CobiChan7081的個人專頁

呢排真心好忙，已經好耐無嚟食飯喇，原來已經轉咗手，不過食物水準依然出色。個粟米湯真係好出色，又香滑又有層次，配果個香草包都好脆，就算唔落牛油都好夠味 ，啱晒飲濃湯做配襯五重芝士pizza ～餅底十分鬆脆，就算有五重芝士都唔覺得膩，我一口氣都食咗三件，我另一半包底食晒，仲讚不絕口。至於乳鴿就好淋好入味，擺盤美觀，我另一半話啲南瓜烤得都好淋，不過總的來說對比pizza就無乜驚喜。下次有時間可以再試埋個二人餐先得。…查看更多

聖誕同另一半喺油麻地行到攰又夠鐘食Dinner，於是近近地又去返呢間餐廳。唔講咁多廢話，羅勒蕃茄濃湯同法式海鮮龍蝦湯一如保持水準，main就叫咗炭燒西班牙粟飼配黑醋蘋果蓉帶骨豬，燒到外脆內軟，冇得輸，而烤美國野雞配法式金菌牛油汁雞肉好軟滑，好好味👍🏼另外再嗌嘅黃金薄脆海鮮酥就真係麻麻，凍咗同失水準，蜜糖雞翼唔錯不過不失啦。跟餐甜品雖係自家製，但唔太好引起我興趣，所以散嗌兩個雪芭，菠蘿雪芭同朱古力雪芭，反而有驚喜，兩個甜度都恰到好處。下次經過會再幫襯。…查看更多

自從上年去過，之後一直想再去可惜就禁左晚市，最近趁朋友有空一起再去，服務員依舊細心有禮，裝修好似唔同左，但依舊坐得舒服，食物飲品方面多左好多新選擇，煥然一新，依然keep到水準 ，值得一讚 😏好多地方轉新野後 食物好味程度會下降 ，好彩呢度冇令我失望，好味程度冇跌仲有新驚喜😋記得上次係因為好少地方有黃金意大利飯所以就叫左，上次一試難忘 ，所以今次再order是必然的，🤭估唔到佢再次改良之後，味道仲好食左，超驚喜😝😍…查看更多