)4.3牛奶炒日本滑蛋 + 多士走油 😋炒蛋夠滑👍🏻, 多士烘得夠脆早餐份量足, 食到好飽. 食到最後先見到menu寫住可以+$3走包轉柚子醋沙律, 太遲發現㖭 🙈服務態度唔錯, 加上食物質素高, 價錢合理, 絕對會再幫襯 🤤…Read More

晚上11點幾想搵宵夜食, 但唔想食得太heavy, 於是喺openrice度搵下, 最後決定食粥 ......但不論係Openrice定係Google 地圖, 都係錯嘅......搞到我搵咗勁耐. 最後要爬文, 見到有食家教喺地鐵站B2出口轉彎就係, 我先至搵到我叫咗瘦肉粥 ($32) 同埋 齋腸 ($20)瘦肉粥唔錯, 即拉腸粉好食, 夠薄夠滑, 豉油同醬都落得足, 比一般粥店好食得多. 可惜呢個粥檔只開晚上至凌晨, 都唔知下次幾時再有機會嚟食.P.S. 希望Openrice 改返個地圖, 以免再有人中伏搵餐矇…Read More

據聞澳牛由於武漢肺炎關係, 曾經停業一段時間, 並於上月尾重開. 重開後終於搵到機會嚟食早餐, 竟然唔使排隊, 以前即使閒日早上, 都要排幾個字先入到去.早餐$38, 包火腿通粉, 多士, 炒/煎雙蛋, 熱飲一杯 (凍飲加$2)試過唔少坊間茶餐廳/冰室標榜嘅“澳牛炒蛋”, 雖然賣相差不多, 但都冇澳牛炒蛋嘅神髓, 就算質感差不多, 始終蛋味都唔夠香濃.仲有, 發覺澳牛侍應比以前好禮貌咗 (本身態度都唔差, 起碼佢哋對老人家不嬲係比較貼心).…Read More

之前食過一次“阿元來了”, 對爆蛋雞肉飯念念不忘.........由於最近武漢肺炎肆虐, 所以決定買外賣返公司食。雖然返到公司已一段時間, 但都仲係好好食, 雞肉份量多, 雪菜惹味, 撈埋蛋食更一流。咁啱有優惠, 八折後$34, 好抵食...........可惜午市冇蛋餅, 如果唔係應該會order一份..............希望武肺疫情快點過去, 到時可以約朋友一齊去, 一次過試多啲野食.............…Read More

今日約了朋友試只在星期一至五供應嘅「鳥·語」下午茶.....Tea set 賣相吸引食物質素ok, 份量多cheese cake同埋朱古力撻偏甜但衞生環境有待改善......第一次喺酒店食tea會見到蚊滋同埋烏蠅飛嚟飛去, 搞到我成日都要留意佢哋有冇"hi"到我哋啲野食, ......但百密一疏, 有一次隻蚊滋真係"hi"到啲野食, 不過我哋同侍應反映後都有換返俾我哋另外, 雖然係閒日, 但都有8成full, 好彩我哋坐窗邊位, 否則都幾嘈, 好難傾計.....總括而言, 雖然呢個tea set賣相一流, 份量多, 都算抵食, 但不論環境, 衞生情况都同港島香格里拉有一段距離, 尤其是以一間五星級嘅酒店嚟講, 竟有蚊滋, 烏蠅飛嚟飛去, 實在難以接受, 呢度真係扣咗好多分數.…Read More

原本打算去另一間食拉麵, 但仲有幾個字才到晚市開門時間, 於是周圍逛逛, 咁啱經過一幻拉麵, 見到營業中, 而且唔使排隊, 所以就改變主意......服務方面唔錯, 坐低冇耐已有店員主動上前介紹各款拉麵...由於喺門口已經俾張海報吸引, 於是柯打了“冬日限定 - 辛辣味噌蝦湯拉麵” ($88)一碗拉麵最基本要求係湯要夠熱, 而一幻拉麵完全做到呢樣野 , 好正 不過雖然話係辛辣, 但其實幾乎一啲辣味都冇.....湯底有好香嘅蝦味, 好濃好香.....落埋蒜泥仲正 ~揀咗粗麵, 麵條有咬口, 雖然有鹼水味, 但唔太重, 可以接受 ......配料有半隻溏心蛋 + 兩片薄叉燒P.S. 1. 加一收費2. 收信用卡3. 見到其中一隻水杯有少少污漬, 希望店方多加注意 !…Read More

星期五晚上約咗朋友食泰國菜大約19:30去到, 仲有唔少位剩我同朋友柯打了:1. 炸蝦餅我同朋友都覺得唔好食. 炸蝦餅冇乜蝦味, 而且覺得唔太新鮮, 應該係我食過咁多間泰國菜之中, 最難食嘅炸蝦餅.2. 香葉肉碎生菜包不過不失3. 蝦醬肉碎炒飯唔錯嘅 ......4. 泰式豬濕炒河粉呢個炒河好食, 河粉係用闊果隻, 加上又夠薄. 個獻汁又打得幾好, 食到最後都唔會變水汪汪.總括而言, 食物質素拉上補下之後都算合格. 位置就腳, 喺觀塘地鐵站行大約10分鐘就到但喺九龍區嚟講有更好嘅選擇P.S. 免加一…Read More

第二次嚟呢度食泰國菜今次同朋友一齊嚟 ..............我哋兩個人點了以下食物：1. 泰式蝦餅 (4件）$ 662. 青芒沙律 $683. 青咖哩雞 $884. 鮮蝦炒金邊粉 $885. 焗蒜蓉法包 $48食物同上次一樣咁好食 ~~~而且份量足, 我同朋友都食到好飽 .......................服務都好好, 職員會不時主動幫我哋加水 P.S. 1. 只收現金~2. 星期五晚全場full晒, 最好預先book位 ~…Read More