ivaleung's Profile

有好多唔同嘅小食選擇！真係樣樣都想叫！價錢都好經濟揀咗三款小食：雞翼、麻醬粉皮、炒年糕好驚喜個年糕竟然拍得上尖沙咀百幾蚊一份既炒年糕！…Read More

見OPENRICE有咁多好評，打算試一次，諗住唔會太伏，呢個諗法實在太天真週末到訪，餐廳內小貓三四隻，都未察覺有唔妥三個人叫咗三款食物鹽酥雞肉燥飯先出，賣相同味道都真係唔錯嘅，以為陸續出嘅食物都會好啦，又係一個天真嘅諗法紅花蟹肉意大利闊麵：極品，食落口一陣酸叔味人流稀少、天氣炎熱惹的禍，酸叔麵盛惠$82鮮茄海鮮燉飯：一碗飯嘅份量都無，2隻青口，1隻蝦，盛惠$82（隔離枱嘅食客同樣Order咗呢個飯，食物端上只見食客望住面前嘅飯講左句：「嘩！有無搞錯」）食茶記都無咁伏.....…Read More

係openrice見到咁多人like呢間拉麵店，諗住試下啦。進入拉麵店，感覺比較日式，香港寸金尺土，店內面積都比較「骨子」。當日店內都坐滿人，不過店內最入有2個位，就行咗入去，點知行到入去，有陣好UP嘅氣味，當時進退兩難之際，門口位置有人離開，即刻要求坐門口位。雖然位置係比較狹窄，有好味嘅嘢食，狹窄都係無傷大雅。點咗一個普通嘅豚肉拉麵同一個較特別嘅綠色湯拉麵，豚肉拉麵湯底都濃嘅，都ok啦。而綠色湯拉麵，其實我食唔出有咩特別味道，係比豚骨湯濃味d，都幾好味嘅！自問普通一個女仔，食量都算大，呢碗麵對我嚟講真係好少......最後要去食窩夫墊肚…Read More

是日晚上唔煮飯，又想食日式，而大埔中心越開越多一式一樣嘅連鎖餐廳，並非個人喜好之選。諗起呢間平時較少幫襯嘅小店，一行三人，去到等咗幾分鐘位。食物選擇有好多，所以都考慮咗好耐先決定食咩。玉子，對佢太大期望，好普通嘅蛋卷串燒拼盤，不過不失我不嬲都鐘意燒三文魚頭，好味超咸！食左兩啖頂唔順拎走返屋企加飯落去再炒...刺生都係咁，不過不失鰻魚飯，都幾好，不過好似有個位小小燒燶咗嘅味道好好味！…Read More

每次食晚飯，最難既就係諗食咩！求其行入間餐廳，抱住伏都係伏一次既心態去試食鐵板燒當然要坐bar枱，睇廚師既手藝！邊睇、邊食、邊傾，就兩個半鐘。講下重點：肥廚師哥哥！見佢好似工作得好開心，首先，就係佢每扭一次黑楜椒瓶、每換一次手上煮食工具都會使出渾身解數，好似耍雜技咁，太有趣！第二點，佢同所有唔同既食客都可以傾計，男女老少都完全同佢有講有笑，因為廚師哥哥既外向、樂觀製造好和諧既氣氛，帶動所有陌生既食客都一齊有講有笑，令到我好投入呢餐晚飯，第一次短短既時間可以同隔離素未謀面既食客有咁多互動，好warm，廚師哥哥好掂呀！第三就係佢同大家互動之間，又不忘煮食物，好堅！第四就係廚師哥哥既火技嘆為觀止介紹下食物，叫咗個2人set $56x +10%三文魚+翠玉瓜、茄子虎蝦…Read More

尖東位置人流比較少，所以同男朋友想去旺區，又想避開人流，走到尖東小商場避一避Master Chocolate店內空間比較窄，只容納大約8名食客，裝修都比較光鮮，感覺幾乾淨，order咗兩件朱古力蛋糕同一杯特濃朱古力、咖啡，朱古力特別濃郁！幾滿足，不過都幾漏…Read More

由中學拍拖到現在出嚟工作，都一直支持Euro go go！兩個人係香港想食好d，無四、五百都唔洗旨意有味道好，份量多既美食（或者我發現唔到，可以介紹俾我！）而euro go go既食物價錢、份量、味道都成正比，唔會太離地，而且中學到現在，食物加價唔多，因此一直支持1. 最愛既忌廉蘋果脆脆玉桂粉同已焗好既蘋果片，加上忌廉，好match，蘋果片唔會太淋，唔漏！飯後甜品一流2. 焗麵包，玉桂味重，都幾正3. 忌廉朱古力，中學既回憶，依舊既濃郁朱古力4.薯皮一定要走蕃茄醬，否則勁酸！5. 蜜糖雞翼十個讚！…Read More

話說三個女仔相約週末在大埔同上水之間見面，女仔之間當然要搵d好坐、好hea、好輕鬆既cafe傾下計、影下相，大埔既靚靚coffee shop又好唔就腳，所以只有該選擇。初次光臨，樓下已滿坐，店長哥哥帶我地上隔離唐樓一樓位置，幸運地樓上有一張三人面向街景既位置。三人座既佈置有種田園既感動，即刻有得扮下偽文青，影返幾張相。擾攘左一輪，叫左個set，有黑醋、烟三文魚、兩塊餅、大量沙律菜、一杯mocha，盛惠$90，無咩烹調技巧既食物，一般啦！Mocha都幾好飲，幾濃味，拉花都靚不過最重要係有個舒服既環境girls' talk…Read More

同男朋友出街拍拖，都鐘意去d坐得舒服、Hea d既餐廳，可以傾下計、影下相。最初dazzling開張時，太多人排隊既緣故，最近先去試。dazzling絕對適合少女心既女孩們，甚至俘虜埋男朋友既少男心1. Strawberry and ice cream waffle幸福嘅味道2. Royal matcha latte男朋友好愛呢杯3. 法式草莓奶茶我覺得一般4.明太子意大利麵雖然無餸，但個汁好好味5. 弗羅倫斯花枝干貝麵感覺有d乾，不過粒帶子勁大粒，好味…Read More

無可否認，佳佳係眾多糖水店最好味，應該話同其他無得比，公司樓下就係佳佳，慶起就走落去食碗糖水！芝麻糊、湯丸、蕃薯糖水、楊枝甘露、雞蛋腐竹糖水⋯⋯樣樣都得！仲有價錢絕對對得住天地良心！…Read More